 | ກວາງນາມ: ນັກຊ່ຽວຊານຍີ່ປຸ່ນນຳໃຊ້ເຕັກໂນໂລຊີກໍານົດຍຸກສະໄໝຢູ່ເຂດວິຫານທາດມິເຊີນ |
| ວັນບຸນແນະນຳວຽກເຮັດງານທຳ ຟຣີ ຢູ່ຍີ່ປຸ່ນ ສຳລັບຊາວຫວຽດນາມ |
Ngày 4/7, tại Công viên Biển Đông (thành phố Đà Nẵng) diễn ra lễ khai mạc Lễ hội Việt Nam - Nhật Bản thành phố Đà Nẵng 2024.
ວັນທີ 4 ກໍລະກົດ, ຢູ່ສວນສາທາລະນະທະເລຕາເວັນອອກ (ນະຄອນດານັງ) ໄດ້ດຳເນີນພິທີເປີດງານບຸນ ຫວຽດນາມ - ຍີ່ປຸ່ນ ນະຄອນ ດານັງ 2024.
ກ່າວຄຳປາໄສທີ່ພິທີເປີດ, ທ່ານນາງ ຮອງປະທານຄະນະກຳມະການປະຊາຊົນນະຄອນ ດານັງ ຫງວຽນທິແອງທີ ໃຫ້ຮູ້ວ່າ ໂດຍສືບຕໍ່ຜົນສຳເລັດຂອງງານບຸນຫວຽດນາມ - ຍີ່ປຸ່ນ ນະຄອນ ດານັງ ປີ 2023, ນະຄອນ ດານັງ ຈະສືບຕໍ່ຈັດຕັ້ງງານບຸນຫວຽດນາມ - ຍີ່ປຸ່ນ ຄັ້ງທີ 9 ປີ 2024. ນີ້ແມ່ນປີທີ່ເປີດໄລຍະພັດທະນາໃໝ່ ດ້ວຍບັນດາແງ່ຫວັງໃຫ້ການພົວພັນ ຫວຽດນາມ - ຍີ່ປຸ່ນ ພາຍຫຼັງການນຳຂອງ 2 ປະເທດ ໄດ້ເຫັນດີເປັນເອກະພາບຍົກລະດັບການພົວພັນຂຶ້ນເປັນ “ຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ແລະ ຄວາມຈະເລີນຮຸ່ງເຮືອງ ຢູ່ອາຊີ ແລະ ໂລກ”.
 |
| ບັນດາຜູ້ແທນ ປະຕິບັດພິທີທຸບຖັງເຫຼົ້າ Sake ພື້ນເມືອງ. (ພາບ: danang.gov.vn) |
ງານບຸນປີນີ້ ຈະເປີດກ້ວາງໃນຫຼາຍຂົງເຂດ, ນັບແຕ່ການສົ່ງເສີມການທ່ອງທ່ຽວ, ການລົງທຶນ, ການເຊື່ອມຕໍ່ການຮ່ວມມືດ້ານເສດຖະກິດ ຕະຫຼອດເຖິງການໂຄສະນາຂໍ້ມູນ, ຜະລິດຕະພັນ ແລະ ການແລກປ່ຽນດ້ານກິລາ, ສິລະປະ, ການສຳຜັດອາຫານຂອງສອງຝ່າຍ. ພິເສດ, ກອງປະຊຸມພົບປະ ດານັງ - ຍີ່ປຸ່ນ ຈະແມ່ນເວທີປາໄສເພື່ອ 2 ຝ່າຍແລກປ່ຽນບັນດາເນື້ອໃນລະອຽດ, ອັບເດດທິດທາງການຮ່ວມມືໃໝ່ໃນບັນດາຂົງເຂດພັດທະນາບຸລິມະສິດຂອງນະຄອນ ດານັງ ເຊັ່ນ ອຸດສາຫະກຳເຕັກໂນໂລຢີສູງ, ເຕັກໂນໂລຢີຂໍ້ມູນຂ່າວສານ, ເອເລັກໂຕນິກ, ແຜງວົງຈອນເຄິ່ງຊັກນຳໄຟຟ້າ ແລະ ແຫຼ່ງຊັບພະຍາກອນມະນຸດ.
ຕາມທ່ານ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ຍີ່ປຸ່ນ ປະຈຳ ຫວຽດນາມ Ito Naoki ແລ້ວ, 10 ປີກ່ອນ, ໃນເດືອນກໍລະກົດ 2014, ງານບຸນ ຫວຽດນາມ - ຍີ່ປຸ່ນ ໄດ້ດຳເນີນເປັນຄັ້ງທຳອິດເນື່ອງໃນໂອກາດສະເຫຼີມສະຫຼອງວັນເປີດເສັ້ນທາງການບິນໂດຍກົງ Narita - ດານັງ ຂອງ Vietnam Airlines. ປີ 2023 ແມ່ນປີສະເຫຼີມສະຫຼອງ 50 ປີແຫ່ງການສ້າງຕັ້ງການພົວພັນທາງການທູດລະຫວ່າງ ຍີ່ປຸ່ນ ແລະ ຫວຽດນາມ. ນີ້ແມ່ນປີທີ່ໄດ້ປະກອບສ່ວນຮັດແໜ້ນ ແລະ ເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະ ກັນລະຫວ່າງ 2 ປະເທດ. ຢູ່ນະຄອນ ດານັງ ໄດ້ຈັດຕັ້ງລາຍການສະເຫຼີມສະຫຼອງ 50 ປີທີ່ດີເລີດ ແລະ ປະທັບໃຈຫຼາຍຢ່າງຄື ງານບຸນແສງສະຫວ່າງ, ລາຍການປະສານສຽງດົນຕີຂອງກຸ່ມ ຫ້າບັນເລງ ມາຈາກວົງດົນຕີປະສານສຽງ ຍີ່ປຸ່ນ.
ທ່ານເອກອັກຄະລັດຖະທູດ Ito Naoki ກ່າວວ່າ “ປີ 2024 ແມ່ນປີທຳອິດທີ່ເລີ່ມຕົ້ນໃຫ້ເສັ້ນທາງມຸ່ງໄປເຖິງ 50 ປີຕໍ່ໜ້າ. ໂດຍອີງໃສ່ພື້ນຖານ ແມ່ນຜົນສຳເລັດຂອງປີສະເຫຼີມສະຫຼອງ 50 ປີແຫ່ງວັນສ້າງຕັ້ງ, ຂ້າພະເຈົ້າ ຫວັງວ່າ ພ້ອມກັນກັບຜູ້ຕາງໜ້ານະຄອນ ດານັງ ແລະ ບັນດາວິສາຫະກິດ ຍີ່ປຸ່ນ ຈະສືບຕໍ່ມານະພະຍາຍາມ ເພື່ອຊຸກຍູ້ການພົບປະແລກປ່ຽນປະຊາຊົນ ໂດຍຜ່ານບັນດາການເຄື່ອນໄຫວວັດທະນະທຳ, ກິລາ, ທ່ອງທ່ຽວ ກໍຄືການຮ່ວມມືໃນຂົງເຂດເສດຖະກິດ, ໃນນັ້ນ ມີການເຄື່ອນໄຫວລົງທືນ" .
 |
| ນັກທ່ອງທ່ຽວຊອກຮູ້ພາສາ ຍີ່ປຸ່ນ ໃນງານບຸນ. (ພາບ: danang.gov.vn) |
ຄຽງຂ້າງນັ້ນ, ບັນດາການເຄື່ອນໄຫວແລກປ່ຽນລະຫວ່າງທ້ອງຖິ່ນ ຍີ່ປຸ່ນ ແລະ ນະຄອນ ດານັງ ກໍ່ນັບມື້ນັບເລິກເຊິ່ງກ່ວາອີກ. ປະຈຸບັນ, ນະຄອນ ດານັງ ໄດ້ລົງນາມໃນບົດບັນທຶກຊ່ວຍຈຳກັບ 5 ທ້ອງຖິ່ນຂອງ ຍີ່ປຸ່ນ ຄື ນະຄອນ Kawasaki, ນະຄອນ Sakai, ນະຄອນ Yokohama, ນະຄອນ Mimasaka, ນະຄອນ Kisarazu (ແຂວງ Chiba). ການເຄື່ອນໄຫວສຶກສາພາສາ ຍີ່ປຸ່ນ ຢູ່ນະຄອນ ດານັງ ກໍ່ດຳເນີນໄປຢ່າງຟົດຟື້ນ, ໃນນັ້ນ ພົ້ນເດັ່ນທີ່ສຸດ ແມ່ນມະຫາວິທະຍາໄລພາສາຕ່າງປະເທດ ດານັງ.
ທ່ານເອກອັກຄະລັດຖະທູດ Ito Naoki ກ່າວວ່າ "ຂ້າພະເຈົ້າຫວັງວ່າ ນີ້ຈະແມ່ນໂອກາດເພື່ອປຸກລຸກຄວາມສົນໃຈກ່ຽວກັບ ຍີ່ປຸ່ນ ໃນລຸ້ນໜຸ່ມ, ຊ່ວຍໃຫ້ເຂົາເຈົ້າສາມາດຊອກຫາ, ຮ່ຳຮຽນ, ເຮັດໃຫ້ມີຄວາມເຂົ້າໃຈກ່ຽວກັບ ຍີ່ປຸ່ນ ເລິກເຊິ່ງກ່ວາອີກ. ຂ້າພະເຈົ້າກໍ່ຫວັງວ່າ ຈະມີຊາວ ຫວຽດນາມ ເຂົ້າມາ ຍີ່ປຸ່ນ ເປັນຈຳນວນຫຼວງຫຼາຍ". .
