ຄວາມຍຸຕິທຳ ແລະຄວາມສະເໝີພາບໃນການເຂົ້າເຖິງການບໍລິການປ້ອງກັນຕ້ານ HIV ແລະ ການໃຊ້ຄວາມຮຸນແຮງບົນພື້ນຖານທາງເພດ

	ວາງສະແດງຮູບພາບ 63 ແຜ່ນ ກ່ຽວກັບຄວາມສະເໝີພາບທາງເພດ ແລະ ການປ້ອງກັນ ແລະ ຮັບມືຄວາມຮຸນແຮງບົນພື້ນຖານທາງເພດ
	ຂ້າພະເຈົ້າຍັງເຊື່ອວ່າ ຄວາມຍຸຕິທຳ ຈະມາເຖິງຜູ້ປະສົບເຄາະຮ້າຍຈາກທາດພິດສີສົ້ມ ຢູ່ ຫວຽດນາມ

​ເຂົ້າ​ຮ່ວມທີ່​ພິທີ​ມີ​ທ່ານ Raman Hailevich, ຫົວໜ້າ​ຜູ້ຕາງໜ້າຂອງ UNAIDS ປະຈຳ ຫວຽດນາມ; ທ່ານ ນາງ Caroline Nyamayemonbe, ຫົວໜ້າຜູ້ຕາງ UN Women ປະຈຳ ຫວຽດນາມ; ບັນດາເຄືອ​ຂ່າຍ​ຂອງ​ອົງ​ການ​ຈັດ​ຕັ້ງ​ສັງ​ຄົມ​ທີ່​ມີການເຄື່ອນໄຫວ​ກ່ຽວ​ກັບ​ການ​ປ້ອງ​ກັນ​ ແລະ​ ຮັບມື​ຕໍ່​ການໃຊ້ຄວາມ​ຮຸນ​ແຮງບົນພື້ນຖານ​ທາງ​ເພດ (GBVnet​)​; ບັນດາເຄືອຂ່າຍປະຊາຄົມເຊັ່ນ VNP+, VNWA+, VNMSM ແລະ ບັນດາຝ່າຍທີ່ກ່ຽວຂ້ອງ.

ເຫດການໄດ້ແນະນຳບັນດາຮູບແບບການຫາລ້ຽງຊີບແບບຍືນຍົງ ໂດຍແມ່ຍິງທີ່ໄດ້ຮັບຜົນສະທ້ອນຈາກ HIV ແລະ LGBTQ+. ພ້ອມ​ກັນ​ນັ້ນ, ​ກໍ່ແບ່ງປັນ​ປະສົບ​ການ​ຂອງບັນດາຮູບແບບ​ໜູນ​ຊ່ວຍ​ຜູ້​ຕິດ​ເຊື້ອ HIV ​ໃນ​ຊຸມ​ຊົນ ​ແລະ ຢູ່​ໂຮງໝໍ​ຈາກ​ໂຮງໝໍ ຮຸ່ງເວືອງ, ນະຄອນ ​ໂຮ່ຈີ​ມິນ ແລະ ບັນດາ​ສະ​ໂມ​ສອນ​ໃຫ້ສຳລັບບັນດາ​ກຸ່ມຊຸມ​ຊົນຂອງຜູ້​ຕິດ​ເຊື້ອ HIV ​ແລະ ຜູ້​ມີ​ຄວາມ​ສ່ຽງ​ສູງ​ຕິດ​ເຊື້ອ HIV ມາ​ຈາກ​ແຂວງ ຫາຍ​ຟ່ອງ, ດ້ຽນບຽນ, ອ່ຽນບ໋າຍ, ຮ່າໂນ້ຍ, ເຫງະອ່ານ, ເບັນແຈ, ດ່າລາດ.

