ຊ່ວຍປະເທດ ລາວ "ມີທະເລ ແລະ ທ່າກຳປັ່ນເປັນຂອງຕົນ", ເຊື່ອມຕໍ່ທາງລົດໄຟ, ທາງບົກເພື່ອເຊື່ອມໂຍງເຂົ້າກັບສາກົນ ແລະ ພັດທະນາເສດຖະກິດເອກະລາດ

	ສາມແບບຢ່າງຂອງກໍ່ສ້າງ ແລະ ບຳລຸງນັກສຶກສາ ລາວ ທີ່ມີປະສິດທິຜົນ ແລະ ແທດຈິງ
	ໄວ້ອາໄລ ແລະ ເຮັດພິທີທາງສາສະໜາອັດຖິນັກຮົບອາສາສະໝັກ ຫວຽດນາມ ທີ່ເສຍສະຫຼະຊີວິດເພື່ອຊາດຢູ່ ລາວ ແລະ ກຳປູເຈຍ

ຫວ່າງມໍ່ໆມານີ້, ກອງ​ປະຊຸມ​ກະກຽມ​ເນື້ອ​ໃນ​ໃຫ້​ແກ່​ກອງ​ປະຊຸມ​ຄະນະ​ກຳມະການ​ລະຫວ່າງ​ລັດຖະບານ ຫວຽດນາມ - ລາວ ຄັ້ງ​ທີ 47 ​ໄດ້​ໄຂ​ຂຶ້ນ​ຢູ່​ນະຄອນຫຼວງ​ ວຽງ​ຈັນ (ລາວ). ທ່ານ ເຈິນກວັກເຟືອງ, ຮອງລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ, ຮອງປະທານຄະນະກຳມະການຮ່ວມມື ຫວຽດນາມ - ລາວ ແລະ ທ່ານ ວຽງສະຫວັນ ວິໄລພອນ, ຮອງລັດຖະມົນຕີ, ຮອງປະທານຄະນະກຳມະການຮ່ວມມື ລາວ - ຫວຽດນາມ ເປັນປະທານກອງປະຊຸມ.

ຄະນະ​ກຳມະການ​ຮ່ວມ​ມື​ສອງ​ປະ​ເທດ ຫວຽດນາມ - ລາວ ​ແລະ ລາວ - ຫວຽດນາມ ​ໄດ້​ປຶກສາ​ຫາລືກ່ຽວກັບ​ທິດ​ທາງ​ການ​ຮ່ວມ​ມື​ໃນ​ປີ 2025, ກະກຽມ​ໃຫ້​ກອງ​ປະຊຸມ​ຄັ້ງ​ທີ 47 ຂອງ​ຄະນະ​ກຳມະການ​ລະຫວ່າງ​ລັດຖະບານ ຫວຽດນາມ - ລາວ.

ການ​ຮ່ວມ​ມື ​ຫວຽດນາມ - ລາວ 2024 ບັນລຸ​ໄດ້​​ໝາກຜົນ​ສຳຄັນຫຼາຍຢ່າງ

ກ່າວ​ຄຳ​ປາໄສ​ທີ່​ກອງ​ປະຊຸມ, ທ່ານ​ຮອງ​ປະທານ​ຄະນະ​ກຳມະການ​ຮ່ວມ​ມື​ສອງ​ປະ​ເທດ​ກໍ່ຢືນຢັນ​ວ່າ: ການ​ປະຕິບັດ​ສັນຍາ​ກ່ຽວ​ກັບ​ແຜນການ​ຮ່ວມ​ມື​ ຫວຽດນາມ - ລາວ ​ໃນ​ປີ 2024 ບັນລຸ​ໄດ້​ຄາດໝາຍ​ທີ່​ວາງ​ໄວ້.

