 | ໂຮງໝໍກາງສະໜາມຂັ້ນ 2 ເລກ 4 ຂອງຫວຽດນາມ ໄດ້ສຳເລັດພາລະກິດ ແລະ ກັບຄືນປະເທດ |
| ການສົ່ງອອກຜະລິດຕະພັນກະເສດ ຂອງຫວຽດນາມ ໃນໄລຍະ 2 ເດືອນຕົ້ນປີ 2020 ຄາດຄະເນ ເພີ່ມຂຶ້ນ 2,4% |
 |
| ການສຳມະນາສາກົນ “ແນະນຳບົດລາຍງານແຫ່ງຊາດຄັ້ງທີ 2 ຂອງ ຫວຽດນາມ ກ່ຽວກັບການປະຕິບັດສົນທິສັນຍາຕ້ານການທໍລະມານ ແລະ ບັນດາຮູບການປະຕິບັດ ການລົງໂທດທີ່ໂຫດຮ້າຍ, ໄຮ້ມະນຸດສະທຳ ຫຼື ເຮັດໃຫ້ອັບອາຍຂາຍໜ້າ” ໄດ້ດຳເນີນຢູ່ ຮ່າໂນ້ຍ ໃນຕອນເຊົ້າວັນທີ 22 ພະຈິກ 2024. |
ການສຳມະນາໂດຍທ່ານພົນຈັດຕະວາ ຫງວຽນວັນກີ, ຮອງຫົວໜ້າກົມການຕ່າງປະເທດ, ກະຊວງຕຳຫຼວດ ເປັນປະທານ, ກັບການເຂົ້າຮ່ວມຂອງທ່ານ Patrick Haverman, ຮອງຫົວໜ້າຜູ້ຕາງໜ້າ UNDP ປະຈຳ ຫວຽດນາມ ແລະ ພ້ອມດ້ວຍຜູ້ແທນ 70 ກວ່າຄົນທີ່ມາຈາກບັນດາອົງການສູນກາງ, ທ້ອງຖິ່ນ ລວມມີ: ຄະນະໂຄສະນາສຶກສາສູນກາງ, ສານປະຊາຊົນສູງສຸດ, ອົງການໄອຍະການປະຊາຊົນສູງສຸດ, ອົງການກວດກາລັດຖະບານ, ບັນດາກະຊວງ: ການຕ່າງປະເທດ, ຍຸຕິທຳ, ກະສິກຳ ແລະ ພັດທະນາຊົນນະບົດ, ການເງິນ, ວິທະຍາສາດ ແລະ ເຕັກໂນໂລຊີ, ຜູ້ຕາງໜ້າສູນກາງສະຫະພັນແຮງງານ ຫວຽດນາມ, ສະຫະພັນແມ່ຍິງສູນກາງ ຫວຽດນາມ; ສະຖາບັນສິດທິມະນຸດ - ສະຖາບັນການເມືອງແຫ່ງຊາດ ໂຮ່ຈີມິນ, ມະຫາວິທະຍາໄລກົດໝາຍ ຮ່າໂນ້ຍ ແລະ ອົງການສາກົນ, ສະຖານທູດບັນດາປະເທດຄື ນໍເວ, ໂຮນລັງ ແລະ ສະວິດເຊີແລນ ຢູ່ ຮ່າໂນ້ຍ.
