ຊຸກຍູ້ການຮ່ວມມືຂອງຫວຽດນາມ ກັບ ສິງກະໂປ ແລະ ຍີ່ປຸ່ນ ໃນບັນດາຊ່ອງທາງລັດຖະສະພາ

	ສະໜັບສະໜູນ​ແຂວງ ບິ່ງ​ດິ້ງ ​ເປີດ​ກວ້າງການການ​ພົວພັນ​ຮ່ວມ​ມື​ມິດຕະພາບ​ກັບ​ບັນດາ​ທ້ອງ​ຖິ່ນ​ຂອງ ຍີ່ປຸ່ນ
	ຍີ່ປຸ່ນ ເຊີດຊູ ທ່ານ ຮວ່າງບິ່ງກວນ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການພົວພັນມິດຕະພາບ ຫວຽດນາມ - ຍີ່ປຸ່ນ

ໂດຍຕອບສຳພາດ​ກ່ອນ​ການເດີນທາງໄປ​ຢ້ຽມຢາມ​ ສິງກະ​ໂປ ​ແລະ ຍີ່ປຸ່ນ, ທ່ານ​ນາງ ເລທູຮ່າ ຮອງ​ປະທານຄະນະ​ກຳມາທິການ​ການ​ຕ່າງປະ​ເທດ, ສະພາແຫ່ງຊາດ ຫວຽດນາມ ໃຫ້​ຮູ້​ວ່າ ການເດີນທາງໄປ​ຢ້ຽມຢາມ​ຂອງ​ທ່ານ​ປະທານ​ສະພາ​ແຫ່ງ​ຊາດ ເຈີ່ນແທັງເມິ້ນ ມີຄວາມໝາຍ​ສຳຄັນ​ໃນການ​ຊຸກຍູ້​ການ​ພົວພັນ​ຮ່ວມ​ມື​​ລັດ​ຖະ​ສະພາລະຫວ່າງ ຫວຽດນາມ, ສິງກະ​ໂປ ​ແລະ ຍີ່ປຸ່ນ ​ປະກອບສ່ວນປັບປຸງ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ ຫວຽດນາມ - ສິງກະ​ໂປ ​ແລະ ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ ຫວຽດນາມ - ຍີ່ປຸ່ນ.

ທ່ານ​ປະທານ​ສະພາ​ແຫ່ງ​ຊາດ ຫວຽດນາມ ເຈີ່ນແທັງເມິ້ນ. (ພາບ: quochoi.vn)

ຢູ່ ສິງກະ​ໂປ, ທ່ານ​ປະທານ​ສະພາ​ແຫ່ງ​ຊາດ ​ເຈີ່ນແທັງເມິ້ນ ຈະ​ມີ​ການພົບປະເຈລະຈາ​ກັບ​ບັນດາ​ການ​ນຳ​ຂັ້ນ​ສູງ​ຄື ທ່ານປະທານ​ສະພາ​ແຫ່ງ​ຊາດ Seah Kian Peng, ທ່ານ​ນາຍົກລັດຖະມົນຕີ Lawrence Wong ​ແລະ ທ່ານ​ປະທານາທິບໍດີ Tharman Shanmugaratnam, ພົບ​ປະ​ກັບ​ບັນດາ​ວິ​ສາ​ຫະກິດ​ໃຫຍ່​ທີ່​ລົງທຶນ​ຢູ່ ຫວຽດນາມ,​ປະຊາ​ຄົມ​ຊາວ ຫວຽດນາມ ​ແລະ ບັນດາ​ພະນັກງານ​ທີ່​ສະຖານທູດ ຫວຽດນາມ.

