ເຜີຍແຜ່ບັນດາຜົນງານຂ່າວສານການຕ່າງປະເທດເພື່ອໃຫ້ເພື່ອນມິດສາກົນເຂົ້າໃຈ ແລະຮັກແພງຫວຽດນາມ ຫຼາຍກວ່າ

	ຫຼາຍກວ່າ 370 ຕື້ດົ່ງມອບຂອງຂວັນບຸນໄຫວ້ພະຈັນໃຫ້ເດັກນ້ອຍ 6 ລ້ານຄົນໃນທົ່ວປະເທດ
	ເອກ​ອັກ​ຄະ​ລັດ​ຖະ​ທູດ ເລືອງ​ແທັງ​ງິ: ນ້ຳ​ໃຈ​ຂອງ​ຊາດ, ຄວາມ​ຮັກແພງ​ຂອງ​ພໍ່​ແມ່​ພີ່​ນ້ອງ​ໄດ້​ແຜ່​ກະ​ຈາຍ

ທ່ານ​ນາ​ຍົກ​ລັດ​ຖະ​ມົນ​ຕີ ຫວຽດນາມ ຟ້າມ​ມິງຈິງ ແລະ ທ່ານ ຫງວຽນ​ຈ້ອງ​ເຫງຍ ຫົວ​ໜ້າ​ຄະນະໂຄສະນາສຶກສາສູນກາງ ໄດ້​ມອບ​ລາງວັນ​ທີ 1, ລາງວັນທົ່ວປະເທດກຽວກັບຂໍ້ມູນ​ຂ່າວ​ສານການ​ຕ່າງ​ປະ​ເທດ​ແຫ່ງ​ຊາດ ​ຄັ້ງ​ທີ 9 ໃຫ້​ແກ່​ບັນດາບຸກ​ຄົນ ແລະ ກົມກອງລວມໝູ່. ຮູບ​ພາບ​ສາລະຄະດີ: ເຢືອງຢ່າງ / ສຳນັກຂ່າວສານ ຫວຽດນາມ

ກ່ອນ​ພິທີ​ມອບ​ລາງວັນ, ທ່ານ ຫງວຽນ​ເກ​ເລີມ, ຮອງ​ຫົວໜ້າ​ຄະນະ​ຮັບຜິດຊອບສະເພາະ ຄະນະຊີ້​ນຳ​ວຽກ​ງານ​ຂ່າວສານການ​ຕ່າງປະ​ເທດ​ສູນ​ກາງ​ ໄດ້ແລກປ່ຽນ​ກັບນັກຂ່າວ​ສຳນັກຂ່າວສານ ຫວຽດນາມ ກ່ຽວ​ກັບ​ບັນດາ​ເນື້ອ​ໃນ​ທີ່​ກ່ຽວຂ້ອງ​ຂອງ​ລາງວັນ​ປີ​ນີ້.

ປີ 2024 ເປັນປີທີ 10 ຂອງລາງວັນທົ່ວປະເທດກ່ຽວກັບຂໍ້ມູນຂ່າວສານການຕ່າງປະເທດ. ຂໍຮຽນທ່ານໃຫ້ພວກເຮົາຮູ້ກ່ຽວກັບການປະເມີນຕີລາຄາໂດຍສັງເຂບກ່ຽວກັບລະດູລາງວັນທີ 10 ນີ້ໄດ້ບໍ?

ດັ່ງທີ່ພວກເຮົາຮູ້ວ່າ 2024 ແມ່ນຂີດໝາຍການເດີນທາງ 10 ປີຂອງການສ້າງຕັ້ງ ແລະ ການພັດທະນາຂອງລາງວັນທົ່ວປະເທດສໍາລັບຂໍ້ມູນຂ່າວສານການຕ່າງປະເທດ. ແລະ ມາເຖິງປະຈຸບັນ, ລາງວັນດັ່ງກ່າວໄດ້ຢັ້ງຢືນທີ່ຕັ້ງສຳຄັນຂອງຕົນໃນລະບົບບັນດາລາງວັນທີ່ມີອິດທິພົນຂອງ ຫວຽດນາມ ກໍ່ຄືປະກອບສ່ວນເຂົ້າໃນການຜັນຂະຫຍາຍບັນດາເປົ້າໝາຍ ແລະ ໜ້າທີ່ຂອງວຽກງານຂໍ້ມູນຂ່າວສານການຕ່າງປະເທດໃນແຕ່ລະໄລຍະຢ່າງມີໄຊ.

