 | ສານຈາກທ່ານເລຂາທິການໃຫຍ່, ປະທານປະເທດລາວ ຕ້ອນຮັບປີໃໝ່ 2025 |
| ສະມາຄົມມິດຕະພາບຫວຽດນາມ-ລາວ ແຂວງຕວຽນກວາງ ຜັນຂະຫຍາຍໜ້າທີ່ວຽກງານຂອງສະມາຄົມໃນປີ 2025 |
ສະຖິຕິທີ່ໄດ້ປະກາດໃນກອງປະຊຸມ, ລາຍຮັບຈາກນັກທ່ອງທ່ຽວບັນລຸປະມານ 110,52 ຕື້ດົ່ງ, ເພີ່ມຂຶ້ນ 18,3% ເມື່ອທຽບໃສ່ປີກາຍ. ການບໍລິການທີ່ພັກ, ໂດຍສະເພາະແມ່ນໂຮງແຮມ 4-5 ດາວ, ພ້ອມກັບບໍລິການຊື້-ຂາຍ, ອາຫານການກິນ, ບັນເທີງຕ່າງໆລ້ວນແຕ່ຮັບປະກັນມາດຕະຖານເພື່ອຮັບໃຊ້ນັກທ່ອງທ່ຽວ. ການພັກຫ້ອງໂຮງແຮມໃນປີ 2024 ຈະບັນລຸ 62%, ເພີ່ມຂຶ້ນ 2,9% ເມື່ອທຽບໃສ່ປີ 2023.
 |
ກອງປະຊຸມພັດທະນາ ແລະ ຜັນຂະຫຍາຍບັນດາໜ້າທີ່ຂະແໜງການທ່ອງທ່ຽວສະເພາະຂອງ ຮ່າໂນ້ຍ ປີ 2025 |
ຂະແໜງການທ່ອງທ່ຽວນະຄອນຫຼວງໄດ້ຜັນຂະຫຍາຍແຜນການພັດທະນາການທ່ອງທ່ຽວກາງຄືນ, ຂຸດຄົ້ນບັນດາປັດໃຈວັດທະນະທຳທີ່ເປັນເອກະລັກພິເສດ, ຖືວ່ານີ້ແມ່ນຜະລິດຕະພັນສຳຄັນ. ມາຮອດປະຈຸບັນ, ຮ່າໂນ້ຍ ໄດ້ດຳເນີນບັນດາຜະລິດຕະພັນທ່ອງທ່ຽວໃນຍາມກາງຄືນ 20 ກວ່າແຫ່ງ, ສ້າງເປັນ 7 ພື້ນທີ່ ແລະ ຖະໜົນຄົນຍ່າງທີ່ດຶງດູດນັກທ່ອງທ່ຽວນັບຮ້ອຍຄົນໃນແຕ່ລະປີ, ເຊັ່ນ: ຖະໜົນຄົນຍ່າງຢູ່ເຂດບຶງ ຮວ່ານກ໋ຽມ, ຖະໜົນຄົນຍ່າງ ເຈິນເຍີນຕົງ. ຫຼາຍທ້ອງຖິ່ນໃນທົ່ວປະເທດໄດ້ມາຢ້ຽມຢາມ ແລະ ຮຽນຮູ້ຮູບແບບນີ້.