ຜູ້ຕາງໜ້າກຸ່ມ MSM ປະຈຳນະຄອນ ໂຮ່ຈີມິນ ທີ່ການພົບປະ. (ພາບ: UN Women)

ອີງຕາມຂໍ້ມູນໃນເຫດການ, HIV ແລະ ການໃຊ້ຄວາມຮຸນແຮງບົນພື້ນຖານທາງເພດມີການກ່ຽວພັນກັນຢ່າງແໜ້ນແຟ້ນ ເພາະວ່າທັງສອງລ້ວນແຕ່ຮັບຜົນສະທ້ອນຢ່າງຫຼວງຫຼາຍຈາກຄວາມບໍ່ສະເຫມີພາບສິດອຳນາດ. ໃນທົ່ວໂລກ, ໂລກລະບາດ HIV/AIDS ຍັງຄົງເປັນສິ່ງທ້າທາຍຕໍ່ກັບສຸຂະພາບຂອງຊຸມຊົນອັນໃຫຍ່ຫຼວງ, ດ້ວຍປະຊາຊົນນັບລ້ານຄົນທີ່ດໍາລົງຊີວິດຮ່ວມກັບໄວຣັດນີ້ ແລະ ມີຜູ້ຕິດເຊື້ອໃໝ່ຫຼາຍພັນຄົນໃນແຕ່ລະວັນ.

ຢູ່ຫວຽດນາມ, ແມ່ຍິງທີ່ຕິດເຊື້ອ HIV, ແມ່ຍິງປ່ຽນເພດ ແລະ ບັນດາຜູ້ຊາຍທີ່ມີເພດສໍາພັນກັບຜູ້ຊາຍອື່ນໆ ພວມປະເຊີນໜ້າກັບລະດັບຄວາມເສຍຫາຍສູງກວ່າສຳລັບການໃຊ້ຄວາມຮຸນແຮງບົນພື້ນຖານທາງເພດ ແລະ HIV. ລັດຖະບານ ແລະ ບັນດາອົງການຈັດຕັ້ງທີ່ກ່ຽວຂ້ອງ ສືບຕໍ່ພະຍາຍາມປັບປຸງຄວາມສາມາດໃນການເຂົ້າເຖິງບັນດາການບໍລິການປ້ອງກັນ ຕ້ານ HIV ແລະ ເບິ່ງແຍງສຸຂະພາບ, ພ້ອມກັນນັ້ນ ກໍ່ແກ້ໄຂບັນຫາອະຄະຕິ ແລະ ຈຳແນກການປະພຶດທີ່ກ່ຽວຂ້ອງເຖິງ HIV ແລະ ການໃຊ້ຄວາມຮຸນແຮງບົນພື້ນຖານທາງເພດ. ເປົ້າໝາຍແມ່ນເພື່ອສ້າງສັງຄົມທີ່ຍຸຕິທຳ, ເປັນບ່ອນທີ່ມີສິດຜົນປະໂຫຍດ ແລະ ສຸຂະພາບຂອງບຸກຄົນທັງໝົດ, ພິເສດແມ່ນບັນດາຜູ້ທີ່ມີຄວາມສ່ຽງ ຫຼື ໄດ້ຮັບຜົນສະທ້ອນຈາກ HIV ແລະ ການໃຊ້ຄວາມຮຸນແຮງບົນພື້ນຖານທາງເພດ ໄດ້ຮັບການປົກປ້ອງ ແລະ ພັດທະນາ.

ປີນີ້, ວັນໂລກປ້ອງກັນ ຕ້ານ AIDS ແລະ ຍຸດທະນາການ UNiTE 2024 ໄດ້ຮ່ວມເດີນທາງພາຍໃຕ້ຄຳຂວັນທີ່ເປັນເອກະພາບດ້ວຍຫົວຂໍ້ “ຍຸຕິທຳ ແລະ ສະເໝີພາບ”, ໂດຍເນັ້ນໜັກວິທີການເຂົ້າເຖິງສະຫຼັບໃສ່ກັນ ເພື່ອຢຸດຕິ HIV/AIDS ແລະ ການໃຊ້ຄວາມຮຸນແຮງບົນພື້ນຖານທາງເພດ ພ້ອມກັນນັ້ນ ກໍ່ຮັບຮູ້ເຖິງວ່າ ການຮັບປະກັນສິດການເຂົ້າເຖິງຄວາມສະເໝີພາບສຳລັບບັນດາບໍລິການດ້ານການແພດ ແລະ ການລົບລ້າງຄວາມຮຸນແຮງແມ່ນເງື່ອນໄຂອັນຈຳເປັນ ເພື່ອບັນລຸໄດ້ບັນດາເປົ້າໝາຍກ່ຽວກັບສິດທິມະນຸດ ແລະ ການພັດທະນາແບບຍືນຍົງ.

