 |
ພາບຄວາມປະທັບໃຈໃນລາຍການຄັ້ງນີ້.
ເຂົ້າຮ່ວມໂຄງການດັ່ງກ່າວມີບັນດາ ສະຫາຍ ເຈືອງ ຮວ່າ ບິ່ງ, ກຳມະການກົມການເມືອງ, ຮອງນາຍົກລັດຖະມົນຕີຄະນະປະຈຳລັດຖະບານ; ສະຫາຍ ພົນໂທ ເລ ຮ່ຽນ ເວິນ, ຮອງຫົວໜ້າກົມໃຫຍ່ການເມືອງທະຫານປະຊາຊົນຫວຽດນາມ; ສະຫາຍ ພົນໂທ ເລ ວັນ ເຮິນ ປະທານສະມາຄົມຜູ້ຊ່ວຍເຫຼືອຄອບຄົວວິລະຊົນຫວຽດນາມ...
 |
ບັນຍາກາດການສະແດງຂອງສິນລະປະກອງທັບປະຊາຊົນຫວຽດນາມ.
ກ່າວຄຳເຫັນໃນງານສິລະປະດັ່ງກ່າວ ສະຫາຍ ພົນໂທ ເລ ວັນ ເຮິນ , ປະທານສະມາຄົມຜູ້ຊ່ວຍເຫຼືອຄອບຄົວວິລະຊົນຫວຽດນາມ ກ່າວວ່າ: ລາຍການສິນລະປະຄັ້ງນີ້ "ສຽງເພງຂອງທະຫານຊາຍແດນຜູ້ອົງອາດ "ເພື່ອແນໃສ່ສະແດງເຖິງຈິດໃຈຮູ້ບຸນຄຸນ ກໍ່ຄື ກະຕັນຍູກະຕະເວທີ ຕໍ່ກັບບັນດາຜູ້ທີ່ອຸທິດຕົນເພື່ອປະເທດຊາດ ແລະ ບ້ານເກີດເມືອງນອນ; ເພື່ອລະນຶກເຖິງ ແລະ ຮູ້ບຸນຄຸນບັນດາວິລະຊົນຜູ້ອົງອາດກ້າຫານ ເສຍສະຫຼະຊີວິດຂອງຕົນ ເພື່ອຄວາມເປັນເອກະລາດ, ເສລີພາບຂອງຊາດ, ໂດຍສະເພາະແມ່ນອົງອາດກ້າຫານຍອມເສຍສະຫຼະຊີວິດດຂອງຕົນ ເພື່ອປົກປັກຮັກສາຊາຍແດນພາກເໜືອ ແລະ ພາກຕາເວັນຕົກສ່ຽງໃຕ້. ນອກຈາກນັ້ນ, ກໍ່ແມ່ນເພື່ອເປັນການສັນລະເສີນບັນດານັກຮົບ, ທະຫານທີ່ກຳລັງຄຳ່ຄືນມືຖືປືນປົກປັກຮັກສາຊາຍແດນ, ໜ່ານນໍ້າ, ໜ່ານຟ້າ ອັນສັກສິດຂອງຊາດ...
ໃນຂອບເຂດລາຍການ, ຮອງນາຍົກຄະນະປະຈຳລັດຖະບານ ເຈືອງ ຮ່ວາ ບິ່ງ, ພົນໂທ ເລ ວັນ ເຮິນ ໄດ້ມອບດອກໄມ້, ຂອງຂວັນ ແລະ ປື້ມເງິນຝາກປະຢັດ ມູນຄ່າ 5 ລ້ານດົ່ງ/ຫົວ ໃຫ້ແກ່ແມ່ວິລະຊົນຫວຽດນາມ.
ໃນງານການສະແດງ, ມີສິນລະປະວັນນະຄະດີ ຫຼາຍລາຍການ, ສະແດງພາບ, ໜັງເອກະສານ ເລົ່າເຖິງນໍ້າໃຈເສຍສະຫຼະ ອັນອົງອາດກ້າຫານ ເພື່ອປົກປັກຮັກສາຄວາມເປັນເອກະລາດຂອງປະຊາຊົນບັນດາເຜົ່າ ໄດ້ຮັບການສະແດງຢ່າງລະອຽດ ແລະ ສົມຈິງ ໂດຍການສະແດງຂອງນັກສິລະປິນ ຂອງຄະນະຟ້ອນ ທະຫານເຂດ 1, ໄດ້ສ້າງຄວາມຊາບຊື້ງໃຈໃຫ້ແກ່ຜູ້ມາຢ້ຽມຊົມ.
（ຫັດທະບູນ）