ລາງວັນຂໍ້ມູນຂ່າວສານການຕ່າງປະເທດບໍ່ພຽງແຕ່ແມ່ນລາງວັນໜັງສືພິມທຳມະດາເທົ່ານັ້ນ, ຫາກຍັງແມ່ນເວທີ ເພື່ອບັນດາຜູ້ຮັກແພງ ຫວຽດນາມ, ໜູນຊ່ວຍ ຫວຽດນາມ ປະດິດຄິດສ້າງ ແລະ ເຜີຍແຜ່ພາບພົດ ຫວຽດນາມ, ຄຸນຄ່າຂອງ ຫວຽດນາມ, ພູມປັນຍາຂອງ ຫວຽດນາມ ອອກສູ່ໂລກ.

ພິເສດ, ລາງວັນປີນີ້ມີບັນດາຜົນງານເຂົ້າຮ່ວມການເສັງທີ່ໃຊ້ຫຼາຍພາສາ, ນອກຈາກ ບັນດາພາສາທີ່ລື້ງເຄີຍເຊັ່ນ ອັງກິດ, ຝຣັ່ງ ແລະ ແອັສປາຍ ແລ້ວ ຄັ້ງນີ້ຍັງມີຫຼາຍພາສາໃໝ່ເຊັ່ນ ອາຣັບ, ອຸເບກິດສະຖານ,... ການ​ຮັບ​ເອົາຜົນງານ​​ຜ່ານວິທີສົ່ງຈົດໝາຍອີ​ເມ​ວ ກໍ່​ໄດ້​ສ້າງ​ຄວາມ​ສະດວກ​ໃຫ້​ບັນດາ​ອົງການ​ຜູ້ຕາງໜ້າ ​ຫວຽດນາມ ປະຈຳ ​ຕ່າງປະ​ເທດ ​ແລະ ຕ່າງປະ​ເທດ​ສົ່ງ​ບັນດາ​ຜົນງານ, ຜະລິດ​ຕະພັນ​ເຂົ້າ​ຮ່ວມການເສັງ.

ໃນ​ບັນ​ດາ​ຜົນ​ງານ​ທີ່​ເຂົ້າ​ຮ່ວມ​ການ​ເສັງຢູ່​ໃນ​ບັນ​ດາ​ປະ​ເພດ ​ສື່ສິ່ງ​ພິມ, ຫນັງ​ສື​ພິມ​ເອ​ເລັກ​ໂຕຣ​ນິກ​ດ້ວຍ​ພາ​ສາ​ຕ່າງ​ປະ​ເທດ ເຊິ່ງສຳນັກຂ່າວສານ ຫວຽດນາມ ສືບ​ຕໍ່​ແມ່ນ​ອົງ​ການ​ທີ່​ມີ​ບັນ​ດາ​ຜົນງານ​ທີ່​ໄດ້​ຮັບ​ການເຂົ້າຮ່ວມ​ຫຼາຍ​ທີ່​ສຸດ. ລາງວັນ​ສູງ 2 ລາງວັນ​ໃນປະ​ເພດສື່ສິ່ງພິມ, ຫນັງ​ສື​ພິມ​ເອ​ເລັກ​ໂຕຣ​ນິກ​ດ້ວຍ​ພາ​ສາ​ຕ່າງ​ປະ​ເທດ​ໃນ​ປີ​ນີ້​ ແມ່ນເປັນຂອງສຳນັກ​ຂ່າວສານ ​ຫວຽດນາມ, ​ແມ່ນ​ການ​ຮັບ​ຮູ້​ຄວາມ​ມານະພະຍາຍາມໃນ​ການປະກອບສ່ວນ, ​ຫົວຄິດ​ປະດິດ​ສ້າງ​ຂອງ​ກຳລັງນັກ​ຂ່າວ​ຂອງ​ສຳນັກ​ຂ່າວສານ ​ຫວຽດນາມ ​ໃນ​ການ​ປະຕິບັດ​ວຽກ​ງານ​ຂໍ້ມູນຂ່າວ​ສານການຕ່າງປະເທດໃນປີຜ່ານມາ.

ຕາມທ່ານຕີລາຄາແລ້ວ, ຈຸດພົ້ນເດັ່ນຂອງບັນດາຜົນງານທີ່ຍາດໄດ້ລາງວັນໃນປີນີ້ແມ່ນມີຫຼາຍຜົນງານທີ່ມີຮູບແບບການສະແດງອອກທີ່ຫຼາກຫຼາຍ ແລະ ທັນສະໄໝ ກໍ່ຄືຫຼາຍຜົນງານຂອງຊາວຕ່າງປະເທດທີ່ສະທ້ອນມູມມອງກ່ຽວກັບຫວຽດນາມ ຢ່າງຕັ້ງໜ້າ. ຮຽນທ່ານສາມາດແບ່ງປັນໂດຍລະອຽດກວ່າກ່ຽວກັບບັນດາຜົນງານດັ່ງກ່າວໄດ້ບໍ?

