 | ສາມແບບຢ່າງຂອງກໍ່ສ້າງ ແລະ ບຳລຸງນັກສຶກສາ ລາວ ທີ່ມີປະສິດທິຜົນ ແລະ ແທດຈິງ |
| ຊາວ ຫວຽດນາມ ອາໄສຢູ່ຕ່າງປະເທດມຸ່ງໄປສູ່ເຂດທະເລ, ໝູ່ເກາະບ້ານເກີດເມືອງນອນ ດ້ວຍບັນດາການກະທຳທີ່ລະອຽດ ແລະ ແທດຈິງ |
ກ່າວຄຳປາໄສທີ່ການພົບປະ, ທ່ານເອກອັກຄະລັດຖະທູດ ຫວຽດນາມ ປະຈຳ ອິນເດຍ ຫງວຽນແທ່ງຫາຍ ໃຫ້ຮູ້ວ່າ: ປະຈຸບັນ, ປະຊາຄົມ ຊາວຫວຽດນາມ ຢູ່ ອິນເດຍ ມີປະມານ 500 ຄົນ, ໃນນັ້ນມີພະສົງສາມະເນນຫຼາຍອົງພວມຮ່ຳຮຽນຢູ່ທີ່ນີ້. ສະຖານທູດໄດ້ຈັດຕັ້ງບັນດາການເຄື່ອນໄຫວພ້ອມກັບປະຊາຊົນເປັນປະຈຳ ເພື່ອເພີ່ມທະວີຄວາມສາມັກຄີ, ຮັກສາວັດທະນະທຳ ແລະ ພາສາ ຫວຽດນາມ, ມຸ່ງໄປເຖິງປະເທດຊາດ. ຫວ່າງມໍ່ໆມານີ້, ກອງປະຊຸມໃຫຍ່ສະມາຄົມ ຊາວຫວຽດນາມ ຢູ່ ອິນເດຍ ອາຍຸການ 2024-2027 ໄດ້ຈັດຕັ້ງຢ່າງສຳເລັດຜົນ.
ໂດຍໄດ້ຮັບຮູ້ ແລະ ຍ້ອງຍໍຊົມເຊີຍບັນດາໝາກຜົນການເຄື່ອນໄຫວຂອງສະຖານທູດ, ທ່ານນາຍົກລັດຖະມົນຕີ ຟ້າມມິນຈິ໋ງ ຮຽກຮ້ອງໃຫ້ສະຖານທູດສືບຕໍ່ເບິ່ງແຍງດູແລປະຊາຊົນດ້ວຍການປະພຶດ ແລະ ການກະທຳທີ່ລະອຽດ, ແທດຈິງ, ບໍ່ເປັນຮູບການ ແລະ ສີສັນ. ຈົ່ງຖືວຽກງານຂອງປະຊາຊົນຄືເປັນຂອງຕົນ, ຖືປະຊາຊົນຄືຍາດພີ່ນ້ອງເລືອດເນື້ອເຊື້ອດຽວຂອງຕົນ; ເຮັດວຽກງານ ຊາວຫວຽດນາມ ຢູ່ຕ່າງປະເທດ, ວຽກງານປົກປ້ອງພົນລະເມືອງ, ເສີມຂະຫຍາຍບົດບາດເປັນຂົວເຊື່ອມຕໍ່ລະຫວ່າງສອງປະເທດໃຫ້ດີກວ່າເກົ່າ, ປະຕິບັດວຽກງານຄາດຄະເນ, ເສນາທິການໃຫ້ເປັນຢ່າງດີ, ແກ້ໄຂບັນຫາທີ່ເກີດຂຶ້ນຢ່າງທັນການ.
 |
| ທ່ານນາຍົກລັດຖະມົນຕີ ຟ້າມມິນຈິ໋ງ ໄດ້ໄປຢ້ຽມຢາມ ແລະ ໂອ້ລົມກັບບັນດາພະນັກງານ, ລັດຖະກອນສະຖານທູດ ແລະ ຊາວຫວຽດນາມ ອາໄສຢູ່ປະເທດ ອິນເດຍ. |
ທ່ານນາຍົກລັດຖະມົນຕີ ໃຫ້ຮູ້ວ່າ ປະຊາຄົມ ຊາວຫວຽດນາມ ຢູ່ ອິນເດຍ ນັບມື້ນັບພັດທະນາ, ຊ່ວຍເຫຼືອເຊິ່ງກັນ ແລະ ກັນຢ່າງສະເໝີ, ໄດ້ຮັບການຮັບຮູ້ຈາກຝ່າຍ ອິນເດຍ ກ່ຽວກັບການປະກອບສ່ວນທີ່ຕັ້ງໜ້າໃຫ້ສັງຄົມຂອງປະເທດເຈົ້າພາບ. ໂດຍຕາງໜ້າການນຳພັກ, ລັດ, ທ່ານນາຍົກລັດຖະມົນຕີ ນັບຖືຢ່າງສູງບັນດາຄວາມມານະພະຍາຍາມ, ການປະກອບສ່ວນສຳຄັນຂອງປະຊາຄົມ ຊາວ ຫວຽດນາມ ຢູ່ ອິນເດຍ ຕໍ່ກັບບັນດາຜົນງານຂອງປະເທດຊາດໃນໄລຍະທີ່ຜ່ານມາ.
ທ່ານນາຍົກລັດຖະມົນຕີ ຢືນຢັນວ່າ ພັກ ແລະ ລັດ ຍາມໃດກໍ່ເອົາໃຈໃສ່ ແລະ ຖືປະຊາຄົມ ຊາວຫວຽດນາມ ຢູ່ຕ່າງປະເທດ ແມ່ນສ່ວນໜຶ່ງທີ່ບໍ່ອາດແບ່ງແຍກອອກຈາກປະຊາຄົມບັນດາເຜົ່າ ຫວຽດນາມ. ບັນດາກົນໄກ, ນະໂຍບາຍທີ່ໄດ້ປະກາດໃຊ້ລ້ວນແຕ່ສ້າງເງື່ອນໄຂສະດວກທີ່ສຸດໃຫ້ປະຊາຊົນໄປເຮັດວຽກ, ດຳລົງຊີວິດ, ຮ່ຳຮຽນສຶກສາ ແລະ ປະກອບສ່ວນໃຫ້ແກ່ປະເທດຊາດຄື: ນະໂຍບາຍທີ່ດິນ, ທີ່ຢູ່ອາໄສ, ວີຊາ...
ໃນການຢ້ຽມຢາມຄັ້ງນີ້, ທ່ານ ແລະ ບັນດາການນຳ ອິນເດຍ ຈະປຶກສາຫາລື ແລະ ສະເໜີທິດທາງໃຫ້ສາຍພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອິນເດຍ ໄດ້ນັບມື້ນັບພັດທະນາຢ່າງແຂງແຮງ, ແທດຈິງ ແລະ ມີປະສິດທິຜົນກວ່າໃນທຸກຂົງເຂດ, ໃນນັ້ນ ມີການສ້າງເງື່ອນໄຂສະດວກໃຫ້ ຊາວຫວຽດນາມ ອາໄສຢູ່ຕ່າງປະເທດດຳລົງຊີວິດ, ຮ່ຳຮຽນສຶກສາ ແລະ ເຮັດວຽກ.
 |
| ທ່ານນາຍົກລັດຖະມົນຕີ ຟ້າມມິນຈິ໋ງ ກ່າວຄຳປາໄສທີ່ການພົບປະກັບບັນດາພະນັກງານ, ລັດຖະກອນສະຖານທູດ ແລະ ປະຊາຄົມ ຊາວຫວຽດນາມ ປະຈຳ ອິນເດຍ. |
ທ່ານນາຍົກລັດຖະມົນຕີ ໄດ້ຮັບຮູ້ບັນດາຂໍ້ສະເໜີຂອງປະຊາຊົນ ແລະ ໃຫ້ຮູ້ວ່າ ຈະມອບໃຫ້ບັນດາອົງການທີ່ກ່ຽວຂ້ອງ ເພື່ອແກ້ໄຂຕາມບົດບາດ, ໜ້າທີ່, ຂອບເຂດສິດອຳນາດ, ພ້ອມກັນນັ້ນ ກໍ່ປຶກສາຫາລືກັບຝ່າຍ ອິນເດຍ ເພື່ອຄົ້ນຄວ້າບັນດາມາດຕະການແກ້ໄຂຢ່າງເໝາະສົມ.
ທ່ານຮຽກຮ້ອງໃຫ້ພະນັກງານ, ລັດຖະກອນສະຖານທູດ ແລະ ປະຊາຄົມ ຊາວຫວຽດນາມ ອາໄສຢູ່ ອິນເດຍ ສືບຕໍ່ເສີມຂະຫຍາຍນ້ຳໃຈຮັກຊາດ, ສາມັກຄີ, ມູນເຊື້ອ “ລູກຫຼານ ຫຼາກຮົ່ງ” ຍາມໃດກໍ່ມຸ່ງໄປເຖິງບ້ານເກີດເມືອງນອນ, ສືບຕໍ່ປະກອບສ່ວນສ້າງສາປະເທດຊາດ ແລະ ການພົວພັນ ຫວຽດນາມ - ອິນເດຍ.
ໂດຍມີຄວາມປະຕິຊົມຊື່ນ ແລະ ພາກພູມໃຈໃນບັນດາຜົນສຳເລັດອັນໃຫຍ່ຫຼວງຂອງປະເທດຊາດ ແລະ ການພັດທະນາອັນພົ້ນເດັ່ນຂອງການພົວພັນ ຫວຽດນາມ - ອິນເດຍ ໃນໄລຍະທີ່ຜ່ານມາ, ຜູ້ຕາງໜ້າປະຊາຄົມ ຊາວ ຫວຽດນາມ ຢູ່ ອິນເດຍ ໄດ້ຢັ້ງຢືນຄວາມພາກພູມໃຈໃນຄວາມເປັນ ຫວຽດນາມ, ເຊື່ອໝັ້ນຕໍ່ພັກ, ລັດ ແລະ ອະນາຄົດອັນດີງາມຂອງຊາດ. ປະຊາຊົນຮູ້ສຶກຕື້ນຕັນໃຈຕໍ່ຄວາມເອົາໃຈໃສ່ ແລະ ເບິ່ງແຍງດູແລຂອງພັກ ແລະ ລັດ ດ້ວຍບັນດານະໂຍບາຍສ້າງເງື່ອນໄຂໃຫ້ ຊາວຫວຽດນາມ ອາໄສຢູ່ຕ່າງປະເທດສະໜິດສະໜົມ ແລະ ປະກອບສ່ວນໃຫ້ແກ່ບ້ານເກີດເມືອງນອນຫຼາຍກວ່າອີກ.
 |
| ທ່ານນາຍົກລັດຖະມົນຕີ ຟ້າມມິນຈິ໋ງ ພ້ອມດ້ວຍບັນດາຜູ້ແທນໄດ້ຕັດແຖບຜ້າເປີດສະຫຼອງສຳນັກງານສະຖານທູດ ຫວຽດນາມ ຢູ່ນະຄອນຫຼວງ New Delhi, ອິນເດຍ. |
ກ່ອນໜ້ານັ້ນ, ທ່ານນາຍົກລັດຖະມົນຕີ ຟ້າມມິນຈິ໋ງ ພ້ອມດ້ວຍຄະນະໄດ້ເຂົ້າຮ່ວມພິທີເປີດສະຫຼອງສຳນັກງານສະຖານທູດ ຫວຽດນາມ ປະຈຳ ອິນເດຍ ຢູ່ Chanakyapuri, ນະຄອນຫຼວງ New Delhi. ໂຄງການດັ່ງກ່າວໄດ້ເລີ່ມລົງມືກໍ່ສ້າງໃນປີ 2018, ສຳເລັດໃນປີ 2022 ແລະ ໄດ້ຜ່ານການຮັບປະກັນ 2 ປີ. ໂຄງການຕັ້ງຢູ່ເຂດດິນທີ່ມີທີ່ຕັ້ງສວຍງາມ, ເນື້ອທີ່ເກືອບ 3,500 m2, ລວມມີ 2 ພາກສ່ວນຄື: ສຳນັກງານເຮັດວຽກ ແລະ ເຮືອນພັກໃຫ້ແກ່ພະນັກງານສະຖານທູດ.
ດ້ວຍສຳນັກງານໃຫຍ່ທີ່ກ້ວາງຂວາງ, ທ່ານນາຍົກລັດຖະມົນຕີ ເຊື່ອໝັ້ນວ່າ ບັນດາພະນັກງານ, ລັດຖະກອນສະຖານທູດຈະມີກຳລັງໜູນ ແລະ ມີແຮງບັນດານໃຈເຮັດວຽກຢ່າງມີປະສິດທິຜົນ, ປະກອບສ່ວນເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອິນເດຍ, ກໍ່ຄືປະກອບສ່ວນເຂົ້າໃນການພັດທະນາຢ່າງວ່ອງໄວ ແລະ ຍືນຍົງຂອງ ຫວຽດນາມ.
 | ຍສໝ - ແຕ່ວັນທີ 25 – 29 ມິຖຸນາ, ຄະນະກຳມະການຊາວ ຫວຽດນາມ ອາໄສຢູ່ຕ່າງປະເທດນະຄອນ ໂຮ່ຈີມິນ ໄດ້ຈັດຕັ້ງຄະນະຜູ້ແທນຊາວ ຫວຽດນາມ ອາໄສຢູ່ຕ່າງປະເທດ ໄປຢ້ຽມຢາມພະນັກງານ ແລະ ນັກຮົບກອງທັບເຮືອເຂດ 5. |
 | ຈຸດນັດພົບຂອງຊາວຫວຽດນາມ ອາໄສຢູ່ຕ່າງປະເທດ ຢູ່ນະຄອນ ໂຮ່ຈີມິນ. ຍສໝ - ວັນທີ 8 ມິຖຸນາ, ຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດນະຄອນ ໂຮ່ຈີມິນ ໄດ້ຈັດຕັ້ງເປີດສະຫຼອງກິດຈະກຳ ໄລຍະທີ 1 “ພື້ນທີ່ວັດທະນະທຳ ໂຮ່ຈີມິນ - ຈຸດນັດພົບຂອງຊາວຫວຽດນາມ ອາໄສຢູ່ຕ່າງປະເທດ” ຢູ່ເຮືອນເລກທີ 147 ຫງວຽນດີງຈ໋ຽວ (ເມືອງ 3, ນະຄອນ ໂຮ່ຈີມິນ). ສະຖານທີ່ແຫ່ງນີ້ ໄດ້ຄາດວ່າຈະສ້າງກາລະໂອກາດໃຫ້ຊາວຫວຽດນາມ ... |
ມິງດຶກ
