 | ໜູນຊ່ວຍຄົນງານ ຫວຽດນາມ 1.000 ຄົນທີ່ໄປເຮັດວຽກຢູ່ ອົດສະຕາລີ ໃນຂົງເຂດກະສິກໍາ |
| ຮ່າໂນ້ຍ ແລະ ນະຄອນ ໂຮ່ຈີມິນ ນອນໃນ 10 ຕົວເມືອງທີ່ມີຄ່າໃຊ້ຈ່າຍການທ່ອງທ່ຽວຖືກກວ່າໝູ່ຢູ່ ອາຊີ |
ກອງປະຊຸມໂອ້ລົມໂດຍທ່ານ Ali Salehian, ນັກຄົ້ນຄ້ວາຂັ້ນສູງຂຶ້ນກັບສະຖາບັນຄົ້ນຄວ້າບໍລິຫານ ແລະ ນະໂຍບາຍ ອີຣານ ແລະ ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟ່ານແອງເຊີນ ເປັນປະທານຮ່ວມ.
 |
| ບັນດານັກປາຖະກະຖາເຂົ້າຮ່ວມທາງອອນໄລ. (ພາບ: Dinh Hoa) |
ໂດຍເຂົ້າຮ່ວມກອງປະຊຸມໂອ້ລົມທາງອອນໄລ ມີທີ່ປຶກສາຂັ້ນສູງ, ນັກຄົ້ນຄວ້າຂັ້ນສູງມາຈາກສະຖາບັນຄົ້ນຄວ້າບໍລິຫານ ແລະ ນະໂຍບາຍ ອີຣານ; ບັນດາສາດສະດາຈານ, ນັກຄົ້ນຄວ້າມາຈາກມະຫາວິທະຍາໄລ Allameh Tabatabai, ມະຫາວິທະຍາໄລ Tehran; ພະນັກງານຂອງສະຖານທູດ ອີຣານ ປະຈຳ ຫວຽດນາມ.
ກອງປະຊຸມພົບປະມີການເຂົ້າຮ່ວມໂດຍກົງຂອງບັນດາຜູ້ແທນ, ນັກຄົ້ນຄ້ວາມາຈາກກະຊວງການຕ່າງປະເທດ, ສະຖາບັນຄົ້ນຄ້ວາ ອາຟຼິກາ ແລະ ຕາເວັນອອກກາງ, ມະຫາວິທະຍາໄລແຫ່ງຊາດ ຫວຽດນາມ; ຜູ້ຕາງໜ້າບັນດາຄະນະ, ຫົວໜ່ວຍຂຶ້ນກັບອົງການປະຈໍາສະຫະພັນບັນດາອົງການຕະພາບ ຫວຽດນາມ...
ກ່າວຄຳປາໄສທີ່ເປີດກອງປະຊຸມໂອ້ລົມ, ທ່ານ Majid Afahani, ຜູ້ອຳນວຍການກົມພົວພັນສາກົນ, ສະຖາບັນຄົ້ນຄວ້າບໍລິຫານ ແລະ ນະໂຍບາຍ ອີຣານ ໄດ້ຕີລາຄາໂດຍສັງເຂບສະພາບການຂອງໂລກ ເວົ້າລວມ ແລະ ອາຊີ ເວົ້າສະເພາະ, ຈາກນັ້ນ ກໍ່ເນັ້ນໜັກເຖິງຄວາມສຳຄັນຂອງການຮ່ວມມືລະຫວ່າງສອງປະເທດ. ຕາມທ່ານແລ້ວ, ວັດທະນະທຳ ແລະ ບັນດາມໍລະດົກວັດທະນະທຳມີບົດບາດສຳຄັນໃນການເຊື່ອມຕໍ່ບັນດາປະເທດໃນພາກພື້ນ, ນຳມາເຊິ່ງກາລະໂອກາດໃໝ່ໃຫ້ແກ່ບັນດາປະເທດຫຍັບເຂົ້າໃກ້ກັນກວ່າ.
ກ່ຽວກັບສະພາບການຢູ່ອາຊີຕາເວັນຕົກ, ທ່ານ Majid Afahani ໃຫ້ຮູ້ວ່າ ພາກພື້ນພວມມີການປ່ຽນແປງຢ່າງສັບສົນ, ດ້ວຍບັນຫາຫຼາຍຢ່າງ ທີ່ໄດ້ ແລະ ພວມກາຍເປັນສິ່ງທ້າທາຍລວມຂອງບັນດາປະເທດໃນພາກພື້ນ. ທ່ານຮຽກຮ້ອງໃຫ້ບັນດາປະເທດທີ່ຮັກຫອມເສລີພາບ, ສັນຕິພາບ, ໃນນັ້ນມີ ຫວຽດນາມ, ປະກອບສ່ວນຊຸກຍູ້ສັນຕິພາບ ແລະ ປົກປ້ອງຄົນທີ່ຖືກຄວາມສ່ຽງງ່າຍ.
ທີ່ກອງປະຊຸມໂອ້ລົມ, ທ່ານ ຫງວຽນກວາງຄາຍ, ອະດີດຫົວໜ້າກົມອາຊີຕາເວັນຕົກ - ອາຟຼິກາ, ກະຊວງການຕ່າງປະເທດ, ອະດີດເອກອັກຄະລັດຖະທູດ ຫວຽດນາມ ປະຈຳ ສະຫະນະຄອນ ເອເມຣັດ ອາຮັບ, ອີຣັກ ແລະ ບາງປະເທດຕາເວັນອອກກາງ ໄດ້ແຈ້ງກ່ຽວກັບສະພາບການພົວພັນຮ່ວມມືລະຫວ່າງ ຫວຽດນາມ ແລະ ອີຣານ.
ຕາມນັກປາຖະກະຖາ ຫງວຽນກວາງຄາຍ ແລ້ວ, ນັບແຕ່ສ້າງຕັ້ງການພົວພັນທາງການທູດເມື່ອປີ 1973 ມາຮອດປະຈຸບັນ, ການພົວພັນດ້ານການເມືອງລະຫວ່າງ ອີຣານ ແລະ ຫວຽດນາມ ນັບມື້ນັບດີງາມທີ່ສຸດ, ດ້ວຍການຢ້ຽມຢາມຂັ້ນສູງລະຫວ່າງ 2 ປະເທດເປັນຫຼາຍຄັ້ງ; ຂໍ້ຕົກລົງ, ສັນຍາຫຼາຍສະບັບໄດ້ຮັບການລົງນາມໃນບັນດາຂົງເຂດຄື ເສດຖະກິດ, ວັດທະນະທຳ, ວິທະຍາສາດ - ເຕັກໂນໂລຢີ, ກະສິກຳ... ເຖິງຢ່າງໃດກໍຕາມ, ການຮ່ວມມືດ້ານເສດຖະກິດລະຫວ່າງ 2 ປະເທດຍັງບໍ່ຫຼາຍເທົ່າທີ່ຄວນ, ພຽງແຕ່ບັນລຸປະມານ 100-200 ລ້ານ USD/ປີ.
ໂດຍສະແດງການປະກອບຄຳເຫັນກ່ຽວກັບແງ່ຫວັງການພົວພັນລະຫວ່າງ ຫວຽດນາມ - ອີຣານ, ທ່ານ ເລເຟືອກມິງ, ອະດີດຜູ້ອຳນວຍການສະຖາບັນຄົ້ນຄ້ວາອາຟິຼກກາ ແລະ ຕາເວັນອອກກາງ ໃຫ້ຮູ້ວ່າ ການເຊື່ອມໂຍງເຂົ້າກັບພາກພື້ນຢ່າງເລິກເຊິ່ງກ້ວາງຂວາງໃນສະພາບການປະຈຸບັນ ຈະນຳມາເຊິ່ງຄວາມສາມາດບົ່ມຊ້ອນອັນໃຫຍ່ຫຼວງໃຫ້ແກ່ການພົວພັນລະຫວ່າງສອງປະເທດ.
 |
| ພາບທີ່ກອງປະຊຸມໂອ້ລົມ"ອາຊີຕາເວັນຕົກ ແລະ ອາຊີຕາເວັນອອກ: ບັນດາຈຸດຄ້າຍຄືກັນ ແລະ ຜົນປະໂຫຍດລວມ". (ພາບ: Dinh Hoa) |
ທ່ານຍັງໄດ້ເນັ້ນຫນັກວ່າ ຂະແໜງການອຸດສາຫະກໍາ Halal (ຂະແໜງການອຸດສາຫະກໍາທີ່ສະຫນອງຜະລິດຕະພັນ ແລະ ການບໍລິການທີ່ເໝາະສຳລັບຊາວມຸດສະລິມ) ມີຂອບຂະຫນາດໃຫຍ່ ແລະ ມີຄວາມສາມາດບົ່ມຊ້ອນເຕີບໂຕສູງ. ຄວາມສາມາດບົ່ມຊ້ອນການຮ່ວມມືດ້ານເສດຖະກິດລະຫວ່າງ ຫວຽດນາມ ແລະ ອີຣານ ຈະໄດ້ຮັບການຊຸກຍູ້ ຖ້າໝູນໃຊ້ກາລະໂອກາດ, ຂຸດຄົ້ນຄວາມສາມາດບົ່ມຊ້ອນທ້ອງຕະຫຼາດ Halal ນີ້ຢ່າງມີປະສິດທິຜົນ.
ກ່າວຄຳປາໄສທີ່ກອງປະຊຸມໂອ້ລົມ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟ່ານແອງເຊີນ ໃຫ້ຮູ້ວ່າ ຫວຽດນາມ ແລະ ອີຣານ ມີຫຼາຍຈຸດຄ້າຍຄືກັນ ແລະ ແບ່ງປັນເປົ້າໝາຍພັດທະນາປະເທດຊາດ. ຍ້ອນແນວນັ້ນ, ສອງປະເທດປາດຖະໜາຢາກຊຸກຍູ້ການຮ່ວມມືສອງຝ່າຍ, ບໍ່ພຽງແຕ່ໃນຂົງເຂດການທູດເທົ່ານັ້ນ ຫາກຍັງໃນຂົງເຂດອື່ນຄື: ວັດທະນະທຳ, ການສຶກສາ, ວິທະຍາສາດ, ການຮ່ວມມືດ້ານເສດຖະກິດ...
ໂດຍຕີລາຄາສູງຄຸນຄ່າການທາບທາມປຶກສາຫາລື ແລະ ຄວາມໝາຍຕົວຈິງຂອງບັນດາບົດປະກອບຄຳເຫັນ, ທ່ານ ຟ່ານແອງເຊີນ ໃຫ້ຮູ້ວ່າ ຈະມີບັນດາກອງປະຊຸມໂອ້ລົມຕື່ມອີກລະຫວ່າງສະຫະພັນບັນດາອົງການມິດຕະພາບ ຫວຽດນາມ ແລະ ສະຖາບັນຄົ້ນຄວ້າບໍລິຫານ ແລະ ນະໂຍບາຍ ອີຣານ.
ບັນດາກອງປະຊຸມໂອ້ລົມແມ່ນເພື່ອແນໃສ່ເພີ່ມທະວີການແລກປ່ຽນຂໍ້ມູນ, ເຮັດໃຫ້ຄວາມເຂົ້າໃຈລະຫວ່າງນັກຄົ້ນຄ້ວາ, ສະຖາບັນຄົ້ນຄວ້າຂອງສອງປະເທດເລິກເຊິ່ງກ່ວາອີກ. ບົນພື້ນຖານນັ້ນ, ກໍ່ຊຸກຍູ້ການພົວພັນຮ່ວມມືລະຫວ່າງ ຫວຽດນາມ - ອີຣານ ໃນຫຼາຍຂົງເຂດ, ພິເສດແມ່ນການຮ່ວມມືດ້ານເສດຖະກິດ, ວັດທະນະທຳ, ການທ່ອງທ່ຽວ… ໃຫ້ແທດເໝາະກັບຄວາມສາມາດບົ່ມຊ້ອນຂອງການພົວພັນລະຫວ່າງ 2 ປະເທດ.
 | 5 ນະຄອນຂອງຫວຽດນາມ ທີ່ນັກທ່ອງທ່ຽວອົດສະຕາລີ ໄດ້ເຂົ້າຄົ້ນຫາໃນສື່ສັງຄົມອອນລາຍຫຼາຍທີ່ສຸດ ຍສໝ - 5 ນະຄອນຂອງຫວຽດນາມ ທີ່ນັກທ່ອງທ່ຽວອົດສະຕາລີ ໄດ້ເຂົ້າຄົ້ນຫາໃນສື່ສັງຄົມອອນລາຍຫຼາຍທີ່ສຸດ ແຕ່ເດືອນ 6 ຫາວັນທີ 24 ມິຖຸນາ ລວມມີ: ນະຄອນ ໂຮ່ຈີມິນ, ດານັງ, ຮ່າໂນ້ຍ, ໂຮ້ຍອານ, ຢ່າຈາ່ງ. |
 | 3 ສະຖານີ່ທ່ອງທ່ຽວຂອງ ຫວຽດນາມ ໄດ້ເຂົ້າໃນບັນດາສະຖານທີ່ທ່ອງທ່ຽວທີ່ນິຍົມທີ່ສຸດໃນ ອາຊີ ຍສໝ - ຖະໜົນເກົ່າ ໂຮ້ຍອານ, ຫໍພິພິທະພັນວັດຖຸພັນຮ່ອງຮອຍສົງຄາມ (ນະຄອນ ໂຮ່ຈີມິນ) ແລະ ອຸໂມງໃຕ້ດິນ ກູ້ຈີ ແມ່ນ 3 ຕົວແທນຂອງ ຫວຽດນາມ ທີ່ໄດ້ຈັດເຂົ້າໃນບັນຊີລາຍຊື່ 25 ສະຖານທີ່ທ່ອງທ່ຽວທີ່ນິຍົມທີ່ສຸດຂອງ ອາຊີ ໂດຍຜູ້ອ່ານ TripAdvisor ຄັດເລືອກ. |
ມີງດຶກ