ກ່ຽວກັບຕະຫຼາດສາກົນ, ຮ່າໂນ້ຍ ສືບຕໍ່ຢືນຢັນທີ່ຕັ້ງ ແລະ ຍີ່ຫໍ້ເປັນໜຶ່ງໃນບັນດາແຫຼ່ງທ່ອງທ່ຽວທີ່ດຶງດູດໃຈທີ່ສຸດໃນພາກພື້ນ ແລະ ໃນໂລກ. ນະຄອນດັ່ງກ່າວໄດ້ຮັບກຽດໃຫ້ໄດ້ຮັບລາງວັນສາກົນຫຼາຍຢ່າງ, ໂດຍສະເພາະ “ຈຸດໝາຍທ່ອງທ່ຽວເມືອງແຖວໜ້າຂອງອາຊີ” ແລະ “ຈຸດໝາຍປາຍທາງເມືອງ Golf ດີທີ່ສຸດຂອງໂລກ 2024” ຈາກອົງການ World Travel Awards. ຮ່າໂນ້ຍ ຍັງໄດ້ຮັບກຽດເຂົ້າໃນກຸ່ມ “100 ຈຸດທ່ອງທ່ຽວທີ່ດຶງດູດໃຈທີ່ສຸດໃນໂລກໃນປີ 2024” ຕາມການຄັກເລືອກຂອງ Euromonitor International.
ເປົ້າໝາຍນັກທ່ອງທ່ຽວ 30 ລ້ານຄົນ
ໃນສະພາບການດັ່ງກ່າວ, ພະແນກການທ່ອງທ່ຽວ ຮ່າໂນ້ຍ ໄດ້ວາງຄາດໝາຍໃຫຍ່ຮອດປີ 2025 ດ້ວຍແຜນການດຶງດູດນັກທ່ອງທ່ຽວກວ່າ 30 ລ້ານເທື່ອຄົນ, ເພີ່ມຂຶ້ນ 11,1% ເມື່ອທຽບໃສ່ປີ 2024. ເປົ້າໝາຍດັ່ງກ່າວປະກອບມີ 7 ລ້ານເທື່ອຄົນສາກົນ (ແຂກທ່ອງທ່ຽວ 5 ລ້ານເທື່ອຄົນທີ່ມີພັກເຊົາ), ເພີ່ມຂຶ້ນ 27,3% ແລະ ແຂກທ່ອງທ່ຽວພາຍໃນປະເທດ 23 ລ້ານເທື່ອຄົນ, ເພີ່ມຂຶ້ນ 7%. ຍອດລາຍຮັບຈາກນັກທ່ອງທ່ຽວຄາດວ່າຈະບັນລຸກວ່າ 130 ຕື້ດົ່ງ, ເພີ່ມຂຶ້ນ 26,1% ເມື່ອທຽບໃສ່ການຄາດຄະເນໃນປີ 2024.
 |
| ຄະນະນັກທ່ອງທ່ຽວສາກົນໄດ້ໄປຢ້ຽມຢາມ ວັນໝຽວ - ກວກຕືຢ໋າມ, ເຂດທ່ອງທ່ຽວນິເວດ ຈາງອ່ານ. |
ເພື່ອບັນລຸເປົ້າໝາຍດັ່ງກ່າວ, ຂະແໜງການທ່ອງທ່ຽວ ຮ່າໂນ້ຍ ຈະດຳເນີນການຄົ້ນຄ້ວາ ແລະ ຕີລາຄາບັນດາຕະຫຼາດທ່ອງທ່ຽວພາຍໃນ ແລະ ຕ່າງປະເທດ, ກໍ່ສ້າງ ແລະ ພັດທະນາບັນດາຜະລິດຕະພັນທ່ອງທ່ຽວເໝາະສົມກັບຄວາມຕ້ອງການທີ່ຫຼາກຫຼາຍຂອງນັກທ່ອງທ່ຽວ. ພ້ອມກັນນັ້ນ, ຂະແໜງການຈະຊຸກຍູ້ການນຳໃຊ້ເຕັກໂນໂລຊີຂໍ້ມູນຂ່າວສານເຂົ້າໃນການຄຸ້ມຄອງ ແລະ ພັດທະນາບໍລິການສາທາລະນະທາງອອນລາຍລະດັບ 4 ເພື່ອດຳເນີນການບໍລິຫານຂອງພະແນກການທ່ອງທ່ຽວ.
