ຕາມຂໍ້ຕົກລົງຂອງຄະນະກຳມະການປະຊາຊົນແຂວງກວາງຈີ, ໂຄງການແມ່ນໄດ້ຮັບການຊ່ວຍເຫຼືອຈາກ ອົງການ PALS ມີຈຳນວນທຶນຊ່ວຍເຫຼືອລ້າ ເກືອບ 850 ລ້ານດົ່ງ ເວລາການຈັດຕັ້ງປະຕິບັດໃນສົກຮຽນ 2024-2025 ຢູ່ໃນຂອບເຂດສອງເມືອງເຮື່ອງຮວາ ແລະ ດາກຣົ່ງ.
 |
| ນັກຮຽນອະນຸບານຢູ່ເມືອງດາກຣົ່ງ ແລະ ເມືອງເຮື່ອງຮວາ ໄດ້ຮັບການປັບປຸງຄາບອາຫານ - (ພາບ: ດັ້ງດຶກ/Giaoducthoidai.vn). |
ໂຄງການດັ່ງກ່າວແມ່ນຕິດພັນກັບເປົ້າໝາຍປັບປຸງໂພຊະນາການໂດຍຜ່ານການຊ່ວຍເຫຼືອທຶນການສຶກສາ ເບ້ຍລ້ຽງຄາບສວຍ ໃຫ້ນັກຮຽນທຸກຍາກ 449 ຄົນຢູ່ໂຮງຮຽນອະນຸບານໃນ 07 ແຫ່ງຢູ່ເມືອງເຮື່ອງຮວາ ແລະໂຮງຮຽນ 01 ແຫ່ງ ຢູ່ເມືອງດາກຣົ່ງ ໃນສົກຮຽນ 2024-2025 ດ້ວຍທຶນຊ່ວຍເຫຼືອ 1.890.000 ດົ່ງ/ຄົນ.
ໂຄງການຍັງໄດ້ແນໃສ່ວຽກງານການປ່ຽນແປງວິຖີການລ້ຽງດູ ແລະ ເບິ່ງແຍງດູແລເດັກນ້ອຍ, ປັບປຸງສະພາບໂພສະນາການຂອງເດັກນ້ອຍຢູ່ 8 ໂຮງຮຽນຂອງເມືອງດາກຣົ່ງ ແລະ ເມືອງເຮື່ອງຮວາ. ຈາກນັ້ນ, ກໍ່ໄດ້ປະກອບສ່ວນຕ້ານສະພາບການຂາດສານອາຫານບໍາລຸງຂອງເດັກ, ຫຼຸດຜ່ອນອັດຕາການຂາດສານອາຫານຂອງເດັກອາຍຸຕ່ຳກວ່າ 5 ປີ ໃນ 8 ໂຮງຮຽນດັ່ງກ່າວ.
ໂດຍໄດ້ຮູ້ວ່າ ນັບແຕ່ປີ 2005 ມາຮອດປັດຈຸບັນ, ອົງການ PALS ໄດ້ມີການເຄື່ອນໄຫວປະຕິບັດຫຼາຍດ້ານ ໃນການສະກັດກັ້ນການຄ້າແມ່ຍິງ ແລະ ເດັກນ້ອຍຂ້າມແດນ ເຊັ່ນ: ສະໜອງທຶນການສຶກສາ, ຝຶກອົບຮົມວິຊາຊີບ, ເຊື່ອມໂຍງເຂົ້າກັບຊຸມຊົນຄືນ; ສ້າງກອງທຶນຍ້ອງຍໍ ເມື່ອຄົ້ນພົບວົງການຄ້າມະນຸດ ແລະ ຍົກສູງຄວາມຮັບຮູ້ກ່ຽວກັບການສະກັດກັ້ນການຄ້າມະນຸດໃນການຜະລິດອຸດສາຫະກຳ, ຈັດຕັ້ງກອງປະຊຸມສຳມະນາ ແລະ ຝຶກອົບຮົມກ່ຽວພັນກັບຂົງເຂດແມ່ຍິງ ແລະ ເດັກນ້ອຍ.
 | ເກິນເທີ ຊຸກຍູ້ການເຊື່ອມໂຍງສາກົນ ໃນການສຶກສາ |
| ການເຕີບໂຕຫວຽດນາມ ຄາດວ່າຢູ່ກຸ່ມລະດັບສູງທີ່ສຸດຢູ່ພາກພື້ນ ອາຊີ - ປາຊີຟິກ |
ອ.ສະຫວັດ
