ຫວຽດນາມ - ກູບາ ເພີ່ມທະວີຢ່າງແຂງແຮງ ແລະຍົກສູງປະສິດທິຜົນການຮ່ວມມືຮອບດ້ານ

ຍສໝ - ຕອນບ່າຍວັນທີ 2 ພະຈິກ, ທີ່ສໍານັກງານສູນກາງພັກ, ທ່ານ ໂຕເລິມ ເລຂາທິການໃຫຍ່ພັກກອມມູນິດຫວຽດນາມ ໄດ້ຕ້ອນຮັບທ່ານ Esteban Lazo Hernandez ກໍາມະການກົມການເມືອງພັກກອມມູນິດກູບາ, ປະທານສະພາແຫ່ງຊາດ ອໍານາດການປົກຄອງປະຊາຊົນ, ປະທານສະພາແຫ່ງລັດກູບາ ເນື່ອງໃນໂອກາດມາຢ້ຽມຢາມ ແລະເຮັດວຽກ ຢູ່ຫວຽດນາມ.

ທີ່ການຕ້ອນຮັບ, ທ່ານເລຂາທິການໃຫຍ່ ໂຕເລິມ ສະແດງຄວາມປິຕິຊົມຊື່ນຕໍ່ການພັດທະນາອັນດີງາມຂອງການພົວພັນ ຫວຽດນາມ - ກູບາ ໃນໄລຍະຜ່ານມາ, ໃນນັ້ນມີຄວາມມານະພະຍາຍາມ ແລະໝາກຜົນເບື້ອງຕົ້ນເພື່ອຜັນຂະຫຍາຍບັນດາຂໍ້ຕົກລົງທີ່ບັນລຸໄດ້ໃນການຢ້ຽມຢາມກູບາ, ຊົມເຊີຍການເອົາໃຈໃສ່, ຊີ້ນໍາຂອງທ່ານ Miguel Diaz-Canel ເລຂາຜູ້ທີໜຶ່ງ, ປະທານປະເທດກູບາ ແລະບັນດາສະຫາຍການນໍາກູບາ ໃນການຫັນຜົນການຢ້ຽມຢາມ ດ້ວຍມາດຕະການ ແລະວິທີການທີ່ລະອຽດ. ພາບ: ກອງທັບປະຊາຊົນ