 | ກິດຈະກໍາລະຫຼິ້ນບັນເທີງທີ່ມີປະໂຫຍດໃຫ້ແກ່ເຍົາວະຊົນອະນຸຊົນ ຫວຽດນາມ - ລາວ - ກຳປູເຈຍ |
| ດ່າໜັ້ງ ຮ່ວມມືກ່ຽວກັບວຽກງານຊາວໜຸ່ມ ແລະຂະບວນການຊາວໜຸ່ມ, ເຍົາວະຊົນອະນຸຊົນກັບສາລະວັນ |
ໜໍ່ສີຂຽວຂອງນ້ຳໃຈມິດຕະພາບ
ເປັນການຈັດຕັ້ງຄັ້ງທີ 7, ງານບຸນໄດ້ຕ້ອນຮັບນ້ອງໆເຍົາວະຊົນ 196 ຄົນ ແລະ ພະນັກງານຮັບຜິດຊອບ 37 ຄົນທີ່ມາຈາກບັນດາແຂວງ, ນະຄອນຂອງ 3 ປະເທດ. ບັນດາຜູ້ແທນ ຫວຽດນາມ, ນອກຈາກນ້ອງໆເຍົາວະຊົນຂອງນະຄອນ ໂຮ່ຈິີມິນ ແລ້ວ, ຍັງມີຜູ້ຕາງໜ້າຈາກບັນດາແຂວງຊາຍແດນຄື: ກອນຕູມ, ຢ່າລາຍ, ໄຕນິງ ແລະ ລອງອານ. ຝ່າຍ ລາວ ແລະ ກຳປູເຈຍ ແມ່ນບັນດານ້ອງໆມາຈາກນະຄອນຫຼວງ ວຽງຈັນ, ແຂວງ ຈຳປາສັກ, ອັດຕະປື (ລາວ), ແຂວງ Svay Rieng ແລະ Prey Veng (ກຳປູເຈຍ).
ຢູ່ທີ່ນີ້, ນ້ອງໆໄດ້ເຂົ້າຮ່ວມບັນດາການເຄື່ອນໄຫວຟົດຟື້ນພ້ອມກັນຄື: ຢ້ຽມຢາມຫໍພິພິທະພັນ ໂຮ່ຈີມິນ ສາຂານະຄອນ ໂຮ່ຈີມິນ, ພື້ນທີ່ລຸງ ໂຮ່ ກັບເຍົາວະຊົນ, ເຂົ້າຮ່ວມບັນດາການເຄື່ອນໄຫວລົງພຶດຕິກຳຕົວຈິງຢູ່ເມືອງ ເກີນເຢີ່, ພົບປະແລກປ່ຽນສີລະປະ... ບັນດາການເຄື່ອນໄຫວນີ້ຈະຊ່ວຍໃຫ້ນ້ອງໆເຂົ້າໃຈຕື່ມອີກກ່ຽວກັບວັດທະນະທຳ ແລະ ປະຫວັດສາດ, ພ້ອມທັງຮັດແໜ້ນນ້ຳໃຈເພື່ອນມິດ ແລະ ເພີ່ມພູນຄູນສ້າງຄວາມສາມັກຄີລະຫວ່າງລຸ້ນໜຸ່ມ.
 |
| ນ້ອງໆເຍົາວະຊົນເຂົ້າຮ່ວມການເຄື່ອນໄຫວລົງພຶດຕິກຳຕົວຈິງທີ່ມີຫົວຄິດປະດິດສ້າງໃນຂອບເຂດງານມະໂຫລານເຍົາວະຊົນ ຫວຽດນາມ - ລາວ - ກຳປູເຈຍ. |
ນ້ອງ Kouet Bunne ຜູ້ຕາງໜ້າ ກຳປູເຈຍ ໄດ້ສະແດງຄວາມດີໃຈທີ່ໄດ້ຮຽນຮູ້ປະສົບການ, ຄວາມຮູ້ກ່ຽວກັບວັດທະນະທຳ ແລະ ປະຫວັດສາດຈາກໝູ່ເພື່ອນ. ໂດຍດຳລົງຊີວິດຢູ່ແຂວງ Svay Rieng ທີ່ມີຊາຍແດນຕິດກັບ ຫວຽດນາມ, Bunne ໃຫ້ຮູ້ວ່າ: ໃນທຸກໆວັນບຸນ ແລະ ປີໃໝ່ຢູ່ ຫວຽດນາມ, ຊາວກຳປູເຈຍ ມັກມາຢ້ຽມຢາມ ແລະ ທ່ອງທ່ຽວບັນດາວັດວາອາຮາມຢູ່ ໄຕນິງ.