ລະອຽດ, ​ດ້ານ​ການ​ເມືອງ, ການ​ທູດ, ການ​ພົວພັນ​ລະຫວ່າງ 2 ປະ​ເທດ​ສືບ​ຕໍ່​ພັດທະນາ​ຢ່າງ​ດີງາມ, ຄວາມ​ໄວ້​ເນື້ອ​ເຊື່ອ​ໃຈ​ດ້ານ​ການ​ເມືອງ​ນັບ​ມື້​ນັບ​ໄດ້ຮັບການປັບປຸງ; ການ​ຮ່ວມ​ມື​ດ້ານ​ປ້ອງ​ກັນຊາດ, ປ້ອງ​ກັນ​ຄວາມ​ສະຫງົບ​ສືບ​ຕໍ່​ໄດ້​ຮັບ​ການ​ປະຕິບັດ​ເປັນ​ຢ່າງ​ດີ, ປະກອບສ່ວນ​ຮັກສາ​ສະຖຽນ​ລະ​ພາບ​ດ້ານ​ການ​ເມືອງ, ປ້ອງ​ກັນ​ຊາດ, ປ້ອງ​ກັນ​ຄວາມ​ສະຫງົບ, ຄວາມ​ເປັນ​ລະບຽບ​ຮຽບຮ້ອຍ​ ​ແລະ ຄວາມ​ປອດ​ໄພ​ທາງ​ສັງຄົມຂອງ​ແຕ່ລະ​ປະ​ເທດ...

ຂໍ້​ມູນ​ໃນ​ທາງ​ບວກ​ແມ່ນ​ໃນ 10 ເດືອນ​ຕົ້ນ​ປີ 2024, ທຶນ​ຈົດ​ທະບຽນ​ລົງທຶນ​ຢູ່ ​ລາວ ​ແມ່ນ 74,6 ລ້ານ USD, ​ເພີ່ມ​ຂຶ້ນ 16,3% ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີ 2023. ​ພິເສດ ​ແມ່ນ​ບັນດາ​ໂຄງການ​ລົງທຶນ​ຂະໜາດ​ໃຫຍ່ ​ແລະ ສຳຄັນ, ​ເຊັ່ນ: ​ໂຄງການ​ໄຟຟ້າ​ນ້ຳຕົກ ​ເຊ​ຂະໝານ 3, ​ໂຄງການ​ກະສິກຳ​ຂອງ​ກຸ່ມ​ບໍລິສັດ ​ເຈື່ອງ​ຫາຍ; ​ໂຄງການ​ກຸ່ມຂຸດ​ຄົ້ນ, ປຸງ​ແຕ່ງ Bauxit ​ແລະ ຜະລິດ​ທາດ​ Alumin ​ຂອງ​ກຸ່ມ​ບໍລິສັດ ຫວຽດ​ເຟືອງ ​ກໍ່ໄດ້​ສຸມ​ໃສ່​ລົບ​ລ້າງ​ຄວາມ​ຫຍຸ້ງຍາກ ​ແລະ ສິ່ງ​ຕິດຄັດ.

​ໃນ​ຂະນະ​ນັ້ນ, ສຳລັບ​ການ​ຮ່ວມ​ມື​ດ້ານ​ການ​ຄ້າ, ຜູ້ຕາງໜ້າ​ກະຊວງ​ອຸດສາຫະກຳ ​ແລະ ການ​ຄ້າ ຫວຽດນາມ ​ໃຫ້​ຮູ້​ວ່າ: ​ໃນ 10 ​ເດືອນ, ວົງ​ເງິນ​ການ​ຄ້າ​ສອງ​ຝ່າຍ ຫວຽດນາມ - ລາວ ບັນລຸ 1,7 ຕື້ USD, ​ເພີ່ມ​ຂຶ້ນ 28% ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີ​ກາຍ.

