| ຫວຽດນາມ-ອົດສະຕາລີ ຊຸກຍູ້ການຮ່ວມມືໃນຂົງເຂດຊາວເຜົ່າສ່ວນນ້ອຍ ແລະ ທ້ອງຖິ່ນ | |
| ເພີ່ມພູນຄູນສ້າງສາຍພົວພັນມິດຕະພາບລະຫວ່າງ ຫວຽດນາມ - ບຸນກາຣີ |
 |
| ກອງປະຊຸມໃຫຍ່ຄັ້ງທີ 2 ຂອງສະມາຄົມມິດຕະພາບ ຫວຽດນາມ - ຍີ່ປຸ່ນ ແຂວງແທັງຮວາ (ພາບ: thanhhoa.gov.vn) |
ວັນທີ 26 ກຸມພາ ປີ 1993, ຄະນະກຳມະການປະຊາຊົນແຂວງໄດ້ປະກາດກ່ຽວກັບການສ້າງຕັ້ງສະມາຄົມມິດຕະພາບ ຫວຽດນາມ - ຍີ່ປຸ່ນ ແຂວງແທັງຮວາ. ມາຮອດປັດຈຸບັນ, ສະມາຄົມແມ່ນສະມາຊິກທີ່ຕັ້ງໜ້າຂອງສະຫະພັນບັນດາອົງການຈັດຕັ້ງມິດຕະພາບແຂວງແທັງຮວາ, ປະກອບສ່ວນເຂົ້າໃນການພັດທະນາການພົວພັນມິດຕະພາບອັນດີງາມລະຫວ່າງປະຊາຊົນແຂວງແທັງຮວາ ແລະ ປະຊາຊົນຍີ່ປຸ່ນ.
ພາຍຫຼັງໄດ້ຮັບການຈັດຕັ້ງ, ສະມາຄົມມິດຕະພາບ ຫວຽດນາມ - ຍີ່ປຸ່ນ ໄດ້ມີການເຄື່ອນໄຫວດ້ວຍເປົ້າໝາຍ ແລະ ໜ້າທີ່ແມ່ນໂຄສະນາ, ຂົນຂວາຍ, ເຊື່ອມຕໍ່ການພົວພັນຊ່ວຍປະຊາຊົນແຂວງ ແທງຮວາ ແລະ ປະຊາຊົນຍີ່ປຸ່ນ ຊອກຮູ້ກ່ຽວກັບມູນເຊື້ອປະຫວັດສາດ, ວັດທະນະທຳ, ຮີດຄອງປະເພນີ, ແບບແຜນການດຳລົງຊີວິດດ້ານເສດຖະກິດ ສັງຄົມ, ວິທະຍາສາດ - ເຕັກນິກ ຂອງແຕ່ລະປະເທດ. ຜ່ານນັ້ນກໍເພີ່ມທະວີຄວາມເຂົ້າໃຈເຊິ່ງກັນແລະກັນ, ປະກອບສ່ວນຊຸກຍູ້ການພົວພັນຄູ່ຮ່ວມມືລະຫວ່າງສອງປະເທດ.
ໃນວິວັດການເຄື່ອນໄຫວ, ສະມາຄົມມິດຕະພາບ ຫວຽດນາມ - ຍີ່ປຸ່ນ ແຂວງແທັງຮວາ ໄດ້ມີປະກອບສ່ວນສຳຄັນຫຼາຍຢ່າງ, ຊຸກຍູ້ການພົວພັນຮ່ວມມືລະຫວ່າງແຂວງແທັງຮວາ ກັບບັນດາຄູ່ຮ່ວມມືຍີ່ປຸ່ນ. ພິເສດ, ໃນໄລຍະຕົ້ນການສ້າງຕັ້ງ, ສະມາຄົມໄດ້ຕັ້ງໜ້າເຄື່ອນໄຫວສົ່ງເສີມການລົງທຶນ, ຮຽກຮ້ອງໃຫ້ບັນດາວິສາຫະກິດ ຍີ່ປຸ່ນ ເຂົ້າຮ່ວມທຸລະກິດ, ເຊື່ອມຕໍ່, ຜະລິດຢູ່ແທັງຮວາ, ປະກອບສ່ວນເຂົ້າໃນການພັດທະນາເສດຖະກິດສັງຄົມຂອງແຂວງ.
ມາຮອດປັດຈຸບັນ, ສະມາຄົມມິດຕະພາບ ຫວຽດນາມ - ຍີ່ປຸ່ນ ແຂວງແທັງຮວາ ສືບຕໍ່ບູລະນະທົ່ວກົງຈັກ, ເພີ່ມເຕີມບັນດາພະນັກງານການນຳ, ສະມາຊິກທີ່ສຸດຈິດສຸດໃຈ, ມີລະດັບຄວາມຮູ້, ມີຄວາມສາມາດ, ມີບົດຮຽນປະສົບການໃນການຮ່ວມມື ແລະ ນ້ຳໃຈຮັກແພງປະເທດຊາດ ແລະ ຊາວຍີ່ປຸ່ນ.
ບົນພື້ນຖານສືບທອດ ແລະ ເສີມຂະຫຍາຍບັນດາໝາກຜົນທີ່ບັນລຸໄດ້, ໃນໄລຍະ 2022 – 2027, ຕິດແທດກັບບັນດາໂຄງການ, ແຜນການຂອງຄະນະປະຈຳຄະນະພັກແຂວງ, ຄະນະກຳມະການປະຊາຊົນແຂວງກ່ຽວກັບວຽກງານການທູດ, ສືບຕໍ່ເພີ່ມທະວີການປັບປຸງ, ພັດທະນາອົງການຈັດຕັ້ງສະມາຄົມ, ປ່ຽນແປງໃໝ່ເນື້ອໃນ, ວິທີການ, ຮູບແບບການເຄຶ່ອນໄຫວ, ຕັ້ງໜ້າໂຄສະນາແນວທາງ, ແຜນນະໂຍບາຍຂອງພັກ, ລັດ ແລະ ຂອງແຂວງກ່ຽວກັບການພັດທະນາເສດຖະກິດ - ສັງຄົມ, ຮັບປະກັນການປ້ອງກັນຊາດ - ປ້ອງກັນຄວາມສະຫງົບ, ຊຸກຍູ້ການເຄື່ອນໄຫວຮ່ວມມືໃນຫຼາຍຂົງເຂດ, ເປັນຕົ້ນແມ່ນເສດຖະກິດ, ວັດທະນະທຳ, ສັງຄົມລະຫວ່າງແຂວງແທັງຮວາ ແລະ ບັນດາຄູ່ຮ່ວມມືຍີ່ປຸ່ນ, ຍູ້ແຮງວຽກງານການທູດປະຊາຊົນຕາມທິດມີປະສິດທິຜົນ ແລະ ແທດຈິງ.
ນອກຈາກນັ້ນ, ກໍສືບຕໍ່ຄົ້ນຄ້ວາປ່ຽນແປງໃໝ່ທັງເນື້ອໃນ ແລະ ຮູບແບບການເຄື່ອນໄຫວໃຫ້ເໝາະສົມກັບສະພາບການໃໝ່ຕາມທິດແທດຈິງ, ມີປະສິດທິຜົນ, ມີວິທີການແກ້ໄຂຢ່າງລະອຽດ, ແທດຈິງເພື່ອແນໃສ່ໜູນຊ່ວຍໃຫ້ແກ່ວຽກງານພັດທະນາສະມາຊິກຢ່າງແຮງ. ໄປຄຽງຄູ່ກັນນັ້ນ, ສະມາຄົມກໍເປັນຂົວເຊື່ອມຕໍ່ລະຫວ່າງທ້ອງຖິ່ນ ກັບບັນດາອົງການຈັດຕັ້ງມິດຕະພາບອື່ືນໆ, ບັນດາສະມາຄົມພໍ່ແມ່ປະຊາຊົນ ແທັງຮວາ ທີ່ດຳລົງຊີວິດຢູ່ຍີ່ປຸ່ນ, ຮຽກຮ້ອງພໍ່ແມ່ປະຊາຊົນກັບເມືອສ້າງສາບ້ານເກີດເມືອງນອນປະເທດຊາດ.
ບຸນຄົງ