ທ່ານ ຫງວຽນ​ເກ​ເລີມ, ຮອງ​ຫົວໜ້າ​ຄະນະ​ຮັບຜິດຊອບສະເພາະຄະນະຊີ້​ນຳ​ວຽກ​ງານ​ຂ່າວສານ​ການຕ່າງປະ​ເທດ​ສູນ​ກາງ​

ສຳລັບຂ້າພະເຈົ້າແລ້ວ, ດົນຕີແມ່ນສິ່ງໜຶ່ງທີ່ຈັບອົກຈັບໃຈໄດ້ງ່າຍ, ພິເສດແມ່ນດົນຕີສາກົນຈຸດສູງທີ່ພວກເຮົາເຄີຍຕິດຕາມຢູ່ບັນດາໜັງສື່ຕ່າງໆ, ຈົນເຖິງ IB Group ໄດ້ເປີດຕົວຕ່ອງໂສ້ໂຄງການດົນຕີທີ່ນຳບັນດາເທບພະບຸດດົນຕີສາກົນມາ ຫວຽດນາມ ເຂົ້າຮ່ວມສະແດງຄື Modern Talking , Boney M, Chris Norman...

ພິ​ເສດ​ແມ່ນ​ເຫດການ​ IB Group ​ແລະ ໜັງສືພິມປະຊາຊົນ ​ໄດ້ເປີດຕົວວິ​ດີ​ໂອ​ເພງ​ທີ່​ໄດ້ຖ່າຍຢູ່ ຮ່າໂນ້ຍ ໃຫ້ບົດເພງທີ່​ອະມະຕະ “​Going home”, ດ້ວຍ​ບັນດາ​ຮູບ​ພາບມິວທັດ​ທີ່​ພົ້ນ​ເດັ່ນ​ຂອງ​ນະຄອນຫຼວງ, ປະກອບສ່ວນ​ໂຄສະນາ​ເຜີຍ​ແຜ່​ບັນດາ​ຄຸນຄ່າ​ວັດທະນະທຳ, ການທ່ອງ​ທ່ຽວ​ ຫວຽດນາມ. ກໍ່ເປັນໜ້າສົນໃຈ​ແມ່ນບັນດາຜົນງານກ່ຽວກັບຮ່ອງຮອຍທີ່​ສຳນັກງານ​​ຊາວ​ໜຸ່ມ​ປະຕິວັດ​ ຫວຽດນາມ ຢູ່​ ກວາງໂຈ, ປະ​ເທດ​ຈີນ ບ່ອນທີ່ປະທານ​ ໂຮ່ຈິ​ມິນ ​ໄດ້​ສ້າງ​ຕັ້ງ​ໜັງ​ສື​ພິມ “ຊາວ​ໜຸ່ມ” ​ແລະ ຝຶກອົບຮົມ​ດ້ານ​ການ​ເມືອງ​ໃຫ້​ຊາວ​ໜຸ່ມ​ ຫວຽດນາມ.

ຫຼັງຈາກຈັດຕັ້ງການເສັງ 10 ຄັ້ງແລ້ວ ຕາມຄວາມຄິດເຫັນຂອງທ່ານ ສາມາດຖອດຖອນປະສົບການອັນໃດທີ່ສາມາດສຶບຕໍ່ຍົກສູງຄຸນນະພາບ ແລະ ການເຜີຍ​ແຜ່ຂອງການເສັງນີ້, ຮຽນທ່ານ?

​ເຖິງ​ວ່າບັນລຸ​ໄດ້​ບັນດາ​ໝາກຜົນ​ອັນ​ຕັ້ງໜ້າ​ພ້ອມ​ກັບ​ຄວາມ​ຮຽກຮ້ອງ​, ໜ້າທີ່ໃໝ່ຂອງວຽກ​ງານ​ຂໍ້​ມູນ​ຂ່າວສານການ​ຕ່າງປະ​ເທດ​ໃນ​ໄລຍະ​ໃໝ່, ລາງວັນທົ່ວປະເທດ​​ຕ້ອງ​ສືບ​ຕໍ່ປ່ຽນແປງໃໝ່ເພື່ອຍົກສູງ​​ຄຸນ​ນະພາ​ບ, ປະກອບສ່ວນ​ເຂົ້າ​ໃນ​ວຽກ​ງານ​ຂໍ້​ມູນ​ຂ່າວສານການ​ຕ່າງປະ​ເທດຢ່າງປະສິດທິຜົນ ກໍ່ຄືປະຕິບັດບັນດາເປົ້າໝາຍຍຸດທະສາດທີ່ພັກກອມມູນິດ ຫວຽດນາມ ໄດ້ວາງອອກ.

ພາຍຫຼັງ 10 ປີ​ແຫ່ງ​ການ​ຈັດ​ຕັ້ງ, ລາງວັນ​ດັ່ງກ່າວ​ໄດ້​ສ້າງເປັນ​ຂະບວນການ​ຢ່າງ​ແທ້​ຈິງ, ເປັນກຳລັງໜູນເພື່ອຊຸກຍູ້​ຢ່າງ​ເຂັ້ມແຂງ​ເພື່ອໃຫ້​ບັນດາຜູ້ເຮັດຂໍ້ມູນ​ຂ່າວສານການ​ຕ່າງປະ​ເທດ ​ປະດິດຄິດ​ສ້າງຢ່າງບໍ່ຢຸ່ດຢັ້ງ ​ແລະ ນຳ​ມາ​ເຊິ່ງບັນດາ​ຜົນງານ​ທີ່​ມີ​ຄຸນ​ນະພາ​ບ. ປະຈຸ​ບັນ, ຄວາມ​ຮຽກຮ້ອງ​ຕ້ອງການທີ່ວາງອອກ​ແມ່ນ​ຍົກ​ສູງ​ຄຸນ​ນະພາ​ບອີກກວ່າ, ​ເຜີຍແຜ່​​ອອກ​ສູ່​ຕ່າງປະ​ເທດ​ຢ່າງ​ກວ້າງ​ຂວາງ ແລະ ມີ​ຜົນ​ສະທ້ອນ​ຢ່າງເຂັ້ມ​ແຂງ​ເພື່ອ​ໃຫ້​ເພື່ອນ​ມິດສາ​ກົນ​ເຂົ້າ​ໃຈ​ ຫວຽດນາມ ​ໄດ້​ດີກ​ວ່າ ແລະ ຮ່ວມກັນເດີນທາງພ້ອມກັບ ​ຫວຽດນາມ​ ​ບົນ​ເສັ້ນທາງກ້າວຂຶ້ນ​ສັງຄົມ​ນິຍົມ, ສະໜັບສະໜູນ​ການ​ນຳຂອງ​ພັກ​ກອມ​ມູນິດ ​ຫວຽດນາມ.

ເວົ້າລວມແລ້ວ, ລາງວັນຂໍ້ມູນຂ່າວສານການຕ່າງປະເທດ ກໍ່ຄືວຽກງານຂໍ້ມູນຂ່າວສານການຕ່າງປະເທດໃນໄລຍະຈະມາເຖິງ ຕ້ອງມານະພະຍາຍາມ ແລະ ສຸມໃສ່ ເພື່ອໂຄສະນາໃຫ້ດີກວ່າກ່ຽວກັບພາລະກິດ, ຖານະບົດບາດປະເທດຊາດ, ພິເສດແມ່ນເມື່ອ ຫວຽດນາມ ພວມກ້າວເຂົ້າສູ່ສັງກາດໃໝ່, ເປັນສັງກາດຂອງຄວາມ​ຮັ່ງມີ ຈະ​ເລີ​ນຮຸ່ງ​ເຮືອງ ແລະ ຄວາມ​ຜາ​ສຸກ ຂອງ​ຊາວ ​ຫວຽດນາມ.

ຂໍຂອບໃຈທ່ານ!

ຊາວຫວຽດນາມຢູ່ຕ່າງປະເທດສືບຕໍ່ສະໜັບສະໜູນ ຫຼາຍກວ່າ 1 ຕື້ດົ່ງເພື່ອປ້ອງກັນການລະບາດຂອງພະຍາດໂຄວິດ -19 ຍສໝ - ມາຮອດປະຈຸບັນ, ປະຊາຄົມຊາວຫວຽດນາມຢູ່ຕ່າງປະເທດໄດ້ສົ່ງເງິນກວ່າ 60 ຕື້ດົ່ງ ພ້ອມກັບອຸປະກອນການແພດ ແລະ ຜະລິດຕະພັນຫຼາຍຢ່າງ ເພື່ອໜູນຊ່ວຍວຽກງານປ້ອງກັນ, ຄວບຄຸມໂລກລະບາດພາຍໃນປະເທດ.

ນາຍົກລັດຖະມົນຕີ ໄດ້ສະແດງຄວາມຂອບໃຈຍີ່ປຸ່ນ ທີ່ໄດ້ໃຫ້ການຊ່ວຍເຫຼືອຫວຽດນາມດ້ວຍຢາວັກຊີນປ້ອງກັນພະຍາດໂຄວິດ -19 ຫຼາຍກວ່າ 3 ລ້ານໂດສ ຍສໝ - ຫ່າງແລ້ວນີ້, ທ່ານນາຍົກລັດຖະມົນຕີ ຟ້າມມິນຈິງ ໄດ້ຕ້ອນຮັບລັດຖະມົນຕີກະຊວງປ້ອງກັນປະເທດຍີ່ປຸ່ນ Kishi Nobuo ເຊິ່ງພວມຢ້ຽມຢາມ ແລະ ເຮັດວຽກຢູ່ຫວຽດນາມ.