| ຫວຽດນາມ ນອນໃນ top 3 ປະເທດທີ່ມີພື້ນຖານເສດຖະກິດສົ່ງອອກສິນຄ້າທີ່ສ້າງສັນອັນດັບໜຶ່ງໃນໂລກ | |
| ອາກຊັງຕິນ ຖື ຫວຽດນາມ ເປັນທ້ອງຕະຫຼາດສຳຄັນທີ່ສຸດໃນ ອາຊຽນ |
ໃນພາກພື້ນ ອາຊີ, ຫວຽດນາມ ໄດ້ຈັດຢູ່ອັນດັບສູງກ່ວາ ໄທ, ມາເລເຊຍ, ຈີນ ແລະ ມົງໂກລີ ໃນ top 10. ອັນດັບທີ 1 ຂອງ top 10 ປະເທດທີ່ມີຄວາມສຸກທີ່ສຸດໃນ ອາຊີ ແມ່ນ ສິງກະໂປ. ນີ້ແມ່ນປີທີສອງລຽນຕິດທີ່ປະເທດ ສິງກະໂປ ໄດ້ຮັບການຈັດຢູ່ອັນດັບນີ້. ສິງກະໂປ ໄດ້ຈັດອັນດັບທີ 30 ໃນຈຳນວນ 143 ສະຖານທີ່ທີ່ໄດ້ຮັບການສຳຫຼວດໃນການຄົ້ນຄ້ວາທີ່ປະກາດໃນວັນຄວາມສຸກສາກົນ.
 |
| ຫວຽດນາມ ຫຍັບຂຶ້ນ 11 ອັນດັບໃນບັນຊີລາຍຊື່ບັນດາປະເທດທີ່ມີຄວາມສຸກທີ່ສຸດໃນໂລກ (ພາບ: ຕູງດິ່ງ) |
ບັນດາພື້ນຖານເສດຖະກິດທີ່ຈັດຢູ່ອັນດັບຖັດຈາກ ສິງກະໂປ ລວມມີ ໄຕ້ຫວັນ (ຈີນ), ຍີ່ປຸ່ນ, ສ.ເກົາຫຼີ ແລະ ຟີລິບປິນ. ຕາມລາຍງານ ແລ້ວ, ມຽນມາ, ກຳປູເຈຍ, ອິນເດຍ, ສີລັງກາ ແລະ ບັງກລາເທດ ນອນໃນບັນດາປະເທດທີ່ມີຄວາມສຸກໜ້ອຍທີ່ສຸດໃນ ອາຊີ.
ດ້ວຍອັນດັບ 54 ໃນໂລກ, ຫວຽດນາມ ໄດ້ຫຍັບຂຶ້ນ 11 ອັນດັບເມື່ອທຽບໃສ່ປີ 2023.
ແຟງລັງ ໄດ້ຮັບຕຳແໜ່ງປະເທດທີ່ມີຄວາມສຸກທີ່ສຸດໃນໂລກ ເປັນປີທີ 7 ລຽນຕິດ. ບັນດາອັນດັບຕໍ່ໄປໃນ top 10 ລວມມີ ດານມາກ, ອຽກລັງ, ຊູແອດ, ອິດສະຣາແອນ, ເນເທີແລນ, ນອກແວ, ລຸກຊຳບວກ, ສະວິດ ແລະ ອົດສະຕາລີ.
ບົດລາຍງານຍັງບອກຊື່ປະເທດທີ່ມີຄວາມສຸກທີ່ສຸດກັບຄົນທີ່ມີອາຍຸຕ່ໍາກວ່າ 30 ປີເຊັ່ນ ລິດຕັວນີ, ອິດສະຣາແອນ, ແຊັກບີ, ຊູແອດ, ດານມາກ ຫຼື ລຸກຊຳບວກ.
ບັນດາປະເທດເຂດ ເອີຣົບເໜືອ ເຊັ່ນ ດານມາກ, ແຟງລັງ, ນອກແວ, ຊູແອດ ແລະ ອຽກລັງ ເປັນດິນແດນສຳລັບຄົນທີ່ອາຍຸຫຼາຍກວ່າ 60 ປີດໍາລົງຊີວິດຢ່າງມີຄວາມສຸກທີ່ສຸດ.
ບົດລາຍງານຄວາມສຸກໂລກ ໄດ້ສັງລວມຂໍ້ມູນຈາກສະມາຄົມສໍາຫຼວດ Gallup World Poll, ໂດຍນັກຄົ້ນຄວ້ານຳໜ້າຂອງໂລກ ແລະ ນັກວິທະຍາສາດດ້ານສຸຂະພາບ ຈຳນວນໜຶ່ງ ຄົ້ນຄວ້າ.
ມິງດຶກ