ໃນວຽກງານການກໍ່ສ້າງຜະລິດຕະພັນ, ພະແນກການທ່ອງທ່ຽວ ຮ່າໂນ້ຍ ຈະໃຫ້ບຸລິມະສິດໜູນຊ່ວຍບັນດາຫົວໜ່ວຍຄຸ້ມຄອງບັນດາສະຖານທີ່ທ່ອງທ່ຽວມໍລະດົກ ແລະ ຮ່ອງຮອຍວັດທະນະທຳ, ກໍ່ສ້າງບັນດາການທ່ອງທ່ຽວວັດທະນະທຳລົງຕົວຈິງທີ່ຕິດພັນກັບການທ່ອງທ່ຽວໃນຍາມກາງຄືນ. ຄຽງຂ້າງນັ້ນ, ຂະແໜງການຈະຍົກລະດັບຖະໜົນຍ່າງ, ຂະຫຍາຍບັນດາຈຸດເຊື່ອມຕໍ່ແຫຼ່ງທ່ອງທ່ຽວຕາມລຳແມ່ນ້ຳແດງ ແລະ ແມ່ນ້ຳດ່ວງ, ເປີດກວ້າງບັນດາເສັ້ນທາງທ່ອງທ່ຽວຈາກທ່າເຮືອ ເຈືອງເຢືອງໂດ້ ໄປເຖິງເຂດ ເຊີນໄຕ, ບາວີ.
ກ່ຽວກັບວຽກງານໂຄສະນາເຜີຍແຜ່, ຮ່າໂນ້ຍ ສືບຕໍ່ຊຸກຍູ້ການເຊື່ອມໂຍງກັບບັນດາແຂວງ, ນະຄອນພາຍໃນປະເທດ ແລະ ຊຸກຍູ້ການພົວພັນສາກົນ. ຂະແໜງການທ່ອງທ່ຽວຈະສຸມໃສ່ການສົ່ງເສີມ ແລະ ດຶງດູດນັກທ່ອງທ່ຽວຈາກບັນດາຕະຫຼາດທີ່ສຳຄັນເຊັ່ນ: ອາຊີຕາເວັນອອກສ່ຽງເໜືອ, ອາຊຽນ, ເອີລົບ ແລະ ຂະຫຍາຍໄປສູ່ຕະຫຼາດພະລັງງານເຊັ່ນ: ອິນເດຍ, ເອີລົບຕາເວັນອອກ ແລະ ບັນດາປະເທດມຸດສະລິມ.
 | ຝູເຖາະເພີ່ມທະວີວຽກງານການທູດປະຊາຊົນ, ເປີດກວ້າງການພົວພັນສາກົນໃນປີ 2025 ຍສໝ - ວັນທີ 13 ທັນວາ, ສະຫະພັນບັນດາອົງການມິດຕະພາບແຂວງ ຝູເຖາະ ໄດ້ຈັດຕັ້ງກອງປະຊຸມສະຫຼຸບວຽກງານການທູດປະຊາຊົນ ປີ 2024 ແລະ ຜັນຂະຫຍາຍທິດທາງ, ໜ້າທີ່ ປີ 2025. |
 | ລະດົມແຫຼ່ງກຳລັງຫຼາຍທີ່ສຸດ ແລະພະຍາຍາມເພື່ອໃຫ້ສຳເລັດການລົບລ້າງເຮືອນຢູ່ຊົ່ວຄາວ ແລະເສື່ອມໂຊມໃນປີ 2025 ຍສໝ - ຕອນເຊົ້າວັນທີ 10 ພະຈິກ, ທ່ານ ຟ້າມມິງຈິ໊ງ ນາຍົກລັດຖະມົນຕີ, ຫົວໜ້າຄະນະຊີ້ນຳສູນກາງຜັນຂະຫຍາຍການລົບລ້າງເຮືອນຢູ່ຊົ່ວຄາວ ແລະເສື່ອມໂຊມໃນທົ່ວປະເທດໄດ້ເປັນປະທານວາລະປະຊຸມທີ 1 ຂອງຄະນະຊີ້ນຳ. |
ມິງດຶກ
