 | ຮັດແໜ້ນນໍ້າໃຈສາມັກຄີລະຫວ່າງແມ່ຍິງກອງທັບສອງປະເທດຫວຽດນາມ-ລາວ |
| ສາມັກຄີສ້າງເສັ້ນຊາຍແດນຫວຽດນາມ-ລາວ ຢ່າງມີສັນຕິພາບ, ມິດຕະພາບ, ການຮ່ວມມື ແລະພ້ອມກັນພັດທະນາ |
ຈາກລາຊະທິດາລາວ ມາເປັນເທບທິດາປະເທດ ຫວຽດນາມ
ໂດຍເລົ່າສືບທອດກັນວ່າ ເມື່ອ 6 ສະຕະວັດກ່ອນ, ເມື່ອຫວຽດນາມ ຕ້ອງປະເຊີນໜ້າກັບຄວາມສ່ຽງຈາກສັດຕູຜູ້ຮຸກຮານພາຍນອກ, ປະຊາຊົນລາວ ອ້າຍນ້ອງ ໄດ້ສົ່ງລາຊະທິດາທີ່ສວຍງາມ ແລະ ກ້າຫານຜູ້ໜຶ່ງ ໄປນຳພາຝູງທະຫານຊ້າງ (ຊ້າງຮົບ) ທີ່ເກັ່ງກ້າເພື່ອເຂົ້າໄປຊ່ວຍ. ພາຍຫຼັງພ້ອມກັນກັບ ດ້າຍຫວຽດ ໄດ້ສຳເລັດພາລະກິດທີ່ມີອົວອາດກ້າຫານ ແລະ ຊອບທຳນັ້ນ, ລາຊະທິດາໄດ້ລົ້ມປ່ວຍ, ເສຍຊີວິດຢູ່ຫວຽດນາມ. ເພື່ອລະນຶກເຖິງຄວາມຮັກແພງ, ບຸນຄຸນຂອງລາຊະທິດາ ກໍ່ຄືປະຊາຊົນລາວ ອ້າຍນ້ອງ, ລາຊະວົງ, ປະຊາຊົນ ດ້າຍຫວຽດ ໄດ້ກໍ່ສ້າງຫໍຢູ່ບ້ານ ໄທເຊີນ, ຕາແສງ ເຊີນລາຍ, ເມືອງ ຍໍກວານ, ແຂວງ ນິງບິ່ງ ແລະ ໄຫວ້ອາໄລຫາລາຊະທິດາ. ລາຊະທິດາ ໄດ້ຮັບການຕັ້ງຊື່ຫວຽດນາມ ທີ່ເຄົາລົບ ແລະ ຮັກແພງຂອງຊາວຫວຽດນາມ ວ່າ ລາຊະທິດາ ໂຍ່ຍຮວາ!
ໃນຫຼາຍສະຕະວັດແລ້ວ, ຫໍ ເທື້ອງໄທເຊີນ ຍັງຮັກສາໄດ້ບັນດາວັດຖຸສິ່ງຂອງອັນລ້ຳຄ່າ, ໃນນັ້ນ ມີບັນດາພະລາຊະບັນຍັດແຕ່່ງຕັ້ງ ແລະ ເຄື່ອງບູຊາຈາກສະໄໝລາຊະວົງ ຫງວຽນ, ຮູບປັ້ນດ້ວຍໄມ້ແກະສະຫຼັກຮູບຂອງ ລາຊະທິດາ ໂຍ່ຍຮວາ, ເປັນຫຼັກຖານພະຍານເຖິງຄວາມເຄົາລົບນັບຖືອັນເລິກເຊິ່ງຂອງປະຊາຊົນທ້ອງຖິ່ນ. ມາຮອດປີ 2007, ຫໍໄດ້ຮັບການຮັບຮູ້ເປັນຮ່ອງຮອຍປະຫວັດສາດຂັ້ນແຂວງ, ກາຍເປັນສະຖານທີ່ສັກສິດທີ່ຜູກພັນນ້ຳໃຈມິດຕະພາບລະຫວ່າງ ຫວຽດນາມ ແລະ ລາວ.
