ຍີ່ປຸ່ນ ນຳໃຊ້ລະບອບເກັບພາສີພັກເຊົາ​ໃຫ້ນັກທ່ອງທ່ຽວຕ່າງປະເທດ

	ຍີ່ປຸ່ນ ເຊີດຊູ ທ່ານ ຮວ່າງບິ່ງກວນ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການພົວພັນມິດຕະພາບ ຫວຽດນາມ - ຍີ່ປຸ່ນ
	ສື່​ມວນ​ຊົນ​ຍີ່ປຸ່ນ​ໄດ້​ຕີ​ລາຄາ​ສູງ​ການ​ຢ້ຽມຢາມ​ຍີ່ປຸ່ນ​ຂອງ​ທ່ານ​ປະທານ​ປະ​ເທດ ຫວໍວັນເຖືອງ

ທີ່ຍີ່ປຸ່ນ, ພາສີພັກເຊົາ​ແມ່ນພາສີຊະນິດໜຶ່ງທີ່ບໍ່ຕາມກົດຫມາຍ ໂດຍອຳນາດການປົກຄອງທ້ອງຖິ່ນ ໄດ້ນຳໃຊ້ດ້ວຍຕົນເອງ ແລະ ການຜັນຂະຫຍາຍພາສີຊະນິດນີ້ ຕ້ອງມີການຕົກລົງຂອງລັດຖະມົນຕີກະຊວງພາຍໃນ ແລະ ການສື່ສານ. ພາສີພັກເຊົາ ໄດ້ນຳໃຊ້ເພື່ອຈ່າຍຄ່າສິ່ງຕ່າງໆເຊັ່ນການສ້າງແຜນທີ່ຄູ່ມືການທ່ອງທ່ຽວເປັນພາສາຕ່າງປະເທດ ແລະ ການສ້າງຕັ້ງສູນຂໍ້ມູນການທ່ອງທ່ຽວ ເພື່ອເພີ່ມຄວາມດຶງດູດຂອງ Tokyo ເປັນຈຸດຫມາຍປາຍທາງສາກົນ. Tokyo ແມ່ນສະຖານທີ່ທໍາອິດທີ່ນໍາໃຊ້ພາສີນີ້ໃນປີ 2002.

ຕາມ​ອົງການ​ທ່ອງ​ທ່ຽວ​ແຫ່ງ​ຊາດ ​ຍີ່ປຸ່ນ (JNTO), ຈຳນວນ​ນັກ​ທ່ອງ​ທ່ຽວ​ໄປ​ທ່ຽວ​ ຍີ່ປຸ່ນ​ ໃນ​ເດືອນ​ພຶດສະພາ 2024 ​ແມ່ນ 3.040.100 ເທື່ອຄົນ, ລື່ນ​ກາຍລະດັບ 3 ລ້ານ​ເທື່ອ​ຄົນໃນ​ເດືອນ​ທີ 3 ລຽນຕິດ. ການເພີ່ມຂຶ້ນຢ່າງໄວວາຂອງຈໍານວນນັກທ່ອງທ່ຽວເຮັດໃຫ້ "ການທ່ອງທ່ຽວເກີນ" (ມົນລະພິດການທ່ອງທ່ຽວ) ສົ່ງຜົນກະທົບຕໍ່ຊີວິດຂອງປະຊາຊົນທ້ອງຖິ່ນ, ກາຍເປັນບັນຫາທີ່ຮ້າຍແຮງ. ສະ​ນັ້ນ, ອຳນາດ​ການ​ປົກຄອງ​ຢູ່ບັນດາ​ທ້ອງ​ຖິ່ນ​ ພວມເລັ່ງລັດ​ຮັບປະກັນ​ແຫຼ່ງການເງິນເພື່ອກວມເອົາຄ່າໃຊ້ຈ່າຍຂອງມາດຕະການຕອບສະໜອງ.

ຖະໜົນ Kyoto ມີນັກທ່ອງທ່ຽວໜາແໜ້ນ ຫຼັງຈາກ ຍີ່ປຸ່ນ ໄດ້ເປີດຄືນໃໝ່ໃນເດືອນຕຸລາ. ໂຮງແຮມ ແລະ ລິສັດຂົນສົ່ງຫຼາຍແຫ່ງ ພົບວ່າຕົນເອງບໍ່ມີອຸປະກອນ ແລະກຳລັງຄົນພຽງພໍກັບຄວາມຕ້ອງການ. ພາບ: Kyoto

