ຫວຽດນາມ ພ້ອມແລ້ວທີ່ຈະສົມທົບກັບຍີ່ປຸ່ນ ເພື່ອຍົກສູງປະສິດທິຜົນການປະຕິບັດສັນຍາ CPTPP

ຕອນບ່າຍວັນທີ 9 ກໍລະກົດ, ຢູ່ສໍານັກງານນາຍົກລັດຖະມົນຕີ, ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ໄດ້ໃຫ້ການຕ້ອນຮັບທ່ານ Shindo Yoshitaka ລັດຖະມົນຕີຂອງຫ້ອງວ່າການຄະນະລັດຖະບານຍີ່ປຸ່ນ, ຮັບຜິດຊອບການຟື້ນຟູເສດຖະກິດ, ເລີ່ມທຸລະກິດ, ຄຸ້ມຄອງຄວາມສ່ຽງຈາກພະຍາດຕິດແປດ, ການປະຕິຮູບລະບອບຮັບປະກັນຊີວິດສັງຄົມສຳລັບທຸກເກນອາຍຸ, ນະໂຍບາຍການເງິນ-ເສດຖະກິດ ແລະແມ່ນລັດຖະມົນຕີຮັບຜິດຊອບສັນຍາຄູ່ຮ່ວມມືຂ້າມປາຊີຟິກ (CPTPP) ຂອງຍີ່ປຸ່ນ.

ບົນເນື້ອໃນຈິດໃຈ "3 ພ້ອມ": ພ້ອມຟັງ ແລະເຂົ້າໃຈ; ພ້ອມກັນແບ່ງປັນວິໄສທັດ ແລະການກະທໍາ; ພ້ອມເຮັດ, ພ້ອມຊົມໃຊ້, ພ້ອມກັນໄຊຊະນະ ແລະພ້ອມກັນພັດທະນາ, ທ່ານນາຍົກລັດຖະມົນຕີ ຢືນຢັນວ່າ: ຫວຽດນາມ ພ້ອມແລ້ວທີ່ຈະສົມທົບກັບຍີ່ປຸ່ນ ແລະບັນດາສະມາຊິກສັນຍາ CPTPP ອື່ນໃນການປະຕິບັດສັນຍາ CPTPP, ພິເສດແມ່ນການເຄື່ອນໄຫວກວດກາປະຕິບັດສັນຍາ, ເພື່ອຍົກສູງປະສິດທິຜົນໃນໄລຍະຈະມາເຖິງ, ຊ່ວຍນຳເອົາຜົນປະໂຫຍດ ມາໃຫ້ວິສາຫະກິດ ແລະປະຊາຊົນຫຼາຍກວ່າອີກ, ພ້ອມທັງຊ່ວຍຍົກລະດັບສັນຍາ CPTPP ເພື່ອສັນຍາສວມບົດບາດສໍາຄັນກວ່າອີກໃນການຄ້າພາກພື້ນ ແລະທົ່ວໂລກ...