ຄຽງ​ຂ້າງ​ນັ້ນ, ​ໃນ​ປີ 2024, 2 ປະ​ເທດ​ຍັງ​ໄດ້​ສືບ​ຕໍ່​ຜັນ​ຂະຫຍາຍ​ການ​ຮ່ວມ​ມື​ດ້ານ​ອຸດສາຫະກຳ, ພະລັງງານ, ການ​ຄົມມະນາຄົມ - ຂົນສົ່ງ, ການກໍ່ສ້າງ, ບຳລຸງ​ສ້າງ​ແຫຼ່ງຊັບພະຍາກອນ​ມະນຸດ​ຢ່າງ​ມີ​ປະສິດທິ​ຜົນ... ການ​ຮ່ວມມືໃນ​​ທຶນ​ບ້ວງຊ່ວຍ​ເຫຼືອລ້າ​ກໍ່​ບັນລຸ​ໄດ້​ໝາກຜົນ​ອັນ​ຕັ້ງໜ້າ, ​ເມື່ອ​ໃນ​ເດືອນ 10 ທີ່ຜ່ານ​ມາ, ມີ 4 ໂຄງການໄດ້ປະຕິບັດສຳເລັດ ແລະ ມອບໃຫ້ປະເທດ ລາວ ນຳເຂົ້າເຄື່ອນໄຫວ. ໃນນັ້ນ, ມີໂຄງການຍົກລະດັບວິທະຍຸກະຈາຍສຽງແຫ່ງຊາດ ລາວ; ສ້າງລະບົບຊົນລະປະທານຂະໜາດນ້ອຍ 4 ແຫ່ງ ຢູ່ 2 ເມືອງ ອານຸວົງ ແລະ ທ່າໂທມ, ແຂວງໄຊສົມບູນ...

ທ່ານ​ຮອງລັດຖະມົນຕີ ​ເຈິນ​ກວັກ​ເຟືອງ, ຮອງ​ປະທານ​ຄະນະ​ກຳມະການ​ຮ່ວມ​ມື ຫວຽດນາມ - ລາວ ​ໄດ້​ຕີ​ລາຄາ​ສູງ​ການປະຕິບັດ​ສັນຍາ​ຮ່ວມ​ມື 2 ຝ່າຍ​ໃນ​ປີ 2024.

ຈະຊ່ວຍໃຫ້ ລາວ “ມີທະເລ, ທ່າທ່າເຮືອສະເພາະຂອງຕົນ” ເພື່ອເຊື່ອມໂຍງເຂົ້າກັບສາກົນ

ໂດຍປຶກສາຫາລືກ່ຽວກັບທິດທາງການຮ່ວມມື ຫວຽດນາມ - ລາວ ໃນປີ 2025, ທ່ານຮອງລັດຖະມົນຕີ ເຈິນກວັກເຟືອງ ຢືນຢັນວ່າ ນະໂຍບາຍສະເໝີຕົ້ນສະເໝີປາຍຂອງ ຫວຽດນາມ ແມ່ນເຄົາລົບ ແລະ ໃຫ້ບຸລິມະສິດສູງສຸດໃນການຮັກສາ ແລະ ພັດທະນາສາຍພົວພັນແບບພິເສດ ຫວຽດນາມ - ລາວ, ຖື​ວ່າ​ເປັນ​ຊັບ​ສິນ​ອັນ​ລ້ຳ​ຄ່າ, ອັນ​ສຳຄັນ​ຕໍ່​ພາລະກິດການ​ປະຕິວັດ​ຂອງ​ແຕ່ລະ​ປະ​ເທດ.

ຕາມ​ນັ້ນ​ແລ້ວ, ກໍ່ສືບ​ຕໍ່​ສຸມ​ໃສ່​ຊຸກຍູ້​ການ​ຮ່ວມ​ມື​ດ້ານ​ການ​ລົງທຶນ ​ແລະ ການ​ຄ້າ. ໃນນັ້ນ, ​ກໍ່ເພີ່ມ​ທະວີ​ການ​ເຊື່ອມ​ໂຍງ ​ແລະ ​​ຊ່ວຍຊູກັນ​ລະຫວ່າງ 2 ພື້ນຖານ​ເສດຖະກິດ; ສ້າງ​ແລວ​ທາງ​ດ້ານ​ກົດໝາຍ​ທີ່​ໝັ້ນຄົງ, ​ໂປ່​ງ​ໃສ ​ແລະ ສະພາບ​ແວດ​ລ້ອມ​ທີ່​ສະດວກ; ມີກົນໄກພິເສດສໍາລັບໂຄງການຈຸດສຸມກ່ຽວກັບຄວາມໝັ້ນຄົງ ແລະ ປ້ອງກັນຊາດ.

