ໃນວັນທີ 30 ກໍລະກົດແມ່ນວັນປ້ອງກັນ ແລະ ຕ້ານການຄ້າມະນຸດໂລກ” ແລະ “ວັນປະຊາຊົນທັງໝົດເພື່ອປ້ອງກັນ ແລະ ຕ້ານການຄ້າມະນຸດ”.
ເນື່ອງໃນໂອກາດນີ້, ທ່ານນາງ Park Mihyung, ຫົວໜ້າອົງການອົບພະຍົບສາກົນ (IOM) ປະຈຳ ຫວຽດນາມ ໄດ້ໃຫ້ສຳພາດຕໍ່ນັກຂ່າວສານຫວຽດນາມ ກ່ຽວກັບວຽກງານປ້ອງກັນ, ຕ້ານການຄ້າມະນຸດຢູ່ ຫວຽດນາມ.
 |
IOM ພ້ອມແລ້ວທີ່ຈະໜູນຊ່ວຍຫວຽດນາມ ເລັ່ງລັດເປົ້າໝາຍລົບລ້າງການຄ້າມະນຸດ |
ຕາມທ່ານນາງ Park Mihyung, ຫົວໜ້າອົງການອົບພະຍົບສາກົນ (IOM) ປະຈຳ ຫວຽດນາມ ແລ້ວ, ໃນຊຸມປີມໍ່ໆມານີ້, ຫວຽດນາມ ໄດ້ມານະພະຍາຍາມ, ມີການກະທຳຕ້ານການຄ້າມະນຸດຢ່າງເຂັ້ມງວດ, ສ້າງສະພາບແວດລ້ອມການອົບພະຍົບຢ່າງຈະແຈ້ງ, ປົກປ້ອງບັນດາສິດ ແລະ ຜົນປະໂຫຍດອັນຊອບທຳຂອງຜູ້ອົບພະຍົບ. ພົ້ນເດັ່ນແມ່ນການຜັນຂະຫຍາຍລາຍການແຫ່ງຊາດປ້ອງກັນ, ຕ້ານການຄ້າມະນຸດໄລຍະ 2021 – 2025, ວິໄສທັດຮອດປີ 2030, ລວມມີບັນດາມາດຕະການແກ້ໄຂ, ໜ້າທີ່ໃໝ່ໃນການປ້ອງກັນ, ຕ້ານການຄ້າມະນຸດໃນທຸກຂົງເຂດ.
ໃນໄລຍະຈະມາເຖິງ, ຜູ້ຕາງໜ້າ IOM ຫວຽດນາມ ຢືນຢັນວ່າ, IOM ພ້ອມແລ້ວຈະໜູນຊ່ວຍລັດຖະບານ ຫວຽດນາມ ແລະ ບັນດາຄູ່ຮ່ວມມືອື່ນຍູ້ແຮງເປົ້າໝາຍລົບລ້າງການຄ້າມະນຸດ.
ຄຳຮຸ່ງ