 |
| ທ່ານພົນຈັດຕະວາ ຫງວຽນວັນກີ, ຮອງຫົວໜ້າກົມພົວພັນຕ່າງປະເທດ, ກະຊວງຕຳຫຼວດ ຫວຽດນາມ ກ່າວຄຳປາໄສທີ່ເປີດການສຳມະນາ. |
ກ່າວຄຳປາໄສທີ່ເປີດການສຳມະນາ, ທ່ານພົນຈັດຕະວາ ຫງວຽນວັນກີ, ຮອງຫົວໜ້າກົມພົວພັນຕ່າງປະເທດ, ກະຊວງຕຳຫຼວດ ເນັ້ນໜັກວ່າ: “ການກໍ່ສ້າງ ແລະ ປົກປ້ອງບົດລາຍງານແຫ່ງຊາດ ແມ່ນໜຶ່ງໃນບັນດາພັນທະສຳຄັນ, ສະແດງໃຫ້ເຫັນຄວາມຮັບຜິດຊອບ ແລະ ຄວາມມານະພະຍາຍາມຂອງ ຫວຽດນາມ ໃນຂະບວນການປະຕິບັດບັນດາໜ້າທີ່ສະມາຊິກສົນທິສັນຍາຕ້ານການທໍລະມານ. ເຖິງຢ່າງໃດກໍຕາມ, ການຊຸກຍູ້ວຽກງານໂຄສະນາເຜີຍແຜ່ຢ່າງກວ້າງຂວາງບັນດາເນື້ອໃນຂອງບົດລາຍງານແຫ່ງຊາດຄັ້ງທີ 2 ແລະ ຜົນສຳເລັດທີ່ຮັບປະກັນສິດທິມະນຸດໃນຂະບວນການປະຕິບັດສົນທິສັນຍາຕ້ານການທໍລະມານ ກໍ່ຍັງມີຄວາມໝາຍສຳຄັນທີ່ສຸດ, ເພື່ອແນໃສ່ເຜີຍແຜ່ເນື້ອໃນຂອງສົນທິສັນຍາ ແລະ ບັນດາຄວາມມານະພະຍາຍາມຂອງ ຫວຽດນາມ ໃນຂະບວນການປະຕິບັດສົນທິສັນຍາ”.
 |
| ທ່ານ Patrick Haverman ຮອງຫົວໜ້າຜູ້ຕາງໜ້າ UNDP ປະຈຳ ຫວຽດນາມ ກ່າວຄຳປາໄສທີ່ການສຳມະນາ. |
ທ່ານ Patrick Haverman, ຮອງຫົວໜ້າຜູ້ຕາງໜ້າ UNDP ປະຈໍາ ຫວຽດນາມ ກ່າວໃນການສຳມະນາວ່າ: “ການສົ່ງບົດລາຍງານຕາມກຳນົດເວລາແມ່ນຄວາມຮັບຜິດຊອບແກ່ນສານຂອງບັນດາປະເທດສະມາຊິກຕາມມາດຕາ 19 ຂອງສົນທິສັນຍາ. ບັນດາບົດລາຍງານນີ້ ແມ່ນວິທີການສໍາຄັນເພື່ອໃຫ້ບັນດາປະເທດສະມາຊິກນໍາສະເໜີບັນດາການກະທຳໃນການເຄົາລົບ, ປົກປັກຮັກສາ ແລະ ປະຕິບັດບັນດາສິດທິມະນຸດທີ່ໄດ້ກຳນົດໄວ້ໃນສົນທິສັນຍາ. ຫວຽດນາມ ໄດ້ສົ່ງບົດລາຍງານ 2 ສະບັບນັບແຕ່ໄດ້ໃຫ້ສັດຕະຍາບັນສົນທິສັນຍາໃນປີ 2015 ຢືນຢັນຄືນໃໝ່ຄຳໝັ້ນສັນຍາທີ່ເຂັ້ມແຂງຂອງລັດຖະບານໃນການປະຕິບັດພັນທະ ຄືເປັນປະເທດສະມາຊິກທີ່ມີຄວາມຮັບຜິດຊອບຂອງສະຫະປະຊາຊາດ”.
ການສຳມະນາໄດ້ດຳເນີນໄປໃນມື້ດຽວດ້ວຍ 2 ວາລະຄື: ວາລະທີ 1 ສັງເຂບກ່ຽວກັບການເຂົ້າຮ່ວມສົນທິສັນຍາຕ້ານການທໍລະມານ ແລະ ຄວາມຮັບຜິດການປະຕິບັດພັນທະສະມາຊິກ, ວາລະທີ 2 ໄດ້ປຶກສາຫາລືຫົວຂໍ້ລົງເລິກ. ບັນດາຫົວຂໍ້ລົງເລິກສຸມໃສ່ໃນຂະບວນການສ້າງສາບົດລາຍງານແຫ່ງຊາດຄັ້ງທີ 2, ບັນດາຜົນງານຂອງ ຫວຽດນາມ ໃນການປົກປັກຮັກສາສິດທິບໍ່ໃຫ້ຖືກການທໍລະມານ ແລະ ບັນດາບັນຫາກ່ຽວຂ້ອງເຖິງກົດໝາຍ ແລະ ການປະຕິບັດສົນທິສັນຍາຢູ່ບັນດາອົງການ, ກະຊວງ, ຂະແໜງການ.
7 ຫົວຂໍ້ລົງເລິກທີ່ໄດ້ປຶກສາຫາລືໃນການສຳມະນາ ຈະສະໜອງຂໍ້ມູນທີ່ເປັນປະໂຫຍດຫຼາຍຢ່າງກ່ຽວກັບການຜັນຂະຫຍາຍປະຕິບັດສົນທິສັນຍາຕ້ານການທໍລະມານຢູ່ບັນດາກະຊວງ, ຂະແໜງການ ແລະ ຫົວໜ່ວຍທີ່ກ່ຽວຂ້ອງ ນັບແຕ່ການສຶກສາເພື່ອຍົກສູງຄວາມຮັບຮູ້ກ່ຽວກັບສົນທິສັນຍາ, ເຮັດສົມບູນກົດໝາຍ ເພື່ອແນໃສ່ປະຕິບັດສົນທິສັນຍາ, ບັນດາວິທີການປົກປ້ອງສິດທິມະນຸດໃນການກັກຂັງຊົ່ວຄາວ ແລະ ກັກຂັງ ກໍ່ຄືບັນດາບັນຫາທີ່ກ່ຽວຂ້ອງເຖິງການດຳເນີນຄະດີ ເພື່ອຮັບປະກັນສິດທິບໍ່ໃຫ້ຖືກທໍລະມານ, ການປະຕິບັດບັນດາຄຳໝັ້ນສັນຍາສາກົນກ່ຽວກັບສິດທິມະນຸດຢ່າງປະສິດທິຜົນ...
ນອກຈາກນັ້ນ, ໃນການສຳມະນາ ຈະມີຄໍາຖາມ - ຄໍາຕອບຫຼັງຈາກບັນດາຫົວຂໍ້ລົງເລິກປຶກສາຫາລື.
 | ການສຳມະນາວິທະຍາສາດ ກ່ຽວກັບການພົວພັນພິເສດສອງປະເທດຫວຽດນາມ - ລາວ ຍສໝ - ເມື່ອບໍ່ດົນມານີ້, ຢູ່ທີ່ສຳນັກງານຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ, ຢູ່ນະຄອນຫຼວງວຽງຈັນ, ສະພາທິດສະດີສູນກາງພັກປະຊາຊົນປະຕິວັດລາວ ໄດ້ຈັດກອງປະຊຸມວິທະຍາສາດໃນຫົວຂໍ້ “60 ປີແຫ່ງການພົວພັນທາງການທູດ, 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ”, ໂດຍການເປັນປະທານຂອງ ສະຫາຍ ຄຳພັນ ເຜີຍຍະວົງ, ເລຂາສູນກາງພັກ, ຫົວໜ້າຄະນະໂຄສະນາອົບຮົມສູນກາງ, ປະທານສະພາທິດສະດີສູນກາງພັກປະຊາຊົນປະຕິວັດລາວ. |
 | ການສຳມະນາ: "ໝູ່ເກາະບ້ານເກີດເມືອງນອນ ແລະ ພີ່ນ້ອງຮ່ວມຊາດຢູ່ຕ່າງປະເທດ" ຍສໝ - ເພື່ອຕອບສະໜອງຄວາມມຸ້ງຫວັງ ແລະ ຄວາມຮູ້ສຶກທາງໃຈຂອງພີ່ນ້ອງຮ່ວມຊາດຢູ່ຕ່າງປະເທດ ສຳຫຼັບບ້ານເກີດເມືອງນອນ ແລະ ໂດຍສະເພາະກັບໝູ່ເກາະເຈື່ອງຊາ, ຄະນະກຳມະການແຫ່ງລັດ ກ່ຽວກັບຊາວຫວຽດນາມຢູ່ຕ່າງປະເທດ (ກະຊວງການຕ່າງປະເທດ) ໄດ້ວາງແຜນຈັດຕັ້ງກອງປະຊຸມສຳມະນາ, ພົບປະແລກປ່ຽນກ່ຽວກັບຫົວຂໍ້ "ໝູ່ເກາະບ້ານເກີດເມືອງນອນ ແລະ ພີ່ນ້ອງຮ່ວມຊາດຢູ່ຕ່າງປະເທດ" ໃນວັນທີ 8 ພຶດສະພາ. |
ແທັງຮັ່ງ
