ອາເມລິກາ ສົ່ງຄືນວັດຖຸລະນຶກໃນສະໄໝສົງຄາມຂອງນັກຮົບເສຍສະຫຼະຊີວິດເພື່ອຊາດ ແລະນັກຮົບເກົ່າຫວຽດນາມ

ຍສໝ - ວັນທີ 9 ທັນວາ, ຄະນະຊີ້ນຳແຫ່ງຊາດ 515 ໄດ້ສົມທົບກັບສະຖານທູດອາເມລິກາ ປະຈຳ ຫວຽດນາມ, ກົມພົວພັນຕ່າງປະເທດ (ກະຊວງປ້ອງກັນປະເທດຫວຽດນາມ) ແລະອົງການທີ່ກ່ຽວຂ້ອງ ໄດ້ຈັດຕັ້ງພິທີມອບ-ຮັບວັດຖຸລະນຶກໃນສະໄໝສົງຄາມຂອງນັກຮົບເສຍສະຫຼະຊີວິດເພື່ອຊາດ, ນັກຮົບເກົ່າຫວຽດນາມ ໂດຍ ອາເມລິກາ ສະໜອງໃຫ້.

ຜ່ານສະຖານທູດອາເມລິກາ ປະຈຳ ຫວຽດນາມ, ວັນທີ 30 ພະຈິກ 2024, ສູນ Ash ຂຶ້ນກັບມະຫາວິທະຍາໄລ Harvard (ອາເມລິກາ) ໄດ້ມອບວັດຖຸລະນຶກໃນສະໄໝສົງຄາມຈໍານວນໜຶ່ງຂອງນັກຮົບເສຍສະຫຼະຊີວິດເພື່ອຊາດ ແລະນັກຮົບເກົ່າຫວຽດນາມ ໃຫ້ກົມນະໂຍບາຍ, ກົມໃຫຍ່ການເມືອງກອງທັບປະຊາຊົນຫວຽດນາມ - ຫ້ອງການຄະນະຊີ້ນຳແຫ່ງຊາດ 515. ກົມນະໂຍບາຍ ໄດ້ຊີ້ນຳບັນດາອົງການ, ກົມກອງ, ທ້ອງຖິ່ນດໍາເນີນການກວດກາຢັ້ງຢືນຕົວຕົນ ແລະໄດ້ຮັບຂໍ້ມູນກ່ຽວກັບຍາດຕິພີ່ນ້ອງທີ່ກ່ຽວຂ້ອງເຖິງວັດຖຸລະນຶກຢູ່ບັນດາແຂວງ, ຄື: ນາມດິ້ງ, ທ໊າຍບິ່ງ, ຮືງອຽນ... ພສບ: ຫວຽດຮ່າ