 |
| ລາຍການ “ໄທ - ຍິ່ງເຂົ້າໃຈຍິ່ງຮັກ”. (ຮູບພາບ: ໜັງສືພິມ ຮືງອຽນ) |
ກ່າວປາໄສທີ່ເປີດລາຍການ, ທ່ານ ເຈິ່ນກວັກຕວ່ານ ຮອງເລຂາຜູ້ປະຈຳການຄະນະພັກແຂວງ, ປະທານສະພາປະຊາຊົນແຂວງ ຮືງອຽນ ເຕື້ອງເຖິງການພົວພັນຖານບ້ານໃກ້ເຮືອນຄຽງ, ສະໜິດຊິດເຊື້ອ ກໍ່ຄືຄວາມຄ້າຍຄືກັນກ່ຽວກັບວັດທະນະທໍາ ແລະ ເງື່ອນໄຂທາງທໍາມະຊາດ ລະຫວ່າງ ຫວຽດນາມ ແລະ ໄທ.
ທ່ານໄດ້ຢືນຢັນວ່າ ການຈັດງານເຫດການວັດທະນະທໍາ, ດົນຕີ ແລະ ການສະແດງສິລະປະຂອງ ໄທ ທີ່ມີຫົວຂໍ້ວ່າ “ໄທ – ຍິ່ງເຂົ້າໃຈຍິ່ງຮັກ” ນັ້ນ ມີຄວາມໝາຍແທດຈິງໃນການສົ່ງເສີມການພົວພັນແລກປ່ຽນລະຫວ່າງປະຊາຊົນ ແລະ ເພີ່ມທະວີຄວາມເຂົ້າໃຈຂອງປະຊາຊົນຫວຽດນາມ ກ່ຽວກັບວັດທະນະທໍາ ໄທ. ພ້ອມກັນນັ້ນ ກໍ່ແມ່ນກິດຈະກຳເປັນການລະດົມທຶນໜູນຊ່ວຍຜູ້ຖືກເຄາະຮ້າຍທີ່ໄດ້ຖືກຮັບຜົນກະທົບຈາກພະຍຸເລກທີ 3 ຢູ່ຫວຽດນາມ.
 |
| ທ່ານ ເຈິ່ນກວັກຕວ່ານ, ຮອງເລຂາຜູ້ປະຈຳການຄະນະພັກແຂວງ, ປະທານສະພາປະຊາຊົນແຂວງ ຮືງອຽນ. ( ຮູບພາບ: ໜັງສືພີມ ຮຶງອຽນ) |
ລາຍການນີ້ກໍ່ຊ່ວຍເພີ່ມທະວີການພົວພັນມິດຕະພາບລະຫວ່າງສອງປະເທດໃຫ້ແໜ້ນແຟ້ນຍິ່ງຂຶ້ນ ເພື່ອໃຫ້ປະຊາຊົນຫວຽດນາມ ໂດຍສະເພາະແມ່ນປະຊາຊົນ ແຂວງຮືງອຽນ ມີໂອກາດຮູ້ຈັກ ແລະ ເຂົ້າໃຈວັດທະນະທໍາ, ມີກິດຈະກຳການລົງທຶນ ພັດທະນາເສດຖະກິດ ການຄ້າ ແລະ ການຮ່ວມມືການຕ່າງປະເທດກັບວິສາຫະກິດຂອງ ໄທ ຕື່ມອີກ.
ຕາມທ່ານ ເຈິ່ນກວັກຕວ່ານ ແລ້ວ, ແຂວງຮືງອຽນ ສັນຍາວ່າຈະສ້າງເງື່ອນໄຂທີ່ດີທີ່ສຸດ ເພື່ອໃຫ້ບັນດາວິສາຫະກິດຂອງ ໄທ ລົງທຶນຜະລິດ ແລະ ດຳເນີນທຸລະກິດ; ພ້ອມກັນນັ້ນ ກໍ່ຈະຮ່ວມມືຢ່າງແໜ້ນແຟ້ນກັບອົງການທີ່ກ່ຽວຂ້ອງຂອງ ໄທ ໃນການຈັດງານບັນດາການເຄື່ອນໄຫວພົບປະແລກປ່ຽນ, ຮ່ວມມື, ພັດທະນາດ້ານວັດທະນະທໍາ - ສັງຄົມ, ກິລາ, ທ່ອງທ່ຽວ - ການສຶກສາ...
ໃນຂອບເຂດຂອງລາຍການ, ໄດ້ດຳເນີນບັນດາກິດຈະກຳແນະນຳກ່ຽວກັບວັດທະນະທຳ, ດົນຕີ, ອາຫານຈາກຫຼາຍພາກຂອງ ໄທ ເຊັ່ນ: ການສະແດງໂດຍວົງດົນຕີປະສານສຽງ ນະຄອນຢະລາ; ສະແດງມວຍໄທ; ລົງຕົວຈິງການເຮັດອາຫານ ໄທ; ລົງຕົວຈິງການເຮັດເຄື່ອງຫັດຖະກໍາ ໄທ.
 |
| ທ່ານນາງ Urawadee Sriphiromya, ເອກອັກຄະລັດຖະທູດ ໄທ ປະຈຳ ຫວຽດນາມ. (ຮູບພາບ: ໜັງສືພິມ ຮືງອ່ຽນ) |
ທ່ານນາງ Urawadee Sriphiromya ເອກອັກຄະລັດຖະທູດ ໄທ ປະຈຳ ຫວຽດນາມ ໄດ້ຂອບໃຈແຂວງຮືງອຽນ ທີ່ໄດ້ສົມທົບກັນຈັດຕັ້ງລາຍການ. ໂດຍສະແດງຄວາມເຫັນໃຈຢ່າງເລິກເຊິ່ງກັບຊາວຫວຽດນາມ ທີ່ໄດ້ຮັບຄວາມເສຍຫາຍຢ່າງໜັກໜ່ວງຈາກພະຍຸ Yagi , ທ່ານນາງ ອຸຣາວະດີ ໄດ້ຮຽກຮ້ອງໃຫ້ທຸກຄົນທີ່ເຂົ້າຮ່ວມລາຍການພ້ອມກັນລະດົມທຶນຊ່ວຍເຫຼືອປະຊາຊົນຜ່ານຜ່າຜົນຮ້າຍທີ່ເກີດຈາກໄພທຳມະຊາດ.
ທ່ານໄດ້ຕີລາຄາວ່າ ໃນໄລຍະຜ່ານມາ ການແລກປ່ຽນລະຫວ່າງປະຊາຊົນ ໄທ - ຫວຽດນາມ ໂດຍສະເພາະແມ່ນການແລກປ່ຽນດ້ານວັດທະນະທໍາ ໄດ້ຊ່ວຍເພີ່ມທະວີຄວາມຮູ້ຄວາມເຂົ້າໃຈ ແລະ ເຮັດໃຫ້ຄວາມສຳພັນລະຫວ່າງປະຊາຊົນສອງຊາດຍິ່ງແໜ້ນແຟ້ນຂຶ້ນ, ໃກ້ຊິດ, ຕິດພັນກັນ, ນຳມາເຊິ່ງຜົນປະໂຫຍດທີ່ແທດຈິງ, ປະກອບສ່ວນຮັດແໜ້ນການພົວພັນຖານບ້ານໃກ້ເຮືອນຄຽງ, ມິດຕະພາບມູນເຊື້ອ ລະຫວ່າງສອງປະເທດ. ທ່ານ ນາງ ອຸຣາວະດີ ຢືນຢັນວ່າ ໄທ ຈະສືບຕໍ່ສົ່ງເສີມການຮ່ວມມືກັບຫວຽດນາມ ໃນທຸກໆດ້ານ ເພື່ອເຮັດໃຫ້ປະຊາຊົນສອງປະເທດຫຍັງເຂົ້າໃກ້ຊິດກັນຍິ່ງຂຶ້ນ.
 | ສະມາຄົມນັກທຸລະກິດ ໄທ - ຫວຽດ - ບ່ອນອີງທີ່ໝັ້ນແກ່ນຂອງວິສາຫະກິດ ຫວຽດນາມ ປະຈຳ ໄທ ການພົວພັນຮ່ວມມືທາງດ້ານເສດຖະກິດ, ການຄ້າ, ການລົງທຶນ ລະຫວ່າງ ໄທ ແລະ ຫວຽດນາມ ພວມນັບມື້ນັບມີການພັດທະນາທີ່ເປັນໜ້າຊື່ນຊົມ. ເພື່ອບັນລຸໄດ້ສິ່ງດັ່ງກ່າວ, ຕ້ອງເວົ້າເຖິງການປະກອບສ່ວນຂອງວິສາຫະກິດຊາວ ຫວຽດນາມ ອາໄສ ຢູ່ ໄທ. ສະມາຄົມນັກທຸລະກິດ ໄທ - ຫວຽດ, ດ້ວຍບົດບາດເປັນບ່ອນອີງອັນໝັ້ນແກ່ນໃຫ້ແກ່ບັນດາວິສາຫະກິດ ຫວຽດນາມ ປະຈຳ ໄທ ໄດ້ຈັດການເຄື່ອນໄຫວທີ່ແທດຈິງ, ມີຄວາມໝາຍຫຼາຍຢ່າງ ປະກອບສ່ວນເຂົ້າໃນການຕິດພັນວິສາຫະກິດສອງປະເທດ ... |
 | ສະມາຄົມມິດຕະພາບ ຫວຽດນາມ - ໄທ ແຂວງເລິມດົ່ງ ມອບຜ້າອັດປາກດັ່ງ 15.000 ອັນໃຫ້ແກ່ຊາວໄທ ຍສໝ - |
ແທັງຮັ່ງ
