ພົນເອກ ຫງວຽນເຕິນເກືອງ ຖະຫວາຍທູບທຽນອາໄລຫານັກຮົບກາກມາ

ຕໍ່ໜ້າດວງວິນຍານຂອງນັກຮົບວິລະຊົນທີ່ເສຍສະຫຼະຊີວິດເພື່ອຊາດ, ທ່ານພົນເອກ ຫງວຽນເຕິນເກືອງ ພ້ອມດ້ວຍຄະນະ ໄດ້ຖະຫວາຍດອກໄມ້, ທູບທຽນອາໄລຫາບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ; ສະແດງຄວາມຮູ້ບຸນຄຸນອັນລົ້ນເຫຼືອຕໍ່ຄຸນງາມຄວາມດີອັນໃຫຍ່ຫຼວງຂອງພະນັກງານ, ນັກຮົບທີ່ໄດ້ຕັ້ງຫຼັກຢູ່ສະໜາມຮົບຢ່າງອົງກາດກ້າແກ່ນ, ສູ້ຮົບຢ່າງພິລະອາດຫານ ເພື່ອປົກປັກຮັກສາອະທິປະໄຕທະເລ, ໝູ່ເກາະອັນສັກກາລະບູຊາຂອງປະເທດຊາດ. ພິເສດແມ່ນໃນບັ້ນຮົບຕອນເຊົ້າຂອງວັນທີ 14 ມີນາ 1988 ຢູ່ເກາະກາກມາ, ພະນັກງານ, ນັກຮົບທະຫານເຮືອປະຊາຊົນຫວຽດນາມ ຈໍານວນ 64 ສະຫາຍ ໄດ້ເສຍສະຫຼະຊີວິດໃນເຂດທະເລ, ໝູ່ເກາະອັນສັກກາລະບູຊາຂອງປະເທດຊາດ. ເລືອດເນື້ອຂອງພວກອ້າຍ - “ຜູ້ທີ່ນອນຢູ່ເທິງຂອບຟ້າ” ໄດ້ເສີມສ້າງທຸງເດັດຂາດສູ້ຮົບເດັດຂາດມີໄຊ ແລະມູນເຊື້ອອັນສະຫງ່າລາສີຂອງກອງທັບປະຊາຊົນຫວຽດນາມ ວິລະຊົນ. ປັດຈຸບັນ, ເຂດອະນຸສອນສະຖານ ນັກຮົບກາກມາ ໄດ້ກາຍເປັນສະຖານທີ່ສຶກສາອົບຮົມມູນເຊື້ອປະຕິວັດ, ຄຸນທາດ, ເຈດຈໍານົງຂອງທະຫານລຸງໂຮ່ ເວົ້າລວມ, ເວົ້າສະເພາະແມ່ນນັກຮົບທະຫານເຮືອປະຊາຊົນຫວຽດນາມ ກ່ຽວກັບຄວາມຈົ່ງຮັກພັກດີ, ຈິດໃຈບໍ່ຍອມຈໍານົນ, ພ້ອມແລ້ວທີ່ຈະສູ້ຮົບ ແລະຍອມເສຍສະຫຼະຊີວິດເພື່ອປົກປັກຮັກສາເຂດທະເລ, ໝູ່ເກາະອັນສັກກາລະບູຊາຂອງປະເທດຊາດ ໄວ້ຢ່າງໝັ້ນຄົງ. ພາບ: ຕ໊ວນຮຸຍ.