 | ເພີ່ມພູນຄູນສ້າງສາຍພົວພັນຫວຽດນາມ-ລາວ ໃຫ້ຂຽວສົດງົດງາມ ໝັ້ນຄົງຂະໜົງແກ່ນຈົນຊົ່ວກາລະນານ |
| ການພົວພັນມິດຕະພາບ ຫວຽດນາມ-ລາວ ຜ່ານແຕ່ລະໜ້າປຶ້ມ |
ການຢ້ຽມຢາມ ແລະ ເຮັດວຽກຂອງຄະນະຜູ້ແທນນະຄອນ ໂຮ່ຈີມິງ ເພື່ອແນໃສ່ຮັດແໜ້ນສາຍພົວພັນມິດຕະພາບ ແລະ ການຮ່ວມມືແບບພິເສດລະຫວ່າງສອງພັກ ແລະ ສອງລັດ ຫວຽດນາມ - ລາວ ໃຫ້ຫຼາຍກວ່າອີກ.
ເຂົ້າຮ່ວມມີທ່ານ ຫງວຽນເຖາະຈວ່ຽນ ຮອງຫົວໜ້າຄະນະໂຄສະນາສຶກສາ ຄະນະພັກນະຄອນ ໂຮ່ຈິມິງ, ທ່ານ ເຈືອງຫວິ້ງຕູງ ຮອງຫົວໜ້າຫ້ອງການຄະນະພັກນະຄອນ ໂຮ່ຈິມິງ, ການນຳພະແນກພົວພັນຕ່າງປະເທດນະຄອນ ໂຮ່ຈິມິງ ພ້ອມກັບຜູ້ຕາງໜ້າການນຳບັນດາຫ້ອງການ, ຫົວໜ່ວຍຂຶ້ນກັບຄະນະໂຄສະນາສຶກສາ ຄະນະພັກນະຄອນ ໂຮ່ຈິມິງ.
 |
| ທ່ານ ຟ້າມແທ່ງກຽນ ພ້ອມກັບການນຳ ຕ້ອນຮັບຄະນະພະນັກງານຄະນະໂຄສະນາອົບຮົມສູນກາງພັກປະຊາຊົນການປະຕິວັດ ລາວ. |
ທີ່ການຕ້ອນຮັບ, ທ່ານ ຟ້າມແທ່ງກຽນ ໄດ້ສະແດງຄວາມຊົມຊື່ນ ເມື່ອໄດ້ຕ້ອນຮັບຄະນະພະນັກງານຄະນະໂຄສະນາອົບຮົມສູນກາງພັກປະຊາຊົນການປະຕິວັດ ລາວ.
ທ່ານ ກຽນ ເນັ້ນໜັກວ່າ ພັກ, ລັດ ແລະ ປະຊາຊົນ ຫວຽດນາມ ຍາມໃດກໍ່ຖືເປັນສຳຄັນ ແລະ ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອແບບພິເສດລະຫວ່າງ ຫວຽດນາມ - ລາວ. ທ່ານສະແດງຄວາມເຊື່ອໝັ້ນວ່າ ສາຍພົວພັນມິດຕະພາບລະຫວ່າງປະຊາຊົນສອງຊາດ ຈະຂຽວສົດງົດງາມ, ໝັ້ນຄົງຂະນົງແກ່ນ ແລະ ຄົງຕົວກັບວັນເວລາຕະຫຼອດໄປ, ປະກອບສ່ວນເຂົ້າໃນເພີ່ມພູນຄູນສ້າງສັນຕິພາບ ແລະ ການພັດທະນາໃຫ້ທັງສອງປະເທດ.