ທີ່ງານບຸນ, ປະຊາຊົນ ແລະ ແຂກທ່ອງທ່ຽວ ໄດ້ມີໂອກາດສຳຜັດກັບວັດທະນະທຳ ຫຼັກການແຕ້ມໂຕໜັງສືຈີນ, ສິລະປະດື່ມນ້ຳຊາ, ງານບຸນແຕ່ງກາຍ, ລົງຕົວຈິງຮີດຄອງປະເພນີຂອງງານບຸນຄືນວັນທີ 7 ເດືອນ 7 Tanabata, ຊອກຮູ້ບັນດາຈຸດໝາຍປາຍທາງການທ່ອງທ່ຽວ ຍີ່ປຸ່ນ ຢູ່ຮ້ານສອບຖາມຂໍ້ມູນ...
ພິເສດ, ລາຍການແລກປ່ຽນກິລາ, ສິລະປະ ດ້ວຍຫຼາຍການເຄື່ອນໄຫວທີ່ປະກົດເປັນຄັ້ງທຳອິດໃນງານບຸນຄື ລົງຕົວຈິງການຕີເບັດສະບອນ ຍີ່ປຸ່ນ, ແລກປ່ຽນ Bon Odori ແລະ ເຕັ້ນສາບ, ແລກປ່ຽນສິລະປະດື່ມນ້ຳຊາ ຍີ່ປຸ່ນ ແລະ ຊາຫວຽດນາມ ພ້ອມກັນກັບຄະນະນັກສິລະປະພື້ນເມືອງ ແລະ ທັນສະໄໝ ຈະຊ່ວຍໃຫ້ປະຊາຊົນສອງປະເທດໄດ້ແລກປ່ຽນ ແລະ ເຊື່ອມໂຍງດ້ານວັດທະນະທຳ.
 | ນັກລົງທຶນຍີ່ປຸ່ນເລືອກຫວຽດນາມ ຍ້ອນມີສະຖຽນລະພາບດ້ານການເມືອງ ແລະ ເສດຖະກິດມະຫາພາກທີ່ເປັນປົກກະຕິ ຍສໝ - ໜຶ່ງໃນບັນດາປັດໄຈພົ້ນເດັ່ນເພື່ອກຳນົດທີ່ຕັ້ງຫວຽດນາມ ສຳລັບບັນດາປະເທດອື່ນແມ່ນຄວາມໄວໃນການເຕີບໂຕດ້ານເສດຖະກິດໄດ້ຮັບການປັບປຸງຍ້ອນພື້ນຖານການເມືອງທີ່ມີສະຖຽນລະພາບ. ເຂດພາກໃຕ້ຫວຽດນາມ, ໃນນັ້ນມີນະຄອນໂຮ່ຈີມິນ ພວມແມ່ນກຳລັງໜູນພັດທະນາເສດຖະກິດຂອງທົ່ວປະເທດ ແລະ ສວມບົດບາດສຳຄັນໃນການຮັບເງິນທຶນ FDI. |
 | ຫວຽດນາມ ຮ່ວມແຮງຮ່ວມໃຈພ້ອມກັບສາກົນຊ່ວຍເຫຼືອຍີ່ປຸ່ນຜ່ານຜ່າໄພພິບັດໃນປີ 2011 ຍສໝ - ຕໍ່ໜ້າຄວາມສູນເສຍຢ່າງໃຫຍ່ຫຼວງນັ້ນ, ທົ່ວໂລກໃນນັ້ນມີ ຫວຽດນາມ ໄດ້ຮ່ວມແຮງຮ່ວມໃຈ, ພ້ອມກັບ ຍີ່ປຸ່ນ ແກ້ໄຂບັນດາຄວາມຫຍຸ້ງຍາກ, ສິ່ງທ້າທາຍ.ຍີ່ປຸ່ນ ໄດ້ຮັບບັນດາສານສະແດງຄວາມເສຍດາຍ ແລະ ການສະໜັບສະໜູນຈາກບັນດາການນຳສາກົນ. ກະຊວງການຕ່າງປະເທດ ຍີ່ປຸ່ນ ໃຫ້ຮູ້ວ່າ ມີກ່ວາ 130 ປະເທດ ແລະ ເຂດແຄ້ວນໃນທົ່ວໂລກ ພ້ອມກັບ 40 ອົງການຈັດຕັ້ງສາກົນ ສະເໜີໜູນຊ່ວຍປະເທດຍີ່ປຸ່ນ. |
ມີງດຶກ
