ການພົບປະເຈລະຈາຂັ້ນສູງ ຫວຽດນາມ - ກູບາ

ຍສໝ - ໂດຍໄດ້ຮັບຄຳເຊີນຂອງທ່ານປະທານສະພາແຫ່ງຊາດຫວຽດນາມ ເຈິ່ນແທັງເໝີນ, ທ່ານປະທານສະພາແຫ່ງຊາດກູບາ Esteban Lazo Hernandez ໄດ້ມາຢ້ຽມຢາມ ແລະ ເຮັດວຽກຢູ່ ຫວຽດນາມ ແຕ່ວັນທີ 2-3 ພະຈິກ. ຕອນເຊົ້າວັນທີ 2 ພະຈິກ, ຢູ່ຮ່າໂນ້ຍ, ທ່ານປະທານສະພາແຫ່ງຊາດ ເຈິ່ນແທັງເໝີນ ໄດ້ເປັນປະທານພິທີຕ້ອນຮັບ. ພາຍຫຼັງພິທີຕ້ອນຮັບ, ສອງຝ່າຍໄດ້ດຳເນີນການພົບປະເຈລະຈາ.

ໃນໄລຍະຈະມາເຖິງ, ການນຳສະພາແຫ່ງຊາດ 2 ທ່ານຖືວ່າ, ຕ້ອງສືບຕໍ່ແລກປ່ຽນຄະນະຜູ້ແທນທຸກຂັ້ນ, ທຸກຄະນະກຳມະການ, ສະມາຊິກສະພາແຫ່ງຊາດຂອງ 2 ປະເທດ. ຜັນຂະຫຍາຍບັນດາເອກະສານຮ່ວມມືທີ່ໄດ້ລົງນາມລະຫວ່າງ 2 ປະເທດໃຫ້ມີປະສິດທິຜົນ ເພື່ອປະກອບສ່ວນນຳການພົວພັນດ້ານເສດຖະກິດ, ການລົງທຶນ, ການຄ້າໃຫ້ພັດທະນາສອດຄ່ອງກັບການພົວພັນດ້ານການເມືອງອັນດີງາມຂອງ 2 ປະເທດ. ພາບ: ກອງທັບປະຊາຊົນ