ໃນປີ 2019, ຂະແໜງການທ່ອງທ່ຽວບັນລຸເປົ້າໝາຍຕ້ອນຮັບແຂກທ່ອງທ່ຽວສາກົນແຕ່ 17,5-18 ລ້ານເທື່ອຄົນ ແລະ ແຂກທ່ອງທ່ຽວພາຍໃນປະເທດ 85 ລ້ານເທື່ອຄົນ, ລາຍຮັບທີ່ໄດ້ມາຈາກແຂກທ່ອງທ່ຽວບັນລຸປະມານ 700.000 ຕື້ດົງ. ໃນຊຸມເດືອນຍັງເຫຼືອຂອງປີ 2019, ຂະແໜງການທ່ອງທ່ຽວຈະສຸມໃສ່ປະຕິບັດບັນດາໜ້າທີ່ຈຸດສຸມ ເພື່ອຊຸກຍຍູ້ທັງຕະຫຼາດແຂກທ່ອງທ່ຽວສາກົນ ແລະ ພາຍໃນປະເທດ.
ໃນນັ້ນ, ຈະເປັນເຈົ້າການສົມທົບກັບບັນດາທອ້ງຖິ່ນ, ວິສາຫະກິດ ແລະ ພິເສດແມ່ນຂະແໜງການບິນ ເພື່ອແນໃສ່ແກ້ໄຂບັນດາຄວາມຫຍຸ້ງຍາກ, ສິ່ງທີ່ຄ້າງຄາໃນວຽກງານການຈັດຕັ້ງຕ້ອນຮັບແຂກທ່ອງທ່ຽວຢູ່ບາງສະຖານທີ່ທ່ອງທ່ຽວຈຸດສຸມ.
 |
ພາບປະກອບ
ເພື່ອບັນລຸເປົ້າໝາຍຕ້ອນຮັບ ແລະຮັບໃຊ້ນັກທ່ອງທ່ຽວໃຫ້ໄດ້ 103 ລ້ານເທື່ອຄົນ, ໃນນັ້ນມີນັກທ່ອງທ່ຽວສາກົນປະມານ 18 ລ້ານເທື່ອຄົນ ແລະນັກທ່ອງທ່ຽວພາຍໃນປະເທດ 85 ລ້ານເທື່ອຄົນ ແລະບັນລຸລາຍຮັບຈາກການທ່ອງທ່ຽວໃຫ້ໄດ້ທັງໝົດ 700.000 ຕື້ດົ່ງ ຄືເປົ້າໝາຍທີ່ໄດ້ວາງອອກ, ຂະແໜງທ່ອງທ່ຽວຈະຕ້ອງສຸມໃສ່ຜັນຂະຫຍາຍມາດຕະການຫຼາຍຢ່າງກວ່າອີກເພື່ອແນໃສ່ຊຸກຍູ້ການເຕີບໂຕໃນຊຸມເດືອນທ້າຍປີ 2019.
ເຖິງຢ່າງໃດກໍ່ຕາມ, ເພື່ອບັນລຸເປົ້າໝາຍດັ່ງກ່າວ, ຂະແໜງທ່ອງທ່ຽວຈະຕ້ອງສຸມໃສ່ປະຕິບັດໜ້າທີ່, ມາດຕະການຫຼາຍຢ່າງເພື່ອຊຸກຍູ້ການທ່ອງທ່ຽວເຕີບໂຕ. ໃນຕໍ່ໜ້າແມ່ນຈັດຕັ້ງບັນດາເຫດການ ແລະກິດຈະກຳສົ່ງເສີມ, ໂຄສະນາເຜີຍແຜ່ຢ່າງມີປະສິດທິຜົນກວ່າເກົ່າ, ໂດຍສະເພາະແມ່ນຢູ່ບັນດາຕະຫຼາດ, ຄື: ໄຕ້ຫວັນ, ອາເມລິກາ, ຍີ່ປຸ່ນ, ຈີນ.
 |
ພາບປະກອບ
ນອກຈາກນັ້ນ, ໃນທ້າຍປີ 2019, ແຜນການພັດທະນາການທ່ອງທ່ຽວເຂດສາມລ່ຽມພັດທະນາ ກໍາປູເຈຍ-ລາວ-ຫວຽດນາມ ຈະໄດ້ຮັບການປັບປຸງ ແລະຍື່ນສະເໜີຕໍ່ນາຍົກລັດຖະມົນຕີ. ບັນດາຂໍ້ຕົກລົງກ່ຽວກັບກົນໄກ, ນະໂຍບາຍໜູນຊ່ວຍບັນດາແຂວງຊາຍແດນພັດທະນາການທ່ອງທ່ຽວທີ່ຕິດພັນກັບການອະນຸລັກຮັກສາວັດທະນະທໍາຂອງຊົນເຜົ່າສ່ວນໜ້ອຍ, ລະບຽບການຄຸ້ມຄອງ, ການດໍາເນີນທຸລະກິດແບບໂຮມສະເຕ, ແບບເຮືອນວິນລາກໍ່ຈະໄດ້ປະກາດໃຊ້ໃນຊ່ວງເວລານີ້.
（ໄຊພອນ）