“ຂ້າພະເຈົ້າໄດ້ຍິນຫຼາຍຢ່າງກ່ຽວກັບ ຫວຽດນາມ ຊ່ວຍເຫຼືອປະຊາຊົນ ກຳປູເຈຍ ໂຄ່ນລົ້ມລະບອບດັບສູນເຊື້ອ Pol Pot, ຊ່ວຍເຫຼືອປະຊາຊົນ ກຳປູເຈຍ ຫຼຸດພົ້ນອອກຈາກການດັບສູນ ແລະ ນ້ຳໃຈມິດຕະພາບອັນຍາວນານຂອງສອງປະເທດ. ຂ້າພະເຈົ້າຫວັງວ່າ ຕົນເອງຈະກາຍເປັນທູດເຍົາວະຊົນຄົນໝຶ່ງ ເພື່ອສາມາດປະກອບສ່ວນເຊື່ອມຕໍ່ນ້ຳໃຈມິດຕະພາບນັ້ນໃຫ້ນັບມື້ນັບແໜ້ນແຟ້ນ, ເລີ່ມຕົ້ນດ້ວຍງານບຸນເຊັ່ນນີ້" Bunne ເວົ້າ.
ສຸກຖາວອນ ສຸກປະເສີດ ຈາກ ລາວ ໄດ້ແບ່ງປັນວ່າ: “ຂ້າພະເຈົ້າຮູ້ສຶກເປັນກຽດຫຼາຍທີ່ໄດ້ເຂົ້າຮ່ວມງານບຸນ, ເຖິງວ່າບໍ່ໄດ້ເວົ້າພາສາດຽວກັນ, ແຕ່ຂ້າພະເຈົ້າຍັງຮູ້ສຶກເຖິງຄວາມຮັກແພງ ແລະ ມິດຕະພາບຈາກເພື່ອນມິດ ຫວຽດນາມ, ກຳປູເຈຍ, ງານບຸນໄດ້ຊ່ວຍໃຫ້ຂ້າພະເຈົ້າເຂົ້າໃຈຕື່ມອີກກ່ຽວກັບ ວັດທະນະທໍາຂອງກັນ ແລະ ຮັບຮູ້ວ່າຄວາມຮັກແພງສາມາດເອົາຊະນະອຸປະສັກທັງຫມົດ".
ລຸ້ນໜຸ່ມ ແລະ ການເດີນທາງຂະຫຍາຍນ້ຳໃຈມິດຕະພາບ
ຈຸດພົ້ນເດັ່ນຂອງງານບຸນປີ 2024 ແມ່ນການລົງພຶດຕິກຳຕົວຈິງຢູ່ເມືອງ ເກີນເຢີ່. ໃນພື້ນທີ່ຂຽວສົດງົດງາມຂອງດິນຊາຍຝັ່ງທະເລ, ບັນດາຜູ້ແທນເຍົາວະຊົນໄດ້ພ້ອມກັນລະຫຼິ້ນເຄື່ອນໄຫວ, ຝຶກທັກສະການເຮັດວຽກເປັນກຸ່ມ ແລະ ມີຄວາມຜູກພັນຜ່ານແຕ່ລະສິ່ງທ້າທາຍ.
