 | ນະຄອນໂຮ່ຈິມິງ: ສະມາຊິກຊາວໜຸ່ມ 500 ກວ່າຄົນເຂົ້າຮ່ວມງານ “ແລກປ່ຽນວັດທະນະທຳ ຫວຽດນາມ - ໄທ” |
| ໂຄສົກກະຊວງການຕ່າງປະເທດໄທ: ຫວຽດນາມ ແມ່ນຄູ່ຮ່ວມມືເສດຖະກິດສຳຄັນຂອງພາກພື້ນອາຊີຕາເວັນອອກສ່ຽງໃຕ້ |
ວົງຄະນາຍາດຊາວໄທ ຢູ່ນະຄອນໂຮ່ຈິມິນ ຮ່ວມເດີນທາງຊຸກຍູ້ການພົບປະແລກປ່ຽນລະຫວ່າງປະຊາຊົນ ຫວຽດນາມ - ໄທ.
ວັນທີ 5 ທັນວານີ້, ກົງສຸນໃຫຍ່ລາຊະອານາຈັກໄທ ປະຈຳນະຄອນໂຮ່ຈິມິນ (HCMC) ໄດ້ຈັດພິທີສະເຫຼີມສະຫຼອງວັນຊາດແຫ່ງລາຊະອານາຈັກໄທ ຄົບຮອບ 96 ປີ.
ທີ່ພິທີ, ທ່ານ ຫວໍວັນຮວ່ານ, ຮອງປະທານ ຄະນະກຳມະການປະຊາຊົນ ນະຄອນ ໂຮ່ຈິມິນ ໄດ້ສະແດງຄວາມຊົມເຊີຍຕໍ່ບັນດາຜົນງານອັນໃຫຍ່ຫຼວງທີ່ປະເທດໄທບັນລຸໄດ້ໃນເກືອບ 100 ປີແຫ່ງການສ້າງຕັ້ງປະເທດ. ທ່ານກ່າວວ່າ ໃນຊຸມປີຜ່ານມານີ້, ບັນດາວິສາຫະກິດໄທ ໄດ້ປະສົບຜົນສຳເລັດ ເມື່ອລົງທຶນຢູ່ນະຄອນໂຮ່ຈິມິນ. ນະຄອນໄດ້ສົ່ງເສີມ ແລະ ຍິນດີຕ້ອນຮັບບັນດາວິສາຫະກິດໄທ ທີ່ມານະຄອນ ໂຮ່ຈີມິນ ເພື່ອຊອກຫາກາລະໂອກາດພັດທະນາໃນອະນາຄົດ.
ທ່ານໄດ້ຮັບຮູ້ ແລະ ຕີລາຄາສູງການພົວພັນມິດຕະພາບທີ່ເປັນມູນເຊື້ອຂອງກົງສຸນໄທ, ນັກທຸລະກິດ ແລະ ວົງຄະນະຍາດຊາວໄທ ຢູ່ທີ່ນະຄອນ ໂຮ່ຈີມິນ ໃນການຊຸກຍູ້ບັນດາການເຄື່ອນໄຫວສັງຄົມ, ການພົບປະແລກປ່ຽນປະຊາຊົນ ແລະ ວັດທະນະທຳ.
 |
| ທ່ານ ຫວໍວັນຮວ່ານ, ຮອງປະທານຄະນະກຳມະການ ປະຊາຊົນ ນະຄອນໂຮ່ຈິມິນ ໄດ້ຊົມເຊີຍທ່ານນາງ ວິລະກາ ມຸດທິຕະພົນ , ຫົວໜ້າກົງສຸນໃຫຍ່ໄທ ປະຈຳນະຄອນ ໂຮ່ຈິມິນ. (ພາບ: TTXVN) |
ທ່ານ ຫວໍວັນຮວ່ານ ກ່າວວ່າ “ນະຄອນໂຮ່ຈິມິນ ຍາມໃດກໍ່ຖືການພົວພັນກັບໄທ ເປັນສຳຄັນ ແລະ ປາດຖະໜາຢາກສືບຕໍ່ ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດ ລະຫວ່າງ ຫວຽດນາມ ແລະ ໄທ ຜ່ານການຊຸກຍູ້ບັນດາຂົງເຂດການຄ້າ, ການລົງທຶນ, ການແລກປ່ຽນວັດທະນະທຳ, ວິທະຍາສາດ, ເຕັກໂນໂລຢີ ແລະ ການພົບປະແລກປ່ຽນປະຊາຊົນ.
ທ່ານເຊື່ອໝັ້ນວ່າ ການພົວພັນລະຫວ່າງສອງປະເທດ, ໃນນັ້ນ ມີການພົວພັນລະຫວ່າງນະຄອນ ໂຮ່ຈີມິນ ແລະ ໄທ ຈະສືບຕໍ່ພັດທະນາແບບຍືນຍົງ, ເພື່ອມິດຕະພາບ ແລະ ຜົນປະໂຫຍດຂອງປະຊາຊົນສອງປະເທດ, ປະກອບສ່ວນຮັກສາສະຖຽນລະພາບ ແລະ ຄວາມຈະເລີນຮຸ່ງເຮືອງຂອງພາກພື້ນ ອາຊຽນ.
ຕາມທ່ານນາງ ວິລະກາ ມຸດທິຕະພົນ, ຫົວໜ້າກົງສຸນໃຫຍ່ໄທ ປະຈຳນະຄອນ ໂຮ່ຈີມິນ ແລ້ວ, ຫວຽດນາມ ແລະ ໄທ ມີການພົວພັນຮ່ວມມືທີ່ຕິດພັນຍາວນານ, ພິເສດແມ່ນການພົວພັນດ້ານການຄ້າ, ການລົງທຶນ ແລະ ການພົບປະແລກປ່ຽນປະຊາຊົນ.
ກົງສູນໃຫຍ່ໄທ ໄດ້ພ້ອມກັບບັນດາອົງການລັດຖະບານໄທ ປະຈຳນະຄອນ ໂຮ່ຈີມິນ ໃຫ້ຄຳໝັ້ນສັນຍາຈະຊຸກຍູ້ການພົວພັນຄູ່ຮ່ວມມືຢ່າງມີປະສິດທິຜົນ ລະຫວ່າງ ໄທ ແລະ ຫວຽດນາມ ໃນທຸກຂັ້ນ, ພິເສດແມ່ນດ້ວຍການໜູນຊ່ວຍບັນດານັກລົງທຶນທີ່ມີຄຸນນະພາບຂອງໄທ, ນັ້ນແມ່ນບັນດານັກລົງທຶນ ທີ່ໄດ້ລົງທຶນເຂົ້າຫວຽດນາມ ກ່ອນນັ້ນແລ້ວ, ປະກອບສ່ວນເຂົ້າໃນການຮັບປະກັນຊີວິດການເປັນຢູ່ຂອງຊຸມຊົນທ້ອງຖິ່ນຢ່າງສະເໝີຕົ້ນສະເໝີປາຍ ແລະ ຍາມໃດກໍ່ປະຕິບັດຕາມຫຼັກການທີ່ມີຄວາມຮັບຜິດຊອບຕໍ່ສັງຄົມຂອງທຸລະກິດ.
ຊ ສະຫວັດ
