ແນະນໍາວັດທະນະທໍາອິນເດຍ ຢູ່ ຮ່າໂນ້ຍ

ຍສໝ - ວັນທີ 2 ພະຈິກ, ທີ່ຮ່າໂນ້ຍ ໄດ້ດໍາເນີນງານຕະຫຼາດນັດອິນເດຍ. ງານຕະຫຼາດນັດ ໄດ້ຈັດຂຶ້ນໃນຂອບເຂດຂອງສະຖານທູດອິນເດຍ ປະຈໍາຮ່າໂນ້ຍ ເພື່ອເຊີດຊູຄວາມຫຼາກຫຼາຍຂອງອິນເດຍ ແລະແນະນໍາບັນດາຜະລິດຕະພັນວັດທະນະທໍາ, ສິລະປະທີ່ໂດດເດັ່ນຂອງອິນເດຍ ໃຫ້ປະຊາຊົນຫວຽດນາມ; ເພີ່ມທະວີການພົວພັນທາງດ້ານວັດທະນະທໍາໃນປະຊາຄົມຊາວອິນເດຍ, ໂຄສະນາກ່ຽວກັບອິນເດຍ ໃຫ້ປະຊາຄົມຊາວຫວຽດນາມ ແລະເຊີດຊູນໍ້າໃຈມິດຕະພາບທີ່ເປັນມູນເຊື້ອອັນເລິກເຊິ່ງລະຫວ່າງປະຊາຊົນສອງປະເທດ

ແຂກຖືກເຊີນເຂົ້າຮ່ວມງານຕະຫຼາດນັດ ໄດ້ຮັບຊົມລາຍການສະແດງສິລະປະ ວັດທະນະທໍາທີ່ຈັບອົກຈັບໃຈ, ການສະແດງຊຸດອາພອນ sari ທີ່ເປັນມູນເຊື້ອ ຂອງອິນເດຍ, ບັນດາເຄື່ອງຂອງທີ່ລະນຶກ ແລະຫັດຖະກໍາທີ່ດີເລີດຈາກອິນ ເດຍ, ເຄື່ອງຫັດຖະກໍາທີ່ເປັນມູນເຊື້ອ, ການແພດພື້ນເມືອງ (Ayurveda) ແລະ ຫຼາຍຜະລິດຕະພັນອື່ນຂອງອິນເດຍ. ພົ້ນເດັ່ນແມ່ນທີ່ງານຕະຫຼາດນັດປີນີ້ ມີການສະແດງຊຸດອາພອນທີ່ເປັນມູນເຊື້ອຈາກບັນດາລັດຂອງອິນເດຍ, ສະແດງໃຫ້ເຫັນຈິດໃຈ “ເປັນເອກະພາບໃນຄວາມຫຼາກຫຼາຍ” ຂອງອິນເດຍ ແລະຜ້າພົມ Kashmir ທີ່ດີເລີດ, ມີຊື່ສຽງໂດ່ງດັງສວຍງາມ ດ້ວຍການອອກ ແບບທີ່ສັບສົນ ແລະສະແດງໃຫ້ເຫັນຝີມືທີ່ຄ່ອງແຄ້ວຂອງເຂດນີ້. ພາບ: ເຫວ້ຈີ.