 |
ພາບປະກອບ
ຫວຽດນາມ ພວມເຂົ້າຮ່ວມບັນດາສັນຍາການຄ້າເສລີກັບບັນດາປະເທດ, ພາກພື້ນຕ່າງໆ, ໃນນັ້ນມີບັນດາສັນຍາ, ຄື: ສັນຍາຄູ່ຮ່ວມມືຮອບດ້ານ ແລະກ້າວໜ້າຂ້າມປາຊີຟິກ (CPTPP), ໃນໄລຍະຈະມາເຖິງແມ່ນສັນຍາການຄ້າເສລີຫວຽດນາມ-ອີຢູ (EVFTA). ນີ້ແມ່ນກາລະໂອກາດໃຫຍ່ເພື່ອໃຫ້ຜະລິດຕະພັນກະເສດຫວຽດນາມ ສຳຜັດ ແລະຢຶດເອົາບັນດາຕະຫຼາດໃໝ່. ເຖິງຢ່າງໃດກໍ່ຕາມ, ບັນດາຕະຫຼາດໃໝ່ນີ້ລ້ວນແຕ່ມີຄວາມຮຽກຮ້ອງຕ້ອງການສູງກ່ຽວກັບຄຸນນະພາບ ແລະຕົ້ນກຳເນີດຂອງຜະລິດຕະພັນ. ຍ້ອນເຫດນັ້ນ, ຖ້າບໍ່ປະຕິຮູບແບບວິທີການຜະລິດ ແລະພັດທະນາບໍລິການ logistics, ຊາວກະສິກອນຫວຽດນາມ ກໍ່ບໍ່ສາມາດກໍາແໜ້ນບັນດາກາລະໂອກາດໃຫຍ່ນີ້ໃຫ້ດີທີ່ສຸດໄດ້.
ໃນຂະນະທີ່ຂະແໜງຜະລິດຜະລິດຕະພັນກະເສດຂອງຫວຽດນາມ ຍັງຊອກຫາວິທີແກ້ໄຂບັນຫານັ້ນ, ບັນດາຂະແໜງສິນຄ້າອື່ນໄດ້ຊອກເຫັນທິດທາງທີ່ເໝາະສົມ. ຍ້ອນແນວນັ້ນ, ເຖິງວ່າຖືກຜົນສະທ້ອນອັນໃຫຍ່ຫຼວງຈາກໂລກພະຍາດ Covid-19 ແຕ່ການສົ່ງອອກຂອງບັນດາຂະແໜງສິນຄ້ານີ້ຍັງເຕີບໂຕພໍສົມຄວນ. ເມື່ອສັງເກດຂະແໜງສິນຄ້າສົ່ງອອກ-ນໍາເຂົ້າແລ້ວ ກໍ່ເຫັນວ່າ, ຜະລິດຕະພັນກະເສດສົ່ງອອກບາງປະເພດຂອງຫວຽດນາມ ໄດ້ຫຼຸດລົງຫຼາຍ, ຄື: ສິນໃນນ້ຳຫຼຸດລົງ 17,7%; ກາເຟຫຼຸດລົງ 9,8%; ຜັກ ແລະໝາກໄມ້ຫຼຸດລົງ 17,4%; ໝາກມ່ວງຫິມະພານຫຼຸດລົງ 19,3%; ພິກໄທຫຼຸດລົງ 18,8%. ນີ້ແມ່ນບັນດາປະເພດຜະລິດຕະພັນກະເສດສົ່ງອອກຕົ້ນຕໍຂອງຂະແໜງກະສິກໍາຫວຽດນາມ. ສິ່ງດັ່ງກ່າວສະແດງໃຫ້ເຫັນວ່າຜະລິດຕະພັນກະສິກໍາບາງປະເພດຂອງຫວຽດນາມ ພວມຖືກຜົນສະທ້ອນຢ່າງໜັກໜ່ວງຍ້ອນການຢຸດສະຫງັກຂອງຕະຫຼາດໃນສະພາບການໂລກພະຍາດເພີ່ມຂຶ້ນ.
（ໄຊພອນ）