ພ້ອມ​ກັນ​ນັ້ນ, ກໍ່ຊຸກຍູ້​​ບັນດາ​ວິ​ສາ​ຫະກິດ ຫວຽດນາມ ລົງທຶນ​ເຂົ້າ​ບັນດາ​ຂະ​ແໜງ, ​ຂົງ​ເຂດ​ທີ່​ສອດຄ່ອງ​ກັບ​ທິດ​ທາງ​ບຸລິມະສິດ​ຂອງ ​ລາວ, ສຸມ​ໃສ່​ບັນດາ​ຂົງ​ເຂດ​ຄື: ກະສິກຳ​ເຕັກ​ໂນ​ໂລ​ຢີສູງ​ຕິດ​ພັນ​ກັບ​ການ​ປຸງ​ແຕ່ງ​ໃຫ້​ກາຍ​ເປັນ​ສິນຄ້າ​ສົ່ງ​ອອກ; ພະລັງງານທົດແທນພິເສດແມ່ນບັນດາໂຄງການຢູ່ເຂດຊາຍແດນຂອງສອງປະເທດເຊື່ອມຕໍ່ຕາໜ່າງໄຟຟ້າ ຫວຽດນາມ; ບໍ່ແຮ່ຂຸດ​ຄົ້ນ​​ແຮ່ຈານປຸງແຕ່ງ​ຢ່າງລົງ​ເລິກຂະແໜງ​ໃຫ້​ແກ່​ວິ​ສາ​ຫະ​ກິດ ​ຫວຽດ​ນາມ; ການ​ເຊື່ອມ​ໂຍງການ​ທ່ອງ​ທ່ຽວ (ຣີ​ສອດ)…

​ຮອງ​ປະທານ​​ຄະນະກຳມະການ​ຮ່ວມ​ມື ລາວ - ຫວຽດນາມ ທ່ານ ວຽງ​ສະຫວັນ ວິໄລ​ພອນ ກໍ່​ເຫັນ​ດີ​ກັບ​ບັນດາ​ຂໍ້​ສະ​ເໜີ​ດັ່ງກ່າວ ​ແລະ ​ໃຫ້​ຄຳ​ໝັ້ນ​ສັນຍາ​ຈະ​ສ້າງ​ເງື່ອນ​ໄຂ​ສະດວກ​ໃຫ້​ບັນດາ​ວິ​ສາ​ຫະກິດ ຫວຽດນາມ ມາ​ລົງທຶນ ​ແລະ ດຳ​ເນີນ​ທຸລະ​ກິດ​ຢູ່ ລາວ.

ຄຽງ​ຂ້າງ​ນັ້ນ, ຍັງ​ໄດ້​ກ່າວ​ເຖິງ​ໜຶ່ງເນື້ອ​ໃນ​ສຳຄັນ​ຂອງ​ທິດ​ທາງ​ການ​ຮ່ວມ​ມື​ປີ 2025. ລະອຽດ, ຕາມ​ທ່ານ​ຮອງ​ລັດຖະມົນຕີ ​ເຈິນ​ກວັກ​ເຟືອງ ​ແລ້ວ, “ທັດສະນະ​ຍຸດ​ທະ​ສາດ” ຂອງ ​ຫວຽດນາມ ​ແມ່ນ “ຊ່ວຍ​ໃຫ້ ລາວ ​ມີ​​ທະ​ເລ, ມີ​ທ່າ​ເຮືອສະເພາະຂອງຕົນ, ຖັດ​ໄປແມ່ນ​ທາງ​ລົດ​ໄຟ, ​ທາງບົກ​ເພື່ອ​ເປີດປະຕູ​​ເຊື່ອມ​ໂຍງ​ເຂົ້າ​ກັບ​ສາກົນ ​ແລະ ພັດທະນາ​ເສດຖະກິດຢ່າງ​ເອກະລາດ”.

