| ສະມາຄົມມິດຕະພາບຫວຽດນາມ - ລາວ ໄດ້ສົມທົບກັນໃນການຊຸກຍູ້ການຮ່ວມມືລະຫວ່າງນັກທຸລະກິດໜຸ່ມຂອງ 2 ປະເທດ | |
| ຫວຽດນາມ - ລາວ: ການພົວພັນດ້ານການເມືອງ ສືບຕໍ່ໄດ້ຮັບການເສີມຂະຫຍາຍຢ່າງເລິກເຊິ່ງ ແລະ ມີປະສິດທິຜົນ |
ຕາມທ່ານພົນຕີ ຫງວຽນຊວນກຽນ, ຜູ້ອຳນວຍການວິທະຍາຄານແພດທະຫານ ຫວຽດນາມ ແລ້ວ, ການເພີ່ມທະວີການຮ່ວມມືລະຫວ່າງ 2 ວິທະຍາຄານ ຈະປະກອບສ່ວນເຂົ້າໃນການເພີ່ມພູນຄູນສ້າງ, ປັບປຸງສາຍພົວພັນແບບພິເສດ ຫວຽດນາມ - ລາວ ເວົ້າລວມ, ລະຫວ່າງກອງທັບສອງປະເທດ ເວົ້າສະເພາະ. ນີ້ກໍ່ແມ່ນພື້ນຖານສຳຄັນເພື່ອກໍສ້າງສອງວິທະຍາຄານໃຫ້ກາຍເປັນບັນດາມະຫາວິທະຍາໄລນຳໜ້າໃນຂົງເຂດການສຶກສາດ້ານສຸຂະພາບ; ບຳລຸງສ້າງແຫຼ່ງຊັບພະຍາກອນມະນຸດດ້ານການຢາທີ່ມີຄຸນນະພາບສູງ ເພື່ອປະຕິບັດໜ້າທີ່ກວດ ແລະ ປິ່ນປົວພະຍາດໃຫ້ແກ່ກອງທັບ ແລະ ປະຊາຊົນ 2 ປະເທດ. ຜ່ານນັ້ນ ກໍ່ຮັບໃຊ້ໃຫ້ພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດ, ພັດທະນາຂະແໜງການແພດການທະຫານ, ຂະແໜງສາທາລະນະສຸກ ແລະ ລະບົບການສຶກສາດ້ານສຸຂະພາບຂອງ ຫວຽດນາມ - ລາວ.
 |
ວິທະຍາຄານການແພດທະຫານ ຫວຽດນາມ ແລະ ວິທະຍາຄານການແພດກອງທັບ ລາວ ໄດ້ລົງນາມໃນບົດບັນທຶກຊ່ວຍຈຳການຮ່ວມມື |
ທ່ານ ຈັນສະໝອນ ມະຫາວົງ ຜູ້ອຳນວຍການວິທະຍາຄານການແພດກອງທັບ ລາວ ໃຫ້ຮູ້ວ່າ ການເສີມຂະຫຍາຍສາຍພົວພັນທີ່ເປັນມູນເຊື້ອ, ຄວາມສາມັກຄີແບບພິເສດລະຫວ່າງສອງກອງທັບ ເວົ້າລວມ, ລະຫວ່າງ 2 ວິທະຍາຄານ ເວົ້າສະເພາະ, ແຕ່ປີ 2017 ສອງວິທະຍາຄານ ໄດ້ແຮກສ່ຽວກັນເພື່ອສ້າງເງື່ອນໄຂເສີມຂະຫຍາຍການພົວພັນຮ່ວມມືໃຫ້ນັບມື້ນັບຢ່າງເລິກເຊິ່ງກ່ວາ. ນັບແຕ່ນັ້ນມາ, ບັນດາເນື້ອໃນການຮ່ວມມື ກໍ່ໄດ້ຮັບການຜັນຂະຫຍາຍ ແລະ ເກັບກ່ຽວໄດ້ຜົນສຳເລັດຫຼາຍຢ່າງ.
ທ່ານເນັ້ນໜັກວ່າ ການລົງນາມໃນບົດບັນທຶກຊ່ວຍຈຳການຮ່ວມມືລະຫວ່າງສອງວິທະຍາຄານແພດທະຫານ ແມ່ນບາດກ້າວພັດທະນາໃໝ່ຂອງການພົວພັນຮ່ວມມືລະຫວ່າງສອງວິທະຍາຄານ. ນີ້ກໍ່ແມ່ນກາລະໂອກາດ ເພື່ອຊ່ວຍໃຫ້ວິທະຍາຄານແພດທະຫານ ກໍຄືຂະແໜງການແພດທະຫານຂອງກອງທັບະຊາຊົນ ລາວ ຄ່ອຍໆພັດທະນາຂຶ້ນສູ່ລະດັບດຽວກັນ ເພື່ອໃຫ້ສາມາດເຊື່ອມໂຍງເຂົ້າກັບພາກພື້ນ ແລະ ສາກົນ ໃນອະນາຄົດ.
ມິງດຶກ
