| ລາດຕະເວນຮ່ວມຢູ່ເຂດຊາຍແດນ ຫວຽດນາມ-ລາວ | |
| ວຽກງານທີ່ມີຄວາມໝາຍຢູ່ເສັ້ນຊາຍແດນ ຫວຽດນາມ-ລາວ |
ເຂົ້າຮ່ວມ ແລະ ເປັນສັກຂີພິຍານພິທີເປີດ ມີບັນດາສະຫາຍຜູ້ຕາງໜ້າຄະນະກໍາມະການຊາຍແດນແຫ່ງຊາດ ກະຊວງການຕ່າງປະເທດ ສາທາລະນະລັດ ສັງຄົມນິຍົມ ຫວຽດນາມ, ຫ້ອງການຄະນະກໍາມະການຊາຍແດນກະຊວງການຕ່າງປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ເເລະ ພ້ອມກັບບັນດາຕາງໜ້າການນຳແຂວງດ້ຽນບຽນ, ປະຊາຊົນບັນດາເຜົ່າຢູ່ສອງຝັ່ງຊາຍແດນຫວຽດນາມ - ລາວ ທີ່ຢູ່ອ້ອມຂ້າງເຂດເສັ້ນທາງ ນ້ຳດິກ - ຫ້ວຍເຮ້ຍ.
 |
ພິທີເປີດເສັ້ນທາງ ນ້ຳດິກ - ຫ້ວຍເຮ້ຍ ເຂດຊາຍແດນ ຫວຽດນາມ-ລາວ |
ກ່າວປາໄສທີ່ພິທີເປີດເສັ້ນທາງ ນ້ຳດິກ-ຫ້ວຍເຮ້ຍ, ສະຫາຍ ຝ້າມດຶກຕວ່ານ, ຮອງປະທານຄະນະກຳມະການປະຊາຊົນແຂວງດ້ຽນບຽນ, ຢືນຢັນ: ເຫດການນີ້ເປັນຂີດໝາຍການພັດທະນາອັນສຳຄັນໃນການພົວພັນລະຫວ່າງສອງພັກ, ສອງລັດ; ສອງແຂວງ ແລະ ປະຊາຊົນສອງຟາກຊາຍແດນ. ການເປີດເສັ້ນທາງເຂົ້ານຳໃຊ້ ໄດ້ປະກອບສ່ວນສຳຄັນເຂົ້າໃນການຊຸກຍູ້ການພັດທະນາເສດຖະກິດ - ສັງຄົມ, ຮັບປະກັນການປ້ອງກັນຊາດ ປ້ອງກັນຄວາມສະຫງົບຢູ່ເຂດຊາຍແດນຂອງສອງແຂວງດ້ຽນບຽນ, ຜົ້ງສາລີ; ພ້ອມກັນນັ້ນກໍ່ສ້າງເງື່ອນໄຂສະດວກໃຫ້ແກ່ການເຂົ້າ-ອອກຢູ່ເຂດຊາຍແດນ ແລະ ການຊື້-ຂາຍສິນຄ້າຂອງປະຊາຊົນສອງຟາກຊາຍແດນ.
ສະຫາຍ ຝ້າມດຶກຕວ່ານ ສະເໜີໃຫ້ບັນດາກຳລັງປະຕິບັດໜ້າທີ່ຂອງ 2 ປະເທດປະຕິບັດບັນດາການເຄື່ອນໄຫວທີ່ຈຳເປັນໂດຍໄວເພື່ອສ້າງເງື່ອນໄຂສະດວກໃຫ້ແກ່ການເຂົ້າອອກເມືອງຂອງປະຊາຊົນ; ສະເໜີແຂວງຜົ້ງສາລີ ເອົາໃຈໃສ່ຍົກລະດັບເສັ້ນທາງຄົມມະນາຄົມ ເພື່ອໃຫ້ການເດີນທາງຂອງປະຊາຊົນສະດວກກວ່າເກົ່າ.
ເນື່ອງໃນໂອກາດນີ້, ສະຫາຍ ຝ້າມດຶກຕວ່ານ, ຮອງປະທານຄະນະກຳມະການປະຊາຊົນແຂວງດ້ຽນບຽນ ມອບຮູບພາບ ປະທານ ໂຮ່ຈິມິນ ແລະ ປະທານ ໄກສອນ ພົມວິຫານ ໃຫ້ຄະນະພັກ, ອຳນາດການປົກຄອງ ແລະ ປະຊາຊົນແຂວງຜົ້ງສາລີ ດ້ວຍຄວາມປາຖະໜາຢາກໃຫ້ສອງແຂວງ ເພີ່ມທະວີການຮັກສາ ແລະ ພັດທະນາສາຍພົວພັນມິດຕະພາບທີ່ເປັນມູນເຊື້ອ, ສະແດງໃຫ້ເຫັນຄວາມຕັດສິນໃຈປົກປັກຮັກສາ ແລະ ຊຸກຍູ້ການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ ຫວຽດນາມ - ລາວ.
ວັນເລື້ອງ
