ຍສໝ - ຕອນຄໍ່າວັນທີ 13 ທັນວາ, ທີ່ຮ່າໂນ້ຍ, ທ່ານພົນໂທ ຈິ້ງວັນກວຽດ ເລຂາທິການສູນກາງພັກ, ກຳມະການຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ຕ້ອນຮັບທ່ານພົນໂທ ທອງລອຍ ສີລິວົງ ກໍາມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງ ກອງທັບປະຊາຊົນລາວ ເນື່ອງໃນໂອກາດທ່ານ ແລະພັນລະຍາ ມາເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນມູນເຊື້ອກົມໃຫຍ່ການເມືອງ ກອງທັບປະຊາຊົນຫວຽດນາມ. ເຂົ້າຮ່ວມຍັງມີທ່ານພົນໂທ ເລກວາງມິງ ຮອງຫົວໜ້າກົມໃຫຍ່ການເມືອງ ກອງທັບປະຊາຊົນຫວຽດນາມ.
 |
ທ່ານພົນໂທ ຈິ້ງວັນກວຽດ ເນັ້ນໜັກວ່າ ບົນໝາກຜົນການພົບປະສອງຝ່າຍລະຫວ່າງຫົວໜ້າກົມໃຫຍ່ການເມືອງສອງທ່ານເມື່ອເດືອນ ສິງຫາ 2024, ແຜນການຮ່ວມມືປີ 2025, ການຮ່ວມມືດ້ານປ້ອງກັນຊາດລະຫວ່າງສອງປະເທດສືບຕໍ່ໄດ້ໃຫ້ບຸລິມະສິດຊຸກຍູ້; ສະເໜີໃນໄລຍະຈະມາເຖິງ, ສອງຝ່າຍໄດ້ຫັນເນື້ອໃນຮ່ວມມືທີ່ໄດ້ເຫັນດີເປັນເອກະພາບໃຫ້ເປັນອັນລະອຽດ, ສຸມໃສ່ເຂົ້າບັນດາຂົງເຂດ: ການບໍາລຸງສ້າງ, ຝຶກອົບຮົມ; ວຽກງານພັກ, ວຽກງານການເມືອງ; ກໍ່ສ້າງເຂດອານຸສອນສະຖານ, ປົວແປງ, ບູລະນະອານຸສາວະລີ... ພາບ: ມາຍງວຽນ |
