ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ ແລະສາທາລະນະລັດ Malta

ຍສໝ - ຕອນຄໍ່າວັນທີ 13 ທັນວາ, ທີ່ນະຄອນໂຮ່ຈີມິນ, ສະຖານກົງສູນກິດຕິມະສັກສາທາລະນະລັດ Malta ປະຈໍາ ຫວຽດນາມ ໄດ້ຈັດຕັ້ງພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ ແລະສາທາລະນະລັດ Malta (1974-2024) ແລະສະເຫຼີມສະຫຼອງ 50 ປີແຫ່ງວັນສ້າງຕັ້ງສາທາລະນະລັດ Malta (13-12-1974 / 13-12-2024).

ຕາງໜ້າການນຳນະຄອນກ່າວຄຳເຫັນທີ່ພິທີ, ທ່ານ ຫງວຽນວັນຢຸງ ຮອງປະທານຄະນະກຳມະການປະຊາຊົນນະຄອນໂຮ່ຈີມິນ ໃຫ້ຮູ້ວ່າ: 50 ປີຜ່ານມາ, ການພົວພັນລະຫວ່າງຫວຽດນາມ - Malta ບັນລຸໄດ້ຜົນງານທີ່ຕັ້ງໜ້າ. ໃນໄລຍະຈະມາເຖິງ ແລະຍາວໄກກວ່າແມ່ນອີກ 50 ປີຈະມາເຖິງນີ້, ດ້ວຍຄວາມໄວ້ເນື້ອເຊື່ອໃຈດ້ານການເມືອງ, ຄວາມເຂົ້າໃຈເຊິ່ງກັນ ແລະກັນ ແລະທ່າແຮງເພີ່ມຕື່ມໃຫ້ກັນ, ການພົວພັນລະຫວ່າງຫວຽດນາມ, ນະຄອນໂຮ່ຈີມິນ - Malta ພ້ອມແລ້ວທີ່ຈະຕ້ອນຮັບບາດກ້າວບຸກທະລຸໃໝ່. ພາບ: ຈ໊ຽນຄູ