ຫວຽດນາມ-ຈີນ ຊຸກຍູ້ການຮ່ວມມືໃນທຸກຂົງເຂດ

ຍສໝ - ວັນທີ 10 ທັນວາ, ໃນຂອບເຂດການຢ້ຽມຢາມຈີນ, ເປັນປະທານຮ່ວມກອງປະຊຸມ ຄັ້ງທີ 16 ຄະນະກໍາມະການຊີ້ນໍາການຮ່ວມມືສອງຝ່າຍ ຫວຽດນາມ-ຈີນ, ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໄດ້ມີການພົບປະກັບທ່ານ Han Zheng ຮອງປະທານປະເທດ ສປ ຈີນ.

ທ່ານ ບຸ່ຍແທັງເຊີນ ສະເໜີສືບຕໍ່ເພີ່ມທະວີການແລກປ່ຽນຄະນະຜູ້ແທນຂັ້ນສູງ ແລະທຸກຂັ້ນ; ຊຸກຍູ້ການຮ່ວມມືໃນທຸກຂົງເຂດ, ເປັນຕົ້ນແມ່ນການເຊື່ອມຕໍ່ຍຸດທະສາດພັດທະນາ, ເຊື່ອມຕໍ່ໂຄງລ່າງຄົມມະນາຄົມ, ການຮ່ວມມືດ້ານເສດຖະກິດ-ການຄ້າ, ການລົງທຶນ, ວັດທະນະທຳ, ການສຶກສາ ແລະການທ່ອງທ່ຽວ. ທ່ານ ບຸ່ຍແທັງເຊີນ ສະເໜີສອງຝ່າຍໃຫ້ບຸລິມະສິດຍູ້ໄວການຜັນຂະຫຍາຍ 3 ສາຍທາງລົດໄຟມາດຕະຖານເຊື່ອມຕໍ່ຫວຽດນາມ ກັບຈີນ (ລາວກາຍ-ຮ່າໂນ້ຍ-ຫ໋າຍຟ່ອງ, ລ້າງເຊີນ-ຮ່າໂນ້ຍ, ມ໊ອງກ໊າຍ-ຮ້າລອງ-ຫ໋າຍຟ່ອງ); ແນະນຳ ຈີນ ສືບຕໍ່ເປີດກວ້າງການນຳເຂົ້າສິນຄ້າຫວຽດນາມ; ສົ່ງເສີມວິສາຫະກິດທີ່ມີອິດທິພົນຊື່ສຽງລົງທຶນເຂົ້າໂຄງການທີ່ມີຄຸນນະພາບສູງ, ຂະໜາດໃຫຍ່, ເຕັກໂນໂລຢີທັນສະໄໝ, ເຊິ່ງເປັນຕົວແທນໃຫ້ລະດັບການພັດທະນາຂອງຈີນ. ພາບ: ແດງກົງແສນ