ເປົ້າໝາຍຂອງຍຸດທະນາການ UNiTE ໃນການປ້ອງກັນ ແລະ ການລົບລ້າງການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ ແມ່ນສອດຄ່ອງກັບບັນດາເປົ້າໝາຍຂອງວັນໂລກປ້ອງກັນ ຕ້ານ AIDS, ສ້າງເປັນການສະທ້ອນສຽງຢ່າງເຂັ້ມແຂງ, ສົ່ງເສີມບັນດາການປ່ຽນແປງລະບົບ ແລະ ບັນດາການແກ້ໄຂໂດຍຊຸມຊົນນຳພາ. ໂດຍການເຕົ້າໂຮມບັນດາຝ່າຍທີ່ກ່ຽວຂ້ອງ, ລວມມີ ລັດຖະບານ ແລະ ຊຸມຊົນທີ່ໄດ້ຮັບຜົນສະທ້ອນ, ບັນດາຍຸດທະນາການເຫຼົ່ານີ້ ໄດ້ສ້າງສະພາບແວດລ້ອມການຮ່ວມມື ເພື່ອຜ່ານຜ່າການອະຄະຕິ, ຍົກສູງຄວາມສາມາດໃນການເຂົ້າເຖິງການບໍລິການດູແລສຸຂະພາບ ແລະ ຊຸກຍູ້ຄວາມສະເໝີພາບທາງເພດ.

ໂດຍຜ່ານຄວາມພະຍາຍາມປະສານງານ, ວັນໂລກປ້ອງກັນ ຕ້ານ AIDS ແລະ ຍຸດທະນາການ UNiTE 2024 ຫວັງຢາກສ້າງໂລກທີ່ທຸກຄົນ, ພິເສດແມ່ນຜູ້ທີ່ມີຄວາມສ່ຽງ, ສາມາດດໍາລົງຊີວິດໂດຍບໍ່ມີຄວາມຢ້ານກົວກ່ຽວກັບ HIV/AIDS ແລະ ການໃຊ້ຄວາມຮຸນແຮງບົນພື້ນຖານທາງເພດ.

ກອງປະຊຸມອອນລາຍສາກົນກ່ຽວກັບວຽກງານສາທາລະນະສຸກລະຫວ່າງ 4 ແຂວງຂອງຫວຽດນາມ ແລະຄະນະກໍາມະການສາທາລະນະສຸກເຂດປົກຄອງຕົນເອງ ຊົນເຜົ່າຈວາງ ກວາງຊີ (ຈີນ) ຍສໝ - ວັນທີ 9 ກັນຍາ, ຄະນະກໍາມະການສາທາລະນະສຸກເຂດປົກຄອງຕົນເອງຊົນເຜົ່າຈວາງ ກວາງຊີ (ປະເທດຈີນ) ໄດ້ປະສານສົມທົບກັບພະແນກສາທາລະນະສຸກ 4 ແຂວງຂອງຫວຽດນາມລວມມີ: ກາວບັ່ງ, ຮ່າຢາງ, ລ້າງເຊີນ, ກວາງນີງ ເພື່ອຈັດກອງປະຊຸມອອນລາຍ ກ່ຽວກັບວຽກງານສາທາລະນະສຸກ ແລະກອງປະຊຸມຝຶກອົບຮົມ ໂຄງການ HIV/AIDS ຢູ່ເຂດຊາຍແດນຫວຽດນາມ-ກວາງຊີ,ຈີນ, ການຮ່ວມມືໃນການປ້ອງກັນ ແລະຄວບຄຸມພະຍາດລະບາດຂ້າມຊາຍແດນລ້ານຊ້າງ-ແມ່ນໍ້າຂອງ.

ພິທີເປີດຕົວໂຄງການພັດທະນາ ລະບົບສາທາລະນະສຸກທີ່ສະໜັບສະໜູນໂດຍ USAID ຍສໝ - ໃນຕອນບ່າຍຂອງວັນທີ 15 ທັນວາ, ອົງການພັດທະນາສາກົນສະຫະລັດອາເມລິກາ ແລະ ອົງການແຜນການສຸກເສີນຂອງປະທານາທິບໍດີສະຫະລັດອາເມລິກາ ກ່ຽວກັບການປ້ອງກັນ HIV/AIDS (PEPFAR) ໄດ້ເປີດພິທີເປີດຕົວ ໂຄງການພັດທະນາລະບົບສາທາລະນະສຸກແບບຍືນຍົງ ໂດຍ ອົງການນີ້ສະໜັບສະໜູນໃຫ້ແກ່ຫວຽດນາມ.