| ປຶ້ມພາສາ ຫວຽດນາມ - ຂອງຂວັນທີ່ແທດຈິງໃຫ້ແກ່ຊາວ ຫວຽດນາມ ອາໄສຢູ່ ສ.ເກົາຫຼີ. | |
| ທ່ານປະທານ EC ຕີລາຄາສູງບັນດາຄວາມມານະພະຍາຍາມຂອງຫວຽດນາມ ກ່ຽວກັບການຕ້ານການຫາປາ IUU |
ໃນຂອບເຂດການຢ້ຽມຢາມ, ຕອນບ່າຍວັນທີ 30 ພຶດສະພາ, ທ່ານລັດຖະມົນຕີການຕ່າງປະເທດ ບຸຍແທັງເຊີນ ໄດ້ໃຫ້ການຕ້ອນຮັບທ່ານ Kwon Sung Taek ປະທານສະມາຄົມແລກປ່ຽນເສດຖະກິດ ແລະ ວັດທະນະທຳ ສ.ເກົາຫຼີ - ຫວຽດນາມ (KOVECA).
ທີ່ການຕ້ອນຮັບ, ທ່ານລັດຖະມົນຕີ ບຸຍແທັງເຊີນ ໃຫ້ຮູ້ວ່າ: ການຢ້ຽມຢາມ ສ.ເກົາຫຼີ ຄັ້ງນີ້ ຖືເປັນສຳຄັນການສົມທົບກັບລັດຖະມົນຕີການຕ່າງປະເທດ ສ.ເກົາຫຼີ ເພື່ອແນໃສ່ຊຸກຍູ້ການຜັນຂະຫຍາຍບັນດາຂໍ້ຕົກລົງຂັ້ນສູງລະຫວ່າງ 2 ປະເທດ, ໃນນັ້ນມີການກວດກາຄືນບັນດາໂຄງການດຳເນີນງານເພື່ອຜັນຂະຫຍາຍຍຸດທະສາດຮອບດ້ານ ຫວຽດນາມ - ສ.ເກົາຫຼີ ການຮ່ວມມືຍຸດທະສາດທີ່ລັດຖະບານສອງປະເທດໄດ້ລົງນາມໃນໂອກາດທີ່ທ່ານປະທານປະເທດ Yoon Suk Yeol ມາຢ້ຽມຢາມຫວຽດນາມ ໃນເດືອນ ມິຖຸນາ 2023.
 |
ທ່ານລັດຖະມົນຕີການຕ່າງປະເທດ ບຸຍແທັງເຊີນ ໄດ້ໃຫ້ການຕ້ອນຮັບທ່ານ Kwon Sung Taek ປະທານ KOVECA. |
ທ່ານລັດຖະມົນຕີ ບຸຍແທັງເຊີນ ຢືນຢັນວ່າ, ກຽດສັກສີ, ຄວາມກະຕືລືລົ້ນ ແລະ ການອຸທິດຕົນຢ່າງບໍ່ອິດເມື່ອຍຂອງບັນດາສະມາຊິກ KOVECA ໄດ້ປະກອບສ່ວນຮັດແໜ້ນສາຍພົວພັນມິດຕະພາບລະຫວ່າງປະຊາຊົນສອງປະເທດ, ຊຸກຍູ້ການຮ່ວມມືຫຼາຍດ້ານລະຫວ່າງ 2 ປະເທດ.
ທ່ານຫົວໜ້າຄະນະພົວພັນຕ່າງປະເທດຫວຽດນາມ ເຊື່ອໝັ້ນວ່າ KOVECA ແລະ ບັນດາສະມາຊິກຈະສືບຕໍ່ນຳໜ້າ, ເສີມຂະຫຍາຍບົດບາດຫຼັກໝັ້ນໃນການຊຸກຍູ້ການພົວພັນຮ່ວມມືອັນດີງາມລະຫວ່າງ 2 ປະເທດ; ຊຸກຍູ້ບັນດາວິສາຫະກິດ ສ.ເກົາຫຼີ ເພີ່ມທະວີການຮ່ວມມືດ້ານການລົງທຶນ ແລະ ການຄ້າກັບ ຫວຽດນາມ; ສົມທົບກັນໜູນຊ່ວຍ, ປົກປັກຮັກສາ, ສ້າງເງື່ອນໄຂສະດວກໃຫ້ປະຊາຄົມຊາວຫວຽດນາມ ອາໄສ, ເຮັດວຽກ ແລະ ຮ່ຳຮຽນຢູ່ ສ.ເກົາຫຼີ.
ປາດຖະໜາວ່າ ສະມາຄົມເອົາໃຈໃສ່ ແລະ ໜູນຊ່ວຍບັນດາຄອບຄົວຫຼາຍດ້ານວັດທະນະທຳ ສ.ເກົາຫຼີ - ຫວຽດນາມ, ທ່ານລັດຖະມົນຕີຖືວ່າ ສິ່ງດັ່ງກ່າວຈະປະກອບສ່ວນເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ.
ຂອບໃຈຢ່າງເລິກເຊິ່ງຕໍ່ການສະໜັບສະໜູນຂອງລັດຖະມົນຕີ ແລະກະຊວງການຕ່າງປະເທດຫວຽດນາມ ສໍາລັບການເຄື່ອນໄຫວຂອງສະມາຄົມ, ທ່ານປະທານສະມາຄົມ Kwon Sung Taek ຕີລາຄາສູງການສະໜັບສະໜູນໃນການຈັດຕັ້ງບັນດາການເຄື່ອນໄຫວຮ່ວມມືດ້ານເສດຖະກິດ, ແລກປ່ຽນວັດທະນະທໍາຢູ່ຫວຽດນາມ; ຢືນຢັນຈະສືບຕໍ່ມານະພະຍາຍາມພັດທະນາການພົວພັນຫວຽດນາມ - ສ.ເກົາຫຼີ ແລະ ເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງປະຊາຊົນສອງປະເທດໃນໄລຍະຈະມາເຖິງ.
ຄຳຮຸ່ງ