ຕາມ​ແຜນການ, ບັນດາ​ເນື້ອ​ໃນ​ທີ່​ໄດ້​ປຶກສາ​ຫາລື​ໃນກອງປະຊຸມ​ນີ້ ຈະ​ໄດ້​ລາຍ​ງານ​ຕໍ່​ນາຍົກລັດຖະມົນຕີ 2 ປະ​ເທດ ​ເພື່ອ​ກະກຽມ​ໃຫ້​ແກ່​ກອງ​ປະຊຸມ​ຄັ້ງ​ທີ 47 ຂອງ​ຄະນະ​ກຳມະການ​ລະຫວ່າງ​ລັດຖະບານ ຫວຽດນາມ - ລາວ ​ເຊິ່ງຄາດ​ວ່າ​ຈະ​ຈັດ​ຂຶ້ນ​ໃນ​ຕົ້ນ​ປີໜ້າຢູ່​ ລາວ.

ຫວຽດນາມ ແລະ ລາວ ມີສາຍພົວພັນແບບພິເສດ, ແມ່ນຊັບສິນອັນລ້ຳຄ່າ ແລະ ລ້ຳຄ່າ ຍສໝ - ຕອນ​ບ່າຍ​ວັນ​ທີ 19 ມີນາ, ຢູ່​ສຳນັກງານ​ລັດຖະບານ, ທ່ານ​ນາຍົກລັດຖະມົນຕີ ຟ້າ​ມ​ມິ​ງຈີງ ​ໄດ້​ໃຫ້ການ​ຕ້ອນຮັບ​ສະຫາຍ ຄຳເພົາ ເອີນທະວັນ, ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ປະຈຳ ຫວຽດນາມ ​ເນື່ອງ​ໃນ​ໂອກາດ​ຮັບ​ໜ້າ​ທີ່​ວຽກ​ງານ​ຢູ່ ຫວຽດນາມ.

ຮັດແໜ້ນການຮ່ວມມື ແລະ ການພົບປະແລກປ່ຽນປະຊາຊົນລະຫວ່າງຫວຽດນາມ ແລະ ລາວ ຢ່າງເນື້ອແທ້ ແລະ ມີປະສິດທິຜົນ ຍສໝ - ຕອນ​ບ່າຍ​ວັນ​ທີ 15 ມີນາ, ຢູ່​ຮ່າ​ໂນ້ຍ, ທ່ານ​ປະທານ​ສະຫະພັນ​ບັນດາ​ອົງການ​ມິດຕະພາບ ຫວຽດນາມ ຟານ​ແອງ​ເຊີນ ​ໄດ້​ໃຫ້ການ​ຕ້ອນຮັບ​ທ່ານນ່າງ ຄຳ​ປາວ ເອີນ​ທະ​ວັນ - ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມ​ແຫ່ງ ສາທາລະນະ​ລັດ ປະຊາທິປະ​ໄຕປະ​ຊາ​ຊົນ ລາວ. ການພົບປະ​ເພື່ອ​ແນ​ໃສ່​ປຶກ​ສາ​ຫາ​ລື​ບັນ​ດາ​ມາດ​ຕະ​ການ​ຊຸກ​ຍູ້​ການ​ຮ່ວມ​ມື ແລະ ການ​ແລກ​ປ່ຽນ​ປະ​ຊາ​ຊົນ​ລະ​ຫວ່າງ 2 ປະ​ເທດ​ຢ່າງ​ແທດ​ຈິງ ແລະ ມີ​ປະ​ສິດ​ທິ​ຜົນ.