ທີ່ການຕ້ອນຮັບ, ທ່ານ ຟ້າມແທ່ງກຽນ ໄດ້ແນະນຳບັນດາຈຸດເດັ່ນ ແລະ ທ່າແຮງຂອງນະຄອນ ໂຮ່ຈີມິງ ພ້ອມກັນນັ້ນ ກໍ່ແບ່ງປັນກ່ຽວກັບຄວາມເອົາໃຈໃສ່ແບບພິເສດຂອງການນຳນະຄອນ, ໂດຍສະເພາະແມ່ນຄະນະພັກນະຄອນ ໂຮ່ຈີມິງ ໃນວຽກງານຂົນຂວາຍ ແລະ ໂຄສະນາສຶກສາ.
ທ່ານ ກຽນ ກ່າວວ່າ ບັນດາຄວາມມານະພະຍາຍາມເຫຼົ່ານີ້ ແມ່ນເພື່ອແນໃສ່ດຶງດູດແຫຼ່ງກຳລັງຈາກບັນດາຊັ້ນວັນນະໃນໝູ່ປະຊາຊົນ, ປະກອບສ່ວນຊຸກຍູ້ການພັດທະນາຂອງນະຄອນ ແລະ ບັນລຸໄດ້ບັນດາເປົ້າໝາຍທີ່ໄດ້ວາງອອກ. ພິເສດ, ທ່ານໄດ້ເນັ້ນໜັກ ເຖິງບົດບາດສຳຄັນຂອງຄະນະໂຄສະນາສຶກສາ ຄະນະພັກນະຄອນ ໂຮ່ຈີມິງ, ເປັນຫົວໜ່ວຍປະຈັນບານໃນການກຳນົດທິດທາງສື່ສານ, ນຳພາ ແລະ ເຊື່ອມຕໍ່ເຂົ້າກັບບັນດາຊັ້ນວັນນະໃນໝູ່ປະຊາຊົນ, ສ້າງກຳລັງແຮງໃຫ້ແກ່ຄວາມເຫັນດີເຫັນພ້ອມ ແລະ ການພັດທະນາແບບຍືນຍົງ.
ນອກຈາກນັ້ນ, ທ່ານ ຟ້າມແທ່ງກຽນ ກໍ່ໄດ້ແນະນຳຮູບແບບຂອງການກໍ່ສ້າງພື້ນທີ່ວັດທະນະທຳ ໂຮ່ຈີມິງ ໂດຍຄະນະໂຄສະນາສຶກສາ ຄະນະພັກນະຄອນ ໂຮ່ຈີມິງ ຜັນຂະຫຍາຍໃນໄລຍະມໍ່ໆມານີ້.
ໂດຍແບ່ງປັນບາງປະສົບການໃນການຊີ້ນຳ ແລະ ນຳພາວຽກງານຖະແຫຼງຂ່າວ ແລະ ໂຄສະນາເຜີຍແຜ່ຢູ່ນະຄອນ ໂຮ່ຈິມິງ ປັດຈຸບັນ, ທ່ານ ຫງວຽນເຖາະຈວ່ຽນ ຮອງຫົວໜ້າຄະນະໂຄສະນາສຶກສາ ຄະນະພັກນະຄອນ ໂຮ່ຈີມິງ ໄດ້ເນັ້ນໜັກການຍົກສູງຄວາມຮັບຮູ້ກ່ຽວກັບບົດບາດ, ຄວາມໝາຍ ແລະ ຄວາມສຳຄັນຂອງວຽກງານນີ້ ທັງໃນພັກ ແລະ ສັງຄົມ. ທ່ານກໍ່ຕັ້ງຂໍ້ສະເໜີໃຫ້ມີການປ່ຽນແປງໃໝ່ເນື້ອໃນ ແລະ ວິທີການໂຄສະນາຢ່າງເປັນປະຈຳ, ສຸມໃສ່ໃນການສະໜິດຕິດພັນສະດີກັບພຶດຕິກຳຕົວຈິງ, ສະໜັບສະໜູນການກໍ່ສ້າງ ແລະ ປະຕິບັດແນວທາງບັນດາແຜນນະໂຍບາຍຂອງພັກ ແລະ ກົດໝາຍຂອງລັດ.
ທ່ານ ຫງວຽນເຖາະຈວ່ຽນ ກໍ່ໄດ້ກ່າວເຖິງການຄົ້ນພົບ, ບຳລຸງສ້າງ ແລະ ເສີມຂະຫຍາຍຖັນແຖວພະນັກງານໂຄສະນາສຶກສາຢ່າງມີປະສິດທິຜົນ. ທ່ານເນັ້ນໜັກເຖິງ ຄວາມສຳຄັນຂອງການສົມທົບກັນຢ່າງແໜ້ນແຟ້ນກັບບັນດາອົງການ, ຫົວໜ່ວຍໃນລະບົບການເມືອງຂອງນະຄອນ ໂຮ່ຈິມິງ.
 |
| ທ່ານ ຟ້າມແທ່ງກຽນ ມອບຂອງຂວັນທີ່ລະນຶກໃຫ້ທ່ານ ຄຳກອງ ທຳມະເທວາ |
ທ່ານ ຄຳກອງ ທຳມະເທວາ ກໍາມະການຄະນະບໍລິຫານງານອົງຄະນະພັກ, ຫົວໜ້າກົມອົບຮົມ, ຄະນະໂຄສະນາອົບຮົມສູນກາງພັກປະຊາຊົນການປະຕິວັດ ລາວ ໄດ້ສະແດງຄວາມຂອບໃຈ ຕໍ່ການຕ້ອນຮັບຢ່າງອົບອຸ່ນ ກໍ່ຄືບັນດາການພົບປະແລກປ່ຽນຢ່າງສັດຊື່, ຈິງໃຈ ຈາກທ່ານການນຳນະຄອນ ໂຮ່ຈິມິງ ໃຫ້ແກ່ຄະນະ. ທ່ານຫວັງວ່າ ໃນໄລຍະຈະມາເຖິງ, ສອງຝ່າຍຈະມີການເຮັດວຽກ, ການພົບປະແລກປ່ຽນຢ່າງເລິກເຊິ່ງກ່ວາອີກກ່ຽວກັບບັນດາບັນຫາທີ່ຈຳເປັນ, ຜ່ານນັ້ນ ກໍ່ຊຸກຍູ້ການຮ່ວມມື ແລະ ສະໜັບສະໜູນເຊິ່ງກັນ ແລະ ກັນໃນວຽກງານໂຄສະນາອົບຮົມ ແລະ ບັນດາຂົງເຂດອື່ນໆ.
 | ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ລາວ ຄັ້ງທີ 2 ໄດ້ດໍາເນີນຢູ່ແຂວງຫົວພັນ ຍສໝ - ໂດຍສືບຕໍ່ກິດຈະກໍາເຄື່ອນໄຫວຢູ່ເມືອງ ມົກເຈົາ (ແຂວງ ເຊີນລາ), ຕອນເຊົ້າວັນທີ 23 ຕຸລາ, ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ລາວ ຄັ້ງທີ 2 ສືບຕໍ່ດຳເນີນບັນດາກິດຈະກໍາຢູ່ເມືອງສົບເບົາ (ແຂວງຫົວພັນ), ເລີ່ມຕົ້ນດ້ວຍພິທີຕ້ອນຮັບຄະນະຜູ້ແທນຫວຽດນາມ ຢູ່ດ່ານຊາຍແດນ ປາຮາງ. |
 | ການພົວພັນມິດຕະພາບ ຫວຽດນາມ - ລາວ ພັດທະນາຢ່າງບໍ່ຢຸດຢັ້ງ ສາຍພົວພັນລະຫວ່າງ ຫວຽດນາມ ແລະ ລາວ ແມ່ນສາຍພົວພັນສັດຊື່ບໍລິສຸດ, ຫາຍາກໃນປະຫວັດສາດ, ແມ່ນແບບຢ່າງໃນການພົວພັນສາກົນ. |
ແທັງຮັ່ງ