ຢູ່​ຍີ່ປຸ່ນ, ທ່ານປະທານ​ສະພາ​ແຫ່ງ​ຊາດ​ ຈະ​ມີການ​ພົບປະເຈລະຈາກັບ ​ທ່ານ​ປະທານ​ສະພາ​ສູງ Sekiguchi Masakazu, ທ່ານປະທານສະພາຕ່ຳ Nugaka Fukuhiro; ພົບ​ປະໂອ້ລົມກັບ ​ທ່ານ​ນາຍົກລັດຖະມົນຕີ Ishiba Shigeru, ​​ພົບ​ປະ​ກັບ​ເຈົ້າ​ຈັກກະພັດຍີ່ປຸ່ນ ​ແລະ ພະລາຊິນີ, ​ມອບ​ຫຼຽນ​ໄຊ​ໃຫ້​ອະດີດ​ການ​ນຳ​ຍີ່ປຸ່ນ ​ແລະ ​ຕ້ອນຮັບ​ບັນດາການ​ນຳສະຫະພັນຜູ້ແທນ​ມິດຕະພາບ ຍີ່ປຸ່ນ - ຫວຽດນາມ, ບັນດາ​ວິ​ສາ​ຫະກິດ ​ແລະ ບັນດາ​ທ້ອງ​ຖິ່ນ ຍີ່​ປຸ່ນ ​ທີ່​ມີການພົວພັນອັນສະໜິດແໜ້ນກັບ ຫວຽດນາມ.

ພິ​ເສດ​ແມ່ນ​ໃນ​ການ​ເດີນທາງໄປຢ້ຽມຢາມ​ຄັ້ງ​ນີ້, ທ່ານ​ປະທານ​ສະພາ​ແຫ່ງ​ຊາດ ເຈີ່ນແທັງເມິ້ນ ​ແລະ ທ່ານປະທານ​ສະພາ​ສູງ Sekiguchi Masakazu ຈະໄດ້​ເຊັນຂໍ້ຕົກລົງ​​ຮ່ວມ​ມື​ລະຫວ່າງ​ສະພາ​ແຫ່ງ​ຊາດ ຫວຽດນາມ ​ແລະ ສະພາ​ສູງ ຍີ່ປຸ່ນ.

ທ່ານ​ນາງ ເລ​ທູ​ຮ່າ ​ໃຫ້​ຄຳ​ເຫັນ​ວ່າ ການ​ຮ່ວມ​ມື​ລັດຖະສະພາ​ແມ່ນ​ຊ່ອງ​ທາງ​ສຳຄັນ​ໃນ​ການ​ພົວພັນ​ຄູ່​ຮ່ວມ​ມື​ສັງລວມ ​ແລະ ການ​ຮ່ວມ​ມື​ອັນ​ດີງາມ​ລະຫວ່າງ ຫວຽດນາມ ກັບ ສິງກະ​ໂປ ​ແລະ ຍີ່ປຸ່ນ. ​ໃນ​ໄລຍະ​ມໍ່ໆ​ມາ​ນີ້, ການ​ຮ່ວມ​ມື​ລະຫວ່າງ​ສະພາ​ແຫ່ງ​ຊາດ ​ຫວຽດນາມ ແລະ ສະພາ​ແຫ່ງ​ຊາດ ​ສິງກະ​ໂປ, ສະພາ​ສູງ​ ຍີ່ປຸ່ນ​ໄດ້​ພັດທະນາ​​ຢ່າງ​ດີງາມ​ໃນ​ຂອບ​ເຂດ​ສອງ​ຝ່າຍ ​ແລະ ຫຼາຍ​ຝ່າຍ.

ທ່ານ​ ນາງ ເລທູຮ່າ ຮອງ​ປະ​ທານ​ຄະ​ນະ​ກຳ​ມາທິ​ການ​ການ​ຕ່າງ​ປະ​ເທດ​, ສະ​ພາ​ແຫ່ງ​ຊາດ ຫວຽດນາມ. (ພາບ: quochoi.vn)

ທ່ານ​ນາງ​ເຊື່ອ​ໝັ້ນ​ວ່າ ການເດີນທາງໄປ​ຢ້ຽມຢາມ​ຂອງ​ທ່ານ​ປະທານ​ສະພາ​ແຫ່ງ​ຊາດ​ ຈະ​ປະກອບສ່ວນ​ຊຸກຍູ້ ​ແລະ ​ເຮັດໃຫ້​ການ​ພົວພັນ​ຮ່ວມ​ມື​ລະຫວ່າງ 3 ອົງການນິຕິບັນຍັດ ເລິກເຊິ່ງກວ່າອີກ, ໂດຍຜ່ານ​ການ​ຍູ້​ແຮງການ​ແລກປ່ຽນ​ຄະນະ​ ​ແລະ ຜັນຂະຫຍາຍບັນດາ​ການ​ເຄື່ອນ​ໄຫວ​ຮ່ວມ​ມື​ລະຫວ່າງ 3 ຄະນະກຳມະການ ​ແລະ ບັນດາ​ອົງການ​ຂອງ​ສະພາ​ແຫ່ງ​ຊາດ ລະຫວ່າງບັນດາ​ຜູ້​ແທນ​ສະພາ​ແຫ່ງ​ຊາດ ​ຫວຽດນາມ ​ກັບ ຜູ້ແທນລາສະດອນ ສິງກະ​ໂປ ​ແລະ ຍີ່ປຸ່ນ. ເສີມຂະຫຍາຍບົດບາດເປັນຂົວເຊື່ອມຕໍ່ທີ່ສຳຄັນຂອງສະຫະພັນຜູ້ແທນ​ມິດຕະພາບ ແລະ ບັນດາກຸ່ມສະຫະພັນຜູ້ແທນ​ມິດຕະພາບ ໃນການຊຸກຍູ້ການພົບປະແລກປ່ຽນປະຊາຊົນ, ການຮ່ວມມືວິສາຫະກິດ ແລະ ການຮ່ວມມືລະຫວ່າງບັນດາທ້ອງຖິ່ນ; ສົມທົບ​ເຮັດກົດບັນຢັດ, ນະ​ໂຍ​ບາຍ, ລະບົບ​ກົດໝາຍໃຫ້ສົມບູນແບບ, ສ້າງ​ເງື່ອນ​ໄຂ​ສະດວກ​ໃຫ້​ແກ່​ການ​ພັດທະນາ​ເສດຖະກິດ - ສັງຄົມ, ໜູນ​ຊ່ວຍ​ບັນດາ​ວິ​ສາ​ຫະກິດ​ຂອງ 3 ປະ​ເທດ​ເປີດ​ກວ້າງ​ການ​ຮ່ວມ​ມື ​ແລະ ການ​ລົງທຶນ​ຢູ່​ແຕ່ລະ​ປະ​ເທດ; ​ເພີ່ມ​ທະວີ​ການ​ສົມທົບ​ກັນ​ຢ່າງ​ແໜ້ນ​ແຟ້ນ ​ແລະ ສະໜັບສະໜູນ​ເຊິ່ງກັນ ​ແລະ ກັນ​ຢູ່​ບັນດາ​ເວທີ​, ບັນດາ​ອົງການ​ຫຼາຍ​ຝ່າຍ ​ແລະ ບັນດາ​ເວທີ​​ລັດຖະສະພາ​ລະຫວ່າງ​ພາກ​ພື້ນ ​ແລະ ​ໂລກ (IPU, AIPA, ARF, APPF, ASEP...)

ພິ​ເສດ, ກັບຂໍ້​ຕົກລົງ​ຮ່ວມ​ມື​ລະຫວ່າງ​ສະພາ​ແຫ່ງ​ຊາດ​ ຫວຽດນາມ ​ແລະ ສະພາ​ສູງ​ ຍີ່ປຸ່ນ ​ໄດ້​ລົງ​ນາມ​ໃນ​ການໄປຢ້ຽມຢາມ​ຄັ້ງນີ້ ຈະ​ປະກອບສ່ວນ​ເພີ່ມທະວີ​ການ​ເຄື່ອນ​ໄຫວ​ຮ່ວມ​ມື​ລະຫວ່າງ​ອົງການນິຕິບັນຍັດ 2 ປະ​ເທດຢ່າງມີ​ປະສິດທິ​ຜົນ, ສ້າງ​ເງື່ອນ​ໄຂ​ສະດວກເພື່ອໃຫ້​ສອງຝ່າຍ​​ຜັນ​ຂະຫຍາຍ​ບັນດາ​ການ​ເຄື່ອນ​ໄຫວ​ຮ່ວມ​ມືສອງຝ່າຍກໍ່ຄືຢູ່ບັນດາ​ເວທີ​​ຫຼາຍ​ຝ່າຍ, ປະກອບສ່ວນ​ຊຸກຍູ້​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ເພື່ອ​ສັນຕິພາບ ​ແລະ ຄວາມ​ຈະ​ເລີ​ນຮຸ່ງ​ເຮືອງ​ຢູ່ ​ອາຊີ ​ແລະ ​ໃນ​ໂລກ”, ສອດຄ່ອງ​ກັບ​ຜົນ​ປະ​ໂຫຍ​ດຂອງ​ປະຊາຊົນ​ສອງ​ປະ​ເທດ.

ນອກຈາກນັ້ນ, ທ່ານນາງຍັງເຊື່ອໝັ້ນວ່າ ການເດີນທາງໄປຢ້ຽມຢາມຂອງທ່ານປະທານສະພາແຫ່ງຊາດ ເຈີ່ນແທັງເມິ້ນ ບໍ່ພຽງແຕ່ປະກອບສ່ວນຊຸກຍູ້ການພົວພັນທາງການທູດສອງຝ່າຍລະຫວ່າງ ຫວຽດນາມ ກັບ ສິງກະໂປ ແລະ ຍີ່ປຸ່ນ ເທົ່ານັ້ນ, ຫາກຍັງເພີ່ມທະວີການເຊື່ອມຕໍ່, ຊຸກຍູ້ການຮ່ວມມືລະຫວ່າງບັນດາທ້ອງຖິ່ນຂອງ ຫວຽດນາມ ກັບ ບັນດາທ້ອງຖິ່ນຂອງ ສິງກະໂປ ແລະ ຍີ່ປຸ່ນ , ນຳ​ມາ​ເຊິ່ງຜົນ​ປະ​ໂຫຍ​ດລະອຽດ​ໃຫ້​ແກ່​ປະຊາຊົນ ​ແລະ ປະຊາ​ຄົມ​ວິ​ສາ​ຫະກິດ​ຂອງ 3 ປະ​ເທດ.

ນັກສຶກສາ ສິງກະໂປ ແລະ ຊາວໜຸ່ມ ເບັ໋ນແຈ່ ຮ່ວມມືກັນແປງຫ້ອງຮຽນໃຫ້ນັກຮຽນ ຍສໝ - ຫວ່າງແລ້ວນີ້, ໄດ້​ດຳເນີນ​ໂຄງການ “​ຫ້ອງ​ຮຽນ​ສຳລັບ​ເດັກນ້ອຍ”, ບັນດານັກ​ສຶກສາ​ມະຫາວິທະຍາ​ໄລ​ຄຸ້ມ​ຄອງ ​ສິງກະ​ໂປ ​ໄດ້​ທາສີແປງຝາຜະໜັງ, ປ່ຽນຂອບປະຕູແກ້ວ, ໂອບຝາຜະ​ໜັງດິນຈີ່... ​ເພື່ອເຮັດຫ້ອງຮຽນໃໝ່ 2 ຫ້ອງ​​ຢູ່​ເຂດ​ສຳຮອງຂອງ​ໂຮງຮຽນ​ປະຖົມ ເຟືອກ​ລອງ 2 (ໝູ່​ບ້ານ ໝີ​ຈ່າງ 1, ຕາ​ແສງ ເຟືອກ​ລອງ , ​ເມືອງ ​ຢົງຈົ່ມ, ເບັ໋ນແຈ່)

ສື່​ມວນ​ຊົນ​ຍີ່ປຸ່ນ​ໄດ້​ຕີ​ລາຄາ​ສູງ​ການ​ຢ້ຽມຢາມ​ຍີ່ປຸ່ນ​ຂອງ​ທ່ານ​ປະທານ​ປະ​ເທດ ຫວໍວັນເຖືອງ ຍສໝ - ວັນທີ 27 ແລະ 28 ພະຈິກ, ສື່ມວນຊົນ ຍີ່ປຸ່ນ ໄດ້ໃຫ້ຂ່າວຢ່າງຫຼວງຫຼາຍກ່ຽວກັບການຢ້ຽມຢາມ ຍີ່ປຸ່ນ ຢ່າງເປັນທາງການຂອງທ່ານປະທານປະເທດ ຫວຽດນາມ ຫວໍວັນເຖືອງ, ໃນນັ້ນໄດ້ເນັ້ນໜັກເຖິງເລື່ອງທ່ານປະທານປະເທດ ຫວໍວັນເຖືອງ ແລະ ທ່ານນາຍົກລັດຖະມົນຕີ ຍີ່ປຸ່ນ Fumio Kishida ເຫັນດີຍົກລະດັບການພົວພັນລະຫວ່າງ 2 ປະເທດຂຶ້ນເປັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ...