| ຫໍພິພິທະພັນແມ່ຍິງຫວຽດນາມ ຮັບເອົາວັດຖຸພັນ ໂດຍບັນດາ ພົນທະຫານຍິງ “ໝວກເບເລສີຂຽວ” ມອບໃຫ້ | |
| ຫໍພິພິທະພັນດົງທາບແມ່ນສະຖານທີ່ທ່ອງທ່ຽວທີ່ດູດດື່ມສຳລັບ ແຂກທ່ອງທ່ຽວທັງຫຼາຍເມື່ອມາຢ້ຽມຢາມແຂວງດົງທາບ |
 |
| ບົດຂຽນກ່ຽວກັບຫໍພິພິທະພັນໂລກກາເຟໄດ້ລົງຢູ່ National Geographic ທີ່ເປັນພາສາສະເປນ (ພາບ: congly.vn) |
ດ້ວຍຫົວຂໍ້ “ບ່ອນທີ່ນັກທ່ອງທ່ຽວສາມາດໝົກໝຸ້ນໃນວັດທະນະທຳກາເຟ ແລະ ລືມ Starbucks ຢູ່ ອາຊີຕາເວັນອອກສ່ຽງໃຕ້”, ຜູ້ຂຽນ Jose Alexander Adamuz, ເຊິ່ງເປັນນັກຂ່າວການທ່ອງທ່ຽວຂອງ National Geographic ຖືວ່າ: "ເຖິງແມ່ນວ່າຈະບໍ່ແມ່ນຫໍພິພິທະພັນກາເຟໜຶ່ງດຽວໃນໂລກ, ແຕ່ແນ່ນອນວ່າແຫ່ງນີ້ຈະແມ່ນຫໍພິພິທະພັນທີ່ມີທັດສະນະ 'ຄວາມໄຝ່ຫວັງ' ທີ່ສຸດໃນດ້ານກາເຟ: "ກາເຟແມ່ນສິ່ງປະເສີດຂອງຈັກກະວານ, ເຊິ່ງແມ່ນມໍລະດົກຂອງມະນຸດ ແລະ ຈະແມ່ນວິທີແກ້ໄຂໃຫ້ອະນາຄົດ".
ຫໍພິພິທະພັນໂລກກາເຟ (ຂອງ Trung Nguyen Legend) ໄດ້ໄຂຂຶ້ນໃນປີ 2018 ດ້ວຍການມອບຊຸດສະສົມວັດຖຸພັນຈາກຫໍພິພິທະພັນ Jens Burg ຢູ່ ເຢຍລະມັນ, ພ້ອມກັບເປົ້າໝາຍຄື ຫັນ ຫວຽດນາມ ກາຍເປັນເມືອງກາເຟຂອງໂລກ, ເຊິ່ງເປັນເລື່ອງທີ່ສົມເຫດສົມຜົນ ເພາະວ່າ ຫວຽດນາມ ເປັນປະເທດທີ່ມີການສົ່ງອອກກາເຟທີ່ໃຫຍ່ທີສອງຂອງໂລກ, ພຽງແຕ່ຢືນຢູ່ຖັດຈາກປະເທດ ບຣາຊິນ. ໂດຍການຕັ້ງຢູ່ໃນເຂດສະຖາປັດຕະຍະກຳທີ່ໂດດເດັ່ນ, ຫໍພິພິທະພັນໂລກກາເຟ ໄດ້ເອົາຄວາມຮູ້ສຶກມາຈາກສະໄຕສະຖາປັດຕະຍະກຳເຮືອນຍາວຂອງຊາວເຜົ່າ ເອເດ, ແຂວງ ດັກລັກ, ເຂດ ໄຕງວຽນ. ໃນລະຫວ່າງການທ່ອງທ່ຽວ, ນັກທ່ອງທ່ຽວຈະໄດ້ເຊື່ອມຕໍ່ກັບບັນດາຫົວຂໍ້ສະເພາະ, ເຊິ່ງເປັນບ່ອນທີ່ເຂົາເຈົ້າສາມາດໝົກໝຸ້ນຕົນເອງໃນວັດທະນະທໍາກາເຟໂດຍຜ່ານອາໄວຍະວະສໍາຜັດດ້ວຍອິນຊີ. "ທ່ານສາມາດດົມ, ຊີມ, ແຕະກາເຟ, ພ້ອມກັນນັ້ນ ກໍໄດ້ຮັບເອົາຂໍ້ມູນ ແລະ ເຫດການທີ່ຫນ້າສົນໃຈກ່ຽວກັບເຄື່ອງດື່ມທີ່ເຮັດໃຫ້ໂລກມີການສັ່ນສະເທືອນ," National Geographic ແນະນໍາ.
ນີ້ບໍ່ແມ່ນຄັ້ງທຳອິດທີ່ຫໍພິພິທະພັນໂລກກາເຟ ໄດ້ຮັບການຍ້ອງຍໍຈາກອົງການຂ່າວສາກົນ. ນັບຕັ້ງແຕ່ມື້ເປີດເພື່ອຕ້ອນຮັບແຂກໃນທ້າຍປີ 2018, ຫໍພິພິທະພັນໂລກກາເຟ ໄດ້ມີຫຼາຍຊ່ອງຂອງສື່ມວນຊົນສາກົນທີ່ມີຊື່ສຽງໃນໂລກ ກ່າວວ່າ: "ຫໍພິພິທະພັນທີ່ມີຊີວິດໃຫຍ່ທີ່ສຸດ - ມີຊີວິດຊີວາ ແລະ ພິເສດທີ່ສຸດ." (AP); “ ເປັນ 6/17 ສະຖານທີ່ທີ່ດີທີ່ສຸດເມື່ອມາຫວຽດນາມ” (ວາລະສານທ່ອງທ່ຽວອັງກິດ, Wanderlust); ART TV (ໂທລະພາບຕວກກີ)…
ຫອມມາລາ
