 | ນາຍທະຫານ ຫວຽດນາມເຂົ້າຮ່ວມກຳລັງຮັກສາສັນຕິພາບຂອງສະຫະປະຊາຊາດ ຕື່ມອີກ 3 ຄົນ |
| ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ສປປ ລາວ ຊຸດທີ VIII: ທົ່ວປະເທດມີຜູ້ຖືກຫາຫຼາຍກວ່າ 8 ພັນຄົນ |
ວັນທີ 2 ມັງກອນ, ຢູ່ຮ່າໂນ້ຍ, ກະຊວງປ້ອງກັນປະເທດໄດ້ຈັດຕັ້ງພິທີມອບມະຕິຂອງປະທານປະເທດໃຫ້ແກ່ນາຍທະຫານ 8 ສະຫາຍ. ໃນນັ້ນ, ມີນາຍທະຫານ 6 ສະຫາຍ ຈະໄປຍັງ MINUSCA, ດຳລົງຕຳແໜ່ງບັນດາຖານະນາຍທະຫານເສນາທິການຝຶກແອບ, ນາຍທະຫານເສນາທິການອຸປະກອນ, ນາຍທະຫານສູ້ລົບ, ນາຍທະຫານແກ້ໄຂ ແລະ ວິເຄາະຂໍ້ມູນສືບຂ່າວ, ນາຍທະຫານຂໍ້ມູນ - ສື່ສານ, ນາຍທະຫານເສນາທິການສືບຂ່າວ; ນາຍທະຫານ 2 ສະຫາຍ ໄດ້ຜັນຂະຫຍາຍໄປເຖິງ UNMISS ດຳລົງຕຳແໜ່ງຖານະນາຍທະຫານເສນາທິການ ແລະ ໃນຖານະພະນັກງານ ແລະ ນັກສັງເກດການທະຫານ.
 |
| ທ່ານພົນໂທ ຮວ່າງຊວນຈ້ຽນ ໄດ້ມອບມະຕິຂອງປະທານປະເທດໃຫ້ບັນດານາຍທະຫານ. (ພາບ: ກະຊວງປ້ອງກັນປະເທດ) |
ກ່າວຄຳປາໄສມອບໝາຍໜ້າທີ່ທີ່ພິທີ, ທ່ານພົນໂທ ຮວ່າງຊວນຈ້ຽນ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ເຊື່ອໝັ້ນວ່າ ບໍ່ວ່າຈະດຳລົງຕຳແໜ່ງໃດ, ບັນດານາຍທະຫານຈະປະຕິບັດໜ້າທີ່ ແລະ ສົມທີ່ຈະໄດ້ຮັບເປັນຜູ້ຕາງໜ້າສັນຕິພາບຂອງ ຫວຽດນາມ; ປະກອບສ່ວນໂຄສະນາເຜີຍແຜ່ບັນດາຄຸນງາມຄວາມດີຂອງ “ທະຫານລຸງໂຮ່” ກໍ່ຄືຮູບພາບຂອງປະເທດຊາດ ແລະ ປະຊາຊົນ ຫວຽດນາມ.
ທ່ານຮຽກຮ້ອງໃຫ້ບັນດານາຍທະຫານ ຕ້ອງຮັບປະກັນຄວາມປອດໄພຢ່າງເດັດຂາດໃນຂະບວນການປະຕິບັດໜ້າທີ່ຢູ່ນອກບໍລິເວນ; ມີຄວາມໝັ້ນໃຈສະແດງຄວາມຄຸນນະທາດ, ທັກສະວິຊາສະເພາະຕໍ່ກັບເພື່ອນຮ່ວມງານສາກົນ. ໃນຂະບວນການປະຕິບັດໜ້າທີ່ຢູ່ຫ່າງໄກຈາກປະເທດຊາດ, ຍາມໃດກໍຕ້ອງສົມທົບກັນຢ່າງແໜ້ນແຟ້ນກັບບັນດາສະຫາຍໃນກຸ່ມປະຕິບັດງານເພື່ອຮັກສາຄວາມສາມັກຄີພາຍໃນ; ຍົກສູງຈິດໃຈຂອງຄວາມຮັກແພງຊ່ວຍເຫຼືອເຊິ່ງກັນ ແລະ ກັນ; ແບ່ງປັນ, ແລກປ່ຽນປະສົບການ ແລະ ຂໍ້ມູນຂ່າວສານ; ຊ່ວຍເຫຼືອເຊິ່ງກັນ ແລະ ກັນໃນໜ້າທີ່ວຽກງານໃຫ້ສຳເລັດເປັນຢ່າງດີ.