 |
| ພິທີແຫ່ກ້ຽວຢູ່ພິທີໄຫວ້ລາຊະທິດາ ໂຍ່ຍຮວາ. (ພາບ: Nguyen Giang) |
ໃນແຕ່ລະປີ, ໃນໂອກາດເດືອນ 3 ປະຕິທີນຈັນທະຄະຕິ, ປະຊາຊົນບ້ານ ໄທເຊີນ ໄດ້ຈັດຕັ້ງພິທີໄຫວ້ລາຊະທິດາໂຍ່ຍຮວາ. ນີ້ບໍ່ພຽງແຕ່ແມ່ນໂອກາດເພື່ອໃຫ້ປະຊາຊົນທ້ອງຖິ່ນສະແດງຄວາມຮູ້ບຸນຄຸນເທົ່ານັ້ນ ຫາກຍັງແມ່ນໂອກາດເພື່ອໃຫ້ປະຊາຄົມຊາວຫວຽດນາມ ແລະ ລາວ ເຕົ້າໂຮມກັນ. ທຸງຊາດລາວ ທີ່ປິວສະບັດຢູ່ຂ້າງທຸງຊາດຫວຽດນາມ ໃນພື້ນທີ່ທີ່ສັກສິດຂອງຫໍ ເທື້ອງໄທເຊີນ ເຊິ່ງໄດ້ສ້າງເປັນຮູບພາບທີ່ເປັນສັນຍະລັກ, ຫຼັກຖານພະຍານອັນມີຊີວິດຊີວາໃຫ້ສາຍເຊື່ອມຕໍ່ທາງດ້ານວັດທະນະທຳ, ຈິດໃຈລະຫວ່າງສອງປະເທດ.
ງານບຸນຈະເລີ່ມຕົ້ນດ້ວຍພິທີແຫ່ກ້ຽວຈາກຫໍ ເທື້ອງໄທເຊີນ ໄປຍັງຫໍ ຫະໄທເຊີນ - ສະຖານທີ່ໄຫວ້ອາໄລເຈົ້າຫຼັກບ້ານຫຼັກເມືອງ. ຄະນະແຫ່ໂດຍຄະນະກອງຄ້ອງ ແລະ ຄະນະທຸງໄປນຳໜ້າ, ຕາມຫຼັງເເມ່ນບັນດາຜູ້ເຖົ້າ, ຊາວບ້ານ ແລະ ນັກທ່ອງທ່ຽວ. ຈຸດພົ້ນເດັ່ນຂອງງານບຸນແມ່ນພິທີເສັ້ນໄຫວ້ເຈົ້າຫຍິງ ຢູ່ຫໍ ເທື້ອງ, ດ້ວຍບັນດາພິທີອັນສະຫງ່າຄື ຖະຫວາຍທູບທຽນ, ອ່ານຄຳສູດວິນຍານ. ສ່ວນບຸນຂອງພິທີໄຫວ້ໄດ້ກາຍເປັນເອກະລັກພິເສດກ່ວາ ເມື່ອມີການເຂົ້າຮ່ວມຂອງນັກສຶກສາລາວ ມາຈາກມະຫາວິທະຍາໄລ ຮວາລື. ບັນດາການສະແດງສິລະປະຟ້ອນຈໍາປາພື້ນເມືອງ, ການສະແດງວັດທະນະທໍາຂອງນັກສຶກສາຫວຽດນາມ - ລາວ ບໍ່ພຽງແຕ່ສ້າງບັນຍາກາດມ່ວນຊື່ນ, ໃກ້ຊິດເທົ່ານັ້ນ ຫາກຍັງສະແດງໃຫ້ເຫັນເຖິງຄວາມສາມັກຄີຢ່າງເລິກເຊິ່ງລະຫວ່າງປະຊາຊົນສອງປະເທດ.
 |
| ທ່ານນາງ ຄຳເພົາ ເອີນທະວັນ ເອກອັກຄະລັດຖະທູດລາວ ປະຈຳຫວຽດນາມ ພ້ອມກັບການນຳແຂວງ ນິງບິ່ງ ໄດ້ປູກຕົ້ນຈຳປາຢູ່ຫໍລາຊະທິດາ ໂຍ່ຍຮວາ, ໃນເດືອນ ເມສາ 2024. (ພາບ: Nguyen Giang) |
ທີ່ພິທີໄຫວ້ລາຊະທິດາ ໂຍ່ຍຮວ່າ ໃນເດືອນເມສາ 2024, ທ່ານນາງ ຄຳເພົາ ເອີນທະວັນ ເອກອັກຄະລັດຖະທູດລາວ ປະຈຳຫວຽດນາມ ປາດຖະໜາວ່າ ຫໍຈະກາຍເປັນຈຸດໝາຍປາຍທາງການທ່ອງທ່ຽວທີ່ດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດໄປຢ້ຽມຢາມ ແລະ ຄົ້ນຫາຮ່ອງຮອຍ. ຜ່ານນັ້ນ, ຫໍກໍ່ຈະກາຍເປັນສັນຍາລັກແຫ່ງນ້ຳໃຈມິດຕະພາບຫວຽດນາມ - ລາວ. "ເລື່ອງລາວຂອງລາຊະທິດາ ໂຍ່ຍຮວາ ແມ່ນພະຍານຫຼັກຖານທີ່ມີຊີວິດຊີວາເຖິງຄວາມສາມັກຄີອັນແໜ້ນແຟ້ນລະຫວ່າງປະຊາຊົນຫວຽດນາມ - ລາວ ໃນຫຼາຍສະຕະວັດ”, ທ່ານນາງ ຄຳເພົາ ເອີນທະວັນ ແບ່ງປັນ.
ຍົກລະດັບຄຸນຄ່າຮ່ອງຮອຍ
ທີ່ການພົບເຮັດວຽກກັບທ່ານເອກອັກຄະລັດຖະທູດ ຄຳເພົາ ເອີນທະວັນ ໃນເດືອນເມສາ 2024, ທ່ານ ດວານມິງຮ໋ວນ, ເລຂາຄະນະພັກແຂວງ ນິງບິ່ງ ໃຫ້ຮູ້ວ່າ ແຂວງ ນິງບິ່ງ ພວມສ້າງສຳເນົາເອກະສານ ເພື່ອຍື່ນສະເໜີໃຫ້ອຳນາດການປົກຄອງຫໍ ລາຊະທິດາ ໂຍ່ຍຮວາ ເປັນຮ່ອງຮອຍປະຫວັດສາດລະດັບຊາດ. ແຂວງ ນິງບິ່ງ ຫວັງວ່າ ລາວ ຈະສະໜອງບັນດາຂໍ້ມູນກ່ຽວກັບລາຊະທິດາ ເພື່ອປັບປຸງສຳເນົາເອກະສານ, ຈາກນັ້ນ ກໍ່ປົກປັກຮັກສາ ແລະ ເສີມຂະຫຍາຍຄຸນຄ່າຂອງຫໍ ຄືເປັນສັນຍະລັກວັດທະນະທຳທີ່ສວຍງາມຂອງນ້ຳໃຈມິດຕະພາບ ຫວຽດນາມ - ລາວ.
ໃນເດືອນສິງຫາ 2024, ທ່ານ ຫງວຽນແມ້ງເກື່ອງ, ຫົວໜ້າພະແນກວັດທະນະທຳ ແລະ ກິລາ ແຂວງ ນິງບິ່ງ ໃຫ້ຮູ້ວ່າ ເຖິງວ່າ ຫໍລາຊະທິດາ ໂຍ່ຍຮວາ ໄດ້ຮັບການສ້ອມແປງຫຼາຍເທື່ອແລ້ວກໍ່ຕາມ, ແຕ່ຂອບຂະໜາດ ແລະ ວິທະຍາເຂດໃນປະຈຸບັນບໍ່ສົມກັບຮູບຊົງລະດັບຂອງຮ່ອງຮອຍ. ເພື່ອເສີມຂະຫຍາຍຄຸນຄ່າຂອງຫໍໃນການສະແດງໃຫ້ເຫັນນ້ຳໃຈມິດຕະພາບລະຫວ່າງ ຫວຽດນາມ - ລາວ ແລະ ການພັດທະນາເສດຖະກິດ - ສັງຄົມຂອງທ້ອງຖິ່ນ, ພະແນກວັດທະນະທຳ ແລະ ກິລາ ແຂວງ ນິງບິ່ງ ພວມສົມທົບກັບສະຖານທູດລາວ ປະຈຳ ຫວຽດນາມ ແລະ ນັກຄົ້ນຄ້ວາ ເພື່ອບູລະນະ, ກໍ່ສ້າງຂອບເຂດຂອງຮ່ອງຮອຍ, ພ້ອມກັນນັ້ນກໍ່ຄົ້ນຄ້ວາການຜັນຂະຫຍາຍສວນສາທາລະນະວັດທະນະທຳ “ສວນວັດທະນະທຳທ່ອງທ່ຽວ ຫວຽດນາມ - ລາວ” ຢູ່ຕາແສງ ເຊີນລາຍ.
ກ່ອນໜ້ານັ້ນ, ໃນປີ 2020, ທີ່ການສຳມະນາ “ຫໍລາຊະທິດາ ໂຍ່ຍຮວາ, ລາວ ຢູ່ ນິງບິ່ງ - ເປັນສັນຍະລັກຂອງນ້ຳໃຈມິດຕະພາບອັນຍາວນານລະຫວ່າງປະຊາຊົນສອງປະເທດ ຫວຽດນາມ - ລາວ”, ນັກຊ່ຽວຊານຫລາຍຄົນໄດ້ຮັບຮູ້ຄຸນຄ່າອັນໃຫຍ່ຫຼວງຂອງຫໍລາຊະທິດາ ໂຍ່ຍຮວາ ໃນປະຫວັດສາດການພົວພັນລະຫວ່າງສອງປະເທດ. ການສຳມະນາມີການເຂົ້າຮ່ວມຂອງກອງທຶນອະລິຍະທຳຫວຽດນາມ, ສະຖານທູດລາວ ປະຈຳຫວຽດນາມ ພ້ອມທັງບັນດານັກຄົ້ນຄ້ວາ.
ທ່ານ ຮສ.ປອ ນາງ ເລທິກຸ໋ຍ, ປະທານກອງທຶນອະລິຍະທຳຫວຽດນາມ ໃຫ້ຮູ້ວ່າ ລາຊະທິດາ ໂຍ່ຍຮວາ ບໍ່ພຽງແຕ່ມີບົດບາດໃນປະຫວັດສາດການທູດເທົ່ານັ້ນ ຫາກຍັງເປັນສັນຍະລັກແຫ່ງຄວາມສາມັກຄີໃນການຕໍ່ສູ້ຕ້ານສັດຕູຜູ້ຮຸກຮານພາຍນອກຂອງຫວຽດນາມ. ທ່ານນາງໄດ້ສະເໜີໂຄງການບູລະນະ ແລະ ຄົ້ນຄ້ວາຢ່າງເລິກເຊິ່ງກວ່າອີກກ່ຽວກັບຫໍລາຊະທິດາ, ບໍ່ພຽງແຕ່ຢຸດຢູ່ທີ່ງານບຸນເທົ່ານັ້ນ, ຫາກຍັງຕ້ອງເປີດກ້ວາງການສື່ສານ ແລະ ຮັກສາຄຸນຄ່າປະຫວັດສາດຂອງຮ່ອງຮອຍ.
ປະຊາຊົນທ້ອງຖິ່ນກໍ່ສະແດງຄວາມຫວັງວ່າ ຫໍລາຊະທິດາ ໂຍ່ຍຮວາ ຈະກາຍເປັນຈຸດໝາຍປາຍທາງທ່ອງທ່ຽວແຫ່ງຈິດວິນຍານທີ່ເປັນເອກະລັກສະເພາະ, ປະກອບສ່ວນໂຄສະນາຮູບພາບຂອງ ນີງບິ່ງ. ທ່ານ ຫງວຽນດຶກຮືວ, ຊາວຕາແສງ ເຊີນລາຍ ຜູ້ໜຶ່ງ ໃຫ້ຮູ້ວ່າ “ການຈັດຕັ້ງການເຄື່ອນໄຫວສື່ສານຢ່າງເຂັ້ມແຂງດ້ວຍການຮ່ວມມືຈາກບັນດາຫົວໜ່ວຍທ່ອງທ່ຽວ, ພິເສດແມ່ນການປະສານວັດທະນະທຳລາວ ເຂົ້າໃນງານບຸນ ຄືບັນດາພິທີກຳບູຊາ, ສະແດງສິລະປະ ແລະ ອາຫານພື້ນເມືອງ ຈະດຶງດູດຄວາມສົນໃຈຈາກນັກທ່ອງທ່ຽວຫຼາຍກວ່າອີກ".
“ປະຈຸບັນ, ມະຫາວິທະຍາໄລ ຮວາລື, ແຂວງ ນິງບິ່ງ ມີນັກສຶກສາລາວ ຫຼາຍຄົນທີ່ພວມຮໍ່າຮຽນ. ເລື່ອງເຊີນບັນດານັກສຶກສາລາວ ສະແດງສິລະປະວັດທະນະທຳລາວ ໃນງານບຸນຈະປະກອບສ່ວນສ້າງຈຸດດຶງດູດອັນໃຫຍ່ຫຼວງ” ທ່ານ ຮືວ ສະເໜີ. “ນອກຈາກນັ້ນ, ຖະໜົນອາຫານການກິນດ້ວຍອາຫານພື້ນເມືອງລາວ ຍັງຈະເປັນປັດໄຈຊ່ວຍຮັກສານັກທ່ອງທ່ຽວໃນໄລຍະຍາວ. ນອກຈາກນັ້ນ, ໝູ່ບ້ານຍັງສາມາດສ້າງຕັ້ງກອງທຶນສົ່ງເສີມການສຶກສາເພື່ອຈັດຕັ້ງການມອບລາງວັນໃຫ້ແກ່ເດັກນ້ອຍ ເນື່ອງໃນໂອກາດພິທີໄຫວ້ລາຊະທິດາ, ຫັນງານບຸນເປັນການເຕົ້າໂຮມທີ່ມີຄວາມໝາຍຂອງຊາວທ້ອງຖິ່ນ”.
 | ຫວຽດນາມ-ລາວ ຍູ້ແຮງການຄ້າຊາຍແດນ ເພື່ອເພີ່ມທະວີການຄ້າສອງສົ້ນ ຍສໝ - ໃນຊຸມປີຜ່ານມາ, ການພົວພັນຮ່ວມມືດ້ານເສດຖະກິດ, ການຄ້າລະຫວ່າງຫວຽດນາມ ແລະລາວ ນັບມື້ນັບດີຂຶ້ນ ແລະເຕີບໂຕຢ່າງແຂງແຮງ.3 |
 | ຍສໝ - ຕ້ອງຢັ້ງຢືນວ່າ ປະຫວັດສາດຕິດພັນກັນສະໜິດແໜ້ນອັນຍາວນານ ແລະມູນເຊື້ອສາມັກຄີຊ່ວຍເຫຼືອ, ອຸ້ມຊູ້ຊ່ວຍເຫຼືອເຊິ່ງກັນ ແລະກັນລະຫວ່າງສອງຊາດພວກເຮົາບໍ່ແມ່ນຍ້ອນຄວາມປາດຖະໜາຢຢາກພາວະວິໄສຂອງຝ່າຍໃດຝ່າຍໜຶ່ງ ເຊິ່ງເລີ່ມຈາກຕົວຈິງວ່າ ຫວຽດນາມ ແລະລາວ ແມ່ນສອງປະເທດບ້ານໃກ້ເຮືອນຄຽງຕິດພັນກັນສະໜິດແໜ້ນ, ພູຜາປ່າດົງແມ່ນ້ຳລຳເຊຫຼາຍສາຍຕິດຈອດກັນ, ອີງຫຼັງໃສ່ສາຍພູຫຼວງໃຫຍ່ໂຕມະໂຫຖານ, ຮ່ວມກິນນ້ຳແມ່ນ້ຳຂອງ, ມີຫຼາຍຈຸດຄ້າຍຄືກັນດ້ານປະຫວັດສາດ, ເສດຖະກິດ, ວັດທະນະທຳ, ປະຊາຊົນສອງປະເທດອົງອາດກ້າແກ່ນຕ້ານສັດຕູຜູ້ຮຸກຮານ, ເຕັມໄປດ້ວຍຄວາມເມດຕາ, ຕ່າງຝ່າຍຕ່າງມີຜົນປະໂຫຍດກ່ຽວກັບເອກະລາດ, ເປັນເຈົ້າຕົນເອງ ແລະຄວາມມຸ່ງມາດປາດຖະໜາອັນຊອບທຳກ່ຽວກັບສັນຕິພາບ, ພັດທະນາ. |
ມີງດຶກ
