| ທ່ານເອກອັກຄະລັດຖະທູດ EU ຄົນໃໝ່ກ່າວວ່າ: “ຂ້າພະເຈົ້າເຫັນໄດ້ຢ່າງຈະແຈ້ງວ່າຈຸດເວລາຂອງຫວຽດນາມມາເຖິງແລ້ວ” | |
| ອົດສະຕຣາລີ ສະໜັບສະໜູນອຸປະກອນ ເຕັກໂນໂລຊີ ເຂົ້າໃນລະບົບພັດທະນາວິຊາຊີບຄູ ຂອງ ສປປ ລາວ |
2 ຝ່າຍໄດ້ແລກປ່ຽນຫຼາຍຢ່າງກ່ຽວກັບບັນດາຄວາມສາມາດບົ່ມຊ້ອນໃນການຮ່ວມມືດ້ານການເມືອງ - ການທູດ, ເສດຖະກິດ - ການຄ້າ, ວັດທະນະທຳ, ການສຶກສາ, ວິທະຍາສາດ - ເຕັກໂນໂລຢີ ຜ່ານບັນດາຊ່ອງ ພັກ, ຊ່ອງ ລັດຖະບານ ແລະ ການຕ່າງປະເທດປະຊາຊົນ.
ພິເສດ, ບັນດາໝາກຜົນປະສົບຜົນສຳເລັດທີ່ບັນລຸໄດ້ໃນໄລຍະຢ້ຽມຢາມ ບຣາຊິນ ຢ່າງເປັນທາງການຂອງທ່ານນາຍົກລັດຖະມົນຕີ ຟ້າມມິງຈີ໋ງ ແມ່ນປະຖົມປັດໄຈສຳຄັນເພື່ອປັບປຸງບັນດາຂົງເຂດຮ່ວມມືທີ່ມີຢູ່ແລ້ວ, ເປີດກາລະໂອກາດຮ່ວມມືໃໝ່ຫຼາຍຢ່າງ.
 |
| ທ່ານເອກອັກຄະລັດຖະທູດ ບຸຍວັນຫງີ້ ໄດ້ມອບຮູບຂອງໝູ່ບ້ານຫວຽດນາມ ໃຫ້ທ່ານ Inácio Arruda . (ແຫຼ່ງຂ່າວ: ສະຖານທູດ ຫວຽດນາມ ປະຈຳ ບຣາຊິນ) |
ທ່ານເອກອັກຄະລັດຖະທູດ ບຸຍວັນຫງີ້ ແລະ ອະດີດສະມາຊິກສະພາສູງ, ຮອງລັດຖະມົນຕີ Inácio Arruda ໄດ້ເຫັນດີເປັນເອກະສັນກ່ຽວກັບບັນດາຂໍ້ກຳນົດເພື່ອສືບຕໍ່ຊຸກຍູ້ການຂຸດຄົ້ນບັນດາຂົງເຂດຮ່ວມມືທີ່ສອງຝ່າຍໄດ້ລົງນາມ, ເພື່ອແນໃສ່ເພີ່ມທະວີຄວາມສາມັກຄີດ້ານການຄ້າ ຫວຽດນາມ - ບຣາຊິນ.
ຄຽງຂ້າງນັ້ນ ກໍ່ຊຸກຍູ້ການເເນະນຳບັນດາຜະລິດຕະພັນສົ່ງອອກທີ່ມີທ່າແຮງຂອງສອງປະເທດຄື: ການນຳເຂົ້າຈາກ ບຣາຊິລ ເເມ່ນຖົ່ວເຫຼືອງ, ສາລີ, ຝ້າຍທຸກຊະນິດ, ນ້ຳຕານ, ຊີ້ນງົວ, ໜັງ, ແລະ ບັນດາເຄື່ອງອາໄຫຼ່ເຄື່ອງຈັກກໍ່ສ້າງທຸກປະເພດ, ເຮືອບິນ; ສົ່ງອອກໄປຫາ ບຣາຊິນ ເເມ່ນຄອມພິວເຕີ, ໂທລະສັບສະມາດໂຟນ, ເຄື່ອງອາໄຫຼ່, ຜະລິດຕະພັນຕັດຫຍິບ, ເກີບໜັງ, ຜະລິດຕະພັນເຄື່ອງປັ້ນດິນເຜົາທຸກປະເພດ, ຜະລິດຕະພັນກະເສດ, ຜະລິດຕະພັນຫັດຖະກຳສິລະປະກຳ, ເຄື່ອງທີ່ເຮັດດ້ວຍໄມ້... ການພັດທະນາບັນດາຮູບແບບຮ່ວມທຸລະກິດການຮ່ວມມືຢູ່ສອງປະເທດ ກໍ່ຍັງຕ້ອງໄດ້ຮັບການຄົ້ນຄວ້າ ແລະ ຜັນຂະຫຍາຍເພື່ອເພີ່ມທະວີລະດັບແຊກຊຶມເຂົ້າຕະຫຼາດ ເຊິ່ງບໍ່ພຽງແຕ່ລະດັບຊາດເທົ່ານັ້ນ, ຫາກຍັງຢູ່ລະດັບພາກພື້ນອາຊີຕາເວັນອອກສ່ຽງໃຕ້ ແລະ ອາເມລິກາລາຕິນ, ພິເສດແມ່ນບັນດາກຸ່ມຕະຫຼາດຮ່ວມ MERCOSUR.
ນອກນີ້, ສອງຝ່າຍກໍ່ໄດ້ເຫັນດີເປັນເອກະສັນກັນກ່ຽວກັບເລື່ອງຄວນຕ້ອງມຸ່ງໄປເຖິງຂັ້ນຕອນການນຳເຂົ້າ - ສົ່ງອອກໂດຍກົງ, ຫຼີກລ້ຽງການໄປຜ່ານຝ່າຍທີສາມ.
ຄາດວ່າຈະມີຫຼາຍການເຄື່ອນໄຫວສຳຄັນໃນປີ 2024, ເຊິ່ງແມ່ນປີທີ່ສອງປະເທດສະເຫຼີມສະຫຼອງ 35 ປີແຫ່ງວັນສ້າງຕັ້ງການພົວພັນທາງການທູດ (8 ພຶດສະພາ 1989 – 8 ພຶດສະພາ 2024) , ສະເຫຼີມສະຫຼອງ 17 ປີ ແຫ່ງການພົວພັນຄູ່ຮ່ວມມືຮອບດ້ານ (ເດືອນພຶດສະພາ 2007 – ພຶດສະພາ 2024), ພ້ອມດຽວກັນ ກໍ່ຍັງເປັນປີທີ່ ບຣາຊິນ ດຳລົງຕຳແໜ່ງປະທານ G20.
ດີງເລື້ອງ
