ຕອນເຊົ້າວັນທີ 25 ທັນວາ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມກອງປະຊຸມສະຫລຸບປີ 2019 ຂອງບໍລິສັດໄຟຟ້າຫວຽດນາມ (EVN). ຊອດທະລຸຂອງກອງປະຊຸມແມ່ນການແກ້ໄຂຄວາມໄພອັນຕະລາຍ ຂອງການຂາດໄຟຟ້າໃນໄລຍະຈະມາເຖິງ. ຜູ້ນຳ EVN ກ່າວວ່າວຽກງານທີ່ມອບໃຫ້ແກ່ຂະແໜງພະລັງງານໄຟຟ້າ ແມ່ນໜັກໜ່ວງທີ່ສຸດ.

ອີງຕາມການລາຍງານຂອງສູນການດັດສົມລະບົບໄຟຟ້າແຫ່ງຊາດ (A0), ໃນປີ 2020, ໄພອັນຕະລາຍຂອງການຂາດພະລັງງານໄຟຟ້າ ແມ່ນມາຈາກຄວາມໄພແຫ້ງແລ້ງ, ການຂາດແຄນນໍ້າໃນອ່າງເກັບນໍ້າພະລັງງານໄຟຟ້າ, ຄວາມຫຍຸ້ງຍາກໃນການສະໜອງອາກາດ ແລະ ຖ່ານຫີນໃຫ້ແກ່ໂຮງງານພະລັງງານຄວາມຮ້ອນ, ໂຄງການໄຟຟ້າພົບກັບຄວາມຄືບໜ້າຊ້າ, ຄວາມຕ້ອງການທີ່ເພີ່ມຂື້ນ.

ຄາດຄະເນວ່າໃນໄລຍະປີ 2021-2025, ຫວຽດນາມຈະຂາດເຂີນກະແສໄຟຟ້າປະມານ 41,7 ຕື້ kWh. (ພາບ: zing.vn)

ຕາມບັນດາຜູ້ນຳ A0, ແຕ່ປີ 2020, ຈຳເປັນຕ້ອງເພີ່ມທະວີການລະດົມແຫຼ່ງກຳລັງຈາກຖ່ານຫີນ ແລະ ແຫຼ່ງພະລັງງານຄວາມຮ້ອນ. ໂດຍສະເພາະ, ພະລັງງານຄວາມໄຟຟ້ານຳໃຊ້ນ້ຳມັນ ຄາດວ່າຈະກວມເອົາປະມານ 50% ຂອງຜົນຜະລິດໄຟຟ້າທັງໝົດ. ພ້ອມດຽວກັນນັ້ນ, ກໍ່ຕ້ອງມີການຜະລິດກະແສໄຟຟ້າ 3,4-6 ຕື້ກິໂລວັດ/ໂມງ. ລາຄາກາໄຟຟ້ານຳໃຊ້ນ້ຳມັນແມ່ນແພງຫຼາຍ, ປະມານ 3,500-5,000 ດົງ / ກິໂລວັດ, ສະນັ້ນ EVN ຄິດກັງວົນເສຍສົມດຸນທາງການເງິນ.

ກ່ຽວກັບການແກ້ໄຂໃນໄລຍະຍາວ, ຜູ້ນຳ ຂອງ A0 ກ່າວວ່າ ພວກເຂົາຈະສຸມໃສ່ຊຸກຍູ້ໂຄງການແຫຼ່ງພະລັງງານ, ໂດຍສະເພາະແມ່ນໂຄງການພະລັງງານໄຟຟ້າ BOT ຢູ່ນອກ EVN. ນອກນັ້ນ, ຫວຽດນາມ ຈະເພີ່ມການນຳເຂົ້າໄຟຟ້າຈາກລາວ ເພື່ອປະເຊີນໜ້າກັບການຂາດພະລັງງານໄຟຟ້າ. ໃນປີ 2020, ຄາດວ່າ ການນຳເຂົ້າໄຟຟ້າຈາກລາວ ແລະ ຈີນ ຈະກວມເອົາປະມານ 1% ຂອງຜົນຜະລິດໄຟຟ້າທັງໝົດ. ຜູ້ນຳ A0 ກ່າວວ່າພວກເຂົາຈະເພີ່ມການນຳເຂົ້າໃນໄລຍະຈະມາເຖິງຈາກປະເທດລາວເປັນ 1,770 MW.

（ຄຳຮຸ່ງ）