ສັນ​ຍາ​ການ​ຄ້າ​ເສ​ລີ ຫວຽດ​ນາມ - ອິດ​ສະ​ລາ​ແອັນ: ພື້ນ​ຖານ, ເພີ່ມ​ທະ​ວີ​ການ​ຄ້າ​ສອງ​ຝ່າຍ

ຍສໝ - ວັນທີ 11 ທັນວາ, ຢູ່ຮ່າໂນ້ຍ, ໄດ້ດຳເນີນກອງປະຊຸມສຳມະນາແນະນຳສັນຍາການຄ້າເສລີ ຫວຽດນາມ - ອິດສະລາແອັນ (VIFTA). ກອງປະຊຸມສຳມະນາໂດຍສະຖານທູດອິດສະລາແອັນ ປະຈຳ ຮ່າໂນ້ຍ, ຄະນະຜູ້ແທນເສດຖະກິດ ແລະການຄ້າອິດສະລາແອັນ ປະຈຳ ຫວຽດນາມ ສົມທົບກັບກະຊວງອຸດສາຫະກຳ ແລະການຄ້າ, ສະຫະພັນການຄ້າ ແລະອຸດສາຫະກຳ ຫວຽດນາມ (VCCI) ຈັດຂຶ້ນ.

ທ່ານ ຫງວຽນຊິງເຍິດເຕິນ ຮອງລັດຖະມົນຕີກະຊວງອຸດສາຫະກຳ ແລະການຄ້າຫວຽດນາມ ໃຫ້ຮູ້ວ່າ: ສັນຍາຜ່ານຜ່າໄລຍະເຈລະຈາດ້ວຍຄວາມມານະພະຍາຍາມ, ຄວາມຕັດສິນໃຈຫຼາຍຢ່າງຈາກທັງສອງຝ່າຍ, ຮັບປະກັນລັກສະນະດຸ່ນດ່ຽງ, ກວມລວມໃນຫຼາຍຂົງເຂດສຳຄັນ. ນີ້ແມ່ນພື້ນຖານເພີ່ມທະວີການແລກປ່ຽນການຄ້າ-ການລົງທຶນ ລະຫວ່າງສອງປະເທດໃນໄລຍະຈະມາເຖິງ. ຂ້າພະເຈົ້າເຊື່ອໝັ້ນວ່າ ສັນຍາຈະມີບົດບາດແມ່ນພື້ນຖານສຳຄັນເພື່ອເພີ່ມທະວີການຄ້າສອງຝ່າຍ, ແລກປ່ຽນການຮ່ວມມືໃນຂົງເຂດທີ່ເປັນທ່າແຮງຂອງສອງປະເທດ, ປະກອບສວ່ນເຂົ້າໃນການເຕີບໂຕລວມຂອງສອງພື້ນຖານເສດຖະກິດ. ພາບ: ກົງເທືອງ