ງານລາຕີກໍ່ກອງໄຟຕັ້ງຄ້າຍ ແມ່ນຊ່ວງເວລາທີ່ບໍ່ສາມາດລືມໄດ້. ແປວໄຟພຸ່ງຂຶ້ນບໍ່ພຽງແຕ່ຈະລົບລ້າງໄລຍະຫ່າງທາງພູມສັນຖານເທົ່ານັ້ນ ຫາກຍັງສ້າງວົງມົນແຫ່ງຄວາມສາມັກຄີ. ນ້ອງ ດັ້ງທິຫງອກບ່າວເຈົາ, ຜູ້ຕາງໜ້າ ຫວຽດນາມ ໃຫ້ຮູ້ວ່າ: “ບັນດາໝູ່ເພື່ອນຄົນ ລາວ ແລະ ກຳປູເຈຍ ແມ່ນເພື່ອນມິດທີ່ຮັກແພງ. ບໍ່ເກງໃຈທີ່ຈະສອນໃຫ້ຂ້າພະເຈົ້າບາງຄຳສັບນິຍົມໃຊ້ຂອງ ລາວ ແລະ ກຳປູເຈຍ ກໍ່ຄືບັນດາຈຸດວັດທະນະທຳທີ່ເປັນລັກສະນະພິເສດຂອງປະເທດຕົນ. ຂ້າພະເຈົ້າເຫັນວ່າ, ງານບຸນໃນຄັ້ງນີ້ໄດ້ຮັບການລົງທຶນຢ່າງໃຫຍ່ຫຼວງ ແລະ ລະອຽດລະອໍ, ເພື່ອນມິດໄດ້ເຂົ້າຮ່ວມບັນດາການເຄື່ອນໄຫວທີ່ເໝາະສົມກັບອາຍຸການ. ໂດຍຜ່ານບັນດາການເຄື່ອນໄຫວດັ່ງກ່າວ, ເພື່ອນມິດຈະເຂົ້າໃຈກ່ຽວກັບວັດທະນະທຳຂອງ ຫວຽດນາມ ຕື່ມອີກ ແລະ ຜ່ານລາຍການນີ້, ພວກຂ້າພະເຈົ້າຈະພ້ອມກັນຮັດແໜ້ນສາຍພົວພັນມິດຕະພາບທີ່ເປັນມູນເຊື້ອລະຫວ່າງ 3 ປະເທດ ຫວຽດນາມ - ລາວ - ກຳປູເຈຍ. ຫວັງວ່າໃນຕໍ່ໜ້າຈະມີຫຼາຍໂອກາດໄດ້ເຂົ້າຮ່ວມການພົບປະແລກປ່ຽນຄືແນວນີ້”.
ງານມະໂຫລານເຍົາວະຊົນ ຫວຽດນາມ - ລາວ - ກຳປູເຈຍ ໄດ້ຈັດຕັ້ງແຕ່ປີ 2010 ມາຮອດປະຈຸບັນ, ຕາມກຳນົດເວລາ 2 ປີ/ຄັ້ງ. ໃນນັ້ນ, ປີ 2020, ງານບຸນໄດ້ຖືກຢຸດສະງັກຍ້ອນໂລກລະບາດ ໂຄວິດ-19. ປີ 2022, ຄະນະຊາວໜຸ່ມສູນກາງ ແລະ ສະພາເຍົາວະຊົນສູນກາງໄດ້ມອບໝາຍໃຫ້ນະຄອນ ໂຮ່ຈີມິນ ເປັນເຈົ້າພາບຈັດຕັ້ງການເຄື່ອນໄຫວນີ້ຢູ່ຂອບຂະໜາດຂັ້ນສູນກາງ. ງານບຸນໄດ້ກາຍເປັນບ່ອນລະຫຼິ້ນພົບປະແລກປ່ຽນທີ່ມີຄວາມເບີກບານມ່ວນຊື່ນ ແລະ ເປັນປະໂຫຍດ, ໄດ້ແນະນຳມູນເຊື້ອປະຫວັດສາດ, ບັນດາຈຸດສວຍງາມດ້ານວັດທະນະທຳ ແລະ ຮີດຄອງປະເພນີຂອງ 3 ປະເທດໃຫ້ເຍົາວະຊົນ 3 ປະເທດ ຫວຽດນາມ, ລາວ ແລະ ກຳປູເຈຍ; ພ້ອມກັນນັ້ນ, ກໍ່ຢືນຢັນຄວາມສຳຄັນຂອງລຸ້ນໜຸ່ມໃນການຂະຫຍາຍນ້ຳໃຈມິດຕະພາບ.
