| ການພົວພັນຫວຽດນາມ - ຍີ່ປຸ່ນ ພວມຢູ່ໃນໄລຍະທີ່ດີທີ່ສຸດ | |
| ວັນບຸນ ຫວຽດນາມ - ຍີ່ປຸ່ນ ຈະກາຍເປັນວັນບຸນຂອງຊາວໜຸ່ມ, ເພື່ອສັນຕິພາບ ແລະ ອະນາຄົດຂອງໂລກ |
ໂດຍຕອບສະໜອງຕາມຄຳເຊີນຂອງລັດ ຍີ່ປຸ່ນ, ທ່ານປະທານປະເທດ ສາທາລະນະລັດ ສັງຄົມນິຍົມ ຫວຽດນາມ ຫວໍວັນເຖືອງ ແລະ ພັນລະຍາ ໄດ້ດຳເນີນການຢ້ຽມຢາມ ຍີ່ປຸ່ນ ຢ່າງເປັນທາງການ ແຕ່ວັນທີ 27 – 30/11/2023. ໃນຂອບເຂດການຢ້ຽມຢາມ, ພະບາດສົມເດັດ ແລະ ພະລາຊີນີ ຍີ່ປຸ່ນ ໄດ້ມີການພົບປະກັບປະທານປະເທດ ຫວໍວັນເຖືອງ ແລະ ພັນລະຍາ. ທ່ານນາຍົກລັດຖະມົນຕີ ຍີ່ປຸ່ນ Kishida Fumio ແລະ ທ່ານປະທານປະເທດ ຫວໍວັນເຖືອງ ໄດ້ເຂົ້າຮ່ວມພິທີຕ້ອນຮັບຢ່າງເປັນທາງການ, ກວດກາກອງກຽດສັກສີ, ການເຈລະຈາ, ຖະແຫຼງຂ່າວຮ່ວມ ແລະ ເປັນສັກຂີພິຍານໃນການລົງນາມໃນເອກະສານຮ່ວມມື. ທ່ານປະທານປະເທດ ຫວໍວັນເຖືອງ ກໍ່ໄດ້ກ່າວຄຳປາໄສນະໂຍບາຍຢູ່ສະພາແຫ່ງຊາດ ຍີ່ປຸ່ນ ແລະ ຢ້ຽມຢາມແຂວງ Fukuoka.
ການຢ້ຽມຢາມຍີ່ປຸ່ນຄັ້ງນີ້ຂອງທ່ານປະທານປະເທດ ຫວໍວັນເຖືອງ ແລະ ພັນລະຍາດຳເນີນໃນສະພາບການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ (21/9/1973 – 21/9/2023) ລະຫວ່າງ ຍີ່ປຸ່ນ ແລະ ສາທາລະນະລັດສັງຄົມນິຍົມຫວຽດນາມ.
 |
ຫວຽດນາມ - ຍີ່ປຸ່ນ ຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານ |
ການນຳສອງທ່ານໄດ້ຕີລາຄາສູງການພັດທະນາແບບພິເສດ, ແຂງແຮງ ແລະ ຮອບດ້ານຂອງການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ຍີ່ປຸ່ນ ນັບແຕ່ໄດ້ສ້າງຕັ້ງການພົວພັນທາງການທູດເມື່ອປີ 1973, ພິເສດແມ່ນນັບແຕ່ເມື່ອການພົວພັນລະຫວ່າງ 2 ປະເທດໄດ້ຮັບການຍົກລະດັບຂຶ້ນເປັນຄູ່ຮ່ວມມືຍຸດທະສາດຮອບດ້ານເພື່ອສັນຕິພາບ ແລະ ວັດທະນາຖາວອນ. ໃນອາຊີໃນປີ 2014.
ການນຳສອງທ່ານໄດ້ແບ່ງປັນທັດສະນະວ່າ ການພົວພັນ, ແລກປ່ຽນ ແລະ ການຮ່ວມມືລະຫວ່າງສອງປະເທດໃນລະດັບສູງ ແລະ ທຸກຂັ້ນໄດ້ຮັບການຮັກສາເປັນປະຈຳ, ບັນດາກົນໄກສົນທະນາລະຫວ່າງບັນດາກະຊວງ, ຂະແໜງການຂອງ 2 ປະເທດໄດ້ຮັບການຜັນຂະຫຍາຍ ແລະ ຜັນຂະຫຍາຍຢ່າງມີປະສິດທິຜົນ. ການນຳສອງທ່ານໄດ້ເຫັນດີເປັນເອກະພາບການຮ່ວມມືໃນຂົງເຂດເສດຖະກິດ, ການຄ້າ, ການລົງທຶນ, ພັດທະນາສັງຄົມ, ປ້ອງກັນຄວາມສະຫງົບ, ວັດທະນະທຳ, ການສຶກສາ, ທ່ອງທ່ຽວ...
ການນຳສອງປະເທດສະແດງຄວາມເພິ່ງພໍໃຈຕໍ່ການພົບປະແລກປ່ຽນປະຊາຊົນຢ່າງສະໜິດແໜ້ນລະຫວ່າງສອງປະເທດ. ປະຊາຄົມຊາວຫວຽດນາມ ຢູ່ ຍີ່ປຸ່ນ ໄດ້ເຕີບໂຕຢ່າງວ່ອງໄວ, ກາຍເປັນປະຊາຄົມຊາວຕ່າງປະເທດໃຫຍ່ອັນດັບ 2 ຢູ່ ຍີ່ປຸ່ນ, ມີເຖິງ 520.000 ກວ່າຄົນ. ປະຊາຄົມຊາວຍີ່ປຸ່ນຢູ່ຫວຽດນາມກໍ່ເພີ່ມຂຶ້ນຢ່າງບໍ່ຢຸດຢັ້ງ, ບັນລຸ 22.000 ຄົນ. ການນຳສອງທ່ານຢືນຢັນວ່າ: ປະຊາຄົມຊາວຫວຽດນາມ ແລະ ຍີ່ປຸ່ນ ໃນສອງປະເທດໄດ້ປະກອບສ່ວນອັນໃຫຍ່ຫຼວງເຂົ້າໃນການພັດທະນາເສດຖະກິດ - ສັງຄົມ ແລະ ແມ່ນຕົວແທນສຳຄັນໃຫ້ແກ່ການພັດທະນາແບບຍືນຍົງຂອງການພົວພັນມິດຕະພາບ ຫວຽດນາມ - ຍີ່ປຸ່ນ.
ທ່ານນາຍົກລັດຖະມົນຕີ Kishida Fumio ຢືນຢັນຄວາມສຳຄັນຂອງຫວຽດນາມ ໃນການປະຕິບັດນະໂຍບາຍການຕ່າງປະເທດຂອງ ຍີ່ປຸ່ນ ໃນພາກພື້ນ ອິນໂດປາຊີຟິກ ແລະ ຕີລາຄາສູງບັນດາການປະກອບສ່ວນອັນຕັ້ງໜ້າ ແລະ ມີລັກສະນະສ້າງສັນຂອງ ຫວຽດນາມ ໃນບັນດາບັນຫາສາກົນ ແລະ ພາກພື້ນ. ທ່ານປະທານປະເທດ ຫວໍວັນເຖືອງ ຢືນຢັນວ່າ ຫວຽດນາມ ຍາມໃດກໍ່ຖື ຍີ່ປຸ່ນ ແມ່ນໜຶ່ງໃນບັນດາຄູ່ຮ່ວມມືສຳຄັນທີ່ສຸດ ແລະ ຍາວນານ, ປາດຖະໜາວ່າ ຍີ່ປຸ່ນ ຈະສືບຕໍ່ເສີມຂະຫຍາຍບົດບາດນຳໜ້າໃນການຮັກສາສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ສາກົນ.
ການນຳ 2 ທ່ານຢືນຢັນຈະປະຕິບັດຂໍ້ລິເລີ່ມຮ່ວມຫວຽດນາມ - ຍີ່ປຸ່ນ ໄລຍະຕໍ່ໄປໃນຕົ້ນປີໜ້າ. ໃນຂະບວນການດັ່ງກ່າວ, ການນຳສອງປະເທດໄດ້ເຫັນດີທົບທວນຄືນຂໍ້ລິເລີ່ມຮ່ວມເພື່ອແກ້ໄຂບັນດາສິ່ງທ້າທາຍໃໝ່ທີ່ທັງສອງປະເທດພວມປະເຊີນໜ້າບົນພື້ນຖານການຮ່ວມມືທີ່ສະເໝີພາບ.
ຄຳຮຸ່ງ
