ເກິນເທີ ຊຸກຍູ້ການເຊື່ອມໂຍງສາກົນ ໃນການສຶກສາ
 |
| ນັກຮຽນຢູ່ໂຮງຮຽນປະຖົມ ໂງກວຽນ (ເມືອງ ນິ່ງກຽວ) ໄດ້ເຂົ້າເຖິງຄອມພິວເຕີ ໂດຍ AIMF ປະຈຳຫວຽດນາມ ອຸປະຖຳ. |
- ໃນສົກຮຽນ 2023-2024, ຂະແໜງການສຶກສາ ແລະກໍ່ສ້າງ ນະຄອນ ເກີນເທີ ໄດ້ເພີ່ມທະວີການເຊື່ອມໂຍງສາກົນ, ຮ່ວມມື ແລະ ລົງທຶນກັບຕ່າງປະເທດ, ສົ່ງເສີມການຮ່ວມມືກັບບັນດາພື້ນຖານການສຶກສາ ຈາກປະເທດຕ່າງໆ. ພ້ອມກັນນັ້ນ, ກໍ່ຊຸກຍູ້ການຢັ້ງຢືນຄຸນນະພາບການສຶກສາຢູ່ພາຍໃນປະເທດ ແລະ ສົ່ງເສີມການຢັ້ງຢືນຄຸນນະພາບຂອງບັນດາອົງການຮັບຮອງສາກົນ ທີ່ມີຄວາມເຊື່ອໝັ້ນ ໄດ້ຮັບຮອງ ດຳເນີນການເຄື່ອນໄຫວຢູ່ ຫວຽດນາມ. ເຂົ້າຮ່ວມຢ່າງແຮງ ໃນໂຄງການປະເມີນຄຸນນະພາບການສຶກສາສາກົນ ກັບການສຶກສາທົ່ວໄປ (PISA).
ສົກຮຽນທີ່ຜ່ານມາ, ຂະແໜງການສຶກສາ ຂອງນະຄອນ ໄດ້ຮັບອາສາສະໝັກ ຈາກໂຄງການຜູ້ຊ່ວຍສອນພາສາອັງກິດ Fulbright ມາຊ່ວຍຄູສອນພາສາອັງກິດ ຢູ່ໂຮງຮຽນມັດທະຍົມ ເຈື່ອງລີ້ຕຶຈອງ (ໂຄງການແມ່ນດຳເນີນ ໂດຍພະແນກຖະແຫຼງຂ່າວວັດທະນະທຳ, ສະຖານທູດສະຫະລັດອາເມລິກາ ປະຈຳຮ່າໂນ້ຍ). ຂະແໜງການໄດ້ຮັບຄອມພິວເຕີໂນດບຸກຈໍານວນ 60 ໜ່ວຍ ໂດຍສະມາຄົມນານາຊາດ ບັນດາການຕະຫຼດທີ່ເວົ້າພາສາຝະລັ່ງ (AIMF) ປະຈຳຫວຽດນາມ ມອບໃຫ້ 3 ໂຮງຮຽນ (ຄອມພິວເຕີ 20 ເຄື່ອງ/ໂຮງຮຽນ); ຕ້ອນຮັບຄະນະຜູ້ແທນ Campus France ຫວຽດນາມ ທີ່ມາຢ້ຽມຢາມ ແລະ ເຮັດວຽກກັບນັກຮຽນ ແລະ ຄູສອນພາສາຝຣັ່ງ ໃນບໍລິເວນນະຄອນ ຢູ່ໂຮງຮຽນມັດທະຍົມຕອນປາຍ ເຈົາວັນລຽມ ແລະ ໂຮງຮຽນມັດທະຍົມຕອນປາຍ ຈ່ຽນລີ້ຕຶຈອງ. ຄະນະຜູ້ແທນມະຫາວິທະຍາໄລ ພາສາຕ່າງປະເທດ Hankuk, ສ.ເກົາຫຼີ ໄດ້ມາປະຕິບັດວຽກງານ ໂຄງການອາສາສະໝັກທົ່ວໂລກ HUFS 2023 ຢູ່ໂຮງຮຽນມັດທະຍົມຕອນຕົ້ນ ເຕິ່ນເທີ້ຍ, ເມືອງ ຟ່ອງດຽນ..
ອານຸໄຊ ສະຫວັດ