 |
| ພິທີປິດງານມະໂຫລານເຍົາວະຊົນສາມປະເທດ ຫວຽດນາມ - ລາວ - ກຳປູເຈຍ ປີ 2024. |
ທ່ານເລຂາທິການຄະນະຊາວໜຸ່ມນະຄອນ ໂຮ່ຈີມິນ ໂງມິງຫາຍ ໃຫ້ຄຳເຫັນວ່າ: ການພົວພັນຮ່ວມມື ແລະ ການພົບປະແລກປ່ຽນມິດຕະພາບລະຫວ່າງໄວໜຸ່ມ ເວົ້າລວມ ແລະ ເຍົາວະຊົນ ເວົ້າສະເພາະ ຈະນັບມື້ນັບເຂົ້າສູ່ລວງເລິກ, ນຳມາເຊິ່ງຜົນປະໂຫຍດຕົວຈິງໃຫ້ແກ່ລຸ້ນໜຸ່ມ ແລະ ປະຊາຊົນ 3 ປະເທດ. ບັນດາການເຄື່ອນໄຫວພາຍໃນຂອບເຂດງານບຸນບໍ່ພຽງແຕ່ແມ່ນກາລະໂອກາດພົບປະແລກປ່ຽນເທົ່ານັ້ນ, ຫາກຍັງສຶກສາອົບຮົມລຸ້ນໜຸ່ມກ່ຽວກັບຄວາມຮັບຜິດຊອບໃນການປົກປັກຮັກສາ ແລະ ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່ລະຫວ່າງ ຫວຽດນາມ - ລາວ - ກຳປູເຈຍ.
ທ່ານ ນາງ ຈິ້ງທິຮຽນເຈິ່ນ ປະທານສະພາເຍົາວະຊົນນະຄອນ ໂຮ່ຈີມິນ ກໍ່ປາດຖະໜາວ່າ ບັນດາຄວາມຊົງຈຳໃນງານບຸນຈະກາຍເປັນພື້ນຖານອັນລ້ຳຄ່າ, ຊ່ວຍໃຫ້ເດັກນ້ອຍ 3 ປະເທດມີຄວາມຕັດສິນໃຈຮ່ຳຮຽນ ແລະ ຝຶກຝົນຫຼໍ່ຫຼອມເພື່ອຮັກສາສາຍພົວພັນໃຫ້ “ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ".
 | ຫວຽດນາມ - ລາວ ແບ່ງປັນທັກສະວິຊາສະເພາະກ່ຽວກັບວຽກງານເຍົາວະຊົນ ຍສໝ - ໂຮງຮຽນ ເລຢ້ວນ (ຮ່າໂນ້ຍ) ຫາກໍ່ເປີດຊຸດບຳລຸງກ່ຽວກັບຮັບຜິດຊອບເຍົາວະຊົນ ຄະນະຊາວໜຸ່ມນະຄອນຫຼວງວຽງຈັນ - ລາວ ຊຸດທີ 13 ໃນປີ 2023 ແລະ ຊຸດບຳລຸງຄູສອນທີ່ຮັບຜິດຊອບເຍົາວະຊົນ ຊຸດທີ 28. ຊຸດຮຽນນີ້ນອນໃນໂຄງການຮ່ວມມືລະຫວ່າງຄະນະຊາວໜຸ່ມຮ່າໂນ້ຍ ແລະ ຄະນະຊາວໜຸ່ມນະຄອນຫຼວງວຽງຈັນ - ລາວ. |
 | ຮັດແໜ້ນນຳ້ໃຈສາມັກຄີ, ມິດຕະພາບລະຫວ່າງເຍົາວະຊົນ 3 ປະເທດ ຫວຽດນາມ -ລາວ - ກຳປູເຈຍ ທີ່ລາຍການ, ທ່ານ ຫວໍວັນເຖືອງ, ຜູ້ປະຈຳການຄະນະເລຂາສູນກາງພັກກອມມູນິດ ຫວຽດນາມ ໄດ້ຕີລາຄາສູງການຈັດຕັ້ງລາຍການ, ການເຄື່ອນໄຫວມີຄວາມໝາຍສຳລັບ ຊາວໜຸ່ມ, ເຍົາວະຊົນ - ອະນຸຊົນ ຂອງ 3 ປະເທດ, ຍົກຕົວຢ່າງຄືງານມະໂຫລານເຍົາວະຊົນ - ອະນຸຊົນ 3 ປະເທດ. |
ມິງດຶກ
