 | ຫວຽດນາມ ແມ່ນທ້ອງຕະຫຼາດທີ່ດຶງດູດ ແລະ ສຳຄັນສຳລັບບັນດາວິສາຫະກິດ ແດນມາກ ໃນຂົງເຂດກະສິກຳ |
| ຫວຽດນາມ ເຂົ້າຮ່ວມງານຕະຫຼາດນັດຄະນະທູຕານຸທູດຢູ່ ແດນມາກ |
ກ່າວຄຳປາໄສເປີດທີ່ພິທີ, ທ່ານ Nicolai Prytz, ເອກອັກຄະລັດຖະທູດ ແດນມາກ ປະຈຳ ຫວຽດນາມ ໃຫ້ຮູ້ວ່າ ການແຂ່ງຂັນໄດ້ຈັດຂຶ້ນເນື່ອງໃນໂອກາດສະເຫຼີມສະຫຼອງ 53 ປີແຫ່ງວັນສ້າງສາຍພົວພັນທາງການທູດ ຫວຽດນາມ - ແດນມາກ. ນັບຕັ້ງແຕ່ໄດ້ຈັດຂຶ້ນຄັ້ງທໍາອິດໃນປີ 2016 ມາຮອດປະຈຸປັນ, ການແຂ່ງຂັນໄດ້ກາຍເປັນການເຄື່ອນໄຫວປະຈໍາປີດ້ວຍບັນດາຫົວຂໍ້ໃຫມ່ໃຫ້ແຕ່ລະປີ, ສ່ວນຫຼາຍແມ່ນສຸມໃສ່ເຂົ້າໃນບັນດາບັນຫາສິ່ງແວດລ້ອມ.
 |
| ການແຂ່ງຂັນແຕ້ມຮູບ "ແດນມາກໃນສາຍຕາຂອງນ້ອງ 2024". (ພາບ: Dinh Hoa) |
ດ້ວຍຫົວຂໍ້ວ່າ “ບັນດາແນວຄວາມຄິດສີຂຽວ”, ການແຂ່ງຂັນປີນີ້ໄດ້ສົ່ງເສີມໃຫ້ບັນດານ້ອງນັກຮຽນຊອກຮູ້ບັນດາສິ່ງທ້າທາຍກ່ຽວກັບສິ່ງແວດລ້ອມ ແລະ ດິນຟ້າອາກາດຕື່ມອີກ. ພ້ອມກັນນັ້ນ ກໍ່ແບ່ງປັນຂໍ້ລິເລີ່ມ, ແນວຄິດ ແລະ ວິໄສທັດຂອງຕົນ ວ່າຈະເຮັດແນວໃດເພື່ອປົກປັກຮັກສາສິ່ງແວດລ້ອມ ແລະ ຊັບພະຍາກອນທຳມະຊາດ.
ຕາມທ່ານເອກອັກຄະລັດຖະທູດ Nicolai Prytz ແລ້ວ, ການທີ່ເດັກນ້ອຍຫວຽດນາມ ສະແດງແນວຄວາມຄິດສີຂຽວຜ່ານຮູບແຕ້ມອາດຈະບໍ່ໄດ້ນຳມາເຊິ່ງການປ່ຽນແປງຢ່າງທັນການ, ແຕ່ແນ່ນອນວ່ານີ້ແມ່ນວິທີເພື່ອໃຫ້ເດັກນ້ອຍສະແດງຄວາມຄິດເຫັນ ແລະ ຄວາມເອົາໃຈໃສ່ຂອງຕົນ. ໂດຍຜ່ານນັ້ນ, ເດັກນ້ອຍຈະສົ່ງສານເຖິງຜູ້ໃຫຍ່ກ່ຽວກັບວິທີທີ່ເດັກນ້ອຍເບິ່ງການທ້າທາຍຂອງດິນຟ້າອາກາດ ແລະ ສິ່ງທີ່ພວກເຮົາສາມາດເຮັດຮ່ວມກັນເພື່ອປັບປຸງສະພາບການ.
“ຂ້າພະເຈົ້າຮ້ອນໃຈຢາກຈະເຫັນແນວຄວາມຄິດສ້າງສັນຂອງເດັກນ້ອຍ ໂດຍຜ່ານບັນດາຮູບພາບທີ່ສຸດຍອດໃນເຈ້ຍ. ພວກຂ້າພະເຈົ້າ ຍາມໃດກໍ່ນັບຖື ແລະ ຕີລາຄາສູງແນວຄວາມຄິດຂອງເດັກນ້ອຍ”, ທ່ານເອກອັກຄະລັດຖະທູດ Nicolai Prytz ກ່າວ. ທ່ານນາງ ຫງວຽນທິມິງຖຸ໋ຍ, ອຳນວຍການໂຮງຮຽນມັດທະຍົມສົມບູນ ຫງວຽນຊຽວ ໃຫ້ຮູ້ວ່າ ດ້ວຍຫົວຂໍ້ “ບັນດາແນວຄວາມຄິດສີຂຽວ”, ທ່ານນາງປາດຖະໜາໃຫ້ນັກຮຽນສົ່ງສານກ່ຽວກັບການປົກປັກຮັກສາດາວພະເຄາະ. ນີ້ຈະເປັນເຂັມທິດໃຫ້ທຸກການກະທຳ, ຊ່ວຍໃຫ້ເດັກນ້ອຍປະກອບສ່ວນຢ່າງແທດຈິງເຂົ້າໃນຂະບວນການສ້າງສະພາບແວດລ້ອມໃນການດຳລົງຊີວິດໃນປະຈຸປັນ. ທ່ານນາງ ຍັງໄດ້ສົ່ງຄຳອວຍພອນໄປຍັງນັກຮຽນ, ໂດຍຫວັງວ່າແຕ່ລະຄົນຈະສ້າງຜະລິດຕະພັນທີ່ມີລັກສະນະສ້າງສັນ, ເຜີຍແຜ່ສານກ່ຽວກັບການປົກປັກຮັກສາສິ່ງແວດລ້ອມໃຫ້ໝູ່ເພື່ອນ, ຍາດຕິພີ່ນ້ອງ ແລະ ໄກກ່ວາອີກ ເພື່ອເຜີຍແຜ່ສານທີ່ຕັ້ງໜ້ານີ້ໃຫ້ທົ່ວປະຊາຄົມ.
 |
| ທ່ານເອກອັກຄະລັດຖະທູດ ແດນມາກ ປະຈຳ ຫວຽດນາມ Nicolai Prytz. (ພາບ: Dinh Hoa) |
ຕາມທ່ານ ເລຫງອກຕ໋ວນ, ຫົວໜ້າກົມຮ່ວມມືສາກົນ (ກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ), ຮອງປະທານສະມາຄົມມິດຕະພາບ ຫວຽດນາມ - ແດນມາກ ແລ້ວ, ຫົວຂໍ້ຂອງການແຂ່ງຂັນປີນີ້ມີຄວາມໝາຍຍິ່ງກວ່າໃນສະພາບທີ່ ແດນມາກ ແລະ ຫວຽດນາມ ພວມສົມທົບກັນເພື່ອປົກປັກຮັກສາດາວພະເຄາະສີຂຽວຕໍ່ໜ້າບັນດາສິ່ງທ້າທາຍທີ່ຮ້າຍແຮງເຊັ່ນ ການປ່ຽນແປງຂອງດິນຟ້າອາກາດ, ມົນລະພິດສິ່ງແວດລ້ອມ ແລະ ການຊີວະພາບອັນຫຼາກຫຼາຍຂຸຸດໂຊມລົງ. ບັນດາຜົນຮ້າຍຢ້ອນຫຼັງຈາກພະຍຸ Yagi ທີ່ເກີດຂຶ້ນຢູ່ບັນດາແຂວງ, ນະຄອນຂອງ ຫວຽດນາມ ເມື່ອບໍ່ດົນມານີ້ ແມ່ນຫຼັກຖານທີ່ຈະແຈ້ງກ່ຽວກັບບັນດາສິ່ງທ້າທາຍດັ່ງກ່າວ.
ໂດຍຜ່ານການແຂ່ງຂັນ, ທ່ານໄດ້ສົ່ງສານເຖິງບັນດານັກຮຽນ - ບັນດາຜູ້ເປັນເຈົ້າຂອງອະນາຄົດຂອງປະເທດຊາດ ແລະ ດາວພະເຄາະ ວ່າ ການສ້າງບັນດາແນວຄວາມຄິດສີຂຽວ, ເຖິງວ່າຂະຫນາດນ້ອຍ, ແຕ່ກໍ່ສາມາດປະກອບສ່ວນປົກປັກຮັກສາສິ່ງແວດລ້ອມ. ທ່ານສົ່ງເສີມໃຫ້ບັນດານັກຮຽນປະດິດສ້າງຢ່າງເສລີ ໂດຍອີງໃສ່ຄວາມເຂົ້າໃຈກ່ຽວກັບດາວພະເຄາະ, ບັນດາຄວາມມານະພະຍາຍາມຮ່ວມມືລະຫວ່າງ ຫວຽດນາມ ແລະ ແດນມາກ ເພື່ອແກ້ໄຂສິ່ງທ້າທາຍດ້ານສິ່ງແວດລ້ອມ ແລະ ດິນຟ້າອາກາດ.
ການແຂ່ງຂັນແຕ້ມພາບ “ແດນມາກໃນສາຍຕາຂອງນ້ອງ 2024” ໄດ້ດຳເນີນໄປແຕ່ວັນທີ 25 ກັນຍາ ຫາວັນທີ 20 ທັນວາ ສຳລັບນັກຮຽນຫວຽດນາມ ນັບແຕ່ຊັ້ນປະຖົມຮອດຊັ້ນນມັດທະຍົມຕອນຕົ້ນ. ຮູບແຕ້ມຂອງການແຂ່ງຂັນແມ່ນແຕ້ມໃສ່ເຈ້ຍຂະໜາດ A3 ດ້ວຍວັດສະດຸທີ່ເລືອກດ້ວຍຕົນເອງ.
ບັນດາພາບແຕ້ມທີ່ສົ່ງເຂົ້າແຂ່ງຂັນ ແມ່ນສົ່ງໄປຍັງສຳນັກງານສະຖານທູດ ແດນມາກ ປະຈຳຫວຽດນາມ, ຊັ້ນ 7, ຕຶກ BIDV, 194 ເຈິ່ນກວາງຂາຍ, ຮ່າໂນ້ຍ. ພາບເເຕ້ມທັງໝົດຕ້ອງລະບຸຊື່ຫົວຂໍ້ຮູບໃຫ້ຊັດເຈນ, ຊື່ ແລະ ນາມສະກຸນ, ປີເກີດ, ຊັ້ນຮຽນ, ໂຮງຮຽນ, ອີເມວຕິດຕໍ່, ທີ່ຢູ່, ເບີໂທລະສັບຕິດຕໍ່ 02 ເບີ (ເບີຄອບຄົວ ແລະ ເບີໂຮງຮຽນຂອງຜູ້ທີ່ສົ່ງພາບແຕ້ມເຂົ້າແຂ່ງຂັນ) ແລະ ທີ່ຢູ່ທາງໄປສະນີໃຫ້ຄົບຖ້ວນ.
 |
| ທ່ານເອກອັກຄະລັດຖະທູດ Nicolai Prytz ໄດ້ໂອ້ລົມກ່ຽວກັບແນວຄວາມຄິດການແຕ້ມຮູບກັບນັກຮຽນ. (ພາບ: Dinh Hoa) |
ບັນດາຜູ້ສົ່ງພາບແຕ້ມເຂົ້າແຂ່ງຂັນທີ່ໄດ້ຮັບລາງວັນຈະໄດ້ຮັບການປະກາດ ແລະ ມອບລາງວັນເຊິ່ງຈະດຳເນີນໄປໃນທ້າຍສົກຮຽນ 2024 – 2025 ຢູ່ ຮ່າໂນ້ຍ. ລາງວັນປະກອບມີ 01 ລາງວັນພິເສດ, 02 ລາງວັນທີໜຶ່ງ, 03 ລາງວັນທີສອງ ແລະ 06 ລາງວັນທີສາມ.
 | ເຊື່ອມຕໍ່ວິສາຫະກິດ ຫວຽດນາມ - ແດນມາກ ເພື່ອຮ່ວມມື, ຜັນຂະຫຍາຍໂຄງການພະລັງງານທົດແທນ ຍສໝ - ແດນມາກ ສາມາດແບ່ງປັນປະສົບການ, ໜຸ່ມຊ່ວຍເຕັກໂນໂລຢີ, ການເງິນ ເພື່ອຫວຽດນາມ ປະຕິບັດບັນດາຂໍ້ລິເລີ່ມຫຼຸດຜ່ອນອາຍພິດເຮືອນແກ້ວ, ການຫັນປ່ຽນສີຂຽວ. |
 | ເພີ່ມທະວີການພົວພັນແລກປ່ຽນປະຊາຊົນ ຫວຽດນາມ - ເດນມາກ ຍສໝ - ທ່ານເອກອັກຄະລັດຖະທູດ ຫວຽດນາມ ປະຈຳ ເດນມາກ ເລືອງແທງງິ ໄດ້ໃຫ້ການຕ້ອນຮັບທ່ານນາງປະທານສະມາຄົມມິດຕະພາບ ເດນມາກ - ຫວຽດນາມ (DAVIFO) Trine Glue Doan, ແລກປ່ຽນກ່ຽວກັບບັນດາການເຄື່ອນໄຫວຂອງ DAVIFO, ບາງໝາກຜົນທີ່ບັນລຸໄດ້ໃນໄລຍະຜ່ານມາ ແລະ ທິດທາງການເຄື່ອນໄຫວຂອງ DAVIFO ໃນໄລຍະຈະມາເຖິງ. |
ມີງດຶກ
