 |
ນັກທ່ອງທ່ຽວມາຢ້ຽມຢາມແຂວງກວາງນິງ ໃນຈຸດເວລາທຳອິດຂອງປີໃໝ່ 2020. (ພາບ: TTXVN)
ຢູ່ທ່າກໍາປັ່ນຮັບແຂກສາກົນ ຕ່ວນເຈົາ, ນະຄອນຫ້າລອງ, ແຂວງກວາງນິງ, ມີນັກທ່ອງທ່ຽວທີ່ມາຈາກຝະລັ່ງ, ຍີ່ປຸ່ນ ແລະ ໄຕ້ຫວັນ (ຈີນ) ຈຳນວນ 60 ຄົນ ໄດ້ມາຢ້ຽມຢາມແຂວງກວາງນິງ ໃນຈຸດເວລາທຳອິດຂອງປີໃໝ່ 2020. ຕາມຜູ້ຕາງໜ້າທ່າກໍາປັ່ນຮັບແຂກສາກົນຕ່ວນເຈົາ ແລ້ວ, ຄາດວ່າ, ໃນມື້ນີ້ຈະມີນັກທ່ອງທ່ຽວ 10.000 ຄົນຈະແວ່ທ່າກໍາປັ່ນດັ່ງກ່າວ.
ໃນໂອກາດບຸນເຕັດປີຊວດ 2020 ໃນລະຫວ່າງວັນທີ 23 – 29 ມັງກອນ (ນັບແຕ່ວັນທີ 29 ເດືອນ 12 ຫາວັນທີ 05 ເດືອນຈຽງໄລ່ຕາມຈັນທະປະຕິທິນ), ຈຳນວນແຂກທ່ອງທ່ຽວສາກົນມາດ່ານັ້ງ ຄາດວ່າບັນລຸເກືອບ 180.000 ເທື່ອຄົນ, ເພີ່ມຂຶ້ນກວ່າ 13% ເມື່ອທຽບໃສ່ໄລຍະດຽວກັນຂອງປີ 2019.
ນໂອກາດບຸນເຕັດປີຊວດ 2020, ພະແນກທ່ອງທ່ຽວນະຄອນດ່ານັ້ງ ໄດ້ສົມທົບກັບບັນດາຫົວໜ່ວຍ, ວິສາຫະກິດຈັດຕັ້ງການເຄື່ອນໄຫວຫຼາຍຢ່າງ, ຕ້ອນຮັບບຸນເຕັດ. ໃນນັ້ນ, ບາງເຫດການພົ້ນເດັ່ນຄື: ຖະໜົນດອກໄມ້ບຸນປີໃໝ່ດ່ານັ້ງ ຢູ່ແຄມແມ່ນ້ຳ ຮ່ານ ແລະ ບັນດາສະຖານທີ່ແຫ່ງຕ່າງໆໃນນະຄອນ, ການຍິງບັ້ງໄຟດອກ, ບັນດາລາຍການສິລະປະ “ສີສັນລະດູບານໃໝ່ 2020” ເພື່ອຕ້້ອນຮັບບຸນເຕັດ…
ວັນທີ 24 ມັງກອນ, ທ່ານ ຫງວຽນຊວນບິ່ງ, ຮອງຫົວໜ້າພະແນກທ່ອງທ່ຽວນະຄອນດ່ານັ້ງ ໃຫ້ຮູ້ວ່າ, ຄະນະນັກທ່ອງທ່ຽວ 218 ຄົນທີ່ເດີນທາງຈາກ ອູຄານ, ປະເທດຈີນ ໄດ້ເຂົ້າເມືອງຢູ່ດ່ານັ້ງ ໃນວັນທີ 22 ມັງກອນ ແລະ ຄາດວ່າຈະກັບເມືອປະເທດໃນວັນທີ 27 ມັງກອນ ໂດຍຖືກຕ້ອງຕາມແຜນການຂອງເຂົາເຈົ້າ, ຍັງບໍ່ທັນມີສັນຍານໃດທີ່ກ່ຽວຂ້ອງເຖິງພະຍາດໂດຍເຊື້ອໄວຣັດປອດອັກເສບ corona ກໍ່ຂຶ້ນ.
ວັນທີ 24 ມັງກອນ, ຝລັ່ງ ແຈ້ງໃຫ້ຊາບວ່າ, ພົບເຫັນ 2 ກໍລະນີທຳອິດຖືກຕິດເຊື້ອໄວຣັດ corona ທີ່ເລີ່ມມາຈາກນະຄອນ ອູຄານ, ປະເທດຈີນ, ໃນນັ້ນມີຄົນເຈັບຜູ້ໜຶ່ງພວມໄດ້ຮັບການປິນປົວຢູ່ນະຄອນຫຼວງປາຣີ, ສ່ວນຄົນເຈັບຍັງເຫຼືອແມ່ນຢູ່ນະຄອນ Bordeaux, ທາງທິດຕາເວັນຕົກສ່ຽງໃຕ້ປະເທດຝລັ່ງ. ແລະກໍ່ໃນວັນດຽວກັນ, ວົງການເຈົ້າໜ້າທີ່ສາທາລະນະສຸກ ເນປານ ໄດ້ຢັ້ງຢືນວ່າ ມີນັກສຶກສາຄົນໜຶ່ງຂອງປະເທດນີ້ຫາກໍ່ກັບມາຈາກ ອູຄານ ກໍ່ຖືກຕິດເຊື້ອໄວຣັດ corona. ໃນຂະນະນັ້ນ, ວັນທີ 24 ມັງກອນ, ບັນດາເຈົ້າໜ້າທີ່ສາທາລະນະສຸກອາເມລິກາ ໃຫ້ຮູ້ວ່າ, ມີແມ່ຍິງຄົນໜຶ່ງອາຍຸ 60 ປີຢູ່ Chicago ກໍ່ຖືກຕິດເຊື້ອໄວຣັດ corona, ນີ້ແມ່ນຜູ້ທີ 2 ຕິດເຊື້ອດັ່ງກ່າວຢູ່ອາເມລິກາ.
（ໄຊພອນ）
