 | ວັນບຸນໄຫວ້ພະຈັນທີ່ອົບອຸ່ນໃຫ້ແກ່ເດັກນ້ອຍຢູ່ລາວ |
| ຍິບຍັບສີສັນວັນບຸນໄຫວ້ພະຈັນໃນທົ່ວທັງສາມພາກຂອງປະເທດຫວຽດນາມໃນປີ 2023 |
ຢູ່ ຮ່າໂນ້ຍ, ວັນທີ 16 ກັນຍາ, ນັກຮຽນໂຮງຮຽນປະຖົມ ວັນອຽນ (ເມືອງ ຮ່າດົງ) ໄດ້ມີຕອນຮຽນທີ່ມີຄວາມໝາຍດ້ວຍຫົວຂໍ້ “ວັນບຸນໄຫວ້ພະຈັນ ແຜ່ກະຈາຍຄວາມຮັກແພງ”. ແທນທີ່ຈະຈັດຕັ້ງບັນດາການເຄື່ອນໄຫວມ່ວນຊື່ນຕາມປົກກະຕິ, ທາງໂຮງຮຽນໄດ້ຮຽກຮ້ອງໃຫ້ຄູອາຈານ, ພໍ່ແມ່ຜູ້ປົກຄອງຂອງນັກຮຽນ ແລະ ນັກຮຽນບໍລິຈາກປື້ມ, ອຸປະກອນໂຮງຮຽນ ແລະ ເງິນສົດເພື່ອຊ່ວຍເຫຼືອນັກຮຽນຢູ່ເຂດໄພນ້ຳຖ້ວມ. ທ່ານນາງ ເຟືອງທິທີນ, ຜູ້ອຳນວຍການໂຮງຮຽນ ໃຫ້ຮູ້ວ່າ: “ນ້ຳໃຈຮັກແພງຊ່ວຍເຫຼືອກັນ “ຮ່າໂນ້ຍ ເພື່ອທົ່ວປະເທດ” ໄດ້ແຜ່ກະຈາຍຢ່າງເຂັ້ມແຂງ, ເມື່ອທຸກຄົນຮ່ວມມືຊ່ວຍເຫຼືອປະຊາຊົນຢູ່ເຂດພູດອຍທາງພາກເໜືອທີ່ປະສົບກັບຄວາມເຈັບປວດ, ຄວາມເສຍຫາຍຫຼາຍຢ່າງຍ້ອນໄພທຳມະຊາດ”.
 |
| ນັກຮຽນຂອງໂຮງຮຽນປະຖົມ ວັນອຽນ, ເມືອງ ຮ່າດົງ, ຮ່າໂນ້ຍ ໜູນຊ່ວຍປະຊາຊົນຢູ່ເຂດປະສົບພາຍຸ ແລະ ໄພນ້ຳຖ້ວມ. (ພາບ: ຕວຍແຈນະຄອນຫຼວງ) |
ຢູ່ ວິິ້ງຟຸກ, ລາຍການວັນບຸນໄຫວ້ພະຈັນ “ແບ່ງປັນຄວາມຮັກແພງ” ໂດຍພະແນກແຮງງານ, ທະຫານເສຍອົງຄະ ແລະ ສັງຄົມແຂວງ ສົມທົບກັບຄະນະຊາວໜຸ່ມແຂວງ ແລະ ຄະນະກຳມະການປະຊາຊົນເມືອງ ບິ່ງຊວຽນ ໄດ້ຈັດຕັ້ງໃນວັນທີ 16 ກັນຍາ, ດ້ວຍການເຂົ້າຮ່ວມຂອງເດັກນ້ອຍຫຼາຍກ່ວາ 1.000 ຄົນ. ຂອງຂວັນ 7.000 ກວ່າພຸດ ໄດ້ມອບໃຫ້ເດັກນ້ອຍທີ່ປະສົບກັບຄວາມຫຍຸ້ງຍາກໃນທົ່ວແຂວງ. ພິເສດ, ລາຍການຍັງໄດ້ສົ່ງສານທີ່ມີຄວາມໝາຍ ເມື່ອສຸມໃສ່ໜູນຊ່ວຍເດັກນ້ອຍຢູ່ເຂດປະສົບໄພພາຍຸ, ໄພນ້ຳຖ້ວມ, ໄດ້ສະແດງໃຫ້ເຫັນນ້ຳໃຈສາມັກຄີ ແລະ ການແບ່ງປັນ.
ຢູ່ ເງ້ອານ, ລາຍການວັນບຸນໄຫວ້ພະຈັນ ໂດຍຫ້ອງວ່າການຄະນະຜູ້ແທນສະພາແຫ່ງຊາດ ແລະ ສະພາປະຊາຊົນແຂວງ ໄດ້ຈັດຕັ້ງໃຫ້ແກ່ລຸກຫຼານຂອງພະນັກງານ, ລັດຖະກອນ ແມ່ນສຸມໃສ່ການຍົກສູງຄວາມຮັບຮູ້ຂອງເດັກນ້ອຍກ່ຽວກັບຜົນສະທ້ອນຂອງພະຍຸ, ໄພນໍ້າຖ້ວມ. ເດັກນ້ອຍໄດ້ເບິ່ງວິດີໂອກ່ຽວກັບຄວາມເສຍຫາຍຢູ່ບັນດາແຂວງພາກເໜືອ ແລະ ຂຽນກັກແບ່ງປັນຄວາມຮັກແພງ, ພ້ອມກັບການບໍລິຈາກເພື່ອສົ່ງຂອງຂວັນວັນບຸນໄຫວ້ພະຈັນໃຫ້ປະຊາຊົນຢູ່ເຂດປະສົບໄພນໍ້າຖ້ວມ.
 |
| ເດັກນ້ອຍ, ລຸກຫຼານຂອງພະນັກງານ, ລັດຖະກອນ, ຜູ້ອອກແຮງງານຂອງຫ້ອງວ່າການຄະນະຜູ້ແທນສະພາແຫ່ງຊາດ ແລະ ສະພາປະຊາຊົນແຂວງ ເງ້ອານ ເຫັນໄດ້ຮູບພາບກ່ຽວກັບຄວາມຫຍຸ້ງຍາກ, ການສູນເສຍຂອງປະຊາຊົນຢູ່ເຂດຖືກນໍ້າຖ້ວມ. (ພາບ: ໜັງສືພິມ ເງ້ອານ) |
ຢູ່ ກວາງຈີ້, ໂຮງຮຽນ ແລະ ອົງການຈັດຕັ້ງຫຼາຍແຫ່ງໄດ້ລະດົມນັກຮຽນບໍລິຈາກເພື່ອໜູນຊ່ວຍໝູ່ເພື່ອນຢູ່ເຂດປະສົບໄພທຳມະຊາດ. ໂຮງຮຽນ ຈືງເວືອງ ໄດ້ປຸກລະດົມລາຍການ “ວັນບຸນໄຫວ້ພະຈັນແບ່ງປັນຄວາມຮັກແພງ - ມຸ່ງໄປເຖິງປະຊາຊົນພາກເໜືອ”, ຮຽກຮ້ອງໃຫ້ນັກຮຽນ, ຄູອາຈານ ປະກອບສ່ວນການອຸປະຖຳໄດ້ເກືອບ 98 ລ້ານດົ່ງ. ລາຍການນີ້ ຊ່ວຍສຶກສາໃຫ້ນັກຮຽນກ່ຽວກັບການແບ່ງປັນ ແລະ ນ້ຳໃຈສາມັກຄີ.
ຢູ່ນະຄອນໂຮ່ຈິມິນ, ບັນດາລາຍການວັນບຸນໄຫວ້ພະຈັນທີ່ມີຄວາມໝາຍກໍ່ໄດ້ຈັດຂຶ້ນເຊັ່ນ “ດວງຈັນເພື່ອເດັກນ້ອຍ”, “ວັນບຸນໄຫວ້ພະຈັນແຫ່ງຄວາມໄຝ່ຝັນ” ໃຫ້ສຳລັບເດັກນ້ອຍທີ່ປະສົບກັບຄວາມຫຍຸ້ງຍາກ, ພິການ ແລະ ລູກຫຼານຂອງກຳມະກອນ. ຂອງຂວັນ 1.800 ກວ່າພູດ ໄດ້ມອບໃຫ້ແກ່ເດັກນ້ອຍ, ດ້ວຍຄວາມປາດຖະໜາຢາກໃຫ້ເດັກນ້ອຍມີວັນບຸນໄຫວ້ພະຈັນຢ່າງຄົບຖ້ວນ. ພິເສດ, ກຸ່ມອາສາສະໝັກ ອີເຕີມ ໄດ້ນຳເອົາລາຍການ “ໄຕ້ໂຄມໄຟປະກາຍແຈ້ງ” ມາໃຫ້ເດັກນ້ອຍຢູ່ ດັກນົງ, ສ້າງໂຄມໄຟ 1.000 ກວ່າອັນໂດຍເຮັດຈາກກະປ໋ອງ, ປະກາຍແຈ້ງຄວາມມ່ວນຊື່ນໃນຄືນວັນບຸນໄຫວ້ພະຈັນ.
ຢູ່ ກຽນຢາງ, ຕອນຄ່ຳວັນທີ 16 ກັນຍາ, ໃນ “ຄ່ຳຄືນງານບຸນດວງຈັນ” ໂດຍສະຫະພັນແຮງງານເມືອງ ເຈົາແທ່ງ ແລະ ນະຄອນ ຮ່າຕ່ຽນ ຈັດຕັ້ງ, ສະຫະພັນແຮງງານແຂວງ ກຽນຢາງ ໄດ້ມອບຂອງຂວັນ 500 ພູດໃຫ້ແກ່ເດັກທີ່ດ້ອຍໂອກາດ. ຂອງຂວັນແຕ່ລະອັນມີມູນຄ່າ 300.000 ລວມມີເຂົ້າໜົມ, ໂຄມໄຟ ແລະ ເງິນສົດ.
ຢູ່ເກາະ ຫຼີເຊີນ (ກວາງຫງາຍ), ບັນດາທະຫານ ແລະ ຄະນະອາສາສະໝັກໄດ້ສົມທົບກັນຈັດຕັ້ງລາຍການ “ດວງຈັນເຂດຊາຍແດນ” ໃຫ້ເດັກນ້ອຍຢູ່ເກາະ, ໄດ້ນຳມາເຊິ່ງບັນຍາກາດທີ່ອົບອຸ່ນ ແລະ ຂອງຂວັນທີ່ແທດຈິງຄື: ລົດຖີບ, ອຸປະກອນການຮຽນ. ເດັກນ້ອຍຢູ່ທີ່ນີ້ບໍ່ພຽງແຕ່ໄດ້ຮັບຂອງຂວັນເທົ່ານັ້ນ, ຫາກຍັງໄດ້ເຂົ້າຮ່ວມບັນດາການເຄື່ອນໄຫວມ່ວນຊື່ນ, ສຽງຫົວທີ່ເຕັມໄປດ້ວຍຄວາມມ່ວນຊື່ນໃນຍາມຄ່ຳຄືນຂອງງານບຸນອີກດ້ວຍ.
 |
| ນັກຮຽນຢູ່ເກາະ ຫຼີເຊີນ ເຂົ້າຮ່ວມການແຂງຂັນແຕ້ມຮູບ. (ພາບ: ໜັງສືພິມ ຕວຍແຈ) |
ວັນບຸນໄຫວ້ພະຈັນປີນີ້ ແມ່ນລະດູງານບຸນພິເສດເມື່ອປະຊາຊົນທຸກຄົນກໍ່ມຸ່ງໄປເຖິງພາກເໜືອຮ່ວມເລືອດເນື້ອ, ຊ່ວຍເຫຼືອເດັກນ້ອຍທີ່ປະສົບໄພທຳມະຊາດ. ຂອງຂວັນ, ທຶນການສຶກສານັບພັນພູດ ແລະ ຄວາມສົນໃຈ ໄດ້ມອບໃຫ້, ນຳມາເຊິ່ງຄວາມສຸກ ແລະ ຄວາມຫວັງມາສູ່ເດັກນ້ອຍທີ່ປະສົບກັບຄວາມຫຍຸ້ງຍາກ. ສານແຫ່ງຄວາມເມດຕານີ້ໄດ້ແຜ່ກະຈາຍຢ່າງເຂັ້ມແຂງ, ເຊື່ອມຕໍ່ຄວາມຮັກເເພງລະຫວ່າງບັນດາເຂດພາກ.
 | ຫຼາຍກວ່າ 370 ຕື້ດົ່ງມອບຂອງຂວັນບຸນໄຫວ້ພະຈັນໃຫ້ເດັກນ້ອຍ 6 ລ້ານຄົນໃນທົ່ວປະເທດ ຍສໝ - ບົດລາຍງານດ່ວນຈາກ 46 ແຂວງ, ນະຄອນສະແດງໃຫ້ເຫັນວ່າ, ເດັກນ້ອຍເກືອບ 6 ລ້ານຄົນໄດ້ຮັບຂອງຂວັນ (ທຶນສຶກສາ, ເຄັກ, ເຂົ້າໜົມ, ນົມ, ປຶ້ມ, ເຄື່ອງນຸ່ງຫົ່ມ, ລົດຖີບ...) ເນື່ອງໃນໂອກາດບຸນໄຫວ້ພະຈັນ, ດ້ວຍຈຳນວນເງິນກວ່າ 370 ຕື້ດົ່ງ. |
 | ມອບຂອງຂວັນວັນບຸນໄຫວ້ພະຈັນໃຫ້ແກ່ເດັກກຳພ້າ, ເດັກພິການ ແລະ ເດັກນ້ອຍ ຢູ່ ເຂດຊາຍແດນແຂວງເງ້ອານ ຍສໝ - ທ່ານຫງວຽນດຶກແທ່ງ, ຕາງໜ້າໃຫ້ຄະນະກຳມະການແນວໂຮມປະເທດຊາດຫວຽດນາມແຂວງ ໄດ້ມອບຂອງຂວັນໃຫ້ແຕ່ລະສູນ ມີມູນຄ່າ 10 ລ້ານດົ່ງ ແລະ ເຂົ້າໜົມ ເພື່ອຈັດງານບຸນໄຫວ້ພະຈັນໃຫ້ແກ່ເດັກນ້ອຍ; ພ້ອມດຽວກັນນີ້, ທ່ານກໍ່ໄດ້ຕີລາຄາສູງຕໍ່ການອຸທິດຕົນ ແລະ ຄວາມຮັບຜິດຊອບຂອງບັນດາແມ່ ແລະເອື້ອຍນ້ອງ ເປັນຜູ້ທີ່ໄດ້ເບິ່ງແຍງເດັກຢູ່ທີ່ນີ້. |
ມີງດຶກ