ທ່ານພົນໂທ ຮວ່າງຊວນຈ້ຽນ ຕີລາຄາສູງເລື່ອງ ຫວຽດນາມ ສືບຕໍ່ສົ່ງບັນດານາຍທະຫານໄປປະຕິບັດໜ້າທີ່ຮັກສາສັນຕິພາບໃນຫຼາຍຕໍາແໜ່ງຕ່າງກັນ, ພິເສດແມ່ນເພີ່ມຈໍານວນບັນດານາຍທະຫານຍິງເຂົ້າຮ່ວມ. ທ່ານຮຽກຮ້ອງໃຫ້ບັນດາອົງການ, ຫົວໜ່ວຍຮັກສາປະສິດທິຜົນໃນວຽກງານສ້າງແຫຼ່ງກຳລັງ, ເພີ່ມທະວີການຄັດເລືອກບຸກຄະລາກອນເພດຍິງໃຫ້ຕອບສະໜອງກັບຍຸດທະສາດ “ຄວາມດຸ່ນດ່ຽງທາງເພດ” ຂອງສະພາຄວາມສະຫງົບ ສະຫະປະຊາຊາດ ກໍ່ຄືຄຳໝັ້ນສັນຍາຂອງ ຫວຽດນາມ ໃນການຍົກສູງມາດຕາສ່ວນທະຫານຍິງເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດໃນໄລຍະຈະມາເຖິງ.
ມາຮອດປະຈຸບັນ, ຫວຽດນາມ ໄດ້ສົ່ງພະນັກງານ, ລັດຖະກອນເກືອບ 1.100 ຄົນເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດຢູ່ 3 ຄະນະຜູ້ແທນ ແລະ ສຳນັກງານສະຫະປະຊາຊາດ. ປະຈຸບັນ, ກົມຮັກສາສັນຕິພາບ ຫວຽດນາມ ພວມຕັ້ງໜ້າກະກຽມສ້າງຕັ້ງກອງທະຫານຊ່າງແສງ ເລກ 4 ແລະ ໂຮງໝໍເຄື່ອນທີ່ຂັ້ນ 2 ເລກ 7 ເພື່ອຜັນຂະຫຍາຍໃນປີ 2025.
 | ນາຍທະຫານ ຫວຽດນາມ ເຂົ້າຮ່ວມ ງານສະແດງການທະຫານສາກົນ 2019 ຢູ່ ລັດເຊຍ ຍສໝ - ປີນີ້ແມ່ນປີທີສອງ ຫວຽດນາມ ສົ່ງຄະນະນາຍທະຫານເຂົ້າຮ່ວມງານສະແດງການທະຫານສາກົນ ຊື່ງດຳເນີນແຕ່ວັນທີ 3 -17 ສິງຫາ ຢູ່ ລັດເຊຍ ດ້ວຍຫລາຍເນື້ອໃນແຂ່ງຂັນ ແລະ ໄດ້ຈັດຕັ້ງໃນພາບດຽວຢູ່ 9 ປະເທດ. |
 | ປິດຊຸດຮຽນພາສາລາວໃຫ້ພະນັກງານລັດຖະກອນ ແລະ ນາຍທະຫານ ແຂວງແທງຮວາໃນປີ 2019 ຍສໝ - ຕອນບ່າຍວັນທີ 30 ກໍລະກົດ 2019, ກອງບັນຊາການທະຫານຊາຍແດນ ສົມທົບກັບພະແນກພາຍໃນແຂວງແທງຮວາ ໄດ້ຈັດພິທີປິດຊຸດຮຽນພາສາລາວໃຫ້ພະນັກງານ 43 ຄົນທີ່ເປັນພະນັກງານລັດຖະກອນຂອງເມືອງ ເມຶ່ອງລ໋າດ, ກ່ວານເຊີນ, ກ່ວານຮ໋ວາ... ແລະ ນາຍທະຫານວິຊາສະເພາະ ທີ່ເຮັດວຽກຢູ່ຄ້າຍທະຫານປ້ອງກັນຊາຍແດນຫວຽດນາມ - ລາວ. |
ແທັງຮັ່ງ
