ເຂດຊາຍແດນ ຫວຽດນາມ-ລາວ ເຕັມໄປດ້ວຍນໍ້າໃຈໄມຕີຈິດມິດຕະພາບ

	ຄວາມຫຍຸ້ງຍາກໃນການປ້ອງກັນ ແລະ ຕ້ານໂລກລະບາດ ຢູ່ ເຂດຊາຍແດນ
	ກອງປະຊຸມ ເຜີຍແຜ່ກົດຫມາຍ ໃຫ້ແກ່ປະຊາຊົນ ຢູ່ ເຂດຊາຍແດນ ຫວຽດນາມ - ລາວ

ເຂດຊາຍແດນ ຫວຽດນາມ-ລາວ ບໍ່ພຽງແຕ່ແມ່ນຊາຍແດນທາງພູມສາດເທົ່ານັ້ນ ຫາກຍັງແມ່ນແຫ່ງເຕັມໄປດ້ວຍໄມຕີຈິດມິດຕະພາບ ແລະຂີດໝາຍປະຫວັດສາດ. ແຜ່ນດິນນີ້ມີ 29 ຊົນເຜົ່າດຳລົງຊີວິດຢູ່ຮ່ວມກັນ ແລະຂຶ້ນກັບກຸ່ມພາສາໄຕ, ໄທ, ມອນ-ຂະແມ, ເຮີມົງ-ຢາວ-ຫວຽດ-ເມື່ອງ, ບັນດາຊົນເຜົ່າດັ່ງກ່າວໄດ້ແບ່ງປັນວັດທະນະທຳທີ່ເປັນເອກະລັກສະເພາະ ແລະຄວາມສະໜິດຕິດພັນຜ່ານຫຼາຍຮຸ່ນຄົນ. ສາຍພູຫຼວງທີ່ໃຫຍ່ໂຕມະໂຫຖານ ຫຼືລຳແມ່ນ້ຳຂອງໄດ້ເຊື່ອມຕໍ່ບັນດາຊຸມຊົນຢູ່ສອງຟາກຊາຍແດນໃນການພົວພັນສາມັກຄີພິເສດ.

ຊາຍແດນ ຫວຽດນາມ-ລາວ ທີ່ມີລວງຍາວເກືອບ 2.340 ກິໂລແມດ, ທິດເໜືອເລີ່ມແຕ່ບ່ອນຕິດຈອດສາມປະເທດຫວຽດນາມ-ລາວ-ຈີນ ຢູ່ ອາປາຈາຍ (ຕາແສງສິນເທົ່າ, ເມືອງເມື່ອງແຍ໊, ແຂວງດ້ຽນບຽນ), ແລະສິ້ນສຸດຢູ່ທິດໃຕ້, ບ່ອນຕິດຈອດກັນຂອງສາມປະເທດ ຫວຽດນາມ-ລາວ-ກຳປູເຈຍ, ຂຶ້ນກັບເມືອງງອັກໂຮ່ຍ, ແຂວງກອນຕູມ.

ລຽບຕາມເສັ້ນຊາຍແດນນີ້, ອາປາຈາຍ ໄດ້ຮັບຂະໜານນາມວ່າ “ຫຼັກໝາຍຊາຍແດນເລກ 0” ລະຫວ່າງຫວຽດນາມ-ລາວ-ຈີນ, ຂຶ້ນກັບເຂດໄຕບັ໊ກ ຂອງຫວຽດນາມ. ນີ້ບໍ່ພຽງແຕ່ແມ່ນທິດຕາເວັນຕົກສຸດຂອງຫວຽດນາມ ເທົ່ານັ້ນ ຫາກຍັງແມ່ນບໍ່ສະແດງໃຫ້ເຫັນຄວາມກົມກ່ຽວຂອງຊາຍແດນຫຼາຍປະເທດ. ເຂດນີ້ມີຊື່ສຽງດ້ວຍຫຼັກໝາຍຊາຍແດນສາມຫຼ່ຽມ, ສັນຍາລັກໃຫ້ການຕິດຈອດສາມພື້ນຖານວັດທະນະທຳ.

ຊົນເຜົ່າ ຕ່າໂອຍ ມີພື້ນຖານວັດທະນະທຳເປັນເອກະລັກສະເພາະ, ປະກອບສ່ວນເຮັດໃຫ້ວັດທະນະທຳຢູ່ເຂດຊາຍແດນ ຫວຽດນາມ-ລາວ ອຸດົມສົມບູນກວ່າ. ພາບ: ຫງວຽນເຢືອງ

ຊາວເຜົ່າໄທ, ເຜົ່າ ເຮີມົງ, ເຜົ່າ ຂະມຸ ແລະຊາວເຜົ່າສ່ວນນ້ອຍອື່ນໆດຳລົງຊີວິດຢູ່ບັນດາແຂວງດ້ຽນບຽນ, ເຊີນລາ, ແທັງຮ໊ວາ, ເງະອານຂອງຫວຽດນາມ ແລະບັນດາແຂວງຢູ່ພາກເໜືອລາວ ມີວັດທະນະທຳທີ່ເປັນເອກະລັກສະເພາະ. ບັນດາວາດຟ້ອນແຊທີ່ອ່ອນຊ້ອຍຂອງຊາວເຜົ່າໄທ, ງານບຸນອະທິຖານຂໍໃຫ້ຝົນຕົກ, ຫຼືຕະຫຼາດນັດເຂດພູສູງຂອງຊາວເຜົ່າເຮີມົງ ບໍ່ພຽງແຕ່ເສີມສ້າງສີສັນສະເພາະເທົ່ານັ້ນ ຫາກຍັງສະແດງໃຫ້ເຫັນການສອດສະຫຼັບວັດທະນະທຳຢ່າງແຮງລະຫວ່າງສອງປະເທດ.

ຢູ່ພາກກາງ, ຊາວເຜົ່າ ບຣູ-ເວີນກ່ຽວ, ເຜົ່າຕ່າໂອຍ ແລະເຜົ່່າເກີຕູ ຮັກສາພິທີເຕັມໄປດ້ວຍສີສັນສະເພາະຂອງທ້ອງຖິ່ນ, ຄື: ພິທີແທງຄວາຍ, ງານບຸນໝູ່ບ້ານ. ບັນດາຮີດຄອງປະເພນີດັ່ງກ່າວໄດ້ຂ້າມຊາຍແດນ, ສະໜິດຕິດພັນບັນດາປະຊາຄົມຊົນເຜົ່າຂອງສອງປະເທດຄືດັ່ງອ້າຍນ້ອງໃນຄອບຄົວດຽວ. ພິເສດ, ຕະຫຼາດນັດເຂດຊາຍແດນບໍ່ພຽງແຕ່ແມ່ນບ່ອນແລກປ່ຽນສິນຄ້າເທົ່ານັ້ນ ຫາກຍັງແມ່ນຂົວເຊື່ອມຕໍ່ແລກປ່ຽນວັດທະນະທຳ, ແບ່ງປັນ ແລະສືບທອດພາສາ, ຮອຍຍິ້ມ ແລະຄຸນຄ່າວັດທະນະທຳທີ່ເປັນມູນເຊື້ອ.

ປະຊາຄົມຊາວເຜົ່າລາວ ດຳລົງຊີວິດມາແຕ່ດົນນານຢູ່ລຽບຕາມເສັ້ນຊາຍແດນທັງສອງປະເທດ, ຄື: ເງະອານ, ກວາງຈິ້ (ຫວຽດນາມ) ແລະເຂດພາກເໜືອລາວ, ເຂົາເຈົ້າບໍ່ພຽງແຕ່ແບ່ງປັນຄຸນຄ່າວັດທະນະທຳ, ຄື: ງານບຸນປີໃໝ່ (ປີໃໝ່ລາວ), ເຊື່ອຖືສາສະໜາພຸດ Theravada ເທົ່ານັ້ນ ຫາກຍັງສ້າງສາຍພົວພັນສະໜິດແໜ້ນຜ່ານຕະຫຼາດນັດເຂດຊາຍແດນ-ບ່ອນທີ່ການແລກປ່ຽນສິນຄ້າ ແລະພົບປະແລກປ່ຽນວັດທະນະທຳດຳເນີນຢ່າງຟົດຟື້ນອີກດ້ວຍ.

ຜ່ານຫຼາຍສະຕະວັດ, ບັນດາຊົນເຜົ່າສ່ວນນ້ອຍຢູ່ລຽບຕາມເສັ້ນຊາຍແດນ ຫວຽດນາມ-ລາວ, ບໍ່ພຽງແຕ່ຮ່ວມດຳລົງຊີວິດນຳກັນເທົ່ານັ້ນ ຫາກຍັງຄຽງບ່າຄຽງໄຫຼ່ກັນໃນໄລຍະປະສົບກັບຄວາມຫຍຸ້ງຍາກທີ່ສຸດເພື່ອຕໍ່ສູ້ຕ້ານພວກລ່າເມືອງຂຶ້ນ, ຈັກກະພັດອາເມລິກາ ແລະໃນກິດຈະການປົກປັກຮັກສາອະທິປະໄຕ, ຜືນແຜ່ນດິນອັນຄົບຖ້ວນຂອງບ້ານເກີດເມືອງນອນອີກດ້ວຍ. ບັນດາເຮືອນຢູ່ຕາມເນີນພູ ແລະເສັ້ນທາງຜ່ານສາຍພູຫຼວງບໍ່ພຽງແຕ່ຮັກສາບັນດາດາຂີດໝາຍປະຫວັດສາດເທົ່ານັ້ນ ຫາກຍັງເປັນບ່ອນສະແດງໃຫ້ເຫັນນ້ຳໃຈທີ່ຈິງໃຈ, ໝັ້ນແກ່ນລະຫວ່າງສອງຊາດ.

ຊາວເຜົ່າ ເກີຕູ ດຳລົງຊີວິດທັງຢູ່ຫວຽດນາມ ແລະລາວ, ມີວັດທະນະທຳທີ່ພົ້ນເດັ່ນໃນພື້ນຖານວັດທະນະທຳຢູ່ເຂດຊາຍແດນ ຫວຽດນາມ-ລາວ. ພາບ: ຫງວຽນເຢືອງ

ບໍ່ພຽງແຕ່ສະໜິດຕິດພັນໃນຊີວິດເທົ່ານັ້ນ, ພໍ່ແມ່ປະຊາຊົນຢູ່ເຂດຊາຍແດນຍັງຄຽງບ່າຄຽງໄຫຼ່ກັນໃນໄລຍະເວລາປະສົບກັບຄວາມຫຍຸ້ງຍາກທີ່ສຸດ. ໃນໄລຍະຕໍ່ສູ້ຕ້ານພວກລ່າເມືອງຂຶ້ນຝລັ່ງ, ຈັກກະພັດອາເມລິກາ ແລະໃນໄລຍະປົກປັກຮັກສາອະທິປະໄຕ, ເຂົາເຈົ້າໄດ້ຮ່ວມແຮງຮ່ວມໃຈປົກປັກຮັກສາຜືນແຜ່ນດິນອັນຄົບຖ້ວນຂອງບ້ານເກີດເມືອງນອນ. ບັນດາເສັ້ນທາງຢູ່ສາຍພູຫຼວງ, ບັນດາບ້ານຢູ່ພູຜາປ່າໄມ້ລ້ວນແຕ່ບັນທຶກບັນດາເລື່ອງລາວພິລະອາດຫານກ່ຽວກັບຄວາມຈົ່ງຮັກພັກດີ ແລະນ້ຳໃຈຮັກແພງພີ່ນ້ອງຮ່ວມຊາດນຳກັນ.

ວັດທະນະທຳຂອງບັນດາເຜົ່າຢູ່ທີ່ນີ້ບໍ່ພຽງແຕ່ແມ່ນມໍລະດົກອັນລ້ຳຄ່າເທົ່ານັ້ນ ຫາກຍັງແມ່ນພະຍານຫຼັກຖານທີ່ມີຊີວິດຊີວາກ່ຽວກັບນ້ຳໃຈມິດຕະພາບຫວຽດນາມ-ລາວ. ບັນດາພິທີທີ່ເປັນມູນເຊື້ອ, ວາດຟ້ອນ, ບົດເພງມ່ວນໆ ຫຼືອາຫານການກິນຂອງຊາວເຜົ່າຢູ່ທີ່ນີ້ລ້ວນແຕ່ເຕັມໄປດ້ວຍນ້ຳໃຈອັນຈິ່ງໃຈລະຫວ່າງສອງຊາດ

ຊາຍແດນ ຫວຽດນາມ-ລາວ ບໍ່ພຽງແຕ່ແມ່ນບ່ອນຕິດຈອດສອງພື້ນຖານວັດທະນະທຳເທົ່ານັ້ນ ຫາກຍັງເປັນບ່ອນອີງໝັ້ນແກ່ນໃຫ້ແກ່ການພົວພັນມິດຕະພາບແບບພິເສດລະຫວ່າງສອງຊາດ. ນ້ຳໃຈຮັກແພງລະຫວ່າງບັນດາປະຊາຄົມຢູ່ທີ່ນີ້ສ້າງເປັນເລື່ອງລາວທີດີງາມກ່ຽວກັບນ້ຳໃຈສາມັກຄີ, ກົມກຽວ, ແມ່ນຫຼັກຖານພິສູດໃຫ້ເຫັນກຳລັງແຮງຂອງສາຍໃຈອ້າຍນ້ອງ. ຜ່ານການເວລາມີຫຼາຍສິ່ງຫຼາຍຢ່າງສາມາດປ່ຽນແປງ, ແຕ່ຄວາມຮັກແພງ ແລະຄວາມສະໜິດຕິດພັນລະຫວ່າງສອງຊາດຍັງຍືນຍົງຄົງຕົວຕະຫຼອດການ, ຄືດັ່ງແມ່ນ້ຳຂອງໄຫຼລົງມາຕະຫຼອດ, ເພີ່ມພູນຄູນສ້າງນ້ຳໃຈມິດຕະພາບ ຫວຽດນາມ-ລາວ ໃຫ້ໝັ້ນຄົງຖະໜົງແກ່ນໄປຊົ່ວກາລະນານ.

ພິທີເປີດເສັ້ນທາງ ນ້ຳດິກ - ຫ້ວຍເຮ້ຍ ເຂດຊາຍແດນ ຫວຽດນາມ-ລາວ ຍສໝ - ໃນວັນ​ທີ 15 ພຶດສະພາ​ນີ້, ​ທ່າມກາງຄວາມສັນຕິພາບ, ມິດຕະພາບ​ແບບ​ພິ​ເສດ ​ແລະ ຄວາມ​ສາມັກຄີ, ໃນບໍລິເວນຫຼັກຊາຍແດນທີ 65, ຕາແສງຈ່າເນື່ອ, ເມືອງນ້ຳໂປ, ແຂວງດ້ຽນບຽນ (ຫວຽດນາມ) ​ແລະ ກຸ່ມບ້ານ​ຫົວ​ໝຶກ​, ເມືອງ ເມືອງ​ໃໝ່, ແຂວງ​ຜົ້ງ​ສາລີ (ລາວ), ອຳນາດ​ການ​ປົກຄອງ 2 ແຂວງດ້ຽນບຽນ ແລະ ...

ອານຢາງ: ສະໜັບສະໜູນການກໍ່ສ້າງເຮືອນເອື້ອອາທອນ 13 ຫຼັງ ສຳລັບແມ່ຍິງ ຢູ່ ເຂດຊາຍແດນ ຍສໝ - ໃນ 3 ປີທີ່ຜ່ານມາ, ສອງຂະແໜງການ ໄດ້ແນະນຳ ສະມາຊິກ 35 ຄົນໃຫ້ສູນກາງສະມາຄົມສະຫະພັນແມ່ຍິງຫວຽດນາມເພື່ອສະ ໜັບສະໜູນທຶນຮອນເພື່ອຊີວິດການເປັນຢູ່, ມູນຄ່າ 528 ລ້ານດົ່ງ; ສ້າງວຽກເຮັດງານທຳໃຫ້ແກ່ກຳມະກອນເພດຍິງທ້ອງຖິ່ນ 30 ກວ່າຄົນ.