 | 5 ກຸ່ມເປົ້າໝາຍວຽກງານຂອງ 6 ເດືອນທ້າຍປີ 2024 |
| ວັດທະນະທຳ ແລະ ການທ່ອງທ່ຽວ ຫວຽດນາມ ໄດ້ສ້າງຄວາມປະທັບໃຈໃນວັນບຸນກົງສຸນ Lyon 2024 |
ພາຍຸ Yagi (ພາຍຸເລກທີ 3) ໄດ້ເຂົ້າມາ ຫວຽດນາມ ດ້ວຍຄວາມເສຍຫາຍຢ່າງໜັກໜ່ວງ, ເຊິ່ງກໍ່ໃຫ້ເກີດຝົນຕົກໜັກຕິດຕໍ່ກັນເແກ່ຍາວ, ດິນເຈື່ອນ ແລະ ໄພນໍ້າຖ້ວມຢ່າງໜັກໜ່ວງໃນທັງເຂດທົ່ງພຽງ ແລະ ເຂດພູດອຍພາກເໜືອ.
ໃນສະພາບການປະສົບກັບຄວາມເສຍຫາຍຈາກພາຍຸ ແລະ ໄພນ້ຳຖ້ວມ, ທົ່ວປະເທດພ້ອມກັນມຸ່ງໄປເຖິງບັນດາເຂດທີ່ໄດ້ຮັບຄວາມເສຍຫາຍຢ່າງໜັກໜ່ວງ, ໄດ້ສະແດງໃຫ້ເຫັນນ້ຳໃຈຮັກຊາດ, ການແບ່ງປັນນ້ຳໃຈຢ່າງເລິກເຊິ່ງ.
ລະດູວັນບຸນໄຫວ້ພະຈັນປີນີ້, ແທນທີ່ຈະເປັນງານບຸນທີ່ເບີກບານມ່ວນຊື່ນ, ບັນດາການເຄື່ອນໄຫວໄດ້ຮັບການຈັດຕັ້ງຢ່າງງ່າຍດາຍ, ປະຢັດ, ເຕັມໄປດ້ວຍຄວາມໝາຍດ້ານມະນຸດສະທຳ.
 |
| ບັນດາຈົດໝາຍສົ່ງຄວາມຮັກແພງຂອງນັກຮຽນໂຮງຮຽນອະນຸບານ-ປະຖົມ ແລະ ມັດທະຍົມຕອນຕົ້ນ ດຶກຈີ໋, (ນະຄອນດານັງ) ເຖິງນັກຮຽນຢູ່ບັນດາແຂວງພາກເໜືອທີ່ປະສົບໄພທຳມະຊາດ. (ພາບ: Van Dung/TTXVN) |
ພ້ອມໃຈມຸ່ງເຖິງປະຊາຊົນຢູ່ເຂດປະສົບພາຍຸ, ໄພນ້ຳຖ້ວມ
ໃນອາທິດຜ່ານມາ, ຫຼາຍແຂວງ, ນະຄອນ, ຄະນະ, ຂະແໜງການໄດ້ມີຄວາມຕັດສິນໃຈ, ແຈ້ງການຢຸດບັນດາການເຄື່ອນໄຫວງານບຸນ, ການບັນເທິງ ເພື່ອທ້ອນໂຮມທຶນໜູນຊ່ວຍປະຊາຊົນທີ່ໄດ້ຮັບຜົນກະທົບຈາກພະຍຸເລກທີ 3.
ຄຽງຂ້າງນັ້ນ, ຫຼາຍແຂວງ, ນະຄອນ, ອົງການ, ຫົວໜ່ວຍໄດ້ເປັນເຈົ້າການໃນການຈັດບັນດາລາຍການແບບກະທັດຮັດ, ບໍ່ຈັດຕັ້ງງານບຸນໃຫຍ່, ປ່ຽນເປັນຮູບແບບມອບຂອງຂວັນທີ່ແທດຈິງ, ໜູນຊ່ວຍໂດຍກົງໃຫ້ປະຊາຊົນເຂດປະສົບໄພພະຍຸ, ໄພນ້ຳຖ້ວມ. ໂຮງຮຽນຫຼາຍແຫ່ງໃນທົ່ວປະເທດ ກໍ່ໄດ້ປັບແຜນການຈັດງານບຸນຕ້ອນຮັບວັນບຸນໄຫວ້ພະຈັນ.
ບັນດາການເຄື່ອນໄຫວບັນເທິງຂອງເດັກນ້ອຍໄດ້ຫຼຸດລົງ, ແທນທີ່ນັ້ນ ກໍ່ຈະເປັນຂອງຂວັນຂະຫນາດນ້ອຍແຕ່ເຕັມໄປດ້ວຍຄວາມຮັກແພງ ໄດ້ສົ່ງໄປຫາຫມູ່ເພື່ອນໃນເຂດທີ່ຖືກຜົນກະທົບ. ນີ້ແມ່ນວິທີຊ່ວຍເຫຼືອຢ່າງເເທດຈິງ, ເປັນບົດຮຽນທີ່ເລິກເຊິ່ງກ່ຽວກັບຄວາມເມດຕາຊ່ວຍເຫຼືອເຊິ່ງກັນ ແລະ ກັນ, ການແບ່ງປັນ. ບັນດາຂອງຂວັນນີ້ແມ່ນສັນຍາລັກຂອງຄວາມຮັກແພງຂອງພີ່ນ້ອງຮ່ວມຊາດ, ຈິດໃຈ “ຮັກແພງຊ່ວຍເຫຼືອກັນ” ຂອງຊາວ ຫວຽດນາມ ໃນເວລາທີ່ມີຄວາມຫຍຸ້ງຍາກ.
 |
| ເດັກນ້ອຍຢູ່ເຂດແຄມແມ່ນ້ຳຂອງເມືອງ ອຽນຝູ້, ເມືອງ ໄຕໂຮ່ ດ້ວຍຄວາມເບີກບານມ່ວນຊື່ນຕ້ອນຮັບວັນບຸນໄຫວ້ພະຈັນ. (ພາບ: Quoc Khanh/TTXVN) |
ຕາມກະຊວງແຮງງານ-ທະຫານເສຍອົງຄະ ແລະ ສັງຄົມແລ້ວ, ປີນີ້, ບັນດາລາຍການ, ເຫດການວັນບຸນໄຫວ້ພະຈັນ ຈະໄດ້ຈັດແບບກະທັດຮັດ, ສຸມໃສ່ເຂົ້າໃນການມອບຂອງຂວັນໃຫ້ເດັກນ້ອຍປະສົບກັບຄວາມຫຍຸ້ງຍາກ, ພິເສດແມ່ນເຂດຊົນເຜົ່າສ່ວນໜ້ອຍ, ເຂດຫ່າງໄກສອກຫຼີກ, ເຂດຊາຍແດນ, ໝູ່ເກາະ, ບັນດາເຂດທີ່ໄດ້ຮັບຜົນກະທົບຈາກໄພພິບັດທໍາມະຊາດ.
ໃນໂອກາດນີ້, ບັນດາການເຄື່ອນໄຫວ ຍັງໄດ້ຍູ້ແຮງເພື່ອປຸກລະດົມນ້ຳໃຈສາມັກຄີ, ຮັກແພງຊ່ວຍເຫຼືອກັນ, ພ້ອມກັນນັ້ນ ກໍ່ລະດົມຊຸມຊົນຮ່ວມມືຊ່ວຍເຫຼືອເດັກນ້ອຍທີ່ປະສົບໄພນ້ຳຖ້ວມ ໃຫ້ກັບຄືນສູ່ສະພາບປົກກະຕິ ແລະ ກັບຄືນສູ່ໂຮງຮຽນໂດຍໄວ.
ວັນບຸນໄຫວ້ພະຈັນ ງ່າຍດາຍແຕ່ເຕັມໄປດ້ວຍລັກສະນະມະນຸດສະທຳ
ໃນຈົດໝາຍເຖິງເຍົາວະຊົນ, ອານຸຊົນ, ເດັກນ້ອຍ ເນື່ອງໃນໂອກາດວັນບຸນໄຫວ້ພະຈັນ 2024, ທ່ານເລຂາທິການໃຫຍ່, ປະທານປະເທດ ໂຕເລີມ ຂຽນວ່າ: “ວັນບຸນໄຫວ້ພະຈັນປີນີ້ຍັງບໍ່ທັນຄົບຖ້ວນ ເພາະວ່າໄພທຳມະຊາດໄດ້ສ້າງຜົນສະທ້ອນຮ້າຍແຮງໃຫ້ແກ່ປະຊາຊົນຫຼາຍຄອບຄົວ, ໝູ່ບ້ານ, ຕາແສງ. ແຕ່ຫນ້າເສຍດາຍ, ຫຼານນ້ອຍຫຼາຍຄົນໄດ້ຖືກເອົາຊີວິດຂອງພວກເຂົາໄປ, ຫຼານນ້ອຍຫຼາຍຄົນສູນເສຍຄົນໃນຄອບຄົວ, ສູນເສຍເຮືອນຊານ, ມີຊີວິດຢູ່ໃນສະພາບການທີ່ຫຍຸ້ງຍາກທີ່ສຸດ. ຂໍສົ່ງຄວາມເສົ້າສະຫຼົດໃຈຢ່າງສຸດຊຶ້ງມາຍັງຍາດຕິພີ່ນ້ອງ ແລະ ຄອບຄົວຂອງເດັກນ້ອຍຜູ້ປະສົບເຄາະຮ້າຍຈາກພະຍຸ, ໄພນໍ້າຖ້ວມ ແລະ ຫວັງວ່າ ພວກເຮົາທຸກຄົນຈະເຂັ້ມແຂງເພື່ອຜ່ານຜ່າຄວາມເຈັບປວດ, ການສູນເສຍຄັ້ງນີ້. ສຳລັບເດັກນ້ອຍຢູ່ເຂດປະສົບພາຍຸ, ໄພນ້ຳຖ້ວມ ເພິ່ນໄດ້ບອກໃຫ້ເຂົາເຈົ້າຍາມໃດກໍ່ຕ້ອງໃຫ້ຄວາມສົນໃຈເຖິງຄວາມປອດໄພໃນການຮ່ຳຮຽນ, ການລະຫຼິ້ນ. ຢູ່ຫ່າງຈາກບ່ອນອັນຕະລາຍ, ຢ່າໄປຫຼິ້ນໃກ້ແມ່ນ້ຳ, ຫ້ວຍ, ໜອງນ້ຳ, ຈົ່ງຈື່ຈຳຄຳທີ່ພໍ່ແມ່ ແລະ ຄູອາຈານເວົ້າໄວ້ສະເໝີ ເພື່ອປົກປ້ອງຕົນເອງ ແລະ ໝູ່ເພື່ອນ”.
ເພື່ອໃຫ້ເດັກນ້ອຍຢູ່ເຂດຖືກນໍ້າຖ້ວມບໍ່ດ້ອຍໂອກາດ, ໄດ້ຕ້ອນຮັບວັນບຸນໄຫວ້ພະຈັນທີ່ອົບອຸ່ນ, ເຕັມໄປດ້ວຍຄວາມຮັກແພງ, ກໍ່ມີຫຼາຍການເຄື່ອນໄຫວຢື້ຢາມຖາມຂ່າວ, ມອບຂອງຂວັນໃຫ້ເດັກນ້ອຍ ໄດ້ຮັບການຈັດຂຶ້ນເນື່ອງໃນໂອກາດນີ້.
ໂດຍແມ່ນທ້ອງຖິ່ນໜຶ່ງທີ່ໄດ້ຮັບຜົນກະທົບຈາກພະຍຸເລກທີ 3, ໃນປີນີ້ ຕາແສງເຊີນໄຕ (ນະຄອນຮ່າໂນ້ຍ) ໄດ້ຕັດສິນໃຈບໍ່ຈັດຕັ້ງລາຍການ “ວັນບຸນໄຫວ້ພະຈັນ ເມືອງບູຮານ” ຕາມຮີດຄອງປະເພນີ; ແທນທີ່ນັ້ນ, ທ້ອງຖິ່ນໄດ້ມອບໃຫ້ເດັກນ້ອຍລາຍການ “ມ່ວນຊື່ນວັນບຸນໄຫວ້ພະຈັນ” ມີຄວາມປອດໄພ, ປະຢັດ ແລະ ມີຄວາມໝາຍຕາມສະພາບຕົວຈິງ.
ພາຍຫຼັງສິ້ນສຸດລາຍການ, ການນຳຕາແສງ ພ້ອມກັນກັບນັກສິລະປະໄດ້ໄປເຖິງເຂດປະສົບໄພນ້ຳຖ້ວມຂອງຕາແສງ ຊວນເຊີນ, ເມືອງ ຈຸ່ງຮືງ ແລະ ເມືອງ ໂງ່ກວ່ຽນ ເພື່ອມອບຂອງຂວັນ, ລະດົມກຳລັງໃຈເດັກນ້ອຍ ແລະ ປະຊາຊົນຢູ່ເຂດປະສົບໄພນ້ຳຖ້ວມໂດຍກົງ.
ໂດຍແມ່ນໃນບັນດາທ້ອງຖິ່ນທີ່ຖືກເສຍຫາຍຈາກພາຍຸເລກທີ 3 ແຕ່ແຂວງ ບັກນິງ ຍັງມານະພະຍາຍາມເພື່ອໃຫ້ບັນດາເດັກນ້ອຍໄດ້ຕ້ອນຮັບວັນບຸນໄຫວ້ພະຈັນຢ່າງມີຄວາມໝາຍຜ່ານລາຍການ ງານບຸນໄຫວ້ພະຈັນ ດ້ວຍຫົວຂໍ້ວ່າ “ໂຄມໄຟຈຸດປະກາຍແຈ້ງຄວາມໄຝ່ຝັນ”.
ທີ່ລາຍການ, ເດັກນ້ອຍກໍ່ໄດ້ເຊື່ອມຕົວເຂົ້າກັບບັນຍາກາດທີ່ອົບອຸ່ນຂອງບຸນໄຫວ້ພະຈັນ ດ້ວຍການສະແດງວັດທະນະທຳ, ສິລະປະ ແລະ ການມອບທຶນການສຶກສາ.
ເຖິງວ່າພາຍຸ, ໄພນໍ້າຖ້ວມຈະເຮັດໃຫ້ເກີດການສູນເສຍທີ່ບໍ່ສາມາດແກ້ໄຂໄດ້ກໍ່ຕາມ, ແຕ່ດ້ວຍການຮ່ວມມືຂອງທົ່ວປວງຊົນ, ບາດແຜຈະຫາຍດີໃນໄວໆນີ້ ແລະ ຊີວິດການເປັນຢູ່ຂອງປະຊາຊົນໃນເຂດນໍ້າຖ້ວມຈະກັບຄືນສູ່ສະພາຍເປັນປົກກະຕິໂດຍໄວ. ພາຍຸຜ່ານໄປ, ແຕ່ຄວາມຮັກຂອງມະນຸດຍັງຄົງຢູ່ຕະຫຼອດໄປ.
 | 4 ໜ້າທີ່ສຳຄັນຂອງສະມາຄົມນັກຊ່ຽວຊານ ແລະ ຊົນຊັ້ນປັນຍາຊົນຫວຽດນາມ ຢູ່ ແດນມາກ ໃນປີ 2024 ຍສໝ - ສະມາຄົມນັກຊ່ຽວຊານ ແລະ ປັນຍາຊົນ ຫວຽດນາມ ປະຈຳ ແດນມາກ ຫາກໍ່ຈັດຕັ້ງກອງປະຊຸມສະຫລຸບວຽກງານໃນປີ 2023 ແລະ ປຶກສາຫາລືແຜນການເຄື່ອນໄຫວປີ 2024. |
 | ເປີດກອງປະຊຸມລັດຖະບານ ແລະ ອຳນາດການປົກຄອງທ້ອງຖິ່ນ ສະຫຼຸບວຽກງານໃນປີ 2023, ຜັນຂະຫຍາຍໜ້າທີ່ປີ 2024 ຍສໝ - ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ສະເໜີໃຫ້ບັນດາຜູ້ແທນໄຈ້ແຍກ, ຕີລາຄາສະຖານະການສະພາບການໃນປີ 2023 ແລະ ສົ່ງຜົນກະທົບ, ຜົນສະທ້ອນຕໍ່ປະເທດຫວຽດນາມ ຢ່າງເລິກເຊິ່ງກ່ວາ. |
ມີງດຶກ
