| ຄົ້ນຫາແຫຼມ ກ່າເມົາ ຕາມທາງນ້ຳ | |
| ແຂວງກ່າເມົາ ສສ.ຫວຽດນາມ: ການພັດທະນາການປະມົງແບບຍືນຍົງ ແລະມີຄວາມຮັບຜິດຊອບ |
ຕາມການຕີລາຄາທີ່ກອງປະຊຸມ, ສະຫະພັນບັນດາອົງການມິດຕະພາບແຂວງ ກ່າເມົາ ໄດ້ສ້າງສຳເລັດໂດຍພື້ນຖານໂຄງການເຮັດວຽກຮອດປີ 2023. ວຽກງານຂົນຂວາຍບັນດາອົງການບໍ່ຂຶ້ນກັບລັດຖະບານຕ່າງປະເທດ ໄດ້ສຸມໃສ່ບັນດາເຂດຊົນນະບົດ, ເຂດຫ່າງໄກສອກຫຼີກ, ເຂດຊົນເຜົ່າສ່ວນໜ້ອຍ, ບັນດາຂົງເຂດຢ່າງແທດກັບຕົວຈິງຂອງແຂວງ, ເຊັ່ນ: ການປ່ຽນແປງຂອງດິນຟ້າອາກາດ, ການປົກປັກຮັກສາສິ່ງແວດລ້ອມ ແລະ ປະກັນສັງຄົມ.
ໃນໄຕມາດທີ 4, ສະຫະພັນບັນດາອົງການມິດຕະພາບແຂວງ ກ່າເມົາ ຈະສືບຕໍ່ປະຕິບັດແຜນການເລກທີ 52/KH-UBND ກ່ຽວກັບການເພີ່ມທະວີການຮ່ວມມື, ລະດົມການຊ່ວຍເຫຼືອຈາກບັນດາອົງການຈັດຕັ້ງທີ່ບໍ່ສັງກັດລັດຖະບານຕ່າງປະເທດ ໃນໄລຍະ 2023-2025 ຂອງແຂວງ ກ່າເມົາ.
 |
ໃນ 9 ເດືອນຕົ້ນປີ 2023 ກ່າເມົາ ດຶງດູດ16 ຕື້ດົ່ງຈາກບັນດາອົງການຈັດຕັ້ງທີ່ບໍ່ສັງກັດລັດຖະບານຕ່າງປະເທດ |
119 ລາຍການ ແລະ ໂຄງການຕ້ອງການການຊ່ວຍເຫຼືອຈາກບັນດາອົງການຈັດຕັ້ງທີ່ບໍ່ສັງກັດລັດຖະບານຕ່າງປະເທດ ໃນໄລຍະ 2023 - 2025.
ເດືອນ 3/2023, ຄະນະກຳມະການປະຊາຊົນແຂວງ ກ່າເມົາ ໄດ້ອອກແຜນການເພີ່ມທະວີການຮ່ວມມື, ຂົນຂວາຍບັນດາອົງການຈັດຕັ້ງທີ່ບໍ່ສັງກັດລັດຖະບານຕ່າງປະເທດ ໄລຍະ 2023 – 2025 ຢູ່ແຂວງ ກາເມົາ.
ຕາມນັ້ນແລ້ວ, ແຂວງມີ 119 ລາຍການ ແລະ ໂຄງການທີ່ຫຍຸ້ງຍາກ ແລະ ຮີບດ່ວນ ຮຽກຮ້ອງການຊ່ວຍເຫຼືອ ຈາກບັນດາອົງການຈັດຕັ້ງທີ່ບໍ່ສັງກັດລັດຖະບານຕ່າງປະເທດ ໃນໄລຍະ 2023 – 2025 ໃນບັນດາຂົງເຂດບຸລິມະສິດ, ຄື: ການສຶກສາ - ບຳລຸງສ້າງ, ສາທາລະນະສຸກ, ທີ່ຢູ່ອາໄສ, ຄົມມະນາຄົມຊົນນະບົດ, ນ້ຳສະອາດ, ວັດທະນະທຳ, ສັງຄົມ, ການປ່ຽນແປງຂອງດິນຟ້າອາກາດ. ຄະນະກຳມະການປະຊາຊົນແຂວງ ກໍ່ໃຫ້ບຸລິມະສິດບັນດາເຂດປະສົບໄພແມ່ນບັນດາເມືອງດ້ອຍໂອກາດ, ຕາແສງປະສົບກັບຄວາມຫຍຸ້ງຍາກ, ຕາແສງທຸກຍາກ, ເຂດຫ່າງໄກສອກຫຼີກ, ເຂດແຄມທະເລ, ເຊິ່ງຊາວເຜົ່າສ່ວນໜ້ອຍດຳລົງຊີວິດ.
ແຂວງກ່າເມົາ ຈະເພີ່ມທະວີການຕິດຕາມກວດກາ ແລະ ຊຸກຍູ້ໃຫ້ບັນດາໂຄງການ ໄດ້ປະຕິບັດຢ່າງທັນການ, ມີຄຸນນະພາບ ແລະ ຖືກຕ້ອງຕາມກົດໝາຍ.
ເນື່ອງໃນໂອກາດນີ້, ຄະນະບໍລິຫານງານສະຫະພັນບັນດາອົງການມິດຕະພາບແຂວງ ກ່າເມົາ ໄດ້ລາອອກຈາກຕຳແໜ່ງທ່ານດ່ວານວັນບີງ, ຮອງປະທານສະຫະພັນມິດຕະພາບແຂວງ ແລະ ໄດ້ເລືອກຕັ້ງທ່ານຫງວຽນກ່ວາງຮູງ, ຮອງປະທານສະມາຄົມຊາວກະສິກອນແຂວງ ໄດ້ເຂົ້າຮ່ວມຄະນະບໍລິຫານງານດ້ວຍຕຳແໜ່ງຮອງປະທານສະຫະພັນບັນດາອົງການມິດຕະພາບແຂວງ ກ່າເມົາ ໄລຍະ 2021-2026.
ຄຳຮຸ່ງ
