ຍົກສູງຄວາມສາມາດຂອງອາຊຽນ ຕໍ່ໜ້າສິ່ງທ້າທາຍເຖິງຄວາມໝັ້ນຄົງ

ຍສໝ - ວັນທີ 31 ຕຸລາ, ຢູ່ສໍານັກງານກະຊວງປ້ອງກັນປະເທດ, ທ່ານພົນເອກ ຫງວຽນເຕິນເກືອງ ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໃຫ້ການຕ້ອນຮັບຫົວໜ້າຄະນະຜູ້ແທນບັນດາປະເທດອາຊຽນ ເຂົ້າຮ່ວມກອງປະຊຸມຜູ້ນໍາປະຊາຄົມສືບຂ່າວການທະຫານ/ການປ້ອງກັນຊາດອາຊຽນ ຄັ້ງທີ 1 (AMICLC-1).

	ຍົກສູງກຳລັງຄວາມສາມາດໃຫ້ພະນັກງານສະຫະພັນບັນດາອົງການມິດຕະພາບທ້ອງຖິ່ນ
	ສ້າງ​ບາດ​ກ້າວ​ ເພື່ອຊ່ວຍຍົກສູງວຽກງານເບິ່ງແຍງດູແລ​ດ້ານ​ສຸ​ຂະ​ພາບ​ໃຫ້​ແກ່ທົ່ວ​ປະ​ຊາ​ຊົນ

ທ່ານພົນເອກ ຫງວຽນເຕິນເກືອງ ເນັ້ນໜັກວ່າ: ເນື້ອໃນປຶກສາຫາລືທີ່ກອງປະຊຸມ AMICLC-1 ໄດ້ສະແດງໃຫ້ເຫັນບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ, ສະເໜີບັນດາທິດທາງ ກໍຄືຮູບການຮ່ວມມື, ແບ່ງປັນຂໍ້ມູນຂ່າວສານ ເພື່ອແນໃສ່ຮັບປະກັນບົດບາດໃຈກາງຂອງອາຊຽນ ໃນສະພາບການປະຈຸບັນ. ກອງປະຊຸມຍັງເປັນຂີດໝາຍການເຄື່ອນໄຫວທາງການຂອງປະຊາຄົມສືບຂ່າວການທະຫານ/ການປ້ອງກັນຊາດອາຊຽນ (AMIC) ເພື່ອແນໃສ່ເພີ່ມທະວີຄວາມສາມັກຄີ, ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ແລະຄວາມເຫັນດີເຫັນພ້ອມລະຫວ່າງ ກຳລັງທະຫານຂອງບັນດາປະເທດສະມາຊິກອາຊຽນ. ກອງປະຊຸມເປັນການຢັ້ງຢືນຄຳໝັ້ນສັນຍາຢ່າງແຂງແຮງຂອງບັນດາປະເທດສະມາຊິກອາຊຽນ ໃນການຫັນເປົ້າໝາຍ “ອາຊຽນ: ວິໄສທັດດຽວ, ສີສັນດຽວ, ປະຊາຄົມດຽວ” ໃຫ້ປະກົດຜົນເປັນຈິງ. ນີ້ກໍແມ່ນເປົ້າໝາຍທີ່ກະຊວງປ້ອງກັນປະເທດຫວຽດນາມ ແລະກອງທັບປະຊາຊົນຫວຽດນາມ ຍາມໃດກໍ່ສະໜັບສະໜູນ ແລະ ມຸ່ງໄປເຖິງ, ເພື່ອສັນຕິພາບ, ສະຖຽນລະພາບ ແລະຄວາມວັດທະນາຖາວອນຢູ່ພາກພື້ນ. ພາບ: ກອງທັບປະຊາຊົນ