| ນັກສຶກສາຫວຽດນາມຍາດໄດ້ 7 ຫຼຽນໃນງານໂອລິມປິກວິຊາຟິຊິກດາລາສາດສາກົນ | |
| EuroCham ຫວຽດນາມ ຈັດ “ເວທີປາໄສ ແລະ ງານວາງສະແດງເສດຖະກິດສີຂຽວ (GEFE) 2022” ໃນທ້າຍເດືອນ ພະຈິກ 2022 |
ພາຍຫຼັງການເຮັດບົດເສັງເປັນເວລາ 2 ຊົ່ວໂມງ, ມີ 100 ກວ່າທີມໄດ້ມີຄະແນນ, ໃນນັ້ນ 5 ອັນດັບນຳໜ້າແມ່ນການຊ່ວງເສັງກັນຢ່າງດຸເດືອດຂອງ 5 ທິມຈາກມະຫາວິທະຍາໄລແຫ່ງຊາດສິງກະໂປ, ມະຫາວິທະຍາໄລເຕັກນິກກົດລັບ, ມະຫາວິທະຍາໄລ Duy Tan, ມະຫາວິທະຍາໄລເຕັກໂນໂລຊີຂໍ້ມູນຂ່າວສານ ແລະ ມະຫາວິທະຍາໄລສັບພະວິຊານະຄອນໂຮ່ຈິມິນ ທີ່ມາຈາກຫວຽດນາມ.
 |
| ທ່ານ ຫວູກວກແທ່ງ, ຮອງປະທານ, ເລຂາທິການໃຫຍ່ VNISA ຕ້ອນຮັບຜູ້ເຂົ້າແຂ່ງຂັນ (ພາບ: VNISA). |
ນີ້ແມ່ນການແຂ່ງຂັນຄັ້ງທີ 15 ຈັດຂຶ້ນຢູ່ຫວຽດນາມ ແລະ ຄັ້ງທີ 4 ແມ່ນເປີດກວ້າງໃຫ້ນັກສຶກສາອາຊຽນ ເຂົ້າຮ່ວມ. ການແຂ່ງຂັນ ໂດຍສະມາຄົມຄວາມປອດໄພຂໍ້ມູນຂ່າວສານ ຫວຽດນາມ (VNISA) ສົມທົບກັບກົມເຕັກໂນໂລຊີຂໍ້ມູນຂ່າວສານ (ກະຊວງສຶກສາ ແລະ ບຳລຸງສ້າງ) ແລະ ກົມຮັກສາຄວາມປອດໄພຂໍ້ມູນຂ່າວສານ, ກົມຮ່ວມມືສາກົນ (ກະຊວງຖະແຫຼງຂ່າວ ແລະ ສື່ສານ). ນີ້ແມ່ນການເຄື່ອນໄຫວໃນຂອບເຂດການເຄື່ອນໄຫວປະຈຳປີ “ວັນຄວາມປອດໄພຂໍ້ມູນຂ່າວສານຫວຽດນາມ” ປີ 2022.
ການແຂ່ງຂັນຄັ້ງນີ້ ມີຜູ້ເຂົ້າແຂ່ງຂັນທັງໝົດ 635 ຄົນ, ແບ່ງອອກເປັນ 161 ທີມ. ໃນນັ້ນ, ມີ 56 ທິມມາຈາກ 22 ມະຫາວິທະຍາໄລຂອງ 7 ປະເທດອາຊຽນ ຄື: ມະຫາວິທະຍາໄລແຫ່ງຊາດສິງກະໂປ, ມະຫາວິທະຍາໄລ Sains ມາເລເຊຍ, ມະຫາວິທະຍາໄລ IPB ອິນໂດເນເຊຍ ແລະ ວິທະຍາຄານການທະຫານໃນຫຼວງ ໄທ.
ບັນດາທີມຈະແບ່ງອອກເປັນ 3 ກຸ່ມ VN1 (ໂຮງຮຽນຢູ່ພາກເໜືອຫວຽດນາມ), ກຸ່ມ VN2 (ໂຮງຮຽນຢູ່ພາກໃຕ້ຫວຽດນາມ) ແລະ ກຸ່ມອາຊຽນ (ສຳລັບໂຮງຮຽນຕ່າງປະເທດ). ການແຂ່ງຂັນຮອບອຸ່ນເຄື່ອງ ຈະຊ່ວຍໃຫ້ບັນດາທີມຮູ້ຈັກກັບຮູບແບບ ແລະ ເນື້ອໃນຂອງການແຂ່ງຂັນ, ກ່ອນຈະເຂົ້າສູ່ການແຂ່ງຂັນຮອບຄັດເລືອກຢ່າງເປັນທາງການໃນວັນທີ 15 ຕຸລານີ້.
ຮອບຮອງຊະນະເລີດຈະຈັດຂຶ້ນໃນວັນທີ 5 ພະຈິກ ດ້ວຍການມີໜ້າຂອງ 20 ທີມທີ່ນຳໜ້າຂອງ 3 ກຸ່ມທີ່ແຂ່ງຂັນໃນຮອບທຳອິດ ຄື: ກຸ່ມ VN1 5 ທີມ, ກຸ່ມ VN2 5 ທີມ ແລະ ກຸ່ມອາຊຽນ 10 ທີມ (ບັນດາທີມຫວຽດນາມ ຈະແຂ່ງຂັນໂດຍເຕົ້າໂຮມທີ່ຮ່າໂນ້ຍ, ທີມອາຊຽນແຂ່ງຂັນແບບອອນໄລ).
ບັນດາທິມຂອງຫວຽດນາມ ທີ່ຄວ້າໄດ້ລາງວັນ ຈະໄດ້ຮັບໃບຍ້ອງຍໍຈາກລັດຖະມົນຕີກະຊວງສຶກສາ ແລະ ບຳລຸງສ້າງ ໃນກອງປະຊຸມສາກົນ “ວັນຄວາມປອດໄພຂໍ້ມູນຂ່າວສານ ຫວຽດນາມ 2022” ທີ່ຈະຈັດຂຶ້ນໃນວັນທີ 24 ພະຈິກ 2022 ຢູ່ຮ່າໂນ້ຍ ແລະ ທີມອັນດັບໜຶ່ງຂອງຫວຽດນາມຈະຖືກສະເໜີໃຫ້ເຂົ້າຮ່ວມການແຂ່ງຂັນ Cyber Sea Game 2022. ມູນຄ່າລາງວັນທັງໝົດຂອງການແຂ່ງຂັນແມ່ນ 200 ລ້ານດົ່ງ, ໃນນັ້ນທີມທີ່ຊະນະຄວ້າລາງວັນທີ 1 ໃນຮອບສຸດທ້າຍຈະໄດ້ຮັບເງິນລາງວັນ 30 ລ້ານດົ່ງ.
ຄຳຮຸ່ງ