ພາສີພັກເຊົາ​ແມ່ນມາດຕະການສ້າງລາຍຮັບທີ່ຄາດວ່າຈະສູງ ດ້ວຍເງິນພາສີປົກກະຕິແມ່ນ 1-3% ຂອງຄ່າທີ່ພັກຕໍ່ຄົນ/ຄືນ ແລະ ຈະແຕກຕ່າງກັນໄປຕາມແຕ່ລະທ້ອງຖິ່ນ. ປະຈຸ​ບັນ, ນະຄອນ Kyoto ​ເສຍ​ພາສີ​ແຕ່ 200 – 1.000 yen (30 – 160 ພັນ​ດົ່ງ) ຕາມແຕ່ຄ່າ​ທີ່​ພັກ. ລາຍຮັບພາສີໃນປີການເງິນ 2024 ຂອງນະຄອນຄາດວ່າຈະບັນລຸປະມານ 4.8 ຕື້ Yen, ກວ່າປະມານ 600 ລ້ານ Yen ເມື່ອທຽບກັບປີການເງິນ 2019, ເວລາກ່ອນການລະບາດຂອງ COVID-19. ເງິນດັ່ງກ່າວ ຈະຖືກແບ່ງປັນ ເພື່ອສ້າງສາຍລົດເມດ່ວນທ່ອງທ່ຽວໃໝ່, ເຊິ່ງຈະເລີ່ມເຄື່ອນໄຫວນັບແຕ່ເດືອນ ມິຖຸນາ ເພື່ອເປັນມາດຕະການຕ້ານການແອອັດ ແລະ ບໍາລຸງຮັກສາສະຖານີ Kyoto. ໂດຍຈຳນວນນັກທ່ອງທ່ຽວຄາດວ່າຈະສືບຕໍ່ເພີ່ມຂຶ້ນ ສະນັ້ນອຳນາດການປົກຄອງ ຍັງພິຈາລະນາເພີ່ມພາສີເຊົາ​.

ນະຄອນ Fukuoka ເກັບທັງໝົດ 200 yen ຕໍ່ຄົນ, ລວມທັງພາສີຂອງແຂວງ 50 yen ສຳລັບການພັກເຊົາ1 ຄືນຕ່ຳກວ່າ 20,000 yen. ລາຍຮັບພາສີສຳລັບປີການເງິນ 2023 ຄາດວ່າຈະໄດ້ 2,59 ຕື້ yen ແລະ ຈະຖືກນຳໃຊ້ເຂົ້າໃນການເຄື່ອນໄຫວທີ່ດຶງດູດບັນດາເຫດການ ແລະ ກອງປະຊຸມສາກົນ.

ຫຼາຍທ້ອງຖິ່ນທີ່ໄດ້ຮັບຜົນກະທົບຈາກສະພາບການທ່ອງທ່ຽວເກີນກຳລັງ ກໍພວມພິຈາລະນານຳໃຊ້ເກັບພາສີພັກເຊົາໃນປີການເງິນ 2026. ຢູ່ເທດສະບານ Fujikawaguchiko, ນັກທ່ອງທ່ຽວຕ່າງປະເທດ ໄດ້ເຂົ້າໄປໃນຈຸດຖ່າຍຮູບພູເຂົາ Fuji ທີ່ມີຊື່ສຽງ, ເຊິ່ງກໍ່ໃຫ້ເກີດສະຖານະການອັນຕະລາຍເຊັ່ນ: ການກີດຂວາງທາງຍ່າງ, ຂ້າມຖະຫນົນ. ນະຄອນ Fujiyoshida ຍັງ​ໄດ້​ປະຕິບັດ​ມາດ​ຕະການ​ດ້ານ​ຄວາມ​ປອດ​ໄພ​ໂດຍ​ໄດ້​ວາງ​ກອງ​ຮັກສາ​ຄວາມ​ປອດ​ໄພ​ຢູ່​ຖະໜົນ​ການ​ຄ້າ ເຊິ່ງບ່ອນ​ທີ່​ນັກ​ທ່ອງ​ທ່ຽວ​ຕ່າງປະ​ເທດ​ມາ​ເຕົ້າ​ໂຮມ​ກັນ​ເພື່ອ​ຖ່າຍຮູບ.

ບັນດາສະຖານທີ່ທ່ອງທ່ຽວທີ່ມີຊື່ສຽງ ໄດ້ນຳໃຊ້ລາຍຮັບຈາກພາສີເພື່ອປັບປຸງການລົງຕົວຈິງໃຫ້ນັກທ່ອງທ່ຽວ. ເທດສະບານພັກຕາກອາກາດ ຫິມະ Kutchan ໃນ Hokkaido ຈະນຳໃຊ້ລະດັບພາສີຄົງທີ່2% ສໍາລັບຄ່າຫ້ອງບໍ່ລວມອາຫານ ແລະ ເຄື່ອງດື່ມ, ເມື່ອພັກເຊົາຢູ່ໂຮງແຮມ ຫຼື ເຮື່ອນພັກ. ລາຍຮັບພາສີໃນປີການເງິນ 2023 ຫຼາຍກວ່າ 440 ລ້ານ Yen. ໃນປີການເງິນ 2024, ຈຳນວນເງິນດັ່ງກ່າວ ຈະຖືກນໍາໃຊ້ໃນການແລ່ນລົດເມຟຣີລະຫວ່າງຣີສອດ ແລະ ສະຖານີລົດໄຟທີ່ໃກ້ທີ່ສຸດໃນຊ່ວງລະດູໜາວ ພ້ອມກັນກັບໂຄງການທີ່ຈະຮອງຮັບຄົນຂັບ taxi ຈາກ Sapporo ແລະ Tokyo.

ນອກຈາກບັນດາຜົນປະໂຫຍດທີ່ນຳມາແລ້ວ, ການເກັບພາສີພັກເຊົາຍັງປະສົບກັບບັນຫາບາງຢ່າງ. ທ່ານ Maki Yamashita, ຫົວຫນ້າກຸ່ມຄົ້ນຄວ້າຢູ່ສະຖາບັນຄົ້ນຄວ້າ JTB ໃຫ້ຮູ້ວ່າ ຜູ້ບໍລິຫານຮາກຖານພັກເຊົາ ໄດ້ສະແດງຄວາມກັງວົນຈໍານວນນັກທ່ອງທ່ຽວຈະຫຼຸດລົງ, ໃນຂະນະທີ່ບັນດາແຂວງ, ນະຄອນອາດຈະມີຄວາມຫຍຸ້ງຍາກໃນການປະສານງານກ່ຽວກັບຈໍານວນເງິນທີ່ຕ້ອງການເກັບ.

ຕາມ​ທ່ານ​ Yamashita ​ແລ້ວ, ລັດ​ຖະ​ບານ ຄວນຮຽບຮຽງບັນດາ​ຂໍ້​ແນະ​ນຳ​ກ່ຽວ​ຂ້ອງກັບຄວາມສຳນຶກ​ພາ​ສີພັກເຊົາ. ໃນເດືອນມີນາ 2024, ສະມາຄົມບັນດາຜູ້ບໍລິຫານວິສາຫະກິດ ຍີ່ປຸ່ນ ໄດ້ສະເໜີຮ່າງກົດໝາຍວ່າດ້ວຍການຫັນເປັນກົດໝາຍພາສີພັກເຊົາ ແລະ ນຳໃຊ້ໃນທົ່ວປະເທດຕັ້ງແຕ່ປີ 2026 ຄືເປັນແຫຼ່ງລາຍຮັບທີ່ໝັ້ນຄົງເພື່ອຟື້ນຟູຂະແໜງການທ່ອງທ່ຽວ. ຮ່າງກົດໝາຍດັ່ງກ່າວ ສະ​ເໜີ​ໃຫ້​ນຳ​ໃຊ້​ລະບົບ​ອັດຕາ​ພາສີຄົງທີ່ດ້ວຍລະດັບໜ້ອຍທີ່ສຸດແມ່ນ 3% ຂອງ​ຄ່າພັກເຊົາ.

ຄະ​ນະປະຕິບັດງານຄະ​ນະ​ກຳ​ມະ​ການສູນກາງ​ແນວ​ໂຮມ​ປະ​ເທດ​ຊາດ ​ຫວຽດ​ນາມ ໄປ​ເຮັດ​ວຽກ​ຢູ່ Fukuoka, ຍີ່​ປຸ່ນ ຍສໝ - ແຕ່​ວັນ​ທີ 7-8 ມິຖຸນາ, ຄະ​ນະປະຕິບັດງານ ຫວຽດນາມ​ ໂດຍ​ທ່ານ​ຮອງ​ປະທານ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດນາມ ຫວຽນຮູຍຢຸ້ງ ນຳໜ້າຄະນະ ​ໄປ​ຢ້ຽມຢາມເຮັດ​ວຽກ​ຢູ່ Fukuoka, ຍີ່ປຸ່ນ.

ສື່ມວນຊົນ ຍີ່ປຸ່ນ ໄດ້ໃຫ້ຂ່າວ ແລະ ບົດກ່ຽວກັບການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ ຍີ່ປຸ່ນ ຍສໝ - ໃນລະຫວ່າງວັນທີ 19 – 20 ຕຸລາ, ສື່ມວນຊົນ ຍີ່ປຸ່ນ ໄດ້ໃຫ້ຂ່າວ ແລະ ບົດກ່ຽວກັບການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ ຍີ່ປຸ່ນ Suga Yoshihide.