ວັນທີ 30 ທັນວາ, ຄະນະປະຕິບັດງານຂອງສະພາແຫ່ງຊາດນຳໂດຍທ່ານນາງຮອງປະທານຜູ້ປະຈຳການສະພາແຫ່ງຊາດຫວຽດນາມ ຕ່ອງທິຟ໊ອງ ນຳໜ້າ, ໄດ້ໄປຢ້ຽມຢາມ, ມອບຂອງຂວັນໃຫ້ບັນດາຄອບຄົວເປົ້າໝາຍນະໂຍບາຍ, ຄອບຄົວທຸກຍາກໃນບໍລິເວນຕາແສງ ຫວ້ານແທກ ແລະ ດ້າຍແລ້ງ, ຂຶ້ນກັບເມືອງ ຫວ້ານນິງ, ແຂວງ ແຄ໊ງຮ່ວາ.
ທີ່ພິທີ, ພາຍຫຼັງໄດ້ຮັບຟັງການລາຍງານສະພາບການຮັບປະກັນຊີວິດສັງຄົມ ແລະ ການກະກຽມຕ້ອນຮັບບຸນປີໃໝ່ປະຊາຊົນທ້ອງຖິ່ນ, ທ່ານຮອງປະທານສະພາແຫ່ງຊາດ ໄດ້ຕີລາຄາສູງໝາກຜົນຂອງການພັດທະນາເສດຖະກິດ - ສັງຄົມ ແລະ ຄວາມໝັ້ນຄົງ, ບັນດານະໂຍບາຍປ້ອງກັນຄວາມສະຫງົບ, ປ້ອງກັນຊາດໃນທ້ອງຖິ່ນ, ກໍ່ຄືການກະກຽມຕ້ອນຮັບບຸນເຕັດໃຫ້ຄົນທຸກຍາກຢູ່ເມືອງ ເວີນນິງ, ແຂວງ ແຂ່ງຮ່ວາ ແລະ ຄວາມມານະພະຍາຍາມສົມທົບກັນ ຂອງອຳນາດການປົກຄອງ ແລະ ປະຊາຊົນໃນເມືອງ.
 |
ທ່ານນາງຮອງປະທານຜູ້ປະຈຳການສະພາແຫ່ງຊາດຫວຽດນາມ ຕ່ອງທິຟ໊ອງ ມອບຂອງຂວັນໃຫ້ບັນດາຄອບຄົວເປົ້າໝາຍນະໂຍບາຍ, ຄອບຄົວທຸກຍາກ
(ພາບ: baonhandao.vn)
ທ່ານນາງຮອງປະທານຜູ້ປະຈຳການສະພາແຫ່ງຊາດຫວຽດນາມ ຕ່ອງທິຟ໊ອງ ສະເໜີແຂວງ ແຂ່ງຮ່ວາ ເວົ້າລວມ ແລະ ເມືອງ ເວີນນິງ ເວົ້າສະເພາະ, ຕ້ອງສືບຕໍ່ເບິ່ງແຍງຄອບຄົວນະໂຍບາຍ ແລະ ເບິ່ງແຍງປະຊາຊົນໃຫ້ມີຄວາມມ່ວນຊື່ນໃນປີໃໝ່່ 2020.
ຢູ່ຕາແສງຫວ້ານແທກ, ທ່ານນາງ ຕ່ອງທິຟ໊ອງ ໄດ້ມອບຂອງຂວັນບຸນເຕັດ 100 ພູດ, ແຕ່ລະພູດມີມູນຄ່າ 1,1 ລ້ານດົ່ງໃຫ້ແກ່ບັນດາຄອບຄົວທຸກຍາກ, ຜູ້ປະສົບເຄາະຮ້າຍຈາກທາດພິດສີສົ້ມຢູ່ເມືອງ ຫວ້ານນິງ. ຄະນະກໍ່ໄດ້ມອບຂອງຂວັນ 6 ພູດ ໃຫ້ແກ່ຜູ້ຕາງໜ້າຄອບຄົວເປົ້າໝາຍນະໂຍບາຍດີເດັ່ນຂອງເມືອງ ຫວ້ານນິງ; ມອບຂອງຂວັນໃຫ້ຄະນະການນຳ ແລະ ສະພາສົ່ງເສີມການຮຽນຂອງ 2 ຕາແສງ ຫວ້ານແທກ ແລະ ດ້າຍແລ້ງ.
（ແຫຼ່ງຂໍ້ມູນ： vovworld.